Lajmet

AAK s’ka vija të kuqe për asnjë parti

Published

5 years ago

on

Aleanca për Ardhmërinë e Kosovës në zgjedhjet e parakohshme që pritet të mbahen këtë fillim vit do të garojë e vetme. Selim Selimi nga kjo parti thotë se për koalicione do të mendojnë vetëm pas zgjedhjeve, derisa është shprehur i bindur se AAK-ja do të dalë fituese në këto zgjedhje.

Duke qenë se kanë marrë vendim që në zgjedhje të garojnë të vetëm, Selimi i AAK-së thotë se nuk kanë vija të kuqe për asnjë nga partitë politike për koalicione paszgjedhore.

“Për parazgjedhor do të garojmë të vetëm, për paszgjedhor mendojmë që vija të kuqe nuk ka, nuk ka vija të kuqe jo si lloj nënshtrimi, por nuk ka vija të kuqe sepse mendojmë që secila parti ashtu siç radhitet nga vota e sovranit, ne kemi hapësirë për të bashkëpunuar. Aleanca ka bashkëpunuar edhe në opozitë me partitë politike edhe në pozitë me parti të ndryshme politike, andaj e kemi parë që vizioni ynë që është i qendrës së djathtë. Në një koalicion të mundshëm, të cilin me shpresë që ne do t’i fitojmë zgjedhjet një koalicion të mundshëm me ndonjërën prej partive për ta gjetur një harmoni të qeverisjes së përbashkët. Do të thotë, ne kemi përvojë të qeverisjes me partitë, kemi përvojë edhe të opozitarizmit me partitë e tjera, andaj e dimë ato përparësitë dhe mangësitë e koalicioneve të mundshme pas zgjedhore”, thotë ai.

Selimi është shprehur i bindur se partia pjesë e të cilës është do të dalë fituese në këto zgjedhje të parakohshme, për shkak të, siç thotë ai punëve që kanë bërë.

“Ne kemi pritje për t’i fituar zgjedhjet, se po hyjmë t’i fitojmë zgjedhjet. Unë e di që mund të tingëllojë nganjëherë secila parti që thotë jo reale sepse pa u mbajtë zgjedhjet nuk e dinë kush fiton, por ne po hyjmë me vullnetin për t’i fituar zgjedhjet. Ne e kemi përqindjen tradicionale që Aleanca e merr në zgjedhje, por këtë herë mendojmë që kemi shanse jashtëzakonisht të mira që të pozicionohemi shumë më mirë në këto zgjedhje, për shkak që kemi bërë punë edhe gjatë punës së kryeministrit Haradinaj, po edhe në këtë qeveri”, thotë Selimi.

Derisa do të pritet publikimi i plotë i aktgjykimit të Gjykatës Kushtetuese për t’u shpallur zgjedhjet e parakohshme, Selimi thotë se tashmë kanë filluar mobilizimin e degëve dhe të nëndegëve në të gjithë Kosovën.

“Çdo parti politike e dinë që zgjedhjet janë të pashmangshme, çdo parti politike e dinë që zgjedhjet munden me ndodh edhe para kohe. AAK është gati, ka qenë gati, ne pas zgjedhjeve te tetorit kemi qenë në opozitë andaj kemi qenë gati që të shkojmë menjëherë në zgjedhje, për shkak që nuk jemi pajtuar me pushtetin e kaluar. Ne jemi të gatshëm dhe kemi një mobilizim në nivel të Kosovës, nëpër komuna, nëpër degë e nëndegë. Tashmë kemi filluar komunikimin e rregullt me kryetarët e degëve, me kryetarët e nëndegëve, kryetarët e komunave ku ne qeverisim po edhe me nivelin qendror. Ne jemi të gatshëm dhe e kemi një vullnet se këto zgjedhje do të dalim shumë mirë, për shkak që kemi çka të prezantojmë, do të thotë kemi punë me të cilat ne do të mundohemi t’i bindim votuesit që për shkak të votës së tyre neve na është dhënë mundësia të përmirësojmë ‘x’ apo ‘y’ në Republikën e Kosovës. Ne qëndrojmë mirë siç duket në terren”, thotë ai.

Gjykata Kushtetuese më 21 dhjetor vendosi që qeveria e udhëhequr nga Avdullah Hoti është zgjedhur në mënyrë jokushtetuese dhe kërkoi që vendi të shkojë në zgjedhje të parakohshme.

Related Topics:
Continue Reading

Rajoni

Me shumicë votash, Vesa Shatri zgjidhet Kryetare e re e Këshillit Studentor të UBT-së

Published

2 hours ago

on

December 3, 2025

By

Këshilli Studentor i UBT-së ka zhvilluar procesin zgjedhor për përzgjedhjen e përfaqësuesve të rinj të studentëve, në një proces të drejtë, transparent dhe të monitoruar nga autoritetet akademike të institucionit. Me shumicë votash, Vesa Shatri është zgjedhur Kryetare e Këshillit Studentor të UBT-së, duke marrë besimin e studentëve për të udhëhequr strukturën përfaqësuese të tyre.

Në përbërjen e re të kryesisë, janë zgjedhur këta përfaqësues:

  • Kryetare: Vesa Shatri
  • Nënkryetare: Eliona Kastrati
  • Sekretar: Mal Shehu
  • Këshilli Akademik: Ema Spahija
  • Komisioni për Ankesa: Elena Jashanica
  • Komisioni i Cilësisë: Odesa Mala
  • Komisioni Disiplinor: Rizgjim Sejdiu
  • Komisioni i Etikës: Arianit Hasani

Procesi zgjedhor u mbikëqyr nga përfaqësues të lartë të UBT-së, përfshirë Prorektorin e UBT-së, Prof. Dr. Binak Beqaj, sekretarin e institucionit, Prof. Dr. Artan Tahiri, këshilltarin në Zyrën e Rektorit, Prof. Dr. Elmi Kelmendi, koordinatoren për Çështje Akademike në UBT, Mirlinda Jashanica, si dhe Ismije Pllana, nga zyra e sekretarit.

Zgjedhja e kryesisë së re vjen me synimin që përfaqësimi i studentëve të jetë sa më efektiv, gjithëpërfshirës dhe i orientuar drejt përmirësimit të vazhdueshëm të jetës akademike e studentore në UBT. Përfaqësuesit e rinj do të angazhohen për të qenë zëri i studentëve, për të adresuar kërkesat e tyre dhe për të bashkëpunuar ngushtë me menaxhmentin e institucionit.

Në fjalën e saj, Kryetarja e re, Vesa Shatri, falënderoi studentët për besimin dhe theksoi angazhimin e saj për të mbrojtur interesat e tyre dhe për të ndërtuar ura komunikimi të qëndrueshme mes studentëve dhe strukturave drejtuese të UBT-së.

Continue Reading

Lajmet

BE-ja i kërkon KPK-së zbatimin e plotë të reformave: Shteti ligjor, parakusht i domosdoshëm për integrim

Published

3 hours ago

on

December 3, 2025

By

Zyra e Bashkimit Evropian ka njoftuar se në takimin e zhvilluar me Këshillin Prokurorial të Kosovës, u është bërë thirrje të gjithë anëtarëve të tij t’i zbatojnë plotësisht reformat e KPK-së.

Në njoftimin e lëshuar nga kjo zyrë, thuhet se shteti ligjor është parakusht thelbësor për Bashkimin Evropian.

“Zyra e BE-së në Kosovë u bëri thirrje sot të gjithë anëtarëve të tij që të zbatojnë plotësisht dhe së bashku reformën e KPK-së, të sigurojnë ligjshmërinë e vendimeve të tyre, të veprojnë me integritet dhe të mbrojnë besimin e publikut në sistemin e drejtësisë”, thuhet në njoftim.

Pas shkarkimit të u.d. së kryeprokurorit Besim Kelmendi dhe përplasjeve brenda KPK-së, Zyra e BE-së dje ka kërkuar takim urgjent me të gjithë anëtarët.

Ndërsa tri organizata të shoqërisë civile kanë paralajmëruar për rritje të rrezikut të kundërligjshmërisë në KPK.

Për këtë arsye ato kanë kërkuar ndërhyrjen e gjykatës./EO

Continue Reading

Lajmet

​Certifikohet NISMA

Published

4 hours ago

on

December 3, 2025

By

Komisioni Qendror i Zgjedhjeve ka certifikuar sot subjektin politik Nisma Socialdemokrate, për pjesëmarrje në zgjedhjet e parakohshme parlamentare të 28 dhjetorit.

Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se Nisma ka përmbushur të gjitha kriteret sipas ligjit për zgjedhje dhe ka paguar taksën për certifikim.

“Periudha e certifikimeve politike ka përfunduar me 30 nëntor. Subjekti politik NISMA ka përmbushur kriteret për certifikim duke dorëzuar listën e nënshkrimeve dhe mbështetësve dhe ka paguar taksën për certifikim. Nuk ka gjoba nga PZAP, KQZ dhe Zyra”, tha Buzhala.

Më 2 dhjetor 2025, KQZ mori vendim për certifikimin e 22 subjekteve politike, 16 parti politike; tri koalicione, dy iniciativa qytetare dhe një kandidat i pavarur për pjesëmarrje në zgjedhjet e dhjetorit, ndërsa nuk e ka certifikuar Listën Serbe./KP

Continue Reading

Lajmet

Lista Serbe fton konferencë për media pas moscertifikimit nga KQZ

Published

5 hours ago

on

December 3, 2025

By

Lista Serbe, ka njoftuar se sot më 03.12.2025, në ora 15:00, në selinë e partisë do të mbajnë konferencë për media.

Sipas njoftimit, drejtuesit do të flasin për vendimin nga KQZ-ja i cili siç pretendojnë ata ka penguar pjesëmarrjen e subjektit në zgjedhjet e parakohshme parlamentare të 28 dhjetorit 2025, transmeton KosovaPress.

“Udhëheqja e Listës Serbe do të mbajë një konferencë të jashtëzakonshme për media, ku do të flasë për vendimin joligjor për të penguar pjesëmarrjen e Listës Serbe në zgjedhjet e parakohshme parlamentare më 28 dhjetor 2025” thuhet në njoftimin e partisë.

Ndërsa dje gjatë mbledhjes së dytë lidhur me përgatitjet për procesin zgjedhor, KQZ-së nuk ka certifikuar Listën Serbe për zgjedhjet e parakohshme parlamentare të 28 dhjetorit.

KQZ votoi certifikimin ndaras për partitë politike, meqë rast Lista Serbe me 2 vota për, 2 kundër dhe 7 abstenime nuk u certifikua./KP

Continue Reading

Të kërkuara