Lajmet

Afganistan: Talibanët do t’i kthejnë ish-bazat ushtarake në zona ekonomike

Vendi është përballur me një krizë të thelluar ekonomike dhe humanitare që nga 2021.

Published

3 years ago

February 25, 2023

UBT news

Qeveria talibane e Afganistanit thotë se do t’i kthejë disa ish-baza ushtarake të huaja në zona ekonomike për bizneset.

Afganistani është përballur me një krizë të thelluar ekonomike dhe humanitare që kur talibanët rimorën kontrollin e vendit në gusht 2021.

Forcat e huaja ushtarake kishin qenë në vend për dy dekada, përcjell UBT News.

Vendimi u njoftua nga zëvendëskryeministri në detyrë për çështjet ekonomike, Mullah Abdul Ghani Baradar.

“U vendos që Ministria e Industrisë dhe Tregtisë të merr në mënyrë progresive kontrollin e bazave të mbetura ushtarake të forcave të huaja me qëllimin e shndërrimit të tyre në zona të veçanta ekonomike”, tha ai.

Ai shtoi se projekti do të fillojë në disa pjesë të Kabulit dhe provincën veriore të Balkh, por nuk dha shumë detaje.

“Talibanëve u duhet dëshpërimisht të rrisin arkat e tyre nëse duan të qeverisin më mirë dhe të arrijnë një legjitimitet të brendshëm”, i tha BBC-së Muhammad Faizal Bin Abdul Rahman nga Shkolla S Rajaratnam e Studimeve Ndërkombëtare në Singapor.

“Më e rëndësishmja, talibanët duhet të provojnë angazhimin e tyre ndaj planifikimit ekonomik. Kjo përfshin krijimin e zonave të sigurta pranë kryeqytetit dhe kufijve për investitorët e huaj të mundshëm si kinezët… dhe për të ringjallur tregtinë rajonale me vendet fqinje”, shtoi ai.

Afganistani vlerësohet të ketë burime natyrore – duke përfshirë gazin natyror, bakrin dhe tokat e rralla – me vlerë më shumë se 1 trilion dollarë (831.5 miliardë paund).

Megjithatë, shumica e këtyre rezervave mbeten të pashfrytëzuara për shkak të trazirave gjatë dekadave në vend.

Në gusht 2021, fluturimi i fundit ushtarak amerikan u largua nga aeroporti i Kabulit, duke shënuar fundin e një pranie 20-vjeçare në Afganistan dhe luftën më të gjatë të Amerikës.

Konflikti ka vrarë dhjetëra mijëra njerëz dhe ka zhvendosur miliona të tjerë.

Që nga tërheqja e forcave të huaja ushtarake, financat e Afganistanit janë goditur nga një sërë çështjesh të tjera kryesore. Sanksionet janë vendosur ndaj anëtarëve të qeverisë, asetet e bankës qendrore jashtë shtetit janë ngrirë dhe shumica e ndihmave të huaja – të cilat më parë kanë mbështetur ekonominë e vendit – tani janë pezulluar.

Në fillim të këtij viti, talibanët thanë se planifikonin të nënshkruanin një kontratë me një firmë kineze për shpimin e naftës në Afganistanin verior.

Marrëveshja 25-vjeçare nënvizon përfshirjen ekonomike të Kinës në rajon.

Pekini nuk e ka njohur zyrtarisht administratën talibane të Afganistanit, por ai ka interesa të rëndësishme në vend, i cili është në qendër të një rajoni të rëndësishëm për Iniciativën e Kinës “Një brez dhe një rrugë”.

Nisur nga Xi Jinping në 2013, iniciativa ofron financim për vendet në zhvillim për të ndërtuar infrastrukturë si portet, rrugët dhe urat./UBTNews/

Vendi

Votohet Qeveria Kurti me 66 vota pro

Published

2 hours ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Vendi

Kurti prezanton kabinetin e ri qeveritar

Published

2 hours ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.

Vendi

Osmani cakton Kurtin mandatar për formimin e Qeverisë së re

Published

4 hours ago

February 11, 2026

ubtnews

Presidentja e Republikës së Kosovës, Vjosa Osmani – Sadriu, ka caktuar Albin Kurtin mandatar për formimin e Qeverisë së re të Kosovës.

Përmes një njoftimi publik, Presidentja bëri të ditur se vendimi është marrë në përputhje me Kushtetutën e Republikës së Kosovës, duke i dhënë kështu kryetarit të Lëvizjes Vetëvendosje mandatin për formimin e ekzekutivit të ri. Ky hap vjen pas përmbylljes së procedurave të nevojshme institucionale dhe hap rrugën për krijimin e kabinetit të ri qeveritar.

Presidentja Osmani i uroi suksese Kurtit në udhëheqjen e Qeverisë së re, duke theksuar rëndësinë e punës në shërbim të qytetarëve dhe forcimit të institucioneve të Republikës së Kosovës. “Ju priftë e mbara!”, përfundoi ajo mesazhin e saj publik.

Lajmet

Albulena Haxhiu zgjidhet kryetare e Kuvendit të Kosovës

Published

5 hours ago

February 11, 2026

ubtnews

Në seancën e mbajtur më 11 shkurt 2026, Albulena Haxhiu është zgjedhur kryetare e Kuvendit të Republikës së Kosovës.

Haxhiu mori 66 vota për, 44 vota kundër dhe 8 abstenime, duke siguruar kështu mbështetjen e nevojshme për të marrë drejtimin e institucionit legjislativ.

Seanca konstituive u kryesua nga deputeti më i moshuar i Kuvendit, Avni Dehari nga Lëvizja Vetëvendosje, i cili u asistua nga deputetja më e re në moshë, Fatma Taçi nga KDTP.

Me zgjedhjen e kryetares së Kuvendit, pritet të vazhdojnë procedurat e tjera për konstituimin e plotë të legjislaturës së re.

Në Kosovë u mbajtën më 28 dhjetor 2025 zgjedhjet e jashtëzakonshme parlamentare pas një ngërçi politik që la vendin pa qeveri funksionale për mbi një vit.

Lëvizja Vetëvendosje (LVV), e udhëhequr nga Albin Kurti, fitoi qartë me 51.10% të votave, duke siguruar 57 ulëse në Kuvend, një rekord që nga pavarësia e vendit.

Partia Demokratike e Kosovës (PDK) dhe Lidhja Demokratike e Kosovës (LDK) morën respektivisht 22 dhe 15 mandate, ndërsa Aleanca për Ardhmërinë e Kosovës (AAK) dhe Lista Serbe siguruan disa ulëse të tjera.

Pjesëmarrja në zgjedhje ishte rreth 47.5%, e ngjashme me zgjedhjet e mëparshme, duke reflektuar sfidën e mobilizimit të votuesve.

Komisioni Qendror i Zgjedhjeve certifikoi rezultatet dhe seanca konstituive e Kuvendit u caktua për 11 shkurt 2026, duke hapur rrugën për krijimin e institucioneve funksionale dhe miratimin e buxhetit. Këto zgjedhje shënojnë një hap vendimtar për kapërcimin e ngërçit politik dhe stabilizimin e qeverisjes në Kosovë.