Lajmet

A është Amerika në prag të luftës civile?

Ku qëndron Biden?

Published

on

Një vit pas inaugurimit të presidentit të Shteteve të Bashkuara, Joe Biden, ish-presidenti Jimmy Carter paralajmëron se SHBA-ja “po lëkundet buzë një humnere”, pasi demokracia “është nën kërcënim”.

Autorja Barbara Walter thotë se vendi “është afër një lufte civile – më shumë seç do të donte të besonte secili prej nesh”.

“Kjo është dita e Amerikës. Kjo është dita e demokracisë. Një ditë historie dhe shprese, ripërtëritjeje dhe vendosmërie… Dhe në këtë moment, miqtë e mi, demokracia ka fituar”, ka thënë Biden para një viti.

“Beteja për shpirtin e Amerikës nuk ka përfunduar”, ka thënë ai më 6 janar, në përvjetorin e parë të trazirave në Kongres.

Më 6 janar të vitit 2021, mbështetësit republikanë të ish-presidentit amerikan, Donald Trump, kanë hyrë dhunshëm në ndërtesën e Kongresit amerikan, në përpjekje për të penguar konfirmimin e rezultateve të zgjedhjeve, që fitues kanë nxjerrë demokratin Biden.

SHBA-ja është thellësisht e ndarë politikisht, ndërsa lufton edhe me sfida të tjera: nga pandemia e koronavirusit deri tek ato ndërkombëtare.

Në korrik të vitit të kaluar, gjatë fushatës së republikanëve për të ndryshuar legjislacionin zgjedhor në shtetet ku kanë shumicën, Biden ka thënë:

“Po përballemi me testin më të rëndësishëm të demokracisë sonë që nga Lufta Civile (1861-1865)”.

“Këto nuk janë kërcënime boshe”, ka thënë senatorja demokrate, Amy Klobuchar.

“Janë përpjekje reale për t’iu hequr të drejtën e votës amerikanëve të rëndomtë – të moshuarve, personave me aftësi të kufizuara, njerëzve që nuk mund të qëndrojnë në radhë dhjetë orë për të votuar”, ka thënë ajo.

Shtetet e udhëhequra nga republikanët kanë vendosur kufizime në votimet me postë dhe verifikimin e votuesve që nga zgjedhjet e vitit 2020. Udhëheqësit e tyre pretendojnë se në këto zgjedhje janë bërë mashtrime, edhe pse nuk ka prova konkrete për to.

Sipas ish-guvernatorit të Kalifornisë, Arnold Schwarzenegger, politikanët “i vizatojnë kufijtë e distrikteve, në mënyrë që të mund t’i zgjedhin votuesit, në vend se votuesit t’i zgjedhin politikanët”.

Kongresistja republikane, Marjorie Taylor Greene, ka thënë se “demokratët nuk brengosen për atë që thonë republikanët”.

“Atyre nuk u intereson se çfarë thonë elektoratet dhe votuesit tanë. Ata kujdesen vetëm për shtyrjen përpara të agjendës së tyre socialiste. Ata, thjesht, kujdesen për të na hequr lirinë”, ka thënë ajo.

Administrata Biden po përpiqet t’i shfuqizojë kufizimet e vendosura në të paktën 19 shtete, por nuk ka mbështetje në Senat.

Ndërkohë, besnikët e Trumpit po i zëvendësojnë edhe zyrtarët profesionistë të zgjedhjeve, të cilët gjithashtu kërcënohen.

“Stafi ka nisur të marrë thirrje të ndryshme, që thonë se bandat e motoçikletave janë në rrugë për t’i vrarë të gjithë. Ka pasur shumë fyerje raciste. Stafi im është ndoshta 99 për qind afrikano-amerikan”, ka thënë drejtori i Komisionit Zgjedhor në Fulton të Xhorxhias, Richard Baron.

Disa hulumtime vlerësojnë se Shtetet e Bashkuara janë shndërruar në një “anokraci” – “diçka midis demokracisë dhe autokracisë”.

“Ne përballemi me një rrezik serioz që demokracia amerikane – siç e njohim ne – të përfundojë në vitin 2024”, ka thënë Richard Hassen, ekspert për legjislacionin dhe ligjin zgjedhor në SHBA.

Ekspertët thonë se kryengritja kundër demokracisë amerikane, që ka nisur më 6 janar, 2021, ka vazhduar me ndryshimet e përmendura në ligjet zgjedhore, andaj shumë pyeten nëse skenat e pakëndshme të vitit të kaluar, kanë qenë vetëm një provë për ngjarjen kryesore: zgjedhjet presidenciale të vitit 2024, në të cilat Trump mund të kandidojë përsëri.

“Nëse rezultatet e zgjedhjeve janë shumë ngushtë, ka shqetësime nëse kandidati humbës do ta pranojë legjitimitetin e procesit”, thotë Rick Pildis, profesor i Shkollës Juridike të Nju Jorkut.

Sipas një sondazhi të Institutit për Hulumtime Publike të Religjionit, “më shumë se 70 për qind e republikanëve ende besojnë se Trump është vjedhur në zgjedhjet e vitit 2020”, ndërsa pothuajse një e treta e republikanëve pajtohen se “patriotët e vërtetë amerikanë ndoshta do të duhet të përdorin dhunën për të shpëtuar vendin”.

Ku qëndron Biden?

Kur Biden ka marrë detyrën si presidenti i 46-të i SHBA-së, më 20 janar të vitit 2021, ai ka thënë se fitorja e tij “nuk është triumf i një kandidati, por i një kauze – kauze të demokracisë”.

Duke folur vetëm disa ditë pas trazirave në Kongres, ai është zotuar se do ta rikthejë unitetin dhe do të bëjë “gjëra të mëdha”.

“Ne mund t’i korrigjojmë gabimet. Ne mund t’i vendosim njerëzit në punë të mira. Ne mund t’i dërgojmë fëmijët tanë në shkolla të sigurta. Ne mund ta kapërcejmë këtë virus vdekjeprurës”, ka thënë ai.

Pavarësisht një gare të ashpër presidenciale, Biden e ka nisur mandatin me 56% për qind mbështetje nga amerikanët, ka treguar një sondazh nga organizata RealClearPolitics.

Ai po ashtu ka fituar mbi 80 milionë vota – më shumë se çdo president tjetër.

Por, vlerësimet për të kanë marrë teposhtën kur ka nisur tërheqjen masive të trupave amerikane nga Afganistani, në verë.

Në atë kohë edhe varianti Delta i koronavirusit ka marrë hov në SHBA.

Që atëherë, mbështetja për të është në rënie – aktualisht rreth 42 për qind.

Krahasuar me presidentët e tjerë të fundit, vetëm Donald Trump ka pasur një vit të parë më zhgënjyes. Sipas sondazhit të Gallupit, vlerësimi për të ka rënë nga 45% në ditën e inaugurimit në 35% një vit më vonë.

Barack Obama ka filluar me gati 70% mbështetje dhe ka përfunduar në afër 50% një vit më vonë.

George W. Bush ka filluar mandatin e tij të parë në një pozicion të ngjashëm me Bidenin – me mbështetje rreth 60%, porse ajo është rritur në gati 90% pas sulmeve të 11 shtatorit, 2001.RFE

Continue Reading

Lajmet

Thyhet rekordi i shpenzimeve për transferime të lojtarëve

Published

on

Futbolli botëror ka regjistruar një rekord historik në tregun e transferimeve ku sipas një raporti të publikuar nga FIFA, klubet anembanë globit shpenzuan plot 9.76 miliardë dollarë për transferime ndërkombëtare gjatë afatit kalimtar veror, duke shënuar një rritje prej mbi 50% krahasuar me vitin 2024.

Në total, u regjistruan gati 12,000 transferime, ndërsa futbolli i femrave theu gjithashtu rekorde, me më shumë se 1,100 lëvizje ndërkombëtare dhe mbi 12 milionë dollarë të shpenzuara për tarifa transferimi.

Një moment historik u shënua nga Lizbeth Ovalle, e cila u transferua nga Tigres Femenil te Orlando Pride për 1.5 milionë dollarë, duke u bërë kështu lojtarja më e shtrenjtë në historinë e futbollit të femrave.

“Po shohim një treg transferimesh në lëvizje të plotë, si në futbollin e meshkujve ashtu edhe në atë të femrave,” deklaroi Emilio Garcia Silvero, Drejtor Ligjor dhe i Pajtueshmërisë në FIFA. “Ky është një zhvillim i madh, veçanërisht një vit para Kupës së Botës 2026, ndërsa rritja e jashtëzakonshme e futbollit të femrave konfirmon forcimin e lojës në nivel klubesh.”

Premier Liga angleze vazhdoi të kryesojë tregun, duke shpenzuar mbi 3 miliardë dollarë vetëm gjatë tre muajve të fundit. Klubet gjermane përfituan më shumë nga kjo prurje kapitali, duke arkëtuar 893 milionë dollarë nga transferimet drejt Anglisë. Lëvizja më e madhe ishte kalimi i Florian Ëirtz nga Bayer Leverkusen te Liverpool për një shumë që arrin deri në 156.7 milionë dollarë me bonuse. Liverpooli siguroi gjithashtu Hugo Ekitike nga Eintracht Frankfurt, ndërsa Neëcastle theu rekordin e klubit me afrimin e sulmuesit gjerman Nick Ëoltemade nga Stuttgart, për rreth 69 milionë paund.

Pas Anglisë, Gjermania renditet e dyta për shpenzime totale me 980 milionë dollarë, e ndjekur nga Italia me 950 milionë dollarë.

Për nga numri i lojtarëve të ardhur, kryeson Anglia me 535 afrime, e ndjekur nga Portugalia (479) dhe Brazili (425).

/S.K/KP/

 

 

Continue Reading

Aktualitet

Osmani ngushëllon popullin portugez, pas aksidentit tragjik në Lisbonë

Published

on

Presidentja e Republikës së Kosovës, Vjosa Osmani, i ka dërguar telegram ngushëllimi homologut të saj portugez, Marcelo Rebelo de Sousa, pas aksidentit të tramvajit në Lisbonë.

“Zemrat dhe solidariteti ynë janë me presidentin Marcelo Rebelo de Sousa, kryeministrin Luis Montenegro dhe popullin e Portugalisë, pas aksidentit tragjik të tramvajit Gloria në Lisbonë.

Në emër të popullit të Republikës së Kosovës, u shpreh ngushëllimet e mia më të thella familjeve të viktimave dhe u uroj shërim të shpejtë të plagosurve. Ne qëndrojmë pranë miqve tanë portugezë”, shkroi Osmani.

Aksidenti që zuri vend në qendër të Lisbonës dje, u mori jetën 15 personave, teksa 23 të tjerë u lënduan.

Tramvaji i njohur si “Elevador da Gloria” doli nga shinat, duke u bërë një prej aksidenteve më tragjike të regjistruara në kryeqytetin portugez.

Aksidenti ndodhi në orën 18:05, pranë sheshit “Restauradores”, pasi një kabllo sigurie u këput, duke bërë që automjeti të humbiste kontrollin dhe të përshpejtonte poshtë shpatit që lidhte pjesën e sipërme të qytetit me lagjen Baixa Pombalina.

Aksidenti preku edhe një teleferik të dytë që ishte ndaluar në fillim të rrugës Gloria, e që kishte disa pasagjerë brenda.

/S.K/EO/

Continue Reading

Aktualitet

Kurti: Kosova është rast unik i shtetndërtimit

Published

on

Në ditën e dytë të Konferencës Ndërkombëtare për Administratë Publike “KosovaPAR 2025”, kryeministri në detyrë, Albin Kurti, tha se Kosova përfaqëson një rast të veçantë të shtetndërtimit pas luftës, i cili është vlerësuar edhe nga organizatat ndërkombëtare si një histori suksesi.

Teksa foli për konferencën, ai tha se ajo është shndërruar tashmë në një traditë vjetore që mbledh pjesëmarrës eminentë nga Kosova, rajoni, kontinenti evropian dhe e gjithë bota.

“Kjo konferencë, e cila, ashtu siç ishte premtuar në vitin 2023, është shndërruar tashmë në një konferencë vjetore që mbledh pjesëmarrës eminentë nga Kosova, rajoni, kontinenti evropian dhe e gjithë bota. Kosova është, në të vërtetë, një rast sui generis, për vetë faktin që ndërtimi i institucioneve pas luftës është bërë nga një mision i udhëhequr nga Kombet e Bashkuara, në bashkëpunim me BE-në dhe Organizatën për Siguri dhe Bashkëpunim në Evropë. Gjatë këtyre 25 viteve, në Kosovë ka ndodhur një proces i veçantë i shtetndërtimit, i pashembullt ndokund tjetër apo ndonjëherë tjetër. Raportet e fundit të organizatave si Banka Botërore, Fondi Monetar Ndërkombëtar, SIGMA, organizata GAP e të tjera dëshmojnë se Kosova është një rast suksesi i shtetndërtimit pas një lufte të tmerrshme. Gjatë këtyre katër viteve të fundit, qeveria që unë udhëheq ka ndërmarrë reforma të thella në të gjithë sektorët, në mënyrë që ndryshimet pozitive të jenë edhe të qëndrueshme në kohë për të ardhmen, por edhe të pakthyeshme, pra që të pamundësojnë hapa prapa,” tha Kurti.

Kurti tha se qeveria e tij ka synuar të ndërtojë baza të forta për të ardhmen.

Ministria e Punëve të Brendshme, për të tretin vit me radhë, ka organizuar konferencën ndërkombëtare “KosovaPAR 2025”, e cila këtë vit është fokusuar në temën: “Capacity in Public Administration for or through AI?”. Kjo temë trajton ndikimin e inteligjencës artificiale në ndërtimin e kapaciteteve në administratën publike.

Konferenca synon të rrisë ndërgjegjësimin për rolin e Reformës së Administratës Publike si një parakusht për integrimin evropian dhe për përmirësimin e shërbimeve ndaj qytetarëve. Këtë vit, në një kontekst të përshpejtuar digjital, diskutimet lidhen ngushtë me transformimin që sjell inteligjenca artificiale në qeverisje dhe administratë.

“KosovaPAR 2025”, e cila nisi dje dhe po vazhdon edhe sot, përfshin 14 panele, 2 sesione kryesore dhe një tryezë të rrumbullakët, me pjesëmarrje nga niveli i lartë shtetëror, komuniteti diplomatik, akademikë, zyrtarë publikë, shoqëria civile, si dhe përfaqësues nga rajoni dhe më gjerë.

/S.K/EO/

Continue Reading

Kronika e zezë

Arrestime dhe bastisje në disa qytete të Kosovës, gjatë 24 orëve të fundit

Published

on

By

Policia e Kosovës ka raportuar për një sërë incidentesh kriminale të ndodhura gjatë ditës së djeshme në disa rajone të vendit, ku disa persona janë arrestuar, ndërsa ndaj disa të tjerëve janë iniciuar procedura të rregullta hetimore.

Në Prishtinë, më 03 shtator është arrestuar një person nën dyshimin se nuk ka përfillur urdhrin mbrojtës të gjykatës. I njëjti, pas intervistimit, me vendim të prokurorit është dërguar në mbajtje.

Më 03.09.2025 është arrestuar i dyshuari mashkull kosovar për shkak i njëjti nuk ka përfillur urdhërin mbrojtës nga gjykata. Pas intervistimit me vendim të prokurorit i dyshuari është dërguar në mbajtje.” thuhet në njoftim.

Ndërsa në Lipjan, rreth orës 18:00, policia ka arrestuar një të dyshuar pasi dyshohet se ka kanosur dy viktima kosovarë. Pas intervistimit, ai është dërguar në mbajtje.

Është arrestuar i dyshuari mashkull kosovar nën dyshimin se i njëjti ka kanosur dy viktimat kosovarë. Me vendim të prokurorit, i dyshuari pas intervistimit është dërguar në mbajtje.” thuhet në njoftim.

Në Podujevë njësitet policore, gjatë patrullimit, kanë ndaluar një të dyshuar dhe gjatë kontrollit i kanë gjetur 2 gramë marihuanë. Personi është intervistuar dhe është liruar në procedurë të rregullt.

Njësistet policore gjatë patrullimit kanë ndaluar të dyshuarin mashkull kosovar dhe gjatë kontrollit tek i njëjti kanë gjetur dhe konfiskuar 2 gramë substancë të dyshuar narkotike të llojit marihuanë. Në konsultim me prokurorin, i dyshuari pas intervistimit është liruar në procedurë të rregullt.” thuhet në raport nga Policia e Kosovës.

Katër raste të dhunës në familje janë raportuar në Graçanicë, Obiliq dhe Prishtinë.

Graçanicë / 03.09.2025 – 00:30. Është raportuar se i dyshuari mashkull kosovar ka kryer veprën e lartcekur ndaj viktimave kosovarë. Palët janë sjellë në stacion dhe pas inicimit të rastit në konsultim me prokurorin janë liruar në procedurë të rregullt.

Obiliq / 03.09.2025 – 11:30. Janë shoqëruar ne stacion per intervistim te dyshuarit meshkuj kosovarë, pasi qe te njëjtit dyshohet se kane kryer veprën e lartcekur ndaj viktimës femër kosovare. Të dyshuarit pas inicimit të rastit në konsultim me prokurorin janë liruar në procedurë të rregullt.

Prishtinë / 03.09.2025 – 16:00. Është arrestuar e dyshuara femër kosovare, pasi e njëjta dyshohet se ka kryer veprën e lartcekur ndaj viktimave kosovarë. E dyshuara pasi është intervistuar me vendim të prokurorit është dërguar në mbajtje.

Prishtinë / 03.09.2025 – 16:00. Njësitet policore pas pranimit të informatës lidhur me rastin, kanë dalë vendin e ngjarjes dhe kanë shoqëruar në stacion dy të dyshuarit kosovarë, nën dyshimin se të njëjtit kanë ushtruar dhunë ndaj njëri-tjetrit. Në konsultim me prokurorin, palët pas intervistimit janë liruar në procedurë të rregullt.

Në Lipjan, pas hetimeve për një rast të vrasjes së rëndë të ndodhur më 03 gusht, policia ka kryer bastisje në shtëpinë e një të dyshuari, ku është gjetur dhe sekuestruar një pushkë gjysmë automatike.

Pas hetimeve te vazhdueshme lidhur me rastin, më 03.09.2025 bazuar në urdhëresën e gjykatës është kryer bastisje në shtëpinë e të dyshuarit ku është gjetur dhe sekuestruar një pushkë gjysmë automatike.” thuhet në njoftim

Në Shtërpcë, dy zyrtarë të Agjencisë Pyjore kanë raportuar se një drejtues automjeti të ngarkuar me dru nuk është ndaluar dhe ka tentuar t’i godasë. Policia po heton rastin.

Dy ankues kosovarë zyrtar të Agjencisë Pyjore të Kosovës, kanë raportuar se një person i dyshuar i cili ishte duke drejtuar një automjet-xhip të ngarkuar me dru, nuk është ndaluar dhe ka tentuar ti godas ata. Lidhur me rastin është informuar edhe prokurori, ndërsa njësitet policore janë duke hetuar rastin.” thuhet në njoftim.

Në Kaçanik, policia ka arrestuar një të dyshuar pasi kishte porositur një pako me postë ku u gjetën 1 kilogram e 42 gramë marihuanë. Pas intervistimit, ai është dërguar në mbajtje.

Është arrestuar i dyshuari mashkull kosovar për shkak se i njëjti dyshohet se kishte porositur një pako që ka ardhur përmes postës në të cilën gjatë kontrollit është gjetur dhe sekuestruar një sasi prej 1 kilogram e 42 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje.” thuhet në raport.

Në Kaçanik, është arrestuar edhe një person tjetër për një rast të mëparshëm të sulmit ndaj personit zyrtar.

Pas hetimeve intensive lidhur me rastin, më 03.09.2025 është arrestuar i dyshuari mashkull kosovar dhe i njëjti pas intervistimit në konsultim me prokurorin është dërguar në mbajtje.” thuhet në njoftim.

Në Pejë, një rast i dhunës në familje ka rezultuar me lëndimin e lehtë të një viktime femër. Viktimës i është ofruar tretman mjekësor, ndërsa prokurori ka urdhëruar fillimin e hetimeve.

Dy viktima femra kosovare për shkak të një mosmarrëveshje, dyshohet se jane sulmuar nga e dyshuara femer kosovare. Njëra nga viktimat ka pësuar lëndime dhe i është ofruar tretman mjekësor. Lidhur me rastin është informuar edhe prokurori, I cili ka urdheruar fillimin e hetimeve.”

Në Rahovec, një i dyshuar është arrestuar pasi ka kanosur një polic, pas shqiptimit të një tikete trafiku. Ndërsa në Malishevë, një burrë është arrestuar për dhunë në familje ndaj bashkëshortes së tij. Të dy rastet kanë përfunduar me dërgimin e të dyshuarve në mbajtje.

Është arrestuar i dyshuari mashkull kosovar për shkak se në shenjë revolte pasi i kishte shqiptuar tiketë për kundërvajtje në trafik ka kanosur zyrtarin policor në stacion policor. Me vendim të prokurorit i dyshuari pas intervistimit është dërguar në mbajtje.”

Është arrestuar i dyshuari mashkull kosovar për shkak të dyshimit se kishte ushtruar dhunë ndaj viktimës femër kosovare. I dyshuari pas intervistimit me vendim të prokurorit është dërguar

Në Grykën e Deçanit, gjatë një kontrolli në një automjet, policia ka gjetur dhe sekuestruar një pistoletë me 8 fishekë. Rasti është proceduar me procedurë të rregullt.

Njësia policore gjatë patrullimit ka ndaluar veturën që e drejtonte i dyshuari mashkull kosovar dhe gjatë kontrollit është gjetur dhe sekuestruar një pistoletë me 8 fishekë. Në konsultim me prokurorin është inicuar rasti dhe procedohet me procedurë të rregullt.” thuhet në raport.

Në Pikën Kufitare të Bërnjakut, është ndaluar një shtetas serb në automjetin e të cilit u gjet një vulë e strukturave paralele në gjuhën serbe. Ai është liruar në procedurë të rregullt, ndërsa hetimet po vazhdojnë.

“Njësitet policore gjatë kontrollit në veturën me targa të Serbisë të cilën e drejtonte i dyshuari shtetas i Serbisë, kanë gjetur dhe konfiskuar një vulë të strukturave paralele në gjuhën serbe. Në konsultim me prokurorin, i dyshuari pas intervistimit është liruar në procedurë të rregullt. Rasti duke u hetuar nga ekipet relevante policore.” thuhet në njoftim.

Policia e Kosovës ka bërë të ditur se në disa drejtori rajonale, përfshirë Gjilanin, Prizrenin, Mitrovicën Jug dhe Veri, nuk është raportuar asnjë rast me rëndësi për ditën e djeshme./D.B/UBTNews

Continue Reading

Të kërkuara