

Shëndet
A është i dëmshëm përdorimi i antidjersës për shëndetin tuaj?
Kohët e fundit antidjersa është cilësuar si e dëmshme për shëndetin dhe kjo për shkak të aluminit në të.
Published
3 years agoon
By
UBT newsDjersa ka si funksion rregullimin e temperatures së trupit tuaj.
Prandaj gjëndrat e djersës, që gjenden në të gjithë trupin, aktivizohen si kundër përgjigje ndaj temperaturave të larta.
Gjëndrat e djersës ndodhen nën lëkurë dhe janë të lidhura me sipërfaqen e jashtme me një tub të vogël të quajtur kanali i djersës.
Megjithatë i nxehti nuk është shkaktari i vetëm. Ne gjithashtu fillojmë të djersisim edhe kur jemi nervozë.
Djersa në vetvete është pa erë, por bakteret në lëkurë krijojnë atë aromë të mprehtë, të cilën përpiqemi ta maskojmë me produkte të ndryshme.
Kohët e fundit antidjersa është cilësuar si e dëmshme për shëndetin dhe kjo për shkak të aluminit, përbërësit aktiv në të.
Por sa i vërtetë eshtë ky pretendim? A është e vërtetë se deodoranti është më i sigurtë se antidjersa?
Ndryshimi midis Antidjersës dhe Deodorantit
Edhe pse termat antidjersë dhe deodorant përdoren shpesh në mënyrë të njëjtë, ato janë dy produkte të ndryshme.
Antidjersa bllokon kanalet e djersës me anë të një përbërësi të quajtur klorohidrat alumini dhe parandalon sekretimin e djersës.
Nga ana tjetër, deodoranti nuk është krijuar për të bllokuar sekretimin e djersës, por për të frenuar bakteret që shkaktojnë erën e keqe.
Deodoranti është zakonisht me bazë bazë alkooli, i cili e bën sipërfaqen e lëkurës më acide, duke e bërë atë më pak tërheqëse për bakteret.
Si antidjersa ashtu edhe deodorantët zakonisht mbushen me aromë për të maskuar aromat e pakëndshme.
A është i dëmshën alumini tek Antidjersa?
Kërkimet e deritanishme sugjerojnë se ai nuk është toksik, por ende studiuesit nuk e dinë këtë me siguri.
Megjithatë dy shqetësimet kryesore të lidhura me aluminin janë: kanceri i gjirit dhe sëmundja e Alzheimerit.
Alumini dhe kanceri i gjirit
Dyshimet rreth lidhjes midis aluminit dhe kancerit të gjirit buruan nga fakti se tumoret shpesh gjenden në zonën e gjirit, pranë sqetullës.
Për më tepër, disa biopsi zbuluan se indet malinje të gjirit përmbanin depozita alumini.
Por hulumtimet kanë treguar se indet e kancerit të gjirit nuk duket të kenë më shumë alumin sesa indet normale.
Megjithë atë dyshimet qëndrojnë në faktin se për shkak se trupi juaj nuk mund t’i nxjerrë toksinat me anë të djersës. Këto substanca qëndrojnë të bllokuara duke grumbulluar toksinat që shkaktojnë kancer.
Por trupi juaj i filtron toksinat përmes veshkave dhe mëlçisë, e jo gjëndrave të djersës.
Gjithashtu kur përdorni antidjersë, turpi juaj absorbon vetëm një sasi shumë të vogël të aluminit.
Dhe kjo sasi është më e vogël sesa sasia e aluminit që merrni çdo ditë nga ushqimi.
Përfundimi është se studiuesit nuk kanë arritur të provojnë këtë lidhje.
Alumini dhe Alzheimeri
Edhe pse pllakat e formuara në trurin e pacientëve me Alzheimer përbëhen nga alumini, nuk ka asnjë lidhje që të tregojë se përdorimi i antidjersës ndikon në trurin tuaj.
Edhe nëse alumini luan një rol në formimin e tyre, sasia që hyn në trupin tuaj përmes antidjersës është aq e papërfillshme sa nuk ka shumë të ngjarë të shkaktojë ndonjë dëm./AgroWeb.org
Shëndet
Pse tetori është muaji më i rëndësishëm për sistemin imunitar?
Published
1 hour agoon
October 3, 2025By
UBT News
Sezoni i viruseve respiratore zakonisht rritet në tetor, duke e bërë këtë periudhë kritike për forcimin e imunitetit.
Sipas Dr. Sharon Nachman, MD, shefe e sëmundjeve infektive pediatrike në Spitalin Stony Brook Children’s, “Edhe pse zakonet e shëndetshme janë të rëndësishme gjatë gjithë vitit, tetori është muaji kur rritet rreziku për infeksione respiratore.”
Dr. Michael Richardson, MD, mjek familjar, shton se moti më i ftohtë, tubimet brenda ambienteve dhe udhëtimet për festat e vjeshtës e bëjnë më të lehtë përhapjen e viruseve.
Edhe fëmijët janë më të ekspozuar pasi kthehen në shkolla dhe takojnë më shumë njerëz, thotë Dr. Raj Dasgupta, MD. Vjeshta është koha kur trupi mund të jetë i lodhur nga ndryshimi i stinëve, ndaj sistemi imunitar ka nevojë për mbështetje shtesë për të shmangur ftohjet, gripin apo infeksione më serioze.
Këshilla për të forcuar imunitetin këtë tetor
Merrni vaksinat e rekomanduara: Funksionojnë si stërvitje për sistemin imunitar, duke e përgatitur për të luftuar infeksionet. Dr. Dasgupta sugjeron vaksinën vjetore dhe nëse jeni të kualifikuar, vaksinën kundër COVID-19. Koha më e mirë për të marrë vaksinën e gripit është shtatori ose tetori, për t’u mbrojtur para kulmit të sezonit.
Hani ushqime të plota dhe të shëndetshme: Frutat, perimet, drithërat, proteinat dhe yndyrnat e shëndetshme ofrojnë vitamina e minerale që mbështesin funksionin e qelizave imunitare, si vitamina C, D, zinku dhe antioksidantët. Dieta me stil Mesdhetar është model i shkëlqyer.
Qëndroni të hidratuar: Uji ndihmon qarkullimin e gjakut dhe lëvizjen e faktorëve imunitar. Alkooli dobëson imunitetin, ndaj shmangeni.
Flini mjaftueshëm: Gjumi është i rëndësishëm për prodhimin e hormonave e mediatorëve si citokinat, që ndihmojnë qelizat të luftojnë infeksionet. Largoni telefonat gjatë natës për të përmirësuar cilësinë e gjumit.
Ulni stresin: Ai kronik rrit nivelin e kortizolit dhe dobëson imunitetin. Frymëmarrja e thellë, pushimet e shkurtra dhe teknikat e vëmendjes së plotë ndihmojnë trupin të rikuperohet.
Bëni ushtrime rregullisht: Aktiviteti fizik jo vetëm forcon muskujt, por përmirëson edhe imunitetin e ndihmon trupin të luftojë infeksionet.
Qëndroni në shtëpi kur jeni të sëmurë: Pushimi ndihmon sistemin imunitar të rikuperohet më shpejt dhe mbron të tjerët nga infeksioni.
Në thelb, tetori është muaji kur duhet t’i kushtojmë vëmendje të veçantë ushqimit, gjumit, aktivitetit fizik dhe vaksinave për të mbajtur imunitetin në formë të mirë gjatë sezonit të vjeshtës dhe dimrit. /A.Z/UBT News/
Shëndet
Epoka e re e mjekësisë, shpresa për kurën e tullacisë
Published
3 hours agoon
October 3, 2025By
UBT News
Shkencëtarët amerikanë kanë bërë përparime të rëndësishme drejt zhvillimit të trajtimeve të reja kundër tullacisë dhe alopecisë, duke tejkaluar opsionet aktuale që vetëm ngadalësojnë humbjen e flokëve.
Në Universitetin e Kalifornisë, Irvine (UCI), është zbuluar një molekulë e quajtur SCUBE3, e cila arrin të aktivizojë qelizat staminale të folikulave të flokëve, duke nxitur rritjen e tyre.
Testimet e para janë kryer si tek minjtë, ashtu edhe në lëkurë njerëzore të transplantuar, duke dhënë rezultate premtuese.
Një vit më vonë, studiues nga Universiteti i Kalifornisë në Los Anxhelos (UCLA) prezantuan një tjetër molekulë inovatore, të quajtur PP405.
Kjo substancë ka treguar aftësinë për të “zgjuar” folikulat e flokëve brenda vetëm një jave, përmes aplikimit topik në lëkurë njerëzore.
Sipas “News-Medical”, risia e këtyre zbulimeve qëndron në faktin se ato nuk kufizohen vetëm në ngadalësimin e rënies së flokëve, por riaktivizojnë ciklin biologjik të rritjes së tyre – një qasje krejtësisht e re në këtë fushë.
Ekspertët paralajmërojnë se trajtimet duhet të kalojnë përmes provave të gjera klinike përpara se të bëhen të disponueshme për publikun.
Nëse këto teste rezultojnë të suksesshme, mjekësia mund të jetë pranë një epoke të re në luftën kundër tullacisë. /A.Z/UBT News/
Shëndet
Jo vetëm uji, pijet që përshpejtojnë humbjen e peshës
Published
4 hours agoon
October 3, 2025By
UBT News
Edhe pse uji konsiderohet si një nga faktorët kryesorë për humbjen e peshës, ekzistojnë edhe pije të tjera që mund të jenë po aq ose më efektive për djegien e dhjamit dhe përshpejtimin e metabolizmit.
Rekomandohet të konsumohen të paktën dy litra ujë në ditë, por një pjesë e kësaj sasie mund të zëvendësohet me pije që jo vetëm hidratojnë, por edhe mbështesin procesin e dobësimit.
Më poshtë janë katër alternativa të dobishme e të shijshme ndaj ujit të zakonshëm – të cilat duhet të merren si shtesë, jo si zëvendësim i tij:
Kokteji i proteinave – Proteinët janë thelbësore për ruajtjen e masës muskulore gjatë rënies në peshë. Një koktej proteinash ofron një mënyrë praktike për të shtuar proteinat, për të ulur ndjenjën e urisë dhe për të nxitur djegien e dhjamit.
Kafeja – Konsumi i moderuar ndihmon në kontrollin e oreksit dhe në rritjen e shpenzimit të kalorive. Kafeina përshpejton metabolizmin, jep energji dhe përmirëson qëndrueshmërinë fizike, sidomos kur konsumohet para stërvitjes.
Çaji me xhenxhefil – Xhenxhefili nxit metabolizmin, përshpejton djegien e dhjamit dhe krijon ndjesi ngopjeje. Përveç kësaj, ai ka veti anti-inflamatore dhe përforcon sistemin imunitar, duke e bërë çajin me xhenxhefil një ndihmës të vlefshëm në procesin e dobësimit.
Uji me limon – I freskët dhe i lehtë, stimulon tretjen, redukton fryrjen dhe nxit hidratimin. Është një zëvendësues i shkëlqyer për pijet e gazuara dhe lëngjet e ëmbla. /A.Z/UBT News/
Shëndet
Ja arsyet e pazakonta pse rritet rreziku për kancer të lëkurës
Published
22 hours agoon
October 2, 2025By
UBT News
Melanoma është forma më e rrezikshme e kancerit të lëkurës, që lind nga melanocitet, qelizat që prodhojnë pigmentin e lëkurës sonë.
Shumë njerëz nuk e dinë se disa faktorë që duken të padëmshëm mund të ndikojnë në shfaqjen e këtij kanceri. Disa prej tyre janë:
Vera e bardhë
Një studim i publikuar në Cancer Epidemiology, Biomarkers & Prevention tregon se konsumimi i një gote vere të bardhë në ditë e rrit me 13% rrezikun për zhvillimin e melanomës. Shkaku lidhet me enzimen acetaldehyde, e cila dëmton ADN-në. Kjo substancë gjendet në pijet alkoolike, por në sasi më të lartë tek vera. Autori i studimit, Eunyoung Cho, sugjeron që personat me faktorë të tjerë risku për melanomë të kufizojnë përdorimin. Një alternativë më e sigurt është ajo e kuqe, e pasur me antioksidues që ndihmojnë në mbrojtjen e qelizave.
HPV (Papillomavirusi i njeriut)
Sipas një hulumtimi, infeksioni me HPV është i lidhur me përhapjen e karcinomës skuamoqelizore, një tjetër lloj kanceri i lëkurës, i ndryshëm nga melanoma.
Trashëgimia gjenetike dhe flokët e kuq
Individët me flokë të kuq mbartin një gjen që e shton rrezikun për kancer të lëkurës, sidomos të lidhur me ekspozimin ndaj diellit. Ky gjen ka efekt të krahasueshëm me 20 vite qëndrimi nën rrezet e diellit. Një studim i botuar në Nature Communications tregon se edhe nëse ju vetë nuk keni flokë të kuq, por dikush në familjen tuaj i ka, rreziku juaj për dëmtime gjenetike nga dielli rritet me 42%.
Lëngjet e qitros (citrus)
Konsumimi i më shumë se një gote (rreth 1.6 herë në ditë) me lëng portokalli ose grejpfruti lidhet me rritje prej 36% të rrezikut për melanomë. Kjo lidhet me përbërësit psoralen e furocoumarin, që e bëjnë lëkurën më të ndjeshme ndaj rrezeve të diellit. /A.Z/UBT News/

“Art” rrugëtoi edhe në Tetovë, kjo ishte atmosfera e premierës

Festival i Këngës në RTSH, Era Istrefi ndër emrat e përfolur

Orkestra shqiptare ngjitet për herë të parë në skenën prestigjioze të Bolonjës

Sonte mbrëmje klasike me “Orchestra of Campania” në Mitrovicë

Mariah Carey dhe Jennifer Lopez, konflikti që nuk po shuhet asnjëherë

Silvinjo publikon listën e Shqipërisë për përballjen me Serbinë

Shitjet e Hyundai në SHBA arrijnë nivel rekordi në shtator

Pse tetori është muaji më i rëndësishëm për sistemin imunitar?

Prezantohet topi zyrtar i Botërorit 2026
Të kërkuara
-
Lajmet nga UBT1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Vendi4 weeks ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën