Lajmet

A po forcohet Shteti Islamik?

Shumë vendas thonë se vdekja e udhëheqësit të Shtetit Islamik mund të ketë një ndikim të vogël në zbutjen e këtij rreziku.

Published

4 years ago

on

Vdekja e një udhëheqësi të Shtetit Islamik në Siri javën e kaluar u cilësua si një “goditje” e fortë ndaj grupit terrorist, por civilët në Siri thonë se rreziku mbetet, si nga ekstremistët ashtu edhe nga koalicioni që lufton kundër tyre.

Mijëra njerëz të zhvendosur po ndeshen edhe me varfërinë e skajshme të shkaktuar nga lufta.

Kur helikopterët arritën në një shtëpi në Idlib të Sirisë, javën e kaluar, familjet e zhvendosura të zonës ishin të tmerruara. Një ditë më pas, shumë njerëz iu afruan vendit të ngjarjes për të parë se çfarë kishte ndodhur.

“Unë jetoj në një kamp refugjatësh këtu afër. Dëgjuam zhurmë dhe mund të dalloja se ishin helikopterë. Erdha këtu për të mësuar se çfarë ka ndodhur dhe pashë trupat e fëmijëve dhe grave”, thotë Aboud Al-Youssef.

Zyrtarët amerikanë thonë se civilët që vdiqën në operacionin kundër udhëheqësit të Shtetit Islamik të enjten u vranë kur jeleku vetëvrasës i tij shpërtheu.

Udhëheqësi i Shtetit Islamik njihej me disa emra si Amir Muhamed Sa’id Abdal-Rahman al-Mawla, Abu Ibrahim al-Hashimi al-Kurayshi dhe Haxhi Abdullah.

“Kemi sinjale të forta se viktimat, përfshirë ato të civilëve të pafajshëm në këtë operacion u shkaktuan nga Abdullahu, i cili hodhi veten në erë”, thotë zëdhënësi i Departamentit të Mbrojtjes, John Kirby.

Ai është fajësuar për një sulm të fundit ndaj një burgu në Siri, ku po mbahen luftëtarë të Shtetit Islamik, që u shndërrua në një betejë dhjetë-ditore dhe shkaktoi vdekjen e qindra militantëve dhe më shumë se 100 rojeve dhe punonjësve të burgut.

Por zyrtarët e Forcave Demokratike Siriane të udhëhequra nga kurdët që kontrollonin burgun e improvizuar paralajmëruan se një sulm si ky ishte i pashmangshëm edhe para se Haxhi Abdullahu të merrte drejtimin e Shtetit Islamik.

Në Sirinë verilindore ndodhen një numër objektesh, ku po mbahen dhjetëra mijëra burra, gra dhe fëmijë që u dorëzuan në vitin 2019, kur Shteti Islamik humbi territoret që kontrollonte. Ata janë nga dhjetëra vende të ndryshme dhe të gjithë po mbahen pa akuza.

Kushtet e rënda të jetesës po rrisin radikalizimin në kampet dhe burgjet tashmë të radikalizuara. Zyrtarët e Forcave Demokratike Siriane i quajnë qendrat e paraburgimit “bomba me sahat”.

Shumë vendas thonë se vdekja e udhëheqësit të Shtetit Islamik mund të ketë një ndikim të vogël në zbutjen e këtij rreziku.

Por në Idlib, provinca e fundit në Siri që ende kontrollohet nga forcat opozitare anti-qeveritare, disa vëzhgues thonë se vdekja e udhëheqësit të Shtetit Islamik është një lehtësim.

“Jam i gëzuar për vdekjen e tij sepse Shteti Islamik është një organizatë terroriste që shkatërroi revolucionin e Sirisë. Është si një sëmundje apo një virus”, thotë gazetari Mohamed Hajj Kaddour.

Por të tjerë thonë se, për civilët, kërcënimi nga Shteti Islamik ka qenë gjithmonë më i vogël se ai i forcave ndërkombëtare dhe lokale që bombardojnë grupin terrorist.

Në të gjithë Sirinë dhe Irakun, qytete të shumta mbeten nën rrënoja dhe nuk dihet se sa mijëra civilë janë vrarë nga forcat e koalicionit që luftojnë Shtetin Islamik.

“Ne kemi qenë në rrezik dhe kemi vuajtur nga të dyja palët. Fëmijët janë veçanërisht të frikësuar. Edhe gratë kanë frikë. Kemi frikë nga avionët luftarakë të koalicionit të pajisur me raketa dhe mitralozë”, thotë Umm Jusuf, një banore e zhvendosur.

Ashtu si shumë familje të zhvendosura, ajo thotë se më e tmerrshme se dhuna, është përpjekja për të mbijetuar varfërinë ekstreme të shkaktuar nga lufta./ VOA

Related Topics:
Continue Reading

Lajmet

​Flet drejtori i KH Rahovecit: Vendimi për të na përjashtuar nga palestra i pakuptimtë

Published

9 hours ago

on

September 30, 2025

By

Klubi i hendbollit Rahoveci ka njoftuar se të dyja ndeshjet ndaj ekipit nga Luksemburgu, Dudelange, në kuadër të garave evropiane, do të zhvillohen në Luksemburg.

Shkak për këtë është bërë fakti se palestra Mizahir Isma në Rahovec, për shkak të zgjedhjeve, kalon nga nesër në menaxhim të KQZ-së dhe rrjedhimisht nuk mund të shfrytëzohet për ndeshje sportive.

Drejtori Sportiv i këtij klubi, Afrim Deliu, thotë se vendimi për t’i përjashtuar klubet nga palestrat është krejtësisht i pakuptueshëm.

“Sigurisht që është problematike, tereni është një lojtar shtesë në fushë, ajo nuk diskutohet por përveç kësaj janë edhe shumë probleme të tjera sepse palestra kalon në menaxhimin e KQZ-s nga nesër dhe përveç tereni që duhet të zhvillohet ndeshja jashtë, ne e kemi problem edhe stërvitjet t’i vazhdojmë. DO të thitë është shumë problem kjo pjesa dhe sinqerisht nuk e kuptoj se si mund të merret një vendim që palestra të lirohen nga klubet ose të mos kenë mundësi t’i zhvillojnë stërvitjet. Pra përveç lojës, problem tjetër shumë i madh është edhe stërvitjet ku do t’i zhvillojmë”, tha Deliu.

Ai ka shtuar se me këtë problematikë përballen sa herë që në Kosovë ka zgjedhje.

“Edhe në zgjedhjet e kaluara ka qenë i njëjti problem dhe e kemi ditur që nuk ka mundësi të arrihet asgjë nga kjo marrëveshje dhe menjëherë kemi kontaktuar me ekipin kundërshtar dhe kemi kërkuar që t’i zhvillojmë dy ndeshjet sepse e dimë që kjo nuk mund të realizohet, nuk është problem vetëm Rahoveci por e gjithë Kosova…Nuk është se kemi tentuar të shkojmë edhe ne KQZ direkt por e kemi ditur se është e pamundur sepse jo vetëm për Rahovecin por edhe për të gjitha klubet tjera ka qenë e pamundur”, shtoi Deliu.

Përveç hendbollit, me telashe të njëjta po përballet edhe sporti i volejbollit dhe ai i basketbollit./S.K/KP/

Continue Reading

Lajmet

​Bashkimi kërkon suksesin historik në Evropë

Published

10 hours ago

on

September 30, 2025

By

Bashkimi pas fitores shumë të rëndësishme përballë Anwil-it kërkon për herë të parë të jetë pjesë e grupeve në FIBA Europe Cup.

Për të arritur suksesin historik për klubin më të vjetër në Kosovë, prizrenasit duhet të ruajnë epërsinë e pikëve nga fitorja e parë.

Sfida në Prizren përfundoi 80:75 për Portokallezinjtë, derisa në grupe do të hyjë skuadra që është më e mirë nga dy ndeshjet.

Nënkampionët për herë të parë janë në kualifikimet e FIBA Europe Cup, ndërsa nëse kalojnë pengesën në Poloni, atëherë do t’i bashkoheshin kampiones së Kosovës, Trepçës, si dhe PAOK-ut të Greqisë dhe Braunschëeig të Gjermanisë në Grupin F.

Anwil është një nga skuadrat më të forta polake në vitet e fundit, ku para dy vitesh kishte triumfuar në FIBA Europe Cup, kurse edicionin e kaluar ishte ndalur në Raundin e 1/16-tes.

Ndeshja zhvillohet të mërkurën në Poloni nga ora 18:30./S.K/KP/

Continue Reading

Aktualitet

UBT hap thirrjen për pjesëmarrje në Konferencën Ndërkombëtare të Gazetarisë, Medias dhe Komunikimit 2025

Published

10 hours ago

on

September 30, 2025

By

UBT fton studiuesit, profesionistët dhe studentët për të marrë pjesë në Konferencën Ndërkombëtare të Gazetarisë, Medias dhe Komunikimit (ICJMC 2025), një ngjarje që synon të bashkojë ekspertët për të prezantuar rezultatet e fundit të kërkimeve, për të shkëmbyer ide dhe përvoja në fushën e gazetarisë, medias dhe komunikimit.

Kjo konferencë është pjesë e edicionit të 14-të të Konferencës Ndërkombëtare të UBT-së për Biznes, Teknologji dhe Inovacion, ku fokusi i këtij viti do të jetë Reziliencia dhe Qëndrueshmëria.

Datat e rëndësishme:

  • Dorëzimi i abstrakteve: 10 Tetor 2025
  • Njoftimi për pranimin e abstrakteve: 17 Tetor 2025
  • Regjistrimi i hershëm: 17 Tetor 2025
  • Regjistrimi i vonë: 20 Tetor 2025
  • Dorëzimi i artikujve të plotë: 14 Nëntor 2025
  • Peer review: 17 Tetor 2025

Qëllimi i konferencës:

Konferenca synon të krijojë një platformë për shkëmbimin e njohurive ndërmjet studiuesve inovativë, akademikëve, hulumtuesve të rinj, studentëve pasuniversitarë dhe kandidatëve për doktoraturë, si dhe ekspertëve të fushës, duke mbështetur diskutime mbi sfidat, trendet dhe zhvillimet më të fundit në Gazetari, Media dhe Komunikim.

Tema e vitit:

  • Inteligjenca Artificiale dhe Sensacionalizmi i Informacionit në Kohë Krize dhe Konflikti

Nën-temat përfshijnë:

  • Roli i medias në kohë krize dhe kriza gjeopolitike
  • Transformimi i komunikimit politik në epokën dixhitale
  • Etika e medias dhe komunikimit gjatë krizave humanitare: Përdorimi i Chat GPT

Temat e tjera të trajtuara:

  • Reklama, media alternative dhe komunitare
  • Inteligjenca artificiale dhe gazetaria
  • Komunikimi biznesor dhe marketingu i integruar
  • Media dhe globalizimi, media dhe sporti
  • Etika e medias, dezinformimi dhe lajmet false
  • Komunikimi ndërkulturor dhe ndëretnik
  • Studime kritike dhe kulturore, rinia dhe gjinia
  • Gazetaria, ligji dhe ndikimi shoqëror
  • Media, ndryshimet klimatike dhe studimet mjedisore
  • Komunikimi i rrezikut, stigma dhe shëndeti publik
  • Media vizuale, muzikore, multimediale dhe teknologjitë e reja

Dorëzimi i artikujve:

Materiali i dorëzuar duhet të jetë origjinal, nuk duhet të jetë publikuar më parë apo të jetë duke u shqyrtuar diku tjetër. Maksimumi i artikullit është 6 faqe. Artikujt që nuk përmbushin kriteret e formatit nuk do të konsiderohen.

Për më shumë detaje mbi standardet e pranimit dhe regjistrimin, vizitoni faqen zyrtare: Konferenca Ndërkombëtare e UBT-së

Continue Reading

Lajmet

​Portieri 42 vjeçar kthehet për kualifikueset e Botërorit

Published

10 hours ago

on

September 30, 2025

By

Portieri me përvojë Craig Gordon është rikthyer në kombëtaren e Skocisë për ndeshjet kualifikuese të Kupës së Botës kundër Greqisë dhe Bjellorusisë.

Gardiani 42-vjeçar nuk ka luajtur që nga maji dhe ende nuk është paraqitur me Hearts këtë sezon, por tashmë është rikuperuar plotësisht nga një dëmtim në qafë. Gordon, i cili ka 81 ndeshje me kombëtaren, zëvendëson shokun e tij të ekipit, Zander Clark.

Ndërkohë, mbrojtësi i Derby County, Max Johnston, dhe qendërmbrojtësi i Blackburn Rovers, Dominic Hyam, janë lënë jashtë listës. Po ashtu nuk është përfshirë as sulmuesi i formës së mirë i Hearts, Lawrence Shankland, i cili ka shënuar shtatë gola këtë sezon, si dhe Tommy Conway i Middlesbrough.

Skocia ka grumbulluar katër pikë në dy ndeshjet e para të grupit, pas barazimit 0-0 në Danimarkë dhe fitores 2-0 kundër Bjellorusisë. Greqia viziton Hampden Park më 9 tetor, ndërsa tre ditë më vonë Bjellorusia do të përballet me skocezët në Glasgow.

Trajneri Steve Clarke ka rikthyer edhe Anthony Ralston pas mungesës së tij, ndërsa Angus Gunn dhe Liam Kelly kompletojnë listën e portierëve, pavarësisht se kanë pak minuta me klubet e tyre./S.K/KP/

 

Continue Reading

Të kërkuara