Lajmet

Afera e 53 milionë eurove: Lekaj në udhëtim zyrtar, shtyhet seanca me kërkesë të avokatit Damati

Lekaj dhe tre të tjerë akuzohen për keqpërdorim të detyrës zyrtare.

Publikuar

2 vjet më parë

më

Për shkak se ish-ministri i Infrastrukturës Pal Lekaj, është angazhuar në një udhëtim zyrtar për nevoja zyrtare partiake, është shtyrë seanca e paraparë për të premten, në rastin ku ai dhe tre të tjerë akuzohen për keqpërdorim të detyrës zyrtare.

Mungesën e të akuzuarit Lekaj e ka arsyetuar mbrojtësi i tij, avokati Musa Damati, i cili tha se e njoftoi gjykatën se i mbrojturi i tij ka dorëzuar dy parashtesa në bazë të së cilave me prova mbështetëse ka arsyetuar dhe ka paralajmëruar mungesën e tij në këtë seancë.

“Seanca e sotme në rastin e aferës së 53 milionë eurove, e cila është planifikuar që të mbahet pranë gjykatës Themelore në Prishtinë, është shtyrë dhe atë me kërkesën time si avokat mbrojtës i ish-ministrit të Infrastrukturës, Pal Lekaj, me arsyetimin se klienti im më ka njoftuar se është i angazhuar për nevojat e subjektit të tij politik në disa vizita zyrtare jashtë vendit, përkatësisht vizitat e ndryshme evropian, në Vjenë, Hagë dhe Londër. Andaj edhe në bazë të këtij arsyetimi është aprovuar kërkesa e mbrojtjes së ish-ministrit Pal Lekaj, dhe seanca e radhës është shtyrë për muajin shkurt të vitit 2023”, tha Damati.

Etiketa
Vazhdo të lexosh

Lajmet

Kurti: Kurrë s’do ta harrojmë sakrificën e heroit Afrim Bunjaku

Publikuar

5 minuta më parë

më

24 Shtator, 2024

nga

Kryeministri i Kosovës, Albin Kurti sot në njëvjetorin e sulmit terrorist në Banjskë të Zveçanit ka rikujtuar heroin Afrim Bunjaku i cili u vra në mbrojtje të sovranitetit dhe integritetit të shtetit.

“Në njëvjetorin e sulmit terrorist dhe paramilitar kundër vendit tonë në Banjskë të Zveçanit, nderojmë e kurrë nuk e harrojmë sakrificën e heroit, rreshterit Afrim Bunjaku, që humbi jetën duke mbrojtur sovranitetin dhe integritetin territorial të Republikës së Kosovës”, ka shkruar Kurti në një postim në Facebook.

Kryeministri përmendi edhe vendimet e marra një ditë më parë në mbledhjen e Qeverisë së Kosovës, ndër të cilat edhe emërimin e rrugës rajonale R-217 segmenti: Ballaban – Banjskë, me emrin e Heroit të Republikës së Kosovës “Afrim Bunjaku”.

Vazhdo të lexosh

Bota

‘Rusofobia’ futet në Kodin Penal të Rusisë

Publikuar

6 minuta më parë

më

24 Shtator, 2024

nga

Autoritetet ruse po planifikojnë të ndryshojnë Kodin Penal për të futur ndëshkimin për “rusofobinë”, që përkufizohet si diskriminim ndaj qytetarëve rusë nga të huajt ose zyrtarët e huaj jashtë vendit. Agjencia e lajmeve Interfax raportoi se një projektligj i hartuar nga ligjvënësit është miratuar nga kabineti qeveritar, megjithatë ndëshkimi për ata që do të akuzohen për rusofobi është ende në shqyrtim.

Sipas projektligjit, gjykimet për rusofobi do të zhvillohen në mungesë të të akuzuarve, dhe ndëshkimet përfshijnë ndalimin e individëve për të mbajtur poste të caktuara ose për të kryer aktivitete në Rusi. Sidoqoftë, qeveria ka shprehur dyshime se ky ndëshkim do të ndikonte vetëm në individë që jetojnë jashtë vendit.

Neni i ri synon të trajtojë rastet e rusofobisë jashtë territorit rus, por nuk jep detaje të qarta mbi përkufizimin e diskriminimit ndaj qytetarëve rusë. Akuzat për rusofobi janë intensifikuar pas pushtimit të Ukrainës në vitin 2022, me presidentin Vladimir Putin që ka folur për “anulimin e kulturës ruse” në Perëndim dhe zyrtarët rusë që kanë cilësuar sanksionet perëndimore si shprehje të rusofobisë.

Termi “rusofobi” u përdor për herë të parë në shekullin e 19-të nga poeti Fyodor Tyutchev dhe është bërë një mjet propagandistik për justifikimin e veprimeve ruse në skenën ndërkombëtare, sipas ekspertëve si Timothy Snyder./UBTNews/

Vazhdo të lexosh

Bota

Scholz: Gjermania nuk do t’i japë leje Ukrainës për armët me rreze të gjatë

Publikuar

11 minuta më parë

më

24 Shtator, 2024

nga

Në një deklaratë, kancelari gjerman Olaf Scholz ka konfirmuar se Gjermania nuk do t’i heqë kufizimet Ukrainës për përdorimin e armëve me rreze të gjatë veprimi, pavarësisht kërkesave të vazhdueshme nga Kievi. Ai shprehu qëndrimin e tij gjatë një takimi në Nju Jork, ku do të takohet me presidentin ukrainas Volodymyr Zelensky.

Scholz theksoi se qeveria e tij ka marrë “disa vendime” të qarta për mbështetje ushtarake ndaj Ukrainës. Ai sqaroi se mes këtyre vendimeve janë edhe kufizimet që i ndalojnë Ukrainës të përdorë raketat gjermane për sulme të thella brenda territorit rus.

“Ky vendim është në përputhje me qëndrim tim personal… Ne nuk do ta bëjmë këtë dhe kemi arsye të mira për këtë,” tha Scholz, duke theksuar rëndësinë e përgjegjshmërisë në furnizimin me armë.

Kancelari gjerman ndodhet në Shtetet e Bashkuara për Asamblenë e Përgjithshme të Kombeve të Bashkuara, dhe ky qëndrim vjen në një kohë kur tensionet midis Rusisë dhe Ukrainës vazhdojnë të rriten. Scholz ka kërkuar një zgjidhje diplomatike për konfliktin, duke e theksuar se Gjermania do të vazhdojë të mbështesë Ukrainën në mënyra të tjera, përveç armëve me rreze të gjatë./UBTNews/

Vazhdo të lexosh

Lajmet

Sot mbahen homazhe e akademi përkujtimore në përvjetorin e vrasjes së Afrim Bunjakut

Publikuar

14 minuta më parë

më

24 Shtator, 2024

nga

Sot janë bërë një vit nga rënia heroike e rreshter Afrim Bunjakut në Banjskë të Zveçanit. Për nder të heroit dhe nën patronatin e kryeministrit Albin Kurti, do të mbahet Akademi Përkujtimore në Prishtinë, duke filluar nga ora 15:00.

Sipas njoftimit, aktiviteti do të nisë në orën 09:00, ku do të vizitohet familja e heroit Bunjaku. Ndërsa në orën 09:30 do të ketë homazhe te varri i Bunjakut.

Rreshteri Afrim Bunjaku është vrarë më 24 shtator të 2023-s nga grupe të armatosura serbe në fshatin Banjskë të Zveçanit në një sulm terrorist.

Vazhdo të lexosh

Të kërkuara