

Shëndeti
A është i shëndetshëm peshku ton i konservuar?
Published
8 months agoon
By
UBT NewsPeshku toni i konservuar nuk është vetëm i shijshëm por edhe një nga ushqimet me më shumë vlera ushqyese. Në një kanaçe të vetme ju do të merrni mjaftueshëm proteina dhe pak kalori.
Ka shumë varietete të këtij peshku, por ajo që duhet pasur parasysh kur blini peshk ton është përmbajtja e mërkurit. Ngrënia e shpeshtë e çdo peshku me përmbajtje të lartë mërkuri shkakton grumbullim të mërkurit në indet e trupit dhe të shkaktojë dëme në organizëm.
Kjo është diçka problematike sidomos për gratë shtatzëna dhe fëmijët e vegjël, pasi mërkuri ndikon në zhvillimin e trurit, njerëzit që jetojnë në zona të kontaminuara nga ndotësit industrialë duhet të kenë kujdes me çdo peshk të kapur në vend.
Përpiquni të kërkoni për varantet që përmbajnë më pak mërkur, konsumoni deri 1200g ose dy vakte me ushqim deti në javë.
Kërkoni për konserva të mbushura me ujë në vend të atyre me vaj, në këtë mënyrë e shmangni marrjen e kalorive dhe yndyrave të tepërta.
Përfitimet shëndetësore – Peshku ton ofron proteina dhe yndyra, që janë të shkëlqyera për balancimin e sheqerit në gjak, toni përmban acide yndyrore omega-3, të cilat janë të lidhura me një mori përfitimesh shëndetësore. Omega-3 në ushqimet e detit ndihmojë në uljen e triglicerideve, inflamacionit dhe të ndihmojë në rritjen e kolesterolit “të mirë”.
Ju merrni një grup të tërë vitaminash dhe mineralesh nga toni i konservuar, një nga mineralet që nuk merr aq vëmendje sa meriton është seleni, që ndihmon në mbrojtjen kundër dëmtimit të qelizave. Vetëm 3 gram ton i konservuar ju siguron gjithë vlerën ditore për selen.
Toni i konservuar ofron hekur, vitaminë B12 e vitaminë D, burime ushqimore që janë të dobishme për organizmin. Marrja e sasisë së vitaminës D dhe omega-3 lidhet me parandalimin e sëmundjeve kardiovaskulare, rënies së aftësive njohëse dhe diabetit.
Vlerat e rekomanduara ditore për një racion me 350g ton të konservuar janë:
Kalori: 85
Yndyra totale: 1 gram (1% e vlerës ditore)
Proteina: 19 g (38% e vlerës ditore)
Karbohidrate: 0 g (0% e vlerës ditore)
Natrium: 219 g (10% e vlerës ditore)
Hekur: 2 g (1% e vlerës ditore). /UBTNews/
Shëndeti
Zbulohet trajtimi për alergjinë e fëmijëve nga kikiriku
Published
28 minutes agoon
August 1, 2025By
UBT News
Siç e di çdo prind që ka fëmijë me alergji ndaj kikirikut, ju duhet të jeni jashtëzakonisht vigjilentë, gjatë gjithë kohës. Edhe kur fëmijët janë mjaft të rritur për të ditur si të shmangin kikirikët dhe ushqime të tjera potencialisht të pasigurta, ekziston mundësia e ekspozimit aksidental.
Pasojat mund të jenë të ndryshme nga kruajtja deri tek dhimbjet e barkut dhe tronditja anafilaktike, gjë që është e tmerrshme për një prind qoftë edhe ta mendojë. Por një studim i ri po ofron shpresë për parandalimin e reaksionit të rëndë alergjik.
Edwin Kim MD, një profesor ndihmës i mjekësisë në UNC School of Medicine, ka dy fëmijë me alergji nga arrorët dhe e di sa e frikshme mund të jetë për prindërit.
Ai drejtoi studimin për këtë imunoterapi sublinguale, e cila ndihmon në desensifikimin e sistemit imunitar në sasi më të mëdha të proteinave të kikirikut.
Procesi përfshin vendosjen e një sasie të vogël të proteinave të lëngshme të kikirikut nën gjuhë, që përthithen menjëherë në rrjedhën e gjakut. Mjekët fillojnë me sasi shumë të vogla, pastaj e rritin ngadalë me kalimin e kohës.
Kim paralajmëron që edhe në një skenar të rastit më të mirë, kjo nuk do të shërojë alergjitë e askujt.
Ka pasur disa efekte anësore të vogla me SLIT, por asgjë të dëmshme: Më e zakonshme ishte kruajtja përreth gojës, e cila zgjati rreth 15 minuta dhe nuk kërkonte ndonjë trajtim. Studimi u bë gjatë një periudhe prej disa vitesh dhe efektet e vogla anësore nuk e trembin asnjë nga pjesëmarrësit.
“Pjesëmarrësit e SLIT toleruan midis 10 e 20 herë më shumë proteina të kikirikut sesa do të duhej që dikush të sëmuret”, tha Kim. Ai dhe ekipi i tij po studiojnë gjithashtu SLIT në fëmijët e moshave 1 deri në 4 vjeç, sepse të dhënat sugjerojnë se fëmijët më të vegjël kanë një përfitim më të fortë dhe më të qëndrueshëm për imunoterapinë.
“Ne përqendrohemi në idenë se nuk ka asnjë ilaç të përsosur për alergjinë ushqimore,” paralajmëroi ai. “Do të duhet të ketë shumë vendime të përbashkëta midis mjekëve, pacientëve dhe prindërve se cila metodë e trajtimit është më e mira për secilin pacient”.
Ndërsa nuk mendon se kjo do t’i ndihmojë të gjithë, beson se do të ndihmojë disa dhe për prindërit e shqetësuar, ky mund të jetë një lajm shumë i mirëpritur
Shëndeti
Si të largoni celulitin me disa hapa të lehtë?
Published
15 hours agoon
July 31, 2025By
UBT News
Format për të luftuar celulitin variojnë nga ato natyralet deri tek ato mjekësoret. Për të evituar efektin e këmbëve apo duarve që ngjajnë si lëkura e portokallit ndiqni mënyrat e duhura.
Përtej trajtimeve estetike dhe ndërhyrjeve mjekësore e rëndësishme është mirëmbajtja e trupit në çdo kohë me metoda natyrale.
Celuliti formohet kur qelizat e trupit që magazinojnë dhjamin e mbledhin atë në mënyrë jo të rregullt duke formuar kështu toptha dhjami.
Konsumoni shumë ujë
Një ndër hapat e parë kundër luftës naj celulitit është pa dyshim uji. Aleati më i madh i juaj kundër celulitit është uji sepse ndihmon në tharjen e dhjamit, duke eleminuar edhe toksinat në trup. Mund të largoni celulitin duke konsumuar sa më shumë ujë, pini rreth 2 litra ujë në ditë.
Ujë me limon
Një mënyrë tjetër e thjeshtë e shkrurjes së dhjamit të celulitit është edhe ujë më limon. Kjo pije është mirë të konsumohet e ngrohtë herët apo në formën e çajit, gjithnjë duke zgjedhur përbërës natyral.
Çaji jeshil
Për të pasur një lëkurë perfektë dhe të lëmuarnë pak kohë provoni edhe çajrat. Në veçanti çaji jeshil ndihmon në tharjen e celulitit nga trupi.
Vitaminat
Çfarë të hani për të zhdukur celulitin?
Së pari konsumoni shumë fruta si boronica, limon, portokall apo kivi.
Agrumet dhe vitamina C ju ndihmon në tretjen e shpejtë e stimulon shkrirjen e dhjamit.
Konsumoni mollë bashkë me lëkurën, pasi ndihmon në elemenimin e masës dhjamore dhe nxit formimin e muskujve.
Ushqimet e pasura me Omega 3 janë një burim i mirë i eleminimit të ujit të tepërt që akumulohet nën lëkurë.
Ushqimet që duhet të evitoni nëse keni celulit janë ushqimet e pasura me karbohidrate apo ato shumë të proçesuara.
Kafe me limon
Ju ndihmon kundër simptomave të celulitit, merni llumin e kafesë e bashkoni me lëng limoni. Përzieni lëngun e kafesë me të limonit e lëreni të pushojë 10 minuta. Masazhoni lëkurën me lëvizje rrethore. Sasinë e kafes vendosni në bazë të pjesës së trupit që do të masazhoni.
Përdorni dy apo tre lugë gjelle llum kafeje dhe një lugë lëng limoni. Bëni këtë trajtim tre herë në javë gjatë dushit, shpërlani lëkurën me ujë. /UBT News/
Shëndeti
Çka është “ecja japoneze” që po këshillojnë ekspertët e shëndetit?
Published
21 hours agoon
July 31, 2025By
UBT News
Nëse po kërkon mënyrë të thjeshtë, pa kosto dhe jashtë palestrës për të përmirësuar shëndetin dhe formën fizike, trendi më i fundit që po bën namin në TikTok mund të jetë zgjidhja ideale për ty.
Quhet “Japanese walking” ose ecja japoneze dhe ekspertët janë të njëzëri: është një nga format më efikase dhe të qëndrueshme të ushtrimit.
Çfarë është “Japanese walking”?
Pavarësisht emrit, kjo formë ecjeje nuk është e re. Ajo bazohet në stil të quajtur ecje me intervale, që është përdorur për vite me radhë në Japoni dhe më gjerë.
Metoda është shumë e thjeshtë:
– Ec me intensitet të lartë (shpejt) për 3 minuta,
– Pastaj ec me ritëm më të ngadaltë për 3 minuta,
-Përsërite këtë cikël për të paktën 30 minuta, 4 herë në javë.
-Ky kombinim i ritmeve e bën trupin të punojë më fort dhe sjell përfitime më të mëdha në më pak kohë.
Pse ekspertët e pëlqejnë kaq shumë?
Sipas specialistëve të fushës, “Japanese walking” është kaq popullore sepse është:
-E lehtë për t’u zbatuar, pa pajisje apo ambiente të veçanta,
-E përballueshme nga çdo moshë dhe gjendje fizike,
E shkurtër, por shumë efektive – vetëm 30 minuta disa herë në javë sjellin ndryshime të dukshme.
Laura Richardson, specialiste e fiziologjisë së ushtrimeve në Universitetin e Miçiganit, shprehet:
“Është e qëndrueshme dhe praktike. Nuk ke nevojë për palestër dhe përfitimet janë të shumta.”
Çfarë përfitimesh sjell?
Studimet tregojnë se ky stil ecjeje:
-Forcon muskujt e këmbëve dhe kofshëve,
-Përmirëson qarkullimin e gjakut dhe funksionin e zemrës,
-Ul tensionin e gjakut dhe yndyrnat e dëmshme në trup,
-Rrit kolesterolin e mirë (HDL) dhe ul nivelin e yndyrës në bark (viscerale),
Përmirëson cilësinë e gjumit, ndihmon në luftimin e depresionit dhe ruan shëndetin mendor – sidomos me kalimin e moshës.
Shëndeti
Sheqeri në pije më i dëmshëm sesa në ëmbëlsira
Published
22 hours agoon
July 31, 2025By
UBT News
Një studim i publikuar në Advances in Nutrition ka zbuluar se mënyra se si e konsumojmë sheqerin ka rëndësi të madhe, dhe pirja e tij përmes pijeve është më e dëmshme sesa marrja e tij nga ushqimet, ka raportuar WomensHealthMag.
Studiuesit analizuan të dhënat e më shumë se gjysmë milioni njerëzve nga 29 studime të ndryshme, duke krahasuar zakonet e konsumimit të sheqerit me shëndetin e tyre.
Rezultatet ishin tronditëse: Për çdo 350 ml pije me sheqer të shtuar të konsumuar në ditë (si p.sh. cola ose lëngjet e paketuara), rreziku për diabet të tipit 2 rritej me 25 për qind. Për çdo 240 ml lëng frutash, rreziku rritej me 5 për qind.
Tek ata që e konsumonin sheqerin përmes ushqimeve, nuk u vu re i njëjti rrezik i lartë për diabet por pse është sheqeri i dëmshëm për trupin?
Sipas dietologes Dena Champion nga Ohio State University, problemi më i madh është sasia e tepërt.
“Sheqeri i tepërt çon në shtim peshe dhe lë më pak hapësirë për ushqime të shëndetshme”, ka theksuar ajo.
Tara Gidus Collingwood, konsulente për ushqim, shton se sheqeri i tepërt rrit edhe rrezikun për sëmundje të zemrës, probleme dentare, dhe sëmundjen e mëlçisë jo-alkool Megjithatë, sasia e vogël e sheqerit nuk është problematike.
“Përdorimi i sheqerit në sasi të vogla nuk përbën rrezik për person mesatarisht të shëndetshëm. Por sasitë e mëdha të sheqerit të shtuar dhe të rafinuar mund të shkaktojnë probleme me kalimin e kohës”, tha Lisa Moskovitz, themeluese e NY Nutrition Group.
Ajo ka shtuar se përveç diabetit e sëmundjeve të zemrës, sheqeri shkakton inflamacion në trup, që lidhet me sëmundje si kanceri, sëmundjet autoimune dhe ato kardiovaskulare.

Gjesti prekës i Sharon Osbourne në “lamtumirën” e saj të fundit ndaj Ozzy

Mustafa: Sjellja po kontroll parlamentar shihet te nxitja e sjelljeve të ZRRE-së

Stuhi e madhe në Greqi, përmbytje në Selanik, valë të mëdha në Halkidiki

Kurti akuzon opozitën për krizën politike

Hesht ZRRE-ja, Ahmeti: Bizneset e mëdha nuk janë shkyçur nga rrjeti energjetik

Gjykata e Apelit lë në paraburgim Igor Popoviq

Policia ndërmerr masa për siguri rreth festivalit ‘Sunny Hill’

Zbulohet trajtimi për alergjinë e fëmijëve nga kikiriku

Marrëdhëniet e tensionuara me Putin dhe Netanyahu po pengojnë agjendën e jashtme të Trump
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit