

Shëndeti
A ekziston një lidhje midis sëmundjeve të zemrës dhe depresionit?
Shkencëtarët studiuan lidhjen midis depresionit dhe sëmundjeve të zemrës.
Published
3 years agoon
By
UBT newsShpesh njerëzit pyesin nëse është e vërtetë shprehja “një mendje e shëndetshme në një trup të shëndetshëm”.
Për t’i dhënë përgjigje kësaj pyetjeje, shkencëtarët kanë studiuar lidhjen midis shëndetit mendor dhe atij fizik.
Ata studiuan pikërisht lidhjen midis depresionit dhe sëmundjeve të zemrës.
Për shkencëtarët ishte e rëndësishme të zbulohej nëse faktorët e rrezikut për zhvillimin e sëmundjeve kardiovaskulare, mund të ndikojnë edhe tek shfaqja e depresionit.
Çfarë treguan studimet?
Hulumtuesit u fokusuan te njerëzit me sindromën metabolike, për të eksploruar lidhjen midis faktorëve të rrezikut kardiovaskular dhe depresionit tek njerëzit e moshës 55-75 vjeç.
Sindroma metabolike është një grup shqetësimesh që ndodhin së bashku, ku përfshihet presioni i lartë i gjakut, sheqeri i lartë në gjak, yndyra e tepërt të rreth belit dhe kolesteroli i lartë.
Faktorë që rrisin rrezikun e sëmundjeve të zemrës, goditjes në tru dhe të diabetit të tipit 2.
Nga të gjitha provat e kryera, çuditërisht nuk u gjet asnjë lidhje domethënëse.
Pra, në përgjithësi, pjesëmarrësit me një rrezik më të lartë të sëmundjeve të zemrës nuk kishin shumë gjasa të kishin ose të zhvillonin depresion.
Por kur hulumtuesit analizuan të dhënat sipas gjinisë, ata zbuluan se gratë që ishin të ekspozuara ndaj faktorëve të rrezikut për sëmundje kardiovaksulare, ishin më të rrezikuara për tu prekur nga depresioni.
Megjithatë, ishte e vështirë të interpretoheshin saktë gjetjet e këtij studimi, për shkak të rezultateve të ndryshme. Por nga hulumtimet e mëparshme, ka rezultuar se gratë me sëmundje të zemrës, kanë nivele më të larta të depresionit sesa burrat me po të njëjtat sëmundje.
Është vërtetuar se në përgjithësi gratë përjetojnë një shkallë më të lartë të depresionit sesa burrat.
Pra, gjetja se mund të ketë një lidhje midis rrezikut të sëmundjeve të zemrës dhe depresionit, duket se përputhet me këto tendenca.
Pse mund të keni një lidhje midis depresioni dhe sëmundjeve të zemrës?
Disa faktorë si inflamacioni, dëmtimi i enëve të gjaut, ndryshime në aktivitetin nervor, që janë të njëjtë si për depresionin ashtu edhe për rrezikun e sëmundjeve të zemrës, mund të jenë një lidhje e mundshsme.
Gjithashtu, stili i jetesës dhe mënyra e të ushqyerit, mund të jenë një tjetër faktor që lidh këto sëmundje.
Shumë studime sugjerojnë se stërvitja e rregullt, heqja dorë nga duhani e alkooli, dhe të ushqyerit shëndetshëm, mund të shërbejnë si trajtime për depresionin dhe për ata që rrezikohen nga sëmundjet e zemrës./AgroWeb.org
Shëndeti
Goditeni nga rryma sa herë që prekni diçka? Ekspertët zbulojnë pse ndodh kjo
Published
50 minutes agoon
April 4, 2025
Ndoshta keni përjetuar një ndjesi djegieje kur prekni metalin për shkak se keni shumë elektricitet në trupin tuaj.
Ky fenomen irritues ndodh për shkak të akumulimit të elektricitetit statik, ose një çekuilibër të ngarkesave elektrike midis dy objekteve ose sipërfaqeve. Kur këto ngarkesa shkarkohen, shfaqet një ndjenjë tronditjeje.
Edhe pse goditjet e tilla nuk janë të rrezikshme, situatat e shpeshta janë irrituese e shumë pyesin pse kjo vazhdon të ndodhë.
Shkaku i elektricitetit statik
Elektriciteti i tepërt statik është gjithmonë një goditje për sistemin, por nëse përjetoni goditje shpesh, ai bëhet vërtet irritues.
Mund të jetë shpërqendruese dhe t’ju bëjë të dëshironi të dini arsyen. Edhe pse është një fenomen, ideja bazë është se dy gjëra me sasi të kundërta të energjisë elektrike shkaktojnë një shkarkesë që i ngjan një goditjeje ose krijon një “tingull” kur preket.
Ndoshta edhe flokët tuaj do të ngrihen.
Ajo që ndodh është se atomet nuk janë të balancuara me të njëjtin numër protonesh dhe elektronesh.
Kur elektronet dhe protonet janë të balancuara, ngarkesa është neutrale, kur ka çekuilibër të elektroneve dhe protoneve, elektronet shtesë do të shkarkohen për të përmbushur protonet në nivelin e tyre.
Humbja e shpejtë e këtyre elektroneve prodhon një goditje të prekshme, të njohur si elektricitet statik.
Simptomat e elektricitetit të tepërt në trup
Rryma elektrike kalon nëpër indet e trupit tonë, shpjegon Better Health Channel. Meqenëse trupat përçojnë rrymën elektrike dhe grumbullojnë tepricë gjatë motit më të ftohtë dhe më të thatë, ka disa simptoma që duhet kujdesur.
Nervat ndikohen negativisht nga një goditje elektrike prej 100 miliamperash dhe mund të pësojnë dëmtime afatgjatë.
Një goditje e tillë shkakton konfuzion, amnezi, kriza, arrest kardiak ose ndërprerje të frymëmarrjes, çrregullime psikologjike dhe/ose shenja në lëkurë. Sidoqoftë, goditjet elektrike statike janë zakonisht vetëm 0,25 mA, kështu që pasojat janë shumë më pak të rrezikshme.
Simptomat e elektricitetit të tepërt në trup mund të përfshijnë:
▪ goditje të shpeshta
▪ dhimbje
▪ mpirje në zonë
▪ ndjeshmëri prekjeje
▪ një ndjesi mpirjeje dhe therjesh
▪ ndjenjë e të ftohtit
▪ djegie, ndjesi shtrëngimi ose therjesh, veçanërisht në duar ose këmbë.
Si të largoni elektricitetin statik nga trupi?
Nëse jeni duke përjetuar ndonjë nga simptomat e mësipërme, duke përfshirë goditjet e shpeshta të energjisë elektrike statike, mos u shqetësoni – ka një mënyrë për ta trajtuar atë. Duke ndërmarrë disa hapa të thjeshtë, reduktoni elektricitetin e tepërt statik.
Në thelb, heqja e elektricitetit statik lejon që ngarkesa të ketë një dalje tjetër. Një zgjidhje është të mbathni këpucë që nuk janë izoluese.
E dyta është se ju shpesh prekni gjëra që do të çlirojnë ngarkesën tuaj në tokë.
Si të parandaloni goditjen statike kur prekni metalin?
Prekja e objekteve metalike si dorezat e dyerve, dyert e makinave ose kornizat e dritareve shpesh shkakton goditje statike.
Kjo ndodh se metali mban ngarkesë pozitive dhe kur prekni një objekt metalik, elektronet shtesë në trupin tuaj transferohen në objekt për t’u barazuar. Për të parandaluar goditjen statike nga prekja e metalit, mund të mbani me vete një objekt metalik.
Diçka si një çelës, kapëse letre, kunja sigurie apo edhe një monedhë neutralizon ngarkesën dhe parandalon goditjen.

Nevoja për të mbrojtur veten dhe të tjerët nga përgjimet e pavullnetshme ose jo të fqinjëve, bezdia nga dielli apo gjumi i thellë, na bën të mbyllim perdet në shtëpi edhe nëse është ditë.
Ndriçimi i diellit në shtëpi ka përfitime të forta për shëndetin, por një prej rreziqeve që na kanoset brenda mureve të shtëpisë është pluhuri.
Rreziku i fshehur i pluhurit në shtëpi
Shkencëtarët kanë zbuluar se disa pluhura të shtëpisë përmbajnë sasi të larta të një substance të njohur triklosan, prania e saj mund të shpërndajë infeksione që u rezistojnë antibiotikëve.
Zbulimi është bërë nga shkencëtarët e Universitetit të Çikagos dhe sipas tyre, pluhuri përbën vendpushimin final të gjithçkaje që ka qarkulluar në ajër. Triklosani është përbërës që gjendet me shumicë në produktet antibakteriale siç janë sapunët apo solucionet e pastrimit.
Sapunët dhe solucionet e lëngshme të pastrimit përbajnë edhe një substancë tjetër që njihet si benzalkonium chloride, të dyja kanë rol kontribues në nivelin në rritje të mikrobeve që u rezistojnë antibiotikëve.
Si shkatërrohen bakteret falë dritës së diellit?
Lejimi i dritës nga dritaret eliminon bakteret që jetojnë në pluhurat e shtëpisë dhe të pastrojë ajrin, drita e diellit ul rrezikun e sëmundjeve të rrugëve të frymëmarrjes. Studimi shpjegon se ekspozimi i baktereve ndaj dritës së diellit, ndihmon ndjeshëm në eliminimin e tyre.
Nëse shtëpia është në errësirë dhe jo e ndriçuar mirë, bakteret në ajër riprodhohen 12 përqind më shumë se zakonisht. Bakteret në ajër në një ambient të ndriçuar mirë riprodhohen në një ritëm më të ulët. Në këtë mënyrë, duke hapur perdet dhe grilat merrni përfitime të mëdha nga vitamina D që vjen nga dielli, por do të minimizoni gjasat e prekjes nga sëmundjet e rrugëve të frymëmarrjes.

Variantet e reja të virusit SARS-CoV-2, më shumë se pesë vjet pas shpalljes së pandemisë COVID-19, po shfaqen rregullisht në Australi.
Varianti më i fundit LP.8.1 është duke u përhapur me shpejtësi, duke përbërë afërsisht një në pesë raste me COVID-19 në New South Wales, sipas SBS News.
Ai është bërë varianti i tretë më dominues në shtetin e New South Wales, përcjell A2.
I zbuluar për herë të parë në korrik 2024, LP.8.1 është një pasardhës i Omikronit, konkretisht i KP.1.1.3, që është pasardhës i JN.1, një nën-variant që shkaktoi valë të mëdha infeksionesh me COVID në mbarë botën në fund të vitit 2023 dhe fillim të vitit 2024.
Organizata Botërore e Shëndetësisë e ka shpallur LP.8.1 si variant nën monitorim në janar, për shkak të rritjes së ndjeshme në mbarë botën.
Agjencia globale e shëndetësisë ka vlerësuar që rreziku shtesë për shëndetin publik që paraqet LP.8.1 në nivel global është i ulët.
Simptomat e LP.8.1 nuk duket të jenë më të rënda se ato të varianteve të tjera që qarkullojnë, duke sugjeruar se varianti nuk ka shumë mundësi të ndikojë në drejtimin e pandemisë.

Mënyra më e mirë që të mbroheni nga sëmundjet është imuniteti i fuqishëm.
Për të pasur imunitet të fuqishëm është e nevojshme që të ushqeheni shëndoshëm, mirëpo mund të përdorni edhe një struk të vogël. Provojeni këtë pije. Një lugë e kësaj pijeje në ditë mjafton që të përmirësojë imunitetin tuaj, por jini të kujdesshëm sepse është goxha djegës.
Para përdorimit të kësaj pijeje konsultohuni me mjekun.
Përbërësit:
– 700 ml uthull molle
– 1/4 e gotës hudhër të copëtuar imët
– 1/4 e gotës qepë të karamelizuar
– 2 speca të freskët
– 1/4 e gotës xhenxhefil të freskët
– 2 lugë rrepë
– 2 lugë kurkumë
Përgatitja:
Të gjithë përbërësit, me përjashtim të uthullës, i vendoni në një enë. I përzieni mirë, masën e hidhni në kavanoz dhe derdhni uthullën.
E përzieni kavanozin në mënyrë që përbërësit të bashkohen. Ta ruani në vend të ftohtë dhe pa lagështi, për 14 ditë. Pas dy javëve kullojeni përbërjen, për kullim më mirë është të përdorni një fashë. Të merrni një lugë të madhe në ditë.

Një shtetas turk arrestohet për keqpërdorim të kartelave bankare në Prishtinë

Lirohet në procedurë të rregullt i dyshuari për shitje të paautorizuar të armëve

Forbes publikon listën e miliarderëve të botës për vitin 2025, ja kush kryeson

Goditeni nga rryma sa herë që prekni diçka? Ekspertët zbulojnë pse ndodh kjo

Gjërat që duhet të bëni në mëngjes, për të qenë të lumtur

Rikthehet reshjet, parashikimi i motit për sot

Scholz: Nuk mund ta imagjinojë Netanyahun të arrestohet në Gjermani

Çmimi i naftës bie pas tarifave të Trump

Policia gjobit shoferin që drejtoi veturën në anën e kundërt në autostradë
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë