Lajmet

Abdixhiku: Qeveria duhet të ketë qëndrim politik mbi dialogun

Published

5 years ago

May 26, 2021

Betim Gashi

Kryetari i Lidhjes Demokratike të Kosovës (LDK), Lumir Abdixhiku pas takimit me kryeministrin Albin Kurti, kërkoi pozicion politik të ekzekutivit për dialogun me Serbinë.

Abdixhiku para gazetarëve tha se Kurtit në takimin rreth një orësh, i kërkoi qartësim për deklaratat rreth dokumenteve për dialog, kërkesë që t’ia paraqesë Kuvendit qëndrimin zyrtar për dialog dhe ofertën e LDK-së për të njëjtën.

“Ne bëmë një qartësim, një kërkesë dhe një ofertë. Qartësimi ishte mbi dokumentet e dorëzuara te kryeministri. Ne ri konfirmuam edhe një herë se të gjitha dokumentet që ka pasur qeveria e kaluar i janë dorëzuar kryeministrit. Nëse nuk i kanë ose i kanë humbur, mund t’i kërkojnë sërish. Bëmë një kërkesë që kishte të bënte me pozicionin politik që kjo qeveri duhet ta ketë dhe të prezantojë në Kuvend”, tha ai.

Ai shtoi se Kosova duhet të dijë se cili është qëndrimi i qeverisë për dialogun.
Kryeministri tashmë ka një dokument, i cili përmban parime që janë diskutimi mbi bazën e vendimit të Gjykatës Ndërkombëtare të Drejtësisë për pavarësinë e Kosovës, mbrojtja e integritetit territorial, ruajtja e karakterit unitar të Kosovës dhe rendit kushtetues. Gjithashtu, rezultati final duhet të jetë njohja e ndërsjellë dhe anëtarësimi në BE e NATO”, ka shtuar Abdigjiku.

Abixhiku tha se tani është koha që kryeministri ta dëshmojë veten mbi temat që sipas tij tashmë ka qëndrim ‘të ri-dizajnuar’ siç janë çështja e reciprocitetit, kërkim-falja, dialogu i brendshëm para dialogut të jashtëm. Tani janë këto pozicione të ri-dizajnuara të kryeministrit”, tha Abdixhiku.

Krahas kësaj, ai theksoi se LDK nuk do të jetë pjesë e asnjë ekipi negociator, por do të ketë rolin e saj për dialogun në Kuvendin e Kosovës.

Ky është takimi i dytë i kryeministrit Albin Kurti me liderët opozitarë. Për dallim nga Abdixhiku dhe Haradinaj, ushtruesi i detyrës së kryetarit të PDK-së, Enver Hoxhaj nuk pranoi të takohet me shefin e ekzekutivit./UBTNews

Lajmet

Sekuestrohen armë dhe narkotikë në aksione policore në Kosovë

Published

15 minutes ago

June 4, 2026

UBTNews

Policia e Kosovës ka sekuestruar armë dhe substanca narkotike në disa aksione të zhvilluara në Graqanicë, Ferizaj dhe Vushtrri.

Në Graqanicë, gjatë një tentimi për kontroll policor, një i dyshuar është larguar duke ikur nëpër oborre shtëpish dhe duke hedhur sende gjatë arratisjes. Në vendngjarje, policia ka gjetur dhe sekuestruar një pistoletë me një fishek, si dhe një sasi të vogël të substancës së dyshuar narkotike. I dyshuari është arrestuar dhe më pas është liruar në procedurë të rregullt me vendim të prokurorit.

Në Ferizaj, njësitë policore kanë identifikuar një person të dyshuar për shitblerje të narkotikëve, i cili është larguar me veturë sapo ka vërejtur policinë. Në afërsi të vendit të ngjarjes është gjetur dhe sekuestruar 188.9 gramë substancë e dyshuar narkotike e llojit marihuanë, me vlerë rreth 2 mijë euro. I dyshuari është në kërkim policor dhe hetimet po vazhdojnë.

Në Vushtrri, është arrestuar një person tek i cili është gjetur një armë e gjatë M48 me tre fishekë. Arma është sekuestruar, ndërsa pas intervistimit, me vendim të prokurorit i dyshuari është liruar në procedurë të rregullt.

Lajmet

Dy të arratisur nga Qendra Edukuese Korrektuese kapen dhe kthehen në qendër

Published

16 minutes ago

June 4, 2026

UBT News

Në Lipjan, më 03.06.2026 rreth orës 21:28, është raportuar arratisja e dy personave nga Qendra Edukuese Korrektuese në Lipjan, pasi zyrtarët korrektues kanë njoftuar për largimin e tyre nga institucioni.

Pas pranimit të informatës, janë ndërmarrë menjëherë veprime taktiko-operative nga autoritetet përkatëse me qëllim lokalizimin dhe kapjen e të dyshuarve.

Si rezultat i veprimeve në terren, të dy personat janë identifikuar, janë kapur dhe më pas janë kthyer sërish në Qendrën Edukuese Korrektuese në Lipjan.

Rasti është menaxhuar nga institucionet përgjegjëse, ndërsa rrethanat e arratisjes mbeten nën trajtim.

Lajmet

Një polic u vra dhe një tjetër u plagos në Maliq të Shqipërisë

Published

26 minutes ago

June 4, 2026

UBTNews

Një ngjarje e rëndë është regjistruar në zonën e Lozhanit, në Bashkinë e Maliqit, në Shqipëri, ku një efektiv policie ka humbur jetën dhe një tjetër ka mbetur i plagosur gjatë një operacioni të forcave të rendit.

Sipas informacioneve paraprake, autori i dyshuar i sulmit është kapur i plagosur. Në vendngjarje kanë mbërritur forca të shumta policore dhe grupet hetimore, të cilat po punojnë për zbardhjen e plotë të rrethanave të ngjarjes.

Autoritetet pritet të japin detaje shtesë lidhur me dinamikën e incidentit dhe identitetin e personave të përfshirë.

Kryeministri i Shqipërisë, Edi Rama, ka reaguar pas ngjarjes së rëndë në Maliq.

Rama njoftoi se polici i vrarë në krye të detyrës, Enea Mekolli, do të shpallet “Dëshmor i Atdheut”, ndërsa shprehu ngushëllimet për familjen e tij dhe uroi shërim të shpejtë për efektivin tjetër të plagosur gjatë aksionit.

“Gjatë një operacioni kurajoz për kapjen e një të shumëkërkuari, që prej vitesh i fshihej ligjit në malet e Korçës, ka humbur jetën një efektiv policie dhe është plagosur një i dytë. Ndërkohë, pasi hapi zjarr ndaj tyre, u plagos dhe u kap edhe krimineli”, ka shkruar Rama.

Kryeministri theksoi se autori duhet të përballet me ndëshkimin maksimal të parashikuar nga ligji dhe vlerësoi angazhimin e Policisë së Shtetit në luftën kundër kriminalitetit.

“Nderim përjetë dëshmorit të atdheut, ngushëllime familjes dhe shërim të shpejtë efektivit tjetër. Ndëshkim maksimal për të shumëkërkuarin dhe respekt maksimal për Policinë e Shtetit, që nuk do të ndalet asnjëherë në misionin e saj”, u shpreh Rama.

Foto: Balkanweb.com

Lajmet

Dyshime për 338 euro të falsifikuara në Prishtinë

Published

30 minutes ago

June 4, 2026

UBT News

Sipas raportit të fundit të Policisë së Kosovës, është iniciuar një rast për falsifikim të parasë në Prishtinë, pas ekspertizës së kryer nga Agjencia e Kosovës për Forenzikë.

Në konsultim me prokurorin, më 3 qershor 2026 është hapur rasti pasi ekspertiza ka konstatuar se 338 euro në monedha dhe kartëmonedha të ndryshme dyshohet se janë të falsifikuara.

Paratë e dyshuara ishin dorëzuar në polici më 8 gusht 2024 nga një zyrtare e një banke private.

Autoritetet kanë bërë të ditur se hetimet po vazhdojnë nga ekipet përkatëse me qëllim të zbardhjes së plotë të rrethanave të rastit.