Këngëtarja e njohur britanike Adele vijon të habisë me mënyrën e të menduarit duke thënë se fundmi se ‘një pyetësor i personalitetit në një revistë’ e bëri të divorcohej nga bashkëshorti Simon Konecki në 2019.
Këngëtarja 33 vjecare e hitit të njohur ‘Hello’ ishte për tetë vjet me drejtorin e grupit të bamirësisë Konecki para se të ndahej në prill 2019, ndërsa bën zbulimet e jetës private teksa prezanton albumin e ri muzikor.
Duke folur në rrjetin amerikan CBS me prezantuesen Oprah Winfrey, Adele, e cila ka djalin Angelo me Simon, tregon se asokohe nuk ‘jetonte’ por vetëm “e shtynte” jetesën me të.
Më pas ajo kreu testin e personalitetit në një revistë për çka thotë se e ndihmoi të merrte vendimin.
Adele tregon më tej se kënga e saj e re ‘Easy On Me’ nga albumi i ri ‘30’ fokusohet në ndarjen e saj “të vështirë” me Simon.
Ajo tregon se duke kryer testin e karakterit në revistë, hasi pyetjen: “Cila është ajo gjë që nuk do të donit kurrë ta mësonin të tjerët?”
Përgjigja e pyetjes, Adele thotë se ishte si një thirrje zgjimi, që më në fund “po e kuptonte”: “Është fakti se nuk jam e lumtur, se nuk jam duke jetuar, por vetëm ‘duke shtyrë’ përpara”.
Adele thotë se më tej u tregoi miqve të saj: “Ata të gjithë u habitën. Nga aty nisa të pyes veten “Çfarë jam duke bërë? Për çfarë po e bëj?’”
Javën e kaluar Adele pranonte se ishte shumë e goditur nga ndarja me Simon aq sa “trembej se nuk e njihte mirë veten”.
Këngëtarja ka dalë në kopertinën e revistës Rolling Stone, dhe thotë se martesa e ktheu në një tjetër person, prandaj kishte marrë vendimin e vështirë.
Adele kohët e fundit ka bërë publike romancën e saj të re me Rich Paul, dhe thotë se jeta e saj si person “single” në Los Angeles zgjati shumë pak pasi miqtë gjithmonë i rregullonin takime njohjeje me djem.
“Mendoja se e njihja veten por nuk e njihja, isha duke mbushur 30 vjec por nuk e njihja veten. Ndarja ishte e vështirë, ashtu si dhe ndjeja se nuk ia dola të bëja të funksiononte. E dija që nuk kisha bërë një punë të mirë”.
Në Dhomat e Specializuara të Kosovës (DhSK) në Hagë, është anuluar seanca e planifikuar për të hënën në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.
DhSK-ja nuk i ka bërë të ditura arsyet e anulimit të kësaj seance. Megjithatë, njoftoi se seanca e radhës në këtë rast pritet të mbahet nesër më 30 shator 2025.
Mbrojtja ka filluar me paraqitjen e provave të saj më 15 shtator 2025, ku për tri ditë me radhë u dëgjua ish-ndihmësi i sekretarit amerikan të shtetit, James Rubin, raporton “Betimi për Drejtësi“.
Ndërsa, pas tij u thirr ish-këshilltari ligjor i delegacionit shqiptar në Rambuje, Paul Williams. Kurse, ish-këshilltari politik i komandantit të lartë të NATO-s, Wesley Clark, John Stewart Duncan filloi dëshminë më 22 shtator dhe e mbaroi më 23 shtator 2025./D.B/EO
Të paktën katër persona kanë humbur jetën dhe tetë të tjerë janë plagosur pasi një person i armatosur përplasi automjetin e tij në një kishë në Miçigan, hapi zjarr dhe më pas i vuri flakën ndërtesës.
Zyrtarët thanë se sulmi në Kishën e Jezu Krishtit të Shenjtorëve të Ditëve të Mëvonshme në Grand Blanc, një qytet rreth 100 km në veriperëndim të Detroit, ndodhi gjatë shërbesës të së dielës ku ishin të pranishëm qindra besimtarë, shkruan BBC.
I dyshuari, i identifikuar si Thomas Jacob Sanford, 40-vjeçar, nga Burton, Michigan, u qëllua për vdekje nga policia në parkimin e kishës.
Autoritetet po e hetojnë incidentin si një akt dhune të qëllimshme, por ende nuk dihet motivi.
Detajet e viktimave dhe hetimit
Shefi i Policisë së Grand Blanc Toënship, William Renye, tha në një konferencë për shtyp se dy viktima vdiqën nga plagët e armës së zjarrit dhe më vonë ai shtoi se dy persona të tjerë u gjetën të vdekur. Sipas policisë disa ende figurojnë të zhdukur, pa specifikuar numrin e saktë.
Megjithatë, Policia njoftoi se reagoi menjëherë në vendngjarje dhe u përplas me të dyshuarin me armë zjarri./S.K/KP/BBC/
Udhëheqësja e Komitetit të Helsinkit për të Drejtat e Njeriut në Beograd, Sonja Biserko, ka theksuar se tash e shumë vite ekziston bashkëpunimi i thellë në mes të shërbimit sekret rus dhe atij serb. Sipas Biserkos, këtë bashkëpunim e ka bërë më specifik Aleksandar Vulini derisa ishte ministër i Punëve të Brendshme në Serbi.
“Prandaj, kjo çka ndodhi me arrestimet rreth Moldavisë qëndron edhe pse kemi deri tani vetëm informacione nga mediet, sepse pushteti në Beograd nuk deklarohet rreth kësaj. Nuk është rastësi që në këtë situatë, Rusia po tenton fort që të pamundësojë realizimin e Moldavisë pro-evropiane dhe ta orientojë atë kah Kremlini”, theksoi Biserko.
Ajo më tej u shpreh se ka indice që Rusia të ketë marrë pjesë edhe në agresionin në Banjskë më 24 shtator të vitit 2023 kur u vra rreshteri Afrim Bunjaku.
“Edhe sulmi në Banjskë në Kosovë para dy viteve, ka indice që Rusia ka marrë pjesë në të. Asgjë nuk është vërtetuar deri tani, por këto janë disa informacione që flasin për atë se Rusia është e kyçur shumë thellë në Serbi. Pikë së pari, në shërbimet e spiunëve, Kishën Ortodokse Serbe dhe disa grupime tjera”, shtoi ajo.
“Rusia e sheh atë Vuçiqin si dikë që e ka partner të besuar. Rusë kanë bazë të besueshme në Serbi, kështu që kjo është diçka që po ndodh dhe ka ndodhur edhe më përpara në Serbi”, tha ajo.
Grupi prej rreth 50 personave të armatorsur në Banjskë që udhëhiqej nga kryeterroristi, Milan Radoiçiq, i sanksionuar nga Shtetet e Bashkuara të Amerikës, me veshje ushtarake ishin të vendosur në Manastirin e Banjskës e përreth tij./S.K/KP/