Kulturë

Adidas i jep fund bashkëpunimit me Kanye West, zotohet se nuk toleron antisemitizmin

Adidas ka bashkëpunuar me West që nga viti 2013.

Published

3 years ago

on

Adidas i ka dhënë fund partneritetit me Kanye West, me “efekt të menjëhershëm”.

Prodhuesi i veshjeve sportivesot tha se “nuk toleron antisemitizmin dhe çdo lloj tjetër gjuhe të urrejtjes”.

Adidas tha se West shkeli “vlerat e diversitetit dhe përfshirjes, respektit reciprok dhe drejtësisë” të kompanisë.

Shitjet dhe prodhimi i produkteve të tij të markës Yeezy janë ndaluar si dhe pagesat për Ye dhe kompanitë e tij.

Kujtojmë se Adidas ka bashkëpunuar me West që nga viti 2013./UBTNews/

Related Topics:
Continue Reading

Mënyra e Jetës

Fundjavë me shi? Ja si ta kaloni bukur pa dalë nga shtëpia

Published

27 minutes ago

on

November 8, 2025

By

Kur jashtë bie shi dhe planet në natyrë dështojnë, fundjava mund të kthehet në një mundësi të shkëlqyer për pushim, kujdes për veten dhe aktivitete të thjeshta që sjellin mirëqenie.

Ja disa ide praktike për ta shijuar kohën në shtëpi:

1. Krijoni një atmosferë të ngrohtë

Ndezni disa qirinj aromatikë, përgatisni një filxhan çaj apo çokollatë të ngrohtë dhe dëgjoni muzikë të qetë. Shiu jashtë dhe qetësia brenda krijojnë kombinimin perfekt për relaks.

2. Organizoni shtëpinë

Shfrytëzoni këtë kohë për të rregulluar dollapin, për të hequr gjërat e panevojshme apo për të sistemuar bibliotekën. Një hapësirë e pastër ndikon direkt në qetësinë mendore.

3. Lexoni ose shikoni një film të mirë

Një ditë me shi është koha ideale për t’u zhytur në një libër që e keni lënë përgjysmë, ose për të parë një film a serial që ju relakson.

4. Gatuani diçka ndryshe

Përgatitja e një recete të re mund të jetë argëtuese dhe terapeutike. Aroma e gatimit e mbush shtëpinë me ngrohtësi dhe ju jep ndjesinë e një fundjave të plotë.

5. Kujdes për veten

Një maskë fytyre, një banjë e ngrohtë apo pak joga e lehtë – janë mënyra të thjeshta për t’u rilidhur me veten dhe për të rifituar energjinë.

Mos e shihni shiun si pengesë, por si një ftesë për të ndalur ritmin. Një fundjavë e tillë mund të jetë pikërisht ajo që ju duhet për t’u qetësuar, për t’u frymëzuar dhe për të rifilluar javën me më shumë energji. /A.Z/UBT News/

Continue Reading

Lifestyle

2 hapa të thjeshtë për të parandaluar formimin e mykut në lavatriçe

Published

14 hours ago

on

November 7, 2025

By

Lavatriçet janë të prirura ndaj mykut për shkak të lagështisë së rregullt.

Zona më e ndjeshme është guarnicioni i gomës rreth derës dhe sirtari i detergjentit, ku uji mund të grumbullohet.

Myku mund të dëmtojë gomën dhe të shkaktojë rrjedhje.

Pastrimi i thellë nuk është i nevojshëm pas çdo përdorimi.

Mjafton të bëni dy hapa të thjeshtë:

Fshijeni guarnicionin me leckë dhe lëreni derën hapur për ajrosje.

Hiqni sirtarin e detergjentit, derdhni ujin e tepërt dhe lëreni të thahet para se ta vendosni përsëri.

Këto hapa të shpejtë parandalojnë formimin e mykut dhe mbajnë lavatriçen tuaj në gjendje të mirë. /A.Z/UBT News/

 

Continue Reading

Lajmet nga UBT

Nga arkivat e QKK-së te kujtimet e luftës: Një vizitë studimore e studentëve të Artit dhe Medias Digjitale në UBT

Published

19 hours ago

on

November 7, 2025

By

Në kuadër të programit akademik të Fakultetit të Artit dhe Medias Digjitale (AMD) në UBT, studentët e klasave Dizajn Multimedia 1 dhe Efekte Vizuale dhe Film 1, nën udhëheqjen e ligjëruesve Dardan Luta dhe Laura Ymeri, zhvilluan një vizitë studimore me dy ndalesa kryesore që pasqyrojnë rëndësinë e njohjes së praktikës profesionale dhe historisë kulturore të Kosovës.

Vizita e parë u zhvillua në Qendrën Kinematografike të Kosovës (QKK), ku studentët u takuan me drejtoreshën Blerta Zeqiri. Gjatë këtij takimi u diskutua mbi misionin dhe vizionin e QKK-së, mundësitë për aplikim të studentëve për financimin e filmave studentor në vitin 2026, si dhe rëndësia e mbështetjes së talenteve të reja në fushën e kinematografisë. Përveç kësaj, përgjegjësi arkivor Ilir Gjoci prezantoi studentët me arkivin e QKK-së dhe mënyrën e ruajtjes dhe mirëmbajtjes së materialeve filmike ekzistuese.

Vizita e dytë u realizua në Muzeun e Fëmijëve të Vrarë dhe Zhdukur gjatë Luftës, ku studentët patën mundësinë të njihen me ekspozitën “Na ishte njëherë që kurrë mos qoftë”. Ata zhvilluan një bisedë të frytshme me udhëheqësen dhe kuratoren e ekspozitës, Blerta Hocia, duke theksuar rëndësinë e ruajtjes së kujtesës historike dhe të drejtave humanitare.

Këto vizita studimore kanë një vlerë të veçantë për studentët e AMD-së, pasi ofrojnë një eksperiencë praktike që lidh dijen teorike me realitetin profesional dhe kulturor. Njohja me institucionet kulturore dhe historike ndihmon studentët të zhvillojnë aftësi kritike, të kuptojnë më mirë sfidat e industrisë së medias dhe kinematografisë, dhe të frymëzohen për projekte kreative dhe kërkimore.

UBT vazhdon të nxisë iniciativa të tilla, duke u siguruar studentëve infrastrukturën, mbështetjen dhe mundësitë për të zhvilluar aftësitë e tyre profesionale dhe për të kontribuar në zhvillimin e artit, medias dhe kulturës digjitale në Kosovë.

Continue Reading

Kulturë

Çmimet Grammy 2026: Lista e nominimeve dhe surprizat më të diskutueshme

Published

19 hours ago

on

November 7, 2025

By

Transmetimi i drejtpërdrejtë i nominimeve për Grammy Awards 2026 do të bëhet në faqen zyrtare të Grammy dhe në kanalin e Recording Academy në YouTube.

Yjet që do të prezantojnë nominimet: Gayle King, Doechii, Karol G, Lizzo, Mumford & Sons, Nicole Scherzinger, Sabrina Carpenter, Sam Smith, Angélique Kidjo, Brandi Carlile, CeCe Winans, David Foster, Jon Batiste, Little Big Town, Masaki Koike dhe Chappell Roan.

Vetëm këngët e albumet e publikuara në SHBA midis 31 gushtit 2024 e 30 gushtit 2025 do të jenë të nominuara. P.sh albumi i Taylor Swift, The Life of a Showgirl, nuk përfshihet, ndërsa albumi i Sabrina Carpenter, Man’s Best Friend, mund të jetë në listë, u publikua më 29 gusht.

Pas kritikave për kopertinën e albumit të Sabrina-s, mund të shtohet një kategori e re për kopertinën më të mirë të albumit.

Pretendentët kryesorë për Albumin e Vitit përfshijnë:

GNX – Kendrick Lamar

Mayhem – Lady Gaga

Debí Tirar Más Fotos

Kategoria ‘country’ ka ndryshuar pas fitores historike të Beyoncé me Cowboy Carter, duke përfshirë:

Albumi më i mirë tradicional ‘country’

Albumi më i mirë bashkëkohor ‘country’

Grammy Awards 2026 do të ndahen më 1 shkurt në Los Angeles, kjo garë pritet të jetë një nga më emocionueset e konkurruese deri tani. /A.Z/UBT News/

 

Continue Reading

Të kërkuara