Shëndeti

A ndryshon yndyra e gjalpit nga e qumështit?

Përmbajtja e yndyrës në qumësht, mund të ndryshojë midis racës së lopëve apo edhe llojit të ushqimit.

Published

on

Nëse jeni i apasionuar rreth gatimit, mund të keni vënë re që terminologjia në librat e gatimit ndryshon me kalimin e kohës. Në librat e vjetër të gatimit, pana apo qumështi kategorizoheshin në varësi të sasisë së yndyrës (gjalpit) që ato përmbanin.

Tanimë ndodh e kundërta. Pra kur shohim të përmendet gjalpi, pas tij vjen edhe shpjegimi i sasisë së qumështit natyral që ka në përbërjen e këtij produkti.

Yndyra Në Qumësht
Përmbajtja e yndyrës në qumësht, mund të ndryshojë midis racës së lopëve apo edhe llojit të ushqimit. Shumica e racave japin mesatarisht 3.5 % në 4 % yndyrë gjalpë. Qumështi i skremuar, ku pjesa më e madhe e yndyrës hiqet, zë vend të veçantë në dietat e shumë njerëzve. Ndërsa qumështi me yndyrë të plotë, zakonisht homogjenizohet. Ky është një proces që i bën kokrrizat yndyrore aq të vogla, saqë ato shpërndahen në të gjithë qumështin.

Yndyra Në Gjalpë
Yndyra në gjalpë është shumë më e përqendruar sesa në qumësht, mesatarisht afërsisht 80 % e peshës së gjalpit. Pjesa tjetër përbëhet nga uji dhe një sasi e vogël e trupave të qumështit. Një lugë çaji me gjalpë, përmban 4 gramë yndyrë, nga të cilat 2.5 gramë janë yndyrë e ngopur. Eskpertët e shëndetit, këshillojnë njerëzit të kufizojë konsumin e gjalpit dhe produkteve të tjera të qumështit me yndyrë të plotë. Kjo sepse konsumi i yndyrës së ngopur, shoqërohet me rritjen e rrezikut të sëmundjeve kardiovaskulare dhe mbipeshes. Megjithatë, studimet e reja sugjerojnë se kjo mund të mos jetë kështu.

Yndyra Në Qumësht Dhe Gjalpë
Yndyra në qumësht, për shkak të molekulave të lipifeve, merr formën e kokrrizave të vogla. Kjo i bën këto kokrriza të mos bashkohen së bashku si vaji. Por duke qenë se ato janë më të lehta, kanë tendencën të qëndrojnë në sipërfaqe të qumështit. Kjo shtresë me shumë yndyrë, mund të copëtohet dhe të bashkohet për të formuar gjalpin. Yndyra e qumështit dhe yndyra e gjalpit janë e njëjta gjë, ato ndryshojnë vetëm në përqendrimin e tyre./AgroWeb

Shëndeti

Boronica, fruta që ul rrezikun nga harresa

Published

on

Një studim i ri sugjeron se boronica, një frutë e zakonshme, por e fuqishme, mund të ndihmojë në mbrojtjen e trurit nga harresa, ka raportuar Getsurrey.

Shkencëtarët kanë zbuluar se boronicat, falë përbërësve të pasur me antocianinë, një lloj antioksidanti që u jep ngjyrën karakteristike të kaltër, ofrojnë mbrojtje kundër sëmundjes së demencës për personat në moshë të mesme.

Këto përbërje, që ndihmojnë frutën të mbrohet nga infeksionet, ka efekte të ngjashme mbrojtëse edhe për trurin e njeriut.

“Ne kemi vërejtur përmirësim të funksioneve të aftësive njohëse te të moshuarit që konsumojnë boronica dhe menduam se mund të jenë efektive edhe te personat më të rinj”, ka thënë profesori Krikorian.

Sipas tij, edhe sëmundja tjetër neurodegjenrative, Alzheimeri, ashtu si shumica e sëmundjeve kronike të pleqërisë, fillon të zhvillohet vite përpara se të shfaqen simptomat, që në moshë të mesme.

Profesori ka shpjeguar se vetitë që e ndihmojnë boronicën të mbijetojë, mund të reduktojnë inflamacionin, të përmirësojnë metabolizmin dhe të rrisin prodhimin e energjisë brenda qelizave të trupit të njeriut, përfshirë të trurit.

Studimi, i publikuar në revistën Nutrients, përfshiu 33 persona të moshës 50 deri në 65 vjeç, me mbipeshë dhe me nivele të larta të sheqerit në gjak, një grup i rrezikuar nga problemet e kujtesës dhe zhvillimi i demencës.

Të gjithë pjesëmarrësit kishin filluar të ndienin vështirësi me kujtesën për shkak të moshës.

Continue Reading

Shëndeti

Çdo ditë bëni këtë gabim derisa i lani dhëmbët, prandaj ju bëhen të verdhë!

Published

on

Higjiena orale dhe dentare është shumë me rëndësi për shëndetin e përgjithshëm.

Ka gabime te larja e dhëmbëve të cilat me siguri i bëni çdo ditë dhe nuk keni haber që po e rrezikoni shëndetin e dhëmbëve tuaj.

Të gjithë e dimë që dhëmbët është e nevojshme t’i lani së paku dy minuta dhe së paku dy herë në ditë. Atë që e bëjmë gabimisht është kur i lajmë dhëmbët në shpejtësi, prandaj në ta ende ekzistojnë mbetje të ushqimit, gjë që mundësojnë zhvillimin e baktereve në gavrën e gojës.

Gurëzit e dhëmbëve, kariesi, inflamacioni janë disa nga problemet me të cilat përballen dhe luftojnë ata që nuk kujdesen në mënyrë të drejtë për higjienën e gavrës së gojës. Shumica gabojnë edhe me sasinë e pastës së dhëmbëve të cilën e vënë në brushë.

Nuk është e nevojshme të vihet pasta në gjithë sipërfaqen e brushës, sepse mund t’i dëmtoni dhëmbët dhe ata me kalimin e kohës marrin ngjyrë të verdhë.

Zmalti në dhëmbë dëmtohet, njerëzit i lajnë dhëmbët me brushë me qëllim t’ua kthejnë bardhësinë dhe shkëlqimin, mirëpo ata bëhen gjithnjë e më të errët.

Prodhuesit e pastave të dhëmbëve rekomandojnë larjen me brushë me sasinë e pastës së madhësisë së kokrrës së bizeles, mirëpo njerëzit shpesh e injorojnë këtë informacion dhe e mbushin brushën me pastë.

Kini parasysh këtë këshillë herën tjetër kur i lani dhëmbët!

Continue Reading

Shëndeti

Sheqeri po dëmton seriozisht shëndetin tuaj, ja çfarë duhet të dini!

Published

on

Konsumimi i tepërt i sheqerit është kthyer në një ndër rreziqet më të mëdha për shëndetin publik, sipas studimeve më të fundit të publikuara nga organizatat ndërkombëtare të shëndetit.

Ndonëse sheqeri është pjesë e pandashme e dietës moderne, efektet anësore mund të jenë më të rënda sesa mendohej më parë.

Sipas ekspertëve të shëndetit, konsumimi i rregullt i produkteve të pasura me sheqer lidhet ngushtë me një sërë sëmundjesh kronike si diabeti i tipit 2, obeziteti, sëmundjet kardiovaskulare dhe madje edhe probleme me kujtesën dhe përqendrimin.

Mjekët paralajmërojnë se sheqeri “i fshehur” në produktet e përpunuara është burim rreziku, përdoruesit nuk janë të vetëdijshëm për sasinë që konsumojnë.

“Është koha të fillojmë të shohim etiketat e produkteve me më shumë kujdes,” thotë dietologe Dr. Elira Gashi. “Një jogurt i zakonshëm apo një pije energjike mund të përmbajë më shumë sheqer sesa një kanaçe me pije të gazuar.”

Autoritetet shëndetësore po kërkojnë ndërhyrje më të forta nga qeveritë për të kufizuar përmbajtjen e sheqerit në ushqime dhe për të informuar më mirë publikun rreth pasojave të konsumit të tij të tepërt.

Continue Reading

Shëndeti

Këto ushqime nuk duhet t’i hani gjatë ditëve të nxehta

Published

on

Gjatë sezonit veror është e rëndësishme shmangia e disa ushqimeve, që jo vetëm ndikojnë keq, por edhe mund të bëhen shkaktarë për infeksione.

Nuk duhet të konsumoni ushqimet pikante dhe ato që nuk janë vegjetariane. Ushqimet pikante rrisin temperaturën e trupit duke qenë se rritet norma e metabolizmit. Vera nuk është koha më e mirë për të konsumuar mish, peshk apo të gjitha llojet e ushqimeve të detit.

Nëse konsumoni shumë mish do të djersisni më shumë e do keni probleme me tretjen.

Është e rëndësishme të shmangni ushqimet e gatshme apo të fast-food-eve që janë të pasura me yndyrë dhe vaj. Nuk duhet të konsumoni salcat, se përmbajnë sasi të lartë të një lënde që ndikon në shtimin në peshë. Ushqimet mund t’i konsumoni në gjendjen natyrale e nuk keni pse t’u shtoni salcë.

Duhet të tregoni një kujdes shumë të madh edhe ndaj ushqimeve të mbetura nga vaktet e kaluara. Sapo mbarohet ushqimi, pjesën që ngelet duhet ta ruani në ambient të ftohtë ose të ngrohtë, në varësi të llojit. Ushqimi i lënë jashtë mund të kthehet në problem, sepse hyn në një zonë problematike të temperaturës.

Nëse ushqimi lihet jashtë për më shumë se 4 orë, duhet hedhur menjëherë në kosh të plehrave.

Continue Reading

Të kërkuara