Lajmet

Afganistan: Talibanët premtuan ‘amnisti për të gjithë’, por ata janë përgjegjës për shumicën e dhunës kundër civilëve

Njohësit e kësaj çështje besojnë se dhuna në Afganistan është drejtuar kryesisht kah individët dhe grupet.

Published

4 years ago

on

Dhjetë muaj prej kur talibanët morën pushtetin në Afganistan dhe premtuan ‘aministi’ për të gjithë, të dhënat sugjerojnë se ata janë autorët më të mëdhenj të dhunës në Afganistan – duke lënë të vdekur të paktën 341 njerëz.

Që nga dhjetori i vitit 2021, kur Kabuli ra në duart e talibanëve – Armed Conflict Location and Event Project (ACLED) regjistroi 818 incidente të dhunës ndaj civilëve – dhe më shumë se gjysma e tyre dyshohet se janë kryer nga talibanët.

Habib Khan, themeluesi i Afghan Peace Watch, që punon me ACLED për të gjurmuar dhunën politike, tha se shifrat mund të jenë edhe më të larta.

Ai tha: “Ne besojmë se shumica e dhunës që kemi koduar në kategorinë e grupeve të armatosura të paidentifikuara (35% në total) është kryer nga talibanët”.

Për shkak të burimeve të kufizuara, ekipi i Khan i klasifikon këto incidente si të kryera nga grupe të paidentifikuara. Incidentet e regjistruara janë realizuar me IED (pajisje shpërthyese të improvizuara), bomba vetëvrasëse dhe granatime, por ka edhe dhunë të shënjestruar kundër civilëve si sulme, dhunë seksuale dhe rrëmbime të detyruara.

Khan tha se “pavarësisht amnistisë, talibanët po synojnë sistematikisht ish-anëtarë të forcave afgane të mbrojtjes dhe sigurisë”, si dhe gra, aktivistë dhe gazetarë.

Nuk janë vetëm talibanët

Disa nga sulmet e grupeve të paidentifikuara kanë ndodhur në zonat e Afganistanit që talibanët i kanë nën kontroll të plotë, si në jug. Është e mundur që ato janë grupe të lidhura me Shtetin Islamik ose fraksione të tjera të armatosura.

Ekipi i Khan ka vëzhguar Shtetin Islamik, ku po rriten sulmet në Afganistanin lindor dhe verior. Grupi u përball me sulme qëkur talibanët morën kontrollin, ku mbetën të vdekur të paktën 377 civilë. Ndërsa besohet se Shteti Islamik ka vrarë më shumë civilë se talibanët, pothuajse gjysma e shifrës vjen nga sulmi i 26 gushtit të vitit 2021, në aeroportin e Kabulit, ku mbetën të vdekur 170 civilë. Talibanët gjithashtu kanë kryer shtatë herë më shumë akte dhune kundër civilëve.

Talibanët përgjigjen

Numri i ngjarjeve në të cilat civilët kanë qenë viktima të dhunës në vend ka rënë në përgjithësi qëkur talibanët erdhën në pushtet. Por kjo është kryesisht për shkak të përfundimit të konfliktit i cili filloi në vitin 2001. Bashkë me të u pa edhe një ulje e rasteve të dhunës gjatë luftës si bombardimet, sulmet ajrore dhe IED.

Njohësit e kësaj çështje besojnë se dhuna në Afganistan është drejtuar kryesisht kah individët dhe grupet.

Dr Roudabeh Kishi, drejtoreshë e kërkimit dhe inovacionit në ACLED, tha se “ne po shohim shumë më tepër një lloj shënjestrimi të drejtpërdrejtë (të civilëve), qoftë nga duart e talibanëve, të cilët janë shumë prej tyre, por edhe nga Shteti Islamik dhe grupe të armatosura të paidentifikuara”.

Në një raport të fundit, Komiteti i Punëve të Jashtme paralajmëroi se talibanët kanë kryer vrasje dhe sulme të synuara. Zyra e Jashtme ka thënë gjithashtu se ka prova se regjimi po i përgjigjet presionit ndërkombëtar mbi të drejtat e njeriut./UBTNews/

Related Topics:
Continue Reading

Lajmet

Qeveria miraton vendime preliminare për shpronësime në disa projekte infrastrukturore

Published

1 hour ago

on

December 19, 2025

By

Qeveria e Kosovës, në mbledhjen e mbajtur të premten, ka miratuar vendimin preliminar për shpronësim për interes publik të pronave të paluajtshme ish-shoqërore të Ndërmarrjes Shoqërore Industria e Mobileve “Përparimi”, si dhe të pronave private, për nevoja të institucioneve shtetërore të Republikës së Kosovës.

Në të njëjtën mbledhje, Qeveria ka miratuar edhe vendimin preliminar për shpronësim për interes publik të pronave të paluajtshme që preken nga realizimi i projektit “Ndërtimi i Kyçjes së Vitisë në Autoudhën ‘Arbër Xhaferi’, Prishtinë – Hani i Elezit”.

Po ashtu, është miratuar vendimi për shqyrtimin e mëtejmë të kërkesës për interes publik të pronave të paluajtshme që preken nga realizimi i projektit “Ndërtimi i Rrugës Tranzit në Klinë, nga N9 deri në R-104”, Klinë – Gurakoc.

Gjatë kësaj mbledhjeje, Qeveria ka marrë gjithashtu vendim për shqyrtimin e mëtejmë të kërkesës për interes publik të pronave të paluajtshme që preken nga realizimi i projektit “Zgjerimi i Rrugës Nacionale M25 Prishtinë – Podujevë”.

Continue Reading

Lajmet

Nëse kualifikohet në botëror, Kosova fiton rreth 10.5 milionë dollarë

Published

2 hours ago

on

December 19, 2025

By

FIFA e ka aprovuar rritjen prej 50% të fondit të shpërblimeve për Kupën e Botës, dhe sipas kësaj rritje, fituesi do t’i merrte plot 50 milionë dollarë, derisa nënkampioni 33 milionë dollarë.

Kurse, ata që dështojnë të kualifikohen tutje nga faza grupore, do t’i marrin 9 milionë dollarë.

Derisa, kostoja shtesë për përgatitje shkon deri në 1.5 milion dollarë. Pra, nga kjo përllogaritje, del se një kombëtare që arrijnë të kualifikohet i ka të garantuara 10.5 milionë dollarë.

Në këtë rast, nëse edhe Kosova e arrijnë këtë sukses historik pas ndeshjeve të playoff-it do t’i marrë të paktën kaq para.

Pas mbledhjes së Komitetit Ekzekutiv të shtëpisë më të madhe të futbollit, 727 milionë dollarë, do të shpërndahen mes federatave anëtare si rezultat i Botërorit 2026.

Nga kjo shumë, 655 milionë dollarë do të ndahen si shpërblime direkte për kombëtaret pjesëmarrëse.

Presidenti i FIFA-s, Gianni Infantino, u shpreh se Botërori 2026 do të jetë revolucionar për kontributin financiar ndaj futbollit global.

FIFA pret të arkëtojë 13 miliardë dollarë gjatë ciklit 2022–2026, pothuajse dyfish më shumë se cikli paraprak, rritje që lidhet kryesisht me zgjerimin e Kupës së Botës dhe Botërorit të Klubeve.

Kampionati i ardhshëm botëror zhvillohen në tri shtete, ShBA, Kanada dhe Meksikë, nga 11 qershori i 2026-tës e deri më 19 korrik./S.K/EO/

Continue Reading

Lajmet

Gjilani ndalon përdorimin e fishekzjarreve

Published

2 hours ago

on

December 19, 2025

By

Në prag të festave të fundvitit, Komuna e Gjilanit ka marr vendim për ndalimin e përdorimit të mjeteve piroteknike.

Sipas njoftimi të komunës, përdorimi i mjeteve piroteknike ndalohet në vendet e hapura publike, përkatësisht në tregje, rrugë e sheshe.

Ndalesa sipas kësaj urdhërese vlen për periudhën 20 dhjetor 2025 deri më 03 janar 2026, përjashtuar nga kjo ndalesë periudhën kohore nga ora 23:30 të datës 31.12.2025 deri në orën 00:30 të datës 01.01.2026.

“Personat të cilët veprojnë në kundërshtim me këtë urdhëresë do të gjobiten në shumë prej 100 euro”, thuhet në urdhëresën e kryetarit Alban Hyseni.

Continue Reading

Lajmet

Paris Saint-Germain fiton trofeun e gjashtë sezonal pas një drame penalltish ndaj Flamengos

Published

3 hours ago

on

December 19, 2025

By

Paris Saint-Germain është shpallur fitues i Kupës Ndërkontinentale, duke mposhtur Flamengon në finale pas një serie dramatike penalltish, pasi koha e rregullt dhe vazhdimet nuk dhanë fitues.

PSG e nisi ndeshjen me ritëm të lartë, duke krijuar disa raste që në minutat e para. Një gol i Fabian Ruiz në minutën e 9-të u anulua pas rishikimit me VAR, pasi topi kishte dalë jashtë fushës gjatë aksionit.

Goli i parë i ligjshëm erdhi në minutën e 38-të, kur Khvicha Kvaratskhelia përfitoi nga një pasim perfekt dhe e dërgoi topin në rrjetë, duke i dhënë epërsinë PSG-së 1-0. Pjesa e parë u karakterizua nga ndërhyrje të forta dhe kartonë të verdhë për të dyja skuadrat.

Në pjesën e dytë, Flamengo reagoi dhe shtoi presionin. Momenti kyç erdhi në minutën e 60-të, kur pas një faulli në zonë, gjyqtari Ismail Elfath u thirr nga VAR dhe akordoi një penallti për brazilianët.

Në serinë e penalltive, më të saktë dolën lojtarët e PSG, duke fituar 2-1 dhe duke ngritur trofeun e Kupës Ndërkontinentale për klubin francez.

Ky triumf vjen pas një ndeshjeje të balancuar dhe dramatike, që dëshmoi fuqinë dhe qetësinë e lojtarëve të PSG-së në momentet vendimtare. /S.K/EO/

Continue Reading

Të kërkuara