Kulturë

Adriana Matoshi: Unë u ktheva

Ajo përmendi edhe marshin që u organizua për nder të saj.

Published

on

Aktorja dhe deputetja Adriana Matoshi, është lajmëruar me një status në Facebook, pas daljes nga spitali, ku është operuar për tumorin në tru që i ishte rikthyer pas nëntë vitesh.

Matoshi ka shkruar se nuk e kishte besuar asnjëherë se sa shumë ndikojnë pozitivisht thirrjet dhe dedikimet që iu bënë me rastin e operimit.

“Gjithmonë e kom ditë që jemi popull i bashkum, popull që e zgjasim dorën kur duhet, po asniher nuk kisha besu sa shumë ndikojnë psiqikisht edhe shpirtnisht krejt ato thirrje, mesazhe, komente e dedikime pafund që i lexojsha gjithandej. Forca nuk u reflektu veç te unë, po te krejt njerzt me t’cilët jom e lidhun shpirtnisht. Ju i keni bo edhe ata me besu n’lutjet tuaja”, ka shkruar Matoshi.

Matoshi ka përmendur ecjen që u organizua në sheshet e Prishtinës, një ditë para operimit të saj.

Ajo thotë se marshe të tilla duhet të organizohen për fëmijët, gratë e burrat që luftojnë me sëmundjet të cilat mbi të gjitha kanë kosto të lartë financiare.

“Ecja/marshimi n’sheshin e Prishtinës u kon për mu e papritshme. Jo pse kom dyshu n’dashninë e njerzve t’mi, po n’temperatura qaq t’ulëta, i pashë të mbledhun shoqni, kolegë e qytetarë të cilët ma dhan forcën ma t’madhe ndërkohë që unë isha duke i’u nënshtru krejt analizave e kontrollave para operimit. Marshet e tilla duhet me u organizu e me ju dediku krejt atyne fmive, grave e burrave që luftojnë e na nuk e dijmë nëpër çka po kalojnë. Besomni nuk ja u njihni as dhimtën, as stresin, e as ngarkesën e kostos që e ka mjekimi për kto smundje kaq t’rona” theksoi ajo.

Ajo ka falënderuar të gjithë ata që i kanë shkruar, derisa ka bërë të ditur se me rekomandim të mjekut, është duke qëndruar largë telefonit.

“Kurrë ma e përmbushun shpirtnisht nuk jom kon. Po ju falenderoj shumë krejt juve që m’keni shkrujt prej momentit që e kom publiku lajmin. Ma boni hallall që nuk kom mrri as me i lexu ato mija mesazhe që hala nuk po ndalen. Për momentin jom tu qëndru larg telefonit si rekomandim i mjekut për pushim dhe qetësi apsolute. Premtimin që ja u dhash, e majta. UNË, U KTHEVA ❤️”, ka shkruar Matoshi.

Kulturë

Kurt Kola, i përndjekuri i regjimit komunist që rezistoi me dekada në burgje dhe internim

Published

on

Muzeu Kombëtar “Shtëpia me Gjethe” kujtoi sot të dënuarin politik dhe ish-kryetarin e “Shoqatës Kombëtare të ish-të Përndjekurve Politikë të Shqipërisë”, Kurt Kola (6 maj 1937 – 29 janar 2022).

Kola lindi më 6 maj 1937 në fshatin Macukull të Burrelit. Për shkak të aktivitetit politik të të atit, Bilal Kurti, i cili ishte përfaqësues i lartë i “Lëvizjes së Legalitetit” dhe kishte bashkëpunuar me misionarët ushtarakë britanikë, ai dhe familja e tij u internuan. Ata fillimisht u dërguan në Peshkopi dhe më pas në Berat, ku jetuan në kazermat e djegura nga lufta deri në prillin e vitit 1949.

Kur mbushi moshën 16-vjeçare, Kurt Kola u arrestua dhe u dënua me burg në Gjirokastër. Ky do të ishte fillimi i një kalvari dënimesh që do të zgjaste për dekada, duke përfunduar vetëm në 10 janar 1990, me rënien e regjimit komunist.

Në vitin 1993, ai u zgjodh kryetar i Shoqatës Kombëtare të ish-të Burgosurve Politikë të Shqipërisë. Dy vjet më vonë, ai u përzgjodh kryetar i “Lidhjes së Djathtë” dhe, nga 1998 deri në 2002, drejtoi Institutin e Integrimit të ish-të Përndjekurve Politikë.

Kurt Kola ishte gjithashtu një autor i njohur, duke shkruar dhe botuar disa libra me poezi dhe romane, ku trajtonte jetën si i përndjekur politik dhe historinë e familjes së tij. Disa nga librat më të njohur të tij janë “Ëndrra Burgu” dhe “Në Shqipërinë burg”./UBTNews/

Continue Reading

Kulturë

Bashkia e Tiranës nis punën për vendosjen e statujës së Skënderbeut në Paris

Published

on

Bashkia e Tiranës ka nisur zbatimin e nismës për vendosjen e statujës së Heroit Kombëtar, Gjergj Kastrioti Skënderbeu, në sheshin që mban të njëjtin emër në lagjen 19 të kryeqytetit francez, Paris.

Ky projekt, i realizuar falë bashkëpunimit të frytshëm me kryetaren e Bashkisë së Parisit, Anne Hidalgo, synon forcimin e lidhjeve kulturore ndërmjet dy vendeve dhe promovimin e vlerave historike të kombit shqiptar në arenën ndërkombëtare.

Statuja do të jetë një riprodhim i veprës ikonike të skulptorit të njohur shqiptar, Odhise Paskali, e cila u përurua për herë të parë në janar të vitit 1968 për të shënuar 500-vjetorin e vdekjes së Skënderbeut. Bashkia Tiranë, përmes ekipit të Qendrës së Realizimit të Veprave të Artit, është duke punuar për ta sjellë këtë kryevepër në formën më të përsosur, duke ruajtur autenticitetin dhe fuqinë artistike që ajo përfaqëson.

Ky projekt është pjesë e një strategjie afatgjatë për të promovuar artin dhe historinë shqiptare në botë. Në vitet e fundit, Bashkia e Tiranës ka realizuar projekte të ngjashme, si vendosja e statujës së Skënderbeut në Budapest, Hungari, ku ajo qëndron përballë statujës së heroit hungarez, Janosh Huniadi.

Ceremonia e përurimit të statujës pritet të zhvillohet së shpejti, me pjesëmarrjen e personaliteteve të njohura nga Shqipëria dhe Franca, si dhe përfaqësuesve të diasporës shqiptare në Evropë./UBTNews/

 

Continue Reading

Magazinë

Lady Gaga së shpejti lanson albumin e shtatë

Published

on

Këngëtarja dhe aktorja fituese e Grammy, Lady Gaga ka njoftuar se do të publikojë albumin e saj të shtatë.

Data e lansimit final mendohet se do të jetë më 7 mars.

Ky album i shtatë i artistes, pritet të eksplorojë “temat e kaosit dhe transformimit”.

Krijimi artistik me 14 këngë do të titullohet “Mayhem” dhe fansat e Lady mezi po e presin. /UBT News/

 

 

Continue Reading

Magazinë

Kjo ishte dëshira e fundit e Sinéad O’Connor para se të vdiste

Published

on

Këngëtarja irlandeze, Sinéad O’Connor, ndërroi jetë më 26 korrik 2023, në moshën 56 vjeçare, teksa shkaku i vdekjes së saj u zbulua më vonë. Astma dhe sëmundja pulmonare obstruktive kronike (COPD) nuk e lanë atë të jetonte më gjatë. 

Ajo u varros në një ceremoni në qytetin irlandez të Bray gushtin e kaluar, me Bob Geldof dhe Bono në mesin e atyre që bënë homazhe në funeralin e saj.

Këngëtarja e “Nothing Compares 2 U” thuhet se nënshkroi një dokument që kërkonte të vishej me rroba prifti në arkivolin e saj vite përpara se të konvertohej në Islam në vitin 2018 dhe të varrosej me një Bibël hebraike së bashku me albumin e saj, “Theology”, raporton “The Sun”.

Nëna e katër fëmijëve ka shitur 6.2 milionë albume në mbarë botën, të cilat ajo shpresonte se do mjaftonin për të siguruar të ardhura për fëmijët e saj edhe kur ajo të mos ishte më. Sipas të dhënave të verifikimit irlandez të siguruara nga “The Sun”, O’Connor i la familjes së saj 1.4 milion £ (rreth 20 milion €) në testamentin e saj, me ish-bashkëshortin e saj, producentin muzikor John Reynolds, të emëruar si ekzekutues të pasurisë:

“Fëmijët e mi mund ta shpërndajnë hirin tim sipas dëshirës”. Unë dekretoj që pas vdekjes sime dhe sipas gjykimit të çdo fëmije të mi që atëherë është mbi 18 vjeç, albumet e mia do të shiten për aq sa vlejnë”.

Ajo kishte planifikuar që sendet fetare të shkonin në Shane, ndërsa fëmijës më të vogël, Jesua Bonadio, do t’i jepej koleksioni e kitarave. Ish-burri i O’Connor, producenti John Reynolds, është emëruar ekzekutuesi i pasurisë së saj. Çifti u martuan më 1987, por u divorcuan më 1991.

Continue Reading

Të kërkuara