Marrëdhënia e futbollit me teknologjinë nuk ka qenë më e mira historikisht. Vetëm pak vite më parë, transferimi i David de Geas te Real Madrid dështoi sepse faksi ishte shumë i ngadaltë. Por tani, ka pasur një përparim pasi kriptomonedha gjeti rrugën e saj në botën e sportit.

Ish-sulmuesi i Real Madridit, David Barral, bëri histori të transferimit në fillim të vitit 2021, kur u bë futbollisti i parë që nënshkroi pagesën me Bitcoin. Ekipi spanjoll Dux International njoftoi lëvizjen në Twitter duke thënë: “Ai bëhet nënshkrimi i parë në histori në kriptovalutat. Faleminderit Criptan, sponsorit tonë të ri, që e bëri të mundur”.

Sidoqoftë, ata nuk janë klubi i vetëm që kanë marrë pjesë në kripto. Klubi italian i Serisë C, Rimini FC, shiti 25% të aksioneve të tyre duke përdorur Quantcoin, lojtarët e AZ Alkmaar u bënë të parët në Holandë që paguhen me Bitcoin ndërsa Watford i Premier League shfaq logon e Bitcoin në këmishën e tyre.

Çfarë është Bitcoin?

Si çdo monedhë tjetër, Bitcoin është një mjet këmbimi. Ishte monedha e parë tërësisht virtuale në botë kur u prezantua në vitin 2009. Ajo u krijua përmes një procesi të quajtur kriptografi, i cili ‘në thelb është arti i thurjes së enkriptimeve të ndryshme të kodit’, shpjegon pedagogu i lartë në menaxhimin e biznesit dhe sporteve në Universitetin e Liverpool-it, David Cockayne.

Faktet kryesore:

Nuk ka kartëmonedha apo monedha, vlera e tij shfaqet si një numër në një ekran.

Bitcoin i ri është krijuar nga një proces i quajtur ‘mining’ në superkompjuterë duke përdorur kode komplekse.

Bitcoin-et e reja nuk printohen, ato prodhohen nga njerëz dhe biznese që drejtojnë kompjuterë në mbarë botën.

Industria ka kuptuar se sistemet e pagesave dixhitale mund të tërheqin sponsorizime, si dhe angazhim të mëtejshëm të fansave për të fituar para. Si kështu? Përmes tokenave të tifozëve.

Ato janë një formë e kriptomonedhës që u jep mbajtësve qasje në një sërë “përfitimesh anëtarësimi” të lidhura me fansat, si votimi për vendimet e klubit, shpërblimet dhe dizajnet e mallrave. Këto mund të përdoren nga klubet sportive, klubet e tifozëve të muzikës dhe organizata të tjera.

Alexandre Dreyfus, themeluesi i platformës së Socios, beson se ato janë vetëm fillimi i një ndryshimi në marrëdhëniet midis tifozëve dhe klubeve.

“Ne besojmë se lojërat e fantazisë dhe asetet dixhitale në përgjithësi do të ndryshojnë patjetër, ndoshta jo futbollin, por do të jenë pjesë e kësaj përçarjeje që nevojitet për ta bërë sportin dhe futbollin pak më afër tifozëve. Mendojmë se në pesë deri në 10 vitet e ardhshme, marrëdhënia mes tifozëve dhe klubit do të rritet nga një tifoz pasiv në një tifoz aktiv”, shpjegon ai.

Socios tashmë kanë mbi 60 klube në emër të tyre, duke përfshirë gjigantë të futbollit si Barcelona dhe Man City.

“Thonë se është e gjitha shumë kripto, është shumë teknologjike. Është ‘ne nuk e kuptojmë, por është shumë e bukur’, tha eksperti i financave, David Gerrard.

Një nënprodukt tjetër i kriptove që po bënë bujë është NFT, të njohur si ‘tokenat e pakëmbyeshëm’.
Vetëm pak javë më parë, një kartë dixhitale NFT e veçantë me Cristiano Ronaldon u shit për një vlerë marramendëse prej 353,400 €.

Kripto mund të jetë kompleks, mund të jetë i paqëndrueshëm, por do të jetë i pranishëm për një kohë të gjatë./UBTNews/