Një javë përpara mbylljes së kampionatit për sezonin 2023/2024, Atletico Madrid ka filluar punën për edicionin e ardhshëm.

“Los Colchoneros” i janë vënë pas dyshes të cilët kryesojnë listën e golashënuesve për këtë sezon në La Liga. Bëhet fjalë për Alexander Sorloth, i cili aktivizohet te Villarreali dhe njëkohësissht është golashënuesi më i mirë në kampionatin spanjoll, me 23 gola të shënuara deri më tani.

Në anën tjetër, në listë bën pjesë edhe sulmuesi ukrainas Artem Dovbyk. 24-vjeçari po shkëlqen këtë sezon në La Liga me fanellën e Griona-s, ku edhe ka arritur të gjejë plotë 21 herë rrugën e rrjetës, teksa ka mbetur edhe një ndeshje deri në përfundim dhe gara për “Pichichin” mbetet ende e hapur.

Në rastin e Sorloth, emri i tij është aktual për shkak të katër golave ​​që shënoi kundër Real Madridit në fundjavë, por në anën tjetër edhe fakti se ai e njeh mjaftë mirë kampionatin spanjoll, ku më herët ka dhënë kontribut për Real Sociedadin, bën që skuadra e Diego Simeone-s të monitoroj me kujdes situate tij.

Në rastin e Dovbyk, mjafton të shohësh kontributin e tij gjatë këtij sezoni te Girona, që e mbyll La Ligan në vendin e tretë, me një pjesëmarrje historike në Champions League.

Sido që të jetë, të dy kanë janë ende nën kontratë me ekipet e tyre dhe do të ishte e nevojshme të negociohej me Villarrealin dhe Gironan.

Atletico do të duhet të përgatisë oferta të kënaqshme në mënyrë që t’i bind klubet në fjalë për t’i lënë të lirë futbollistët e tyre./UBTNews/

Çmimi “Ylli i javës” për javën e 29-të në Albi Mall Superligë i ka takuar sulmuesit të FC Ballkanit, Bernard Karrica.

Vlerësimi i më të mirit të javës është bërë nga Komisioni i veteranëve të futbollit në përbërje: Lulzim Berisha, Avni Shala dhe Enes Shosholli.

Ky komision ka vendosur që çmimi “Ylli i Javës” për xhiron e 35-të t’i jepet Bernard Karricës, i cili me golin që shënoi në këtë ndeshje ia dhuroi fitoren Ballkanit dhe njëherësh ky gol ia siguroi titullin e kampionit të tretë radhazi skuadrës nga Suhareka, një javë para përmbylljes së edicionit.

Pasi mori këtë çmim, Karrica u shpreh i lumtur që u vlerësua si më i miri i javës dhe që skuadra e tij e arriti objektivin e parë të këtij edicioni.

“Ndeshja e djeshme ishte kritike për kampionatin tonë, duke pasur parasysh që ishte vendimtare. Jam shumë i lumtur që me golin që shënova arritëm të fitojmë dhe të shpallemi kampionë. Ky është sukses i gjithë ekipit”, deklaroi sulmuesi 23-vjeçar për faqën zyrtare të FFK-së./UBTNews/

Komuna e Rahovecit ka vendosur që ta rrënojë stadiumit e qytetit në Rahovec “Jahja Danuza”, dhe në vendin e tij ta ndërtojë sheshin qendror të këtij qytetit. Rrënimi i stadiumit nga punëkryerësi i kontraktuar ka nisur sot, andaj klubi i futbollit “Rahoveci” ka dal me një komunikatë duke shprehur shqetësimin se nga sot e tutje as gjeneratat e reja nuk kanë ku t’i zhvillojnë stërvitjet.

Komunikata e plotë e KF Rahovecit:

Ju njoftojmë që sot në orët e para të ditës ka filluar të rrënohet stadiumi i qytetit ”Jahja Danuza” nga punëkryesi që është i kontraktuar nga Komuna e Rahovecit, me qëllim të ndërtimit të sheshit qendror të qytetit tonë.

Ne si klub kishim një marrëveshje paraprake me Komunën e Rahovecit të cilët na kishin premtuar dhe janë zotuar që stadiumi i qytetit nuk do të rrënohet pa u krijuar një alternativ tjetër për të zhvilluar garat dhe për të stërvitur, ne në vazhdimësi kemi komunikuar me DKRS-në të cilët janë të njoftuar mirë me kërkesat tona elementare për të na mundësuar kushte optimale për të zhvilluar gara dhe për tu stërvitur.

Realisht komuna na ka mirëkuptuar dhe priti përfundimin e kampionatit që ne ta përfundojmë në shtëpinë tonë, por që tani brenga jonë është shkolla e futbollit ku janë të anëtarësuar qindra fëmijë e që fatkeqësisht nga sot nuk kanë ku të stërviten përderisa nuk përfundojnë punimet në qendrën e re sportive! Lutemi dhe urojmë në një zgjidhje sa më të shpejtë ti bëhet shqetësimeve tona.

Mentaliteti fitues gjatë sezonit të Mançester Cityt i shtyu ata të kalonin Arsenalin në Premier Ligë, ka thënë mesfushori Rodri pasi skuadra e tij fitoi titullin e katërt radhazi në Premier Ligë.

Rodri shënoi kur City mundi Ëest Ham United 3-1 në Etihad të dielën për të fituar titullin me dy pikë përpara Arsenalit, i cili i ndoqi ata deri në ditën e fundit të një sezoni emocionues.

City përfundoi me 91 pikë ndërsa Arsenali, me 89, duhej të kënaqej me vendin e nënkampionit për të dytin sezon radhazi, pavarësisht se fitoi 2-1 në shtëpi kundër Evertonit.

I pyetur se çfarë e bëri diferencën, Rodri tha se kjo erdhi në mentalitetin që zotëronin dy skuadrat.

“Arsenali gjithashtu meriton lavdërime, ata patën një sezon të pabesueshëm, por mendoj se ndryshimi ishte këtu”, tha spanjolli.

Rodri theksoi lojën defanzive të Arsenalit në Etihad në fund të marsit, i cili përfundoi në një barazim pa gola, pasi kampioni i Cityt nuk arriti të shënonte pavarësisht se dominonte me 72% posedim të topit.

“Kur ata u përballën me ne në Etihad, i pashë dhe thashë ‘Ah, këta djem, ata nuk duan të na mundin, duan vetëm një barazim’ dhe këtë mentalitet, nuk mendoj se do ta bënim njësoj. Dhe ne i kapëm ata në garën për titull. Në fund, nëse na jepni një pikë, ne do të fitojmë shtatë, tetë ndeshjet e fundit edhe pse është kaq e vështirë. Kështu që unë mendoj se kjo tregon mentalitetin tonë.”

City ka një shans për të fituar një tjetër trofe këtë sezon pasi përballet me Manchester United në finalen e FA Cup fundjavën e ardhshme. “Është gjithashtu shumë e rëndësishme për ne të bëjmë dopio”, shtoi Rodri.