Lajmet

Administrata e presidencës Biden përgatitet të shpallë propozime të reja për të reduktuar dhe anuluar borxhin e kredisë studentore

Propozimet e pritshme vijnë gati 10 muaj pasi Gjykata e Lartë rrëzoi programin origjinal të faljes së kreditave studentore të presidentit Joe Biden.

Published

on

Administrata e presidencës Biden po përgatit propozime të reja që synojnë të reduktojë ose anulojë borxhin e kredisë studentore për miliona huamarrës, dhe një tjetër përpjekje për të adresuar një çështje kyçe me të cilën përballen votuesit përpara zgjedhjeve të nëntorit në Amerikë.

Propozimet e pritshme vijnë gati 10 muaj pasi Gjykata e Lartë rrëzoi programin origjinal të faljes së kreditave studentore të presidentit Joe Biden, i cili synonte të jepte deri në 20 mijë dollarë lehtësim për miliona huamarrës që luftonin me borxhin e papaguar. Në atë kohë, presidenti u zotua të ndiqte një qasje tjetër për lehtësimin e studentëve duke përdorur një autoritet tjetër ligjor.

Departamenti i Arsimit më pas filloi të punojë në një rrugë tjetër duke u mbështetur në një autoritet tjetër ligjor nëpërmjet Aktit të Arsimit të Lartë të vitit 1965. Propozimet e reja ka të ngjarë të jenë më të synuara se sa do të kishte qenë programi i mëparshëm, duke përcaktuar grupe specifike huamarrësish që mund të merrni anulimin e borxhit të studentëve.

Më tutje, nëpërmjet propozimeve të reja të pritshme, administrata po synon të lehtësojë borxhin e kredisë studentore për huamarrësit që përjetojnë vështirësi në jetën e tyre të përditshme që do t’i pengonte ata të jenë në gjendje të paguajnë kreditë e tyre. Ai gjithashtu do të ndihmojë në lehtësimin e barrës për huamarrësit që kanë parë që interesi i tyre të rritet ndjeshëm me kalimin e kohës,bëjnë të ditur për mediumet.

Presidenti pritet të parashtrojë propozimet e reja të hënën, në të njëjtën ditë që ai do të udhëtojë në Madison, Wisconsin për të diskutuar edhe më shumë rreth uljes së kostove për amerikanët.

Pasi të shpallet një rregull i propozuar, mund të duhet ende mjaft kohë për të hyrë në fuqi. Propozimi duhet të kalojë një periudhë komentesh publike përpara se administrata të mund të nxjerrë rregullin përfundimtar. Por megjithatë është e mundur që pjesët e rregulloreve të reja mund të fillojnë të zbatohen që në vjeshtë, duke paralajmëruar se koha mbetet e rrjedhshme.

Ndërsa programi i ri i faljes së kredisë studentore po mbështetet në një ligj të ndryshëm nga ai i goditur nga Gjykata e Lartë, ai mund të përballet ende me beteja të gjata ligjore nëse administrata Biden paditet përsëri. Bëhet e ditur se për këtë rast, Shtëpia e Bardhë nuk pranoi të komentojë mbi veprimet e reja.

Rruga e ndryshme e administratës për zhvillimin e këtyre propozimeve të reja kërkonte që Departamenti i Arsimit të ndërmerrte një proces formal të krijimit të rregullave të njohur si “krijimi i rregullave të negociuara”.

Që nga tetori, një grup negociatorësh të jashtëm, duke përfshirë huamarrës, shkolla dhe përfaqësues të shërbimit të kredisë studentore, u takuan disa herë për të diskutuar propozimet dhe për të dhënë të dhëna mbi gjuhën rregullatore.

Biden ka ndërmarrë veprime të tjera për të ofruar lehtësim pasi Gjykata e Lartë rrëzoi programin e tij të faljes së borxhit të kredisë studentore. Administrata e tij e ka bërë më të lehtë për grupe të caktuara huamarrësish – si punonjësit e sektorit publik, përfshirë mësuesit; huamarrës me aftësi të kufizuara; dhe njerëzit që u mashtruan nga universitetet fitimprurëse – për t’u kualifikuar për faljen e borxhit të kredisë studentore sipas programeve ekzistuese.

Më tutje thuhet se rreth 4 milionë njerëz kanë parë që borxhi i tyre federal i studentëve të anulohet nën administratën Biden, që arrin në rreth 144 miliardë dollarë. Ndërsa kjo është më shumë se çdo administratë e mëparshme që ka dhënë në lehtësimin e borxhit, është vetëm një e treta e shumës së borxhit të kredisë studentore që do të ishte anuluar nga programi i faljes i refuzuar nga Gjykata e Lartë./UBTNews/

Lajmet

​Kosova ndalon importin e shpezëve dhe produkteve të tyre nga Gjermania

Published

on

By

Agjencia e Ushqimit dhe Veterinarisë së Republikës së Kosovës (AUV), ka ndaluar importin e shpezëve të gjalla dhe produkteve të tyre si, mish, vezë dhe nënproduktet e tjera me origjinë nga Gjermania, pas përhapjes së gripit të shpezëve të në këtë vend.

Ndalesa hyn në fuqi menjëherë dhe do të mbetet në zbatim deri në vlerësimin e mëtejshëm të situatës nga autoritetet përkatëse ndërkombëtare dhe nga AUV.

Agjencia e Ushqimit dhe Veterinarisë thotë se do të vazhdojë të monitorojë me kujdes situatën epidemiologjike dhe operatorët ekonomikë do të informohen me kohë për çdo ndryshim eventual.

Gjermania ka therur më shumë se 400 mijë shpezë ndërsa rastet e gripit të shpendëve vazhdojnë të rriten në të gjithë vendin.

Instituti Friedrich Loeffler (FLI) tha se shpërthimet aktuale i ngjajnë valës së rëndë të regjistruar në vitin 2021, një nga vitet më të këqija për gripin e shpendëve në Gjermani.

Sipas institutit, gripi i shpezëve është zbuluar në 30 ferma deri më tani, duke çuar në therjen dhe shkatërrimin e pulave, rosave, patave dhe gjelave të detit për të përmbajtur përhapjen.

Është e pamundur të parashikohet se si do të zhvillohet situata,” paralajmëroi instituti.

Humbjet më të rënda janë raportuar në shtetet verilindore të Mecklenburg-Pomerania Perëndimore dhe Brandenburg.

Autoritetet në distriktin Markisch-Oderland të Brandenburgut njoftuan plane për të therur 130 mijë shpezë të tjera, pasi kishin shkatërruar rreth 150 mijë shpezë në fillim të këtij viti.

Gjatë sezonit të dimrit 2020-2021, Gjermania u detyrua të therte më shumë se dy milionë shpezë për shkak të shpërthimeve të gripit të shpezëve./KP

Continue Reading

Lajmet

​Rikthehet në punë njësia B2

Published

on

By

Njësia B2 e Termocentralit “Kosova B”, e cila është ndalur më 26 tetor për shkak të rrjedhjeve në kaldajë, është rikthyer në operim më 29 tetor.

Në njoftim KEK-ut ka bërët të ditur se ekipet teknike të mirëmbajtjes dhe operimit kanë punuar pa ndërprerje për sanimin e defekteve të paraqitura, me qëllim të rikthimit sa më të shpejtë të njësisë në funksionim normal.

Njësia B2 është rikthyer në operim dje, rreth orës 12:00 dhe aktualisht njësia është duke operuar me një kapacitet prej rreth 290 MWh, thuhet në njoftim.

KEK sqaron se ndaljet e njësive gjeneruese në termocentrale të këtij tipi janë procese të zakonshme teknike që ndodhin si pasojë e rrjedhjeve të ujit në kaldaja.

“Dëshirojmë të theksojmë se ndaljet e zakonshme teknike nuk kanë asnjë lidhje me projektin madhor të modernizimit të turbinave në Termocentralin “Kosova B”, një projekt që përfaqëson një nga investimet më të mëdha dhe më të suksesshme të dekadave të fundit në KEK.”/KP

Continue Reading

Lajmet

​Gjykata Supreme refuzon ankesën e Arbër Eminit, kandidat i pavarur për kryetar të Kllokotit

Published

on

By

Gjykata Supreme e ka refuzuar si pabazuar ankesën e kandidatit të pavarur për kryetar të Komunës së Kllokotit, Arbër Emini, e paraqitur kundër vendimit të Panelit Zgjedhor për Ankesa dhe Parashtresa.

Pasi PZAP ka refuzuar si të pabazuar ankesën e Arbër Eminit, ky i fundit ka paraqitur ankesë në Supreme, duke propozuar që “të urdhërohet rivotim për Kllokot, për shkak të shkeljeve të shumta ligjore dhe procedurale gjatë ditës së votimit, moszbatim të vendimit të Gjykatës Supreme Nr.A.A.nr.93/2025 dhe ndërhyrjes së strukturave ilegale serbe në procesin zgjedhor në Kosovë”.

Gjykata Supreme vlerësoi ligjshmërinë e vendimit të kontestuar dhe gjeti se konstatimi i PZAP-së është i drejtë dhe i ligjshëm.

Në anën tjetër, kolegji i Gjykatës Supreme, ka vlerësuar edhe pretendimet ankimore të ankuesit që kanë të bëjnë me elemente të kryerjes se veprave penale që janë kryer ditën e zgjedhjeve në Komunën e Kllokotit, të përshkruara në ankesën e ankuesit dhe që sipas tij cenojnë procesin zgjedhor në Kosovë.

Si rrjedhojë, sipas vlerësimit të kolegjit të kësaj gjykate, pretendimet ankimore të ankuesit nuk kanë pasur bazë të mjaftueshme dhe me peshë në rezultat për të urdhëruar eventualisht përsëritjen e votimit në vendvotimin e pretenduar./KP

Continue Reading

Lajmet

​Murati pas takimit për pagën minimale: Rritja duhet të marrë parasysh kushtet e tregut

Published

on

By

Ministri në detyrë i Financave, Punës dhe Transfereve, Hekuran Murati, ka zhvilluar sot një takim konsultues me dhomat ekonomike, me përfaqësues të sindikatave të punëtorëve të sektorit privat në kuadër të dialogut social për çështjen e rritjes së pagës minimale.

Murati ka shkruar në Facebook tha se nga ky takim ka dëgjuar propozimet dhe sugjerimet e përfaqësuesve të sindikatave të cilët e mbështetën rritjen e pagës minimale, e po ashtu edhe rekomandimet që erdhën nga përfaqësuesit e bizneseve që kishin të bëjnë me nevojën për më shumë konsultime dhe pagë minimale të përshkallëzuar.

Paga minimale është instrument i rëndësishëm që synon të mbrojë punëtorët nga praktikat jo të mira, por njëkohësisht rritja e saj duhet të marrë parasysh kushtet e tregut dhe kapacitetin absorbues të ndërmarrjeve,” ka theksuar Murati.

Ai rikujtoi se Qeveria aktuale e ka rritur pagën minimale për herë të parë pas më shumë se një dekade stagnimi dhe se rishikimi i saj do të bëhet çdo vit, sipas zotimeve të dhëna më herët.

Nga takimi dola më i informuar dhe do t’i kem parasysh të gjitha sugjerimet dhe rekomandimet kur të bëj propozimin e pagës minimale të re për miratim në Qeveri,” tha Murati, duke falënderuar pjesëmarrësit për kontributin e tyre në proces.

Aktualisht paga minimale në vendin tonë është 350 euro bruto. Kjo rritje u bë në gusht të vitit të kaluar, disa ditë pasi hyri në fuqi Ligji për pagën minimale, i cili parashihte një rritje të pagës minimale në 264 euro bruto. Deri në fuqizimin e Ligjit të ri, paga minimale në Kosovë ishte 130 euro për punëtorët nën 35 vjeç dhe 170 euro për punëtorët deri në 65 vjeç.

Ndërsa, më 26 tetor kryeministri në detyrë Albin Kurti në seancën e jashtëzakonshme ku dështoi formimi i qeverisë së re, përmendi edhe rritjen e pagës minimale në 500 euro./KP

Continue Reading

Të kërkuara