

Kulturë
Adele pritet ta shënojë rikthimin në skenë në Las Vegas
Published
4 years agoon
By
UBT newsKantautorja e njohur britanike, Adele, mund ta shënojë rikthimin në skenë së shpejti, me organizimin e disa koncerteve në Las Vegas, të cilat planifikohet të zënë vend vitin e ardhshëm.
Ylli i hitit “Hello” besohet se është e gatshme t’i bashkohet listës së legjendave të muzikës që kanë performuar për fansat në Las Vegas, të tillë si Sir Elton John, Mariah Carey dhe Lady Gaga. Ajo do t’i mbajë disa performance në lokacionin e famshëm turistik “Las Vegas Strip”.
Disa burime kanë bërë të ditur për gazetën “The Sun”, se Adele është në negociata për të arritur marrëveshje bashkëpunimi me ndërtesën më të re në qytetin e dritave, “Resorts World”, ku këngëtarja do të mund t’i fitojë rreth 100 mijë funte brenda natës.
“Resort World” tashmë ka mirëpritur performues të njohur të skenës muzikore, përfshirë yjet Celine Dion, Katy Perry dhe Carrie Underëood, dhe thuhet që Adele do të jetë artistja e radhës që do të kujdeset për argëtimin e klientëve në këtë resor, nga janari i vitit të ardhshëm.
Koncerti i fundit i organizuar nga këngëtarja e famshme britanike ishte në qershor të vitit 2017, kur ajo doli në skenë për të performuar para 97.500 adhuruesve në stadiumin “Wembley”, dhe nëse nënshkruan marrëveshje bashkëpunimi për të performuar në Las Vegas, ajo do të ketë rastin të performojë për 5 mijë persona çdo natë.
Spekulimet rreth koncerteve të Adeles në Las Vegas, vijnë në kohë kur fansat e saj po e presin me padurim lansimin e albumit të saj të ri.
Ylli britanik duket se ka vendosur që në albumin e saj të ardhshëm, t’i eksplorojë përjetimet e vjetëve të fundit në jetën e saj personale.
Këngëtarja 33-vjeçare nuk ka lansuar album nga viti 2015 kur e publikoi incizimin me titull “25”, dhe pavarësisht faktit se i ka kaluar këta 12 muajt e fundit duke u fokusuar tek vetja, pas shkurorëzimit nga bashkëshorti, Simon Konecki, këngëtarja duket se është e lumtur të rikthehet në qendër të vëmendjes së publikut.
“Adele ka qenë shumë e zënë duke u fokusuar në shëndetin e saj fizik dhe mendor, si dhe ka kaluar muaj të tërë në studio incizuese duke e realizuar albumin e saj të ri”, ka deklaruar një burim i afërt me këngëtaren britanike.
Ylli i muzikës i lindur në Londrës, mezi pret që fansat e saj besnik t’i dëgjojnë këngët e reja. Besohet se albumi do të publikohet së shpejti dhe disa nga këngët e tij, duket se janë inspiruar nga ndarja e saj nga bashkëshorti me të cilin e ka djalin tetë vjeçar, Angelo.
Adele është një nga artistet më fitimprurëse dhe shquhet për baladat muzikore, të shndërruar në hite anembanë botës./koha
Magazinë
“Nuk janë në komunikim të vazhdueshëm”, a ka mbaruar romanca e Katy Perryt me ish-kryeministrin kanadez?
Published
40 minutes agoon
August 21, 2025By
UBT News
Romanca midis yllit amerikan të muzikës pop Katy Perry dhe ish-kryeministrit kanadez Justin Trudeau, e cila kohët e fundit tërhoqi vëmendjen e mediave botërore, sipas burimeve të huaja, tashmë ka marrë fund.
Edhe pse u panë për darkë së bashku në Montreal, dhe Trudeau më vonë ndoqi një nga koncertet, entuziazmi fillestar duket se u shua shpejt. Komunikimi është dobësuar ndjeshëm në javët e fundit, dhe arsyeja kryesore thuhet se është axhenda e tyre e ngjeshur dhe presioni publik.
“Nuk ka asgjë negative në lidhje me këtë. Ata nuk janë në komunikim. Kjo mund të ndryshojë, tani për tani, kështu është. Është qetësuar situata”, tha burimi.
Sipas burimeve pranë çiftit, ish-kryeministri kanadez nuk ishte i përgatitur për kaq shumë vëmendje të shkaktuar nga marrëdhënia e tyre.
“Ishte vetëm takimi i parë dhe fotot përfunduan menjëherë në media. Atij nuk i pëlqeu”, zbuloi një burim për Daily Mail. Gjithashtu u shtua se Perry nuk është në humor për një lidhje serioze tani për tani, duke pasur parasysh se ajo ende po rikuperohet nga ndarja me aktorin Orlando Bloom.
“Ajo është e zënë, ai është i zënë. Po ndodhin shumë gjëra dhe ngazëllimi fillestar është zbehur”, tha burimi.
Pavarësisht se shumë veta u habitën nga lidhja, burimet pohojnë se mes tyre kishte tërheqje të fortë dhe “lidhje të menjëhershme”.
Megjithatë, për momentin – sipas një burimi të brendshëm – ata janë vetëm miq, pa ndonjë dramë apo konflikt të veçantë në sfond.
Si kujtesë, Justin Trudeau u divorcua nga gruaja e tij Sophie Gregoire në vitin 2023 pas 18 vitesh martesë. Ata kanë tre fëmijë. Megjithatë, Katy Perry konfirmoi së fundmi fundin e marrëdhënies së saj afatgjatë me Orlando Bloom, me të cilin ka një vajzë, Daisy.
Lifestyle
E thotë shkenca: Ja si ndikon të lexuarit në shëndetin tonë
Published
2 hours agoon
August 21, 2025By
UBT News
Që kur ishit të vegjël, të gjithë ju kanë treguar rëndësinë e të lexuarit. Por pse vërtetë është kaq e rëndësishme? Veç faktit që leximi ofron një dëfrim, promovon të menduarin e thellë dhe ka aftësinë që t’ju dërgojë kudo në botë me kthimin e një faqeje, ka edhe fakte shkencore që leximi është i mrekullueshëm për shëndetin tuaj.
Cilat janë benefitet e vërteta të të lexuarit?
Librat kanë fuqinë jo vetëm që t’ju inspirojnë, të edukojnë dhe të lëvizin njerëzit, por gjithashtu ta bëjnë jetën më të mirë dhe më të shëndetshme.
Ka gjashtë arsye shkencore pse të të lexuarit është e mrekullueshme për ju.
Mund të përmirësojë memorien tuaj;
Ulë nivelin e stresit;
Mund të jetë terapeutike;
Përmirëson funksionimin e trurit;
Rrit fuqinë e përqendrimit tuaj;
Mund të ndihmojë që të jetoni më gjatë. /UBT News/
Magazinë
Sukses i jashtëzakonshëm për Dua Lipa! “Levitating” kalon kufirin e 1 miliard shikimeve
Published
3 hours agoon
August 21, 2025By
UBT News
Hiti i Dua Lipës, “Levitating”, ka kaluar shifrën e një miliard shikimeve në YouTube, duke u bërë videoklipi i tretë i artistes me prejardhje kosovare që arrin këtë sukses, pas “New Rules” dhe “No Lie”.
Kënga, pjesë e albumit Future Nostalgia (2020), u shndërrua në një nga hitet më të mëdha të dekadës, duke arritur deri në vendin e dytë të Billboard Hot 100. Sipas të dhënave të vitit 2025, “Levitating” është renditur si kënga e nëntë më e madhe e shekullit në këtë listë.
Sot, ndërsa Lipa po shijon suksesin e albumit të saj të fundit Radical Optimism dhe fejesën me aktorin Callum Turner, ky hit mbetet një nga projektet më të fuqishme të karrierës së saj.
Kulturë
Vjedhja që tronditi botën: Zhdukja e Mona Lisës në Paris, 21 gusht 1911
Published
3 hours agoon
August 21, 2025By
UBT News
Paris, 21 gusht 1911. Mëngjes herët, ndërsa Muzeu i Luvrit pushonte në heshtjen e zakonshme të së hënës, një nga veprat më të njohura të artit botëror, Mona Lisa e Leonardo da Vinçit, u zhduk pa lënë gjurmë. Askush nuk e pa, askush nuk e dëgjoi. Thjesht… nuk ishte më.
Një ditë më vonë, piktori Louis Berou, i cili kishte ardhur të pikturonte vetë Mona Lisën, zbuloi boshllëkun në mur dhe ngriti alarmin. Mendohej se piktura ishte zhvendosur për mirëmbajtje a fotografim. Por, kur orët kalonin e Da Vinçi nuk po gjendej, muzeu u përfshi nga paniku.
Ajo që dukej e pamundur ishte bërë realitet: dikush kishte vjedhur Mona Lisën.
Skandal në Paris: Dyshohet Picasso!
Pas hetimeve të para, policia nisi të hetojë botën e artit e shpejt dyshimet ranë mbi emra të mëdhenj. Ndër të arrestuarit u përfshi edhe një artist i ri dhe i guximshëm, një farë Pablo Picasso. Ai dhe poeti Guillaume Apollinaire u morën në pyetje për lidhje me një tjetër vjedhje arti, por mungesa e provave i çliroi.
Misteri i vjedhjes së Mona Lisës vazhdoi të mbetej i pazgjidhur për më shumë se dy vjet, duke ndezur teori të shumta konspirative, nga vjedhje e porositur nga koleksionistë të fshehtë, te rrëmbime me sfond politik.
Rikthimi i papritur dhe një “hajdut patriot”
Në dhjetor 1913, në një zyrë të qetë arti në Firence, Italia mori frymë ndryshe. Një burrë i panjohur i quajtur Vincenzo Perugia, ish-zdrukthëtar në Luvër, u shfaq me një ofertë të pabesueshme: të shiste Mona Lisën. Piktura u verifikua si origjinale dhe Perugia u arrestua. Në hetim, deklaroi se kishte vepruar nga ndjenja patriotike, Mona Lisa, krijuar nga një mjeshtër italian, sipas tij, i takonte Italisë, jo Francës.
Akti i guximshëm qe i thjeshtë: veshur si punonjës muzeu, hyri herët në mëngjesin e 21 gushtit, hoqi pikturën nga muri, e futi në përparëse dhe u largua.
Një kthim triumfal dhe një famë e pavdekshme
Pas arrestimit të Perugias, piktura u ekspozua me entuziazëm në Galerinë Uffizi në Firence, ku mijëra italianë e pritën si një fitore kombëtare. Më pas, në janar 1914, ajo u rikthye në shtëpinë e saj në Paris, nën siguri të rreptë.
Perugia u dënua me vetëm një vit e 15 ditë burg. Për shumë italianë nuk ishte hajdut, ishte hero. Në të vërtetë, ai kreu vetëm 7 muaj burg.
Nga një vepër e çmuar në ikonë botërore
Paradoksalisht, ishte kjo vjedhje që bëri Mona Lisën të pavdekshme. Para vitit 1911, ishte vepër e njohur, por jo legjendare. Pas zhdukjes, u kthye në një ikonë kulturore globale, një simbol i misterit, artit dhe magjepsjes njerëzore.
Një vjedhje. Një legjendë. Një emër: Mona Lisa.

Sony rrit çmimet e PlayStation 5 në SHBA

Arsenal rivalizon Tottenhamin për transferimin e Eze

Trump tërhiqet përkohësisht mes Rusisë dhe Ukrainës: Në fillim të takohen Putin e Zelensky

“Nuk janë në komunikim të vazhdueshëm”, a ka mbaruar romanca e Katy Perryt me ish-kryeministrin kanadez?

Sekretari Parlamentar i Gjermanisë viziton Kosovën

Kapet shtetasi serb në Maqedoni të Veriut për kontrabandë

Interi ‘mbyll’ dy marrëveshje për 80 milionë euro, një mbrojtës dhe një mesfushor

E thotë shkenca: Ja si ndikon të lexuarit në shëndetin tonë

Këto janë 10 punët më stresuese në botë
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit