Anemia është sëmundje që të sjell probleme në organizëm ku mbi të gjitha ulje të fuqisë fizike. Ajo zhvillohet kur nuk keni mjaftueshëm qeliza të kuqe të gjakut, të shëndetshme, për të transportuar oksigjenin në gjithë trupin.

Qelizat e gjakut mund të kenë mungesë të hemoglobinës, proteina që iu jep qelizave ngjyrën e kuqe.

Ja disa nga shkaqet që çojnë në zhvillimin e anemisë si tek fëmijët ashtu edhe të rriturit:

Humbje të gjakut

Humbja e shumë qelizave të kuqe të gjakut është shkaktar i zakonshëm i anemisë. Gjakderdhja gjatë ciklit menstrual, ulcera, dëmtime ose operacioni shkaktojnë humbje të gjakut deri në anemi. Gratë që kanë shumë gjakderdhje gjatë ciklit menstrual duhet të bëjnë analiza për anemi.

Hekuri me pakicë

Një dietë e ulët në hekur shkakton anemi. Hekuri nga burimet bimore e suplementet s’absorbohet aq mirë sa në burimet shtazore. Problemet me tretjen, si sëmundja e Crohn, celiake ndërhyjnë në absorbimin e hekurit. Disa ushqime vështirësojnë marrjen e hekurit kur merren me ushqime që janë të pasura në hekur.

Këtu përfshihen: Produktet e qumështit, ushqime të tjera të pasura në kalcium, antacidet, kafja, çaji.

Mungesa në vitamina

Trupi ka nevojë për vitaminën B12 ashtu dhe për folate për të prodhuar qeliza të kuqe. Një dietë e ulët në këto vitamina shkakton anemi. Një çrregullim autoimunitar ose problem me tretjen pengon trupin të absorbojë vitaminë B12. Ushqimet me bazë shtazore dhe drithërat janë burim i mirë i vitaminës B12. Ndërsa folate gjendet tek perimet e gjelbra, frutat, fasulet dhe bizelet, dhe janë të shtuara si acid folik tek buka, makaronat dhe drithërat.

Faktorët e rrezikut

Gratë që vuajnë nga ndonjë sëmundje kronike janë më të predispozuar që të zhvillojnë anemi. Kur humbasin shumë gjak gjatë ciklit, gratë bëhen anemike. Shtatzënia shkakton ndryshime në volumin e gjakut tek gratë, gjë që mund të rezultojë në anemi. Sëmundjet kronike si të veshkave ndërhyjnë në aftësinë e trupit për të prodhuar qeliza të kuqe të gjakut. Një dietë e ulët në hekur, folate ose vitaminë B12 mund të rrisë rrezikun. Disa lloje të anemisë janë edhe të trashëguara. /UBT News/

Të pasur me fibra, ushqimet si perimet, frutat dhe drithërat janë thelbësore për shëndetin tretës. Ato ndihmojnë në parandalimin e kapsllëkut dhe mbështesin balancën e baktereve të shëndetshme në zorrë, duke kontribuar në uljen e rrezikut për sëmundje kronike.

Fibrat ndihmojnë gjithashtu në uljen e niveleve të kolesterolit dhe stabilizimin e nivelit të sheqerit në gjak.

Përfitimet e fibrave janë gjithashtu të dukshme në kontrollin e peshës, pasi ofrojnë ndjenjë ngopjeje që mund të parandalojë ngrënien e tepruar.

Rritja e konsumit të ushqimeve me fibra gjithashtu ndihmon në forcimin e sistemit imunitar, pasi fibra ushqen bakteret e mira që jetojnë në zorrë, të cilat luajnë rol të rëndësishëm në luftimin e infeksioneve dhe mbrojtjen e trupit.

Sheqeri i lartë në gjak mund të shkaktojë një mori efektesh anësore dhe me kalimin e kohës, çon edhe në diabet. Por, ka disa mënyra për të menaxhuar nivelet e sheqerit në gjak, dhe shmangia e disa ushqimeve është pikënisje e shëndetshme.

Një dietë që përbëhet nga ushqime të pasura me fibra, karbohidrate të pa përpunuara, peshk e yndyrna të shëndetshme, këshillohet për ata me sheqer të lartë.

Për sa i përket ushqimeve që duhen shmangur,  përfshihen ushqimet e pasura me sheqer të shtuar dhe karbohidrate të rafinuara.

Ja lista e ushqimeve më të këqija që këshillohet të shmangni.

Embëlsuesit natyral – Disa njerëz përpiqen të shmangin sheqerin e bardhë e kërkojnë diçka më natyrale si mjalti. Fatkeqësisht, edhe pse këto burime të sheqerit janë më të natyrshme se ai i bardhë i rafinuar, mund të shkaktojnë rritje të sheqerit. Në vend që të kërkoni mjaltë, provoni një ëmbëlsues me zero kalori.

Ushqimet e skuqura – Ngrënia e ushqimeve të skuqura shkakton rritje në nivelet e glukozës në gjak. Këto ushqime të mbushura me yndyrna, për shkak të vajit që përdoret çon në një tepricë të sheqerit në gjak. Ushqimi i skuqur mund të rrisë rrezikun e kolesterolit të lartë, shtimit në peshë e zhvillimit të diabetit të tipit 2.

Patatet – Mund të mos jenë ushqimi më i mirë për sheqerin në gjak. Megjithatë, nuk duhet ta shmangni këtë ushqimi, por preferohet kombinimi me disa ushqime të pasura me fibra ose proteina, të cilat mund të ndihmojë në balancimin e sheqerit.

Ushqimet e larta në yndyrna të pashëndetshme – Ato mund të ndikojnë në nivelet e sheqerit se insulina është një nga hormonet më të rëndësishme në rregullimin e niveleve të glukozës në gjak.

Kosi i frutave – Këto produkte që mund t’i gjeni në raftet e marketeve, edhe pse në dukje të shëndetshme, në të vërtetë përmbajnë sheqer dhe nuk kanë të njëjta vlera sa një kos shtëpie, të cilit mund t’i shtoni frutat tuaja të preferuara të stinës.

Lëngjet e frutave – Fibrat dietike ashtu edhe proteinat, që ndihmojnë në balancimin e sheqerit në gjak, nuk mund të gjenden me shumicë në lëgjet e frutave.

Shumë nga këto lëngje të shiten në ushqimore janë të pasura me karbohidrate, që rrisin edhe më shumë sheqerin e lartë në gjak. Në vend të kësaj, përdorni qumësht, kos apo edhe kefir, e shtoni një burim fibrash si fruta të freskëta ose të ngrira. Plus, disa arrorë dhe farat si ato chia ose të lirit.

Ju mund të shtoni edhe një lugë gjalpë kikiriku, ose pluhur proteinash për ta mbajtur sheqerin në gjak më të qëndrueshëm.

Karbohidratet e përpunuara – Përfshihen buka e bardhë, orizi i bardhë, patatet dhe ushqime të lehta si patatina etj. Nuk keni nevojë t’i përjashtoni ato. Për të ulur ndikimin e tyre, kombinoni me ushqime të pasura me proteina dhe fibra.

Drithërat me sheqer – Disa drithëra mund të jenë të larta në karbohidrate dhe u mungojnë fibrat dietike dhe proteinat, dy lëndë ushqyese që mbajnë sheqerin në gjak të qëndrueshëm dhe në kontroll.

Karamelet dhe ëmbëlsirat – Fatkeqësisht, nëse sheqeri në gjak është i lartë, gjëja e fundit që duhet të bëni është të konsumoni grushta me karamele. Pavarësisht se çfarë lloj karamelesh apo ëmbëlsirash  zgjidhni, mirë që t’i shmangni. /UBT News/

Shkencëtarët kanë një përgjigje për të gjithë personat që vazhdimisht kërcasin gishtat dhe që shumë e konsiderojnë si një veprim të dëmshëm.

Ajo që ndodh në të vërtetë kur ju kërcisni gishtat është përthyerja e vendit ku dy kockat e gishtave bashkohen, të cilat janë të mbështjella nga një kapsulë e përbashkët e mbushur me lëng.

Në momentin e kërcitjes hapësira mes kockave zgjerohet dhe lëngu i përbashkët bëhet i pamjaftueshëm për të mbushur boshllëkun. Presioni brenda bie dhe shfaqet një flluskë e mbushur me gaz. Tingulli që ne dëgjojmë është plasja e kësaj flluske. Në bazë të një testi të realizuar nga studiuesit personat që kërcasin gishtat nuk vuajnë nga enjtja e duarve dhe artriti.

Nëse deri më tani keni menduar se vesi i të kërciturit të gishtërinjve është në dëm të shëndetit tuaj, në bazë të këtij studimi vërtetohet se jeni gabuar.

Megjithatë duhet të dini se ky veprim juaji është shenjë e nervozizmit të shpeshtë.