Lajmet

AAK-ja kërkon që të hiqet kriteri për 15 vjet përvojë pune për kontributdhënësit

Dreshaj u shpreh se këtë çështje ka kohë që e kanë inicuar si parti politike në Kuvendin e Kosovës.

Published

3 years ago

on

Aleanca për Ardhmërinë e Kosovës (AAK), sot mbajti konferencë lidhur me siç u tha për të mënjanjuar padrejtesinë që me vite është duke iu bërë pensionistëve kontributdhënës.

Deputeti Shemsedin Dreshaj u shpreh se këtë çështje ka kohë që e kanë inicuar si parti politike në Kuvendin e Kosovës. Ai tha se kur Gjykata Kushtetuese ka folur janë në proces të plotësimit të këtij ligji, me ç’rast secili qytetar i vendit do të shpërblehet në pension për aq vite sa ka punuar.

“Realisht ftesa e sotme është bërë me qëllim që të ju informojmë në mënyrë detale lidhur me vendimin e gjykatës Kushtetuese që ka vendos që të largohet neni 8, paragrafi 2 i ligjit L4/131 për skemat pensionale kontributdhënëse dhe njëkohësisht që nga udhëzimi administrativ i hartuar nga ministria e Punës dhe Mirëqenies Sociale 09 2015, ku në mënyrë diskriminuese, të gjitha gradimet, të cilat janë bërë gjatë viteve 90-ta në institucionet e Republikës së Kosovës, atëherë paralel me sistemin okupues dhe deri më sot, ato nuk janë validu, pra nuk jonë marrë në konsideratë, bazuar në këtë udhëzim administrativ. Tash, ku Kushtetuesja foli, ne jemi në proces të modifikimit të… të plotësimit të këtij ligji. Secili qytetar i vendit do të paguhet, do të shpërblehet në pension për aq vite sa ka punu e jo si ka qenë deri më tash, që të plotësohet kriteri, që deri më 1 nëntor të vitit 1999, t’i kenë 15 vite përvojë pune. Çka don të thotë? Kjo do të thotë se nëse ju i keni pasë 14 vite e 11 muj përvojë, ju nuk keni pasë të drejtë të gëzoni asnjë nga kontributet e juaja që i keni lanë për këtë vend”, tha ai.

Dreshaj u shpreh se kërkesa e tyre është që të largohet ky kushtëzim, pra neni 8 paragrafi 2, që të largohet neni 5 dhe 6 nga udhëzimi administrativ i vitit 2015. Ai deklaroi se nisma ligjore që si parti e kanë proceduar në Kuvend në maj të vitit të kaluar, duhet të mbështetet, sidomos pas vendimit të Gjykatës Kushtetuese, lidhurme këtë ligj.

Dreshaj u shpreh se beson që brenda 6 muajve ky ligj ta marrë formën e prerë dhe secili pensionist të gëzojë kontributin e vet në pension.

Ndërsa, kryetari i Grupit Parlamentar të AAK-së, Besnik Tahiri, u shpreh se për AAK, ky ligj është jashtëzakonisht i rëndësishëm.

Lidhur me mungesën e materialit për dokumente personale, Tahiri tha se është e palogjikshme, e papërgjegjshme dhe sipas tij, tregon për logjikën e kësaj qeverie fakti që sot qytetarët e Kosovës nuk kanë të drejtë të kenë pasaportë.

“Është e tepërt, dëshpruese dhe për këtë ne si Aleancë do të thërrasim, do të kërkojmë një interpelancë, në seancën e parë për ministrin në fjalë, për shkak se kjo duhet të diskutohet, qytetari i Kosovës duhet ta din çka ka ndodhë. Flasin për 20 vjet, për çfarë 20 vjet je tu fol, pavarësia e Kosovës është shpall shkurt të vitit 2008, vendi është i pavarur do të thotë qe 14 vjet. E këto 14 vjet, prej 2019-ës, Kurti ka qenë në pushtet. Është papërgjegjësi totale dhe ikje prej detyrës shtetërore që e ka”, shtoi ai.

Tahiri ndër të tjera tha se beson që kryetari i AAK-së, Ramush Haradinaj, do të ketë takim me Këshilltarin e Departamentit Amerikan të Shtetit, Derek Chollet, i cili nesër do të vizitojë Kosovën.

Related Topics:
Continue Reading

Aktualitet

Regjistrohu tani në Gjuha Angleze në UBT dhe përfito bursë 20%

Published

5 hours ago

on

August 29, 2025

By

UBT njofton se kanë mbetur edhe pak vende të lira për regjistrim në programin Bachelor Gjuha Angleze, një drejtim studimor që hap mundësi të shumta karriere në arsim, përkthim, diplomaci, media dhe organizata ndërkombëtare.

Përmes këtij programi, studentët përgatiten jo vetëm në aspektin gjuhësor dhe kulturor, por edhe në atë profesional, duke u bërë të aftë të kontribuojnë në tregun vendor dhe global.

UBT ofron bursë prej 20% për të gjithë ata që regjistrohen në këtë program, duke i dhënë mundësinë studentëve të sigurojnë arsimim cilësor dhe të përballueshëm financiarisht.

Studentët e interesuar mund të aplikojnë online përmes platformës: APLIKO TANI ONLINE!

Continue Reading

Aktualitet

Në zyrën e Ivica Daçiqit mbërrin një zarf me tre plumba

Published

5 hours ago

on

August 29, 2025

By

Në Qeverinë e Serbisë ka mbërritur një zarf i adresuar për ministrin e Brendshëm, Ivica Daçiq, brenda të cilit janë gjetur tre plumba, njoftoi më 29 gusht Ministria e Punëve të Brendshme (MUP).

Sipas njoftimit, zarfi është vërejtur të enjten gjatë procesit të rregullt të ndarjes së postës.

“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e MUP-it.

Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.

Nuk është bërë i ditur identiteti i të dyshuarit.

Continue Reading

Aktualitet

U përurua çerdhja e re për 60 fëmijë në Fushë Kosovë

Published

6 hours ago

on

August 29, 2025

By

Në Fushë Kosovë u përurua një çerdhe e fëmijëve në Fushë Kosovë, investim ky i Ministrisë së Arsimit , në vlerë prej rreth 415 mijë euro.

Kjo çerdhe për 60 fëmijë me një hapësirë prej 750 m² u tha është e pajisur me të gjitha mjetet e nevojshme për kujdesin dhe zhvillimin e fëmijëve tanë të gjithë hapësirat në këtë çerdhe të re.

Kryeministri në detyrë, Albin Kurti, tha se vetëm gjatë këtij mandati qeverisës në komunën e Fushë Kosovës, në fushën e arsimit janë bërë investime kapitale me vlerë prej 5.6 milionë euro, duke shtuar se treguan kështu përkushtimin për gjeneratat e reja, të cilat duhet të kenë arsim cilësor dhe mirëqenie të garantuar.

“Të investosh në çerdhe për fëmijë dhe edukim të hershëm, do të thotë të investosh në të ardhmen e shtetit. Pikërisht në vitet e para të jetës aty ku hidhen themelet për zhvillimin, lumturinë dhe suksesin e fëmijëve të Kosovës, nesër profesionistë e kuadro, që do të udhëheqin institucionet, ekonominë, shoqërinë, politikën e kështu me radhë”, tha Kurti.

Në përurim mori pjesë edhe ministrja në detyrë e Arsimit, Arbërie Nagavci.

Kurti njoftoi se për ndërtimin edhe të një çerdhe tjetër publike, me vlerë mbi 1.2 milionë euro, po në Fushë Kosovë.

Pas përurimit të Çerdhes së fëmijëvë, kryeministri në detyrë Kurti vizitën e tij e vazhdoi me vënien e gurthemelit të Shkollës Fillore dhe të Mesme të Ulët, po ashtu në Fushë Kosovë, investim i Ministrisë së Arsimit, me një sipërfaqe prej 8,000 metra katror, për 1500 nxënës, me vlerë të investimit prej 3.8 milionë euro.

Continue Reading

Aktualitet

Kurti për akuzat ndaj UÇK-së: Manipulohet një kapitull për të cilin Basha s’ka faj

Published

6 hours ago

on

August 29, 2025

By

Kryeministri në detyrë, Albin Kurti, foli lidhur me zhurmën publike rreth artikullit ku bashkautor është kryetari i zgjedhur i Kuvendit të Kosovës, Dimal Basha kundër UÇK-së.

Ai kritikoi qeveritë e kaluara, duke thënë se janë vendimet e atyre qeverive i kanë shkaktuar probleme Kosovës dhe se të tilla s’po i shkakton artikulli me bashkautor Bashën.

“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ në 2013-tën, problemet i kemi kur janë amnistuar kriminelët serbë në veri, po astu në 2013-tën, problemet i kemi kur është votuar Gjykata Speciale në 2015-n, problemet i kemi kur është themeluar Lista Serbe në bashkëpunim me Beogradin në vitin 2013, problemet i kemi politikanët e Kosovës kanë bërë qeveri duke u varur nga Lista Serbe, problemet i kemi kur kanë hyrë në pazare për ndarje të Kosovës – jo te ky farë artikulli ku manipulohet një kre, në të cilin ky s’ka fare autorësi”, tha Kurti .

Kryeministri në detyrë tha se buja që bëri ky shkrim është keqinterpretim dhe deformim.

“Dimal Basha e ka dhënë sqarimin për atë publikim që është bërë para më shumë se një dekade. Ai ka thënë se kapitulli që e ka shkruar nuk ka të bëjë me UÇK-në. Edhe në fjalimin e tij pas zgjedhjes si kryetar Kuvendi, ai shprehu vlerësimet më të larta për këtë vlerë të kombit shqiptar”, tha Kurti.

Kryeministri në detyrë këto deklarata i bëri në komunikim me gazetarë në Fushë Kosovë, ku mori pjesë në përurimin e një Çerdheje për fëmijë.

Continue Reading

Të kërkuara