A duhet t’i besoni verbërisht intuitës tuaj?

Ekspertët janë ndarë në dy grupe sa i përket kësaj.

Published

4 years ago

November 9, 2021

UBT news

Bota po bëhet gjithnjë e më komplekse dhe marrja e vendimeve bëhet sa herë e më e vështirë.

Këtu futet intuita, ajo ndjesia e brendshme që në shumë raste na tregon rrugën e ‘duhur’, përtej racionalitetit.

Dituria e brendshme që shkon përtej caqeve të llogjikës aktivizohet në mënyrë të pavullnetshme por ndonjëherë mund të interpretohet në mënyrë të gabuar.

Roli i saj në marrjen e vendimeve i ka ndarë ekspertët në dy grupe.

Daniel Kahneman, ekspert i ekonomisë dhe fitues i çmimit Nobel, sugjeron se njeriu ka dy sisteme llogjike: i shpejti dhe i ngadalti.

Sistemi i parë i të arsyetuarit është i shpejtë dhe bazohet tek intuita. Ai është më i prirur të gabojë, por është i dobishëm për mbijetesën, identifikimin e rreziqeve dhe mundësive premtuese.

Sistemi i dytë është më i ngadaltë, racional dhe bazohet tek llogjika dhe analiza kritike. Sipas këtij të fundit, njeriu ka më pak gjasa të marrë vendime të gabuara.

Ekspertë të tjerë mendojnë se intuita është një formë e inteligjencës superiore, por të pandërgjegjshme.

Sipas tyre, njerëzit rrallë herë marrin vendime racionale, sidomos kur përballen me probleme komplekse.

A duhet t’i besojmë intuitës?

Një faktor që duhet marrë në konsideratë në krahasimin e të dy qasjeve është eksperienca.

Një njeri me përvojë si në probleme, në zgjidhjen e tyre dhe në sfida e ka më të lehtë të krijojë një urë bashkërendimi mes intuitës dhe llogjikës së ftohtë.

Kombinimi i të dyjave është një mënyrë shumë më solide në marrjen e një vendimi apo zgjidhjen e një problemi.

Ekspertët bien dakord në një pikë. Llogjika dhe intuita nuk shkojnë domosdoshmërisht në kahe të kundërta dhe nuk kundërshtojnë njëra tjetrën.

Ata thonë se në marrjen e një vendimi, njeriu duhet ta dëgjojë zërin e brendshëm, të mos e neglizhojë atë por të vëjë në punë edhe racionalitetin dhe llogjikën./AgroWeb.org

Ahmeti reagon pas bllokadës në Trafikun Urban

Published

3 hours ago

November 25, 2025

UBTnews

Ish kryetari i Prishtinës, Shpend Ahmeti ka reaguar pas bllokadës financiare që e la të bllokuar transportin publik në kryeqytet.

Ahmeti përmes një postimi në Facebook tha se transporti publik falas për shumë kategori është barrë financiare për Komunën e Prishtinës duke thënë se “nuk mundesh me liru nga pagesa në fushatë e mas tre ditëve me met pa pare”.

“Kur dikush nga komuna thotë lirimi nga pagesa nuk ka ndikim – rren. Ti mundesh me liru kategori nga pagesa por dikush duhet të paguajë. Ne kemi liru nga pagesa penzionerë, por si komunë kemi paguar për secilin penzionist që kemi liruar, sepse modeli e kërkon. Nuk mundesh me liru nga pagesa në fushatë e mas tre ditëve me met pa pare“, ka shkruar Ahmeti.

Kujtojmë se Komuna e Prishtinës dhe Qeveria në detyrë përkatësisht Ministria e Financave i kanë vënë fajin njëra-tjetrës për alokimin e buxhetit të kryeqytetit./KP

Lajmet

Rahovec: Vajza e mitur largohet nga shtëpia, raportohet e zhdukur në polici

Published

3 hours ago

November 25, 2025

UBTnews

Një qytetar nga Rahoveci ka raportuar në polici se vajza e tij e mitur është larguar nga shtëpia dhe aktualisht nuk dihet vendndodhja e saj.

Rasti është paraqitur më 20 nëntor 2025, rreth orës 13:30, në stacionin policor në rrugën “Xhelal Hajda”. Sipas ankuesit, vajza është larguar nga shtëpia dhe deri tani nuk ka informacione se ku mund të ndodhet.

“Ankuesi mashkull kosovar, ka raportuar se vajza e tij e mitur është larguar nga shtëpia dhe nuk dihet asgjë për vendndodhjen e saj“, thuhet në raportin e Policisë së Kosovës.

Lajmet

Leposaviq: Arrestohet një person pasi sulmoi babanë e tij nën ndikim të alkoolit

Published

3 hours ago

November 25, 2025

UBTnews

Një rasti i dhunës në familje ka ndodhur mbrëmjen e 23 nëntorit në Leposaviq, ku një mashkull kosovar është arrestuar nga Policia e Kosovës pasi dyshohet se ka sulmuar fizikisht babanë e tij.

Sipas njoftimit zyrtar, sulmi ka ndodhur rreth orës 23:00, në momentin kur i dyshuari ishte nën ndikim të alkoolit. Pavarësisht incidentit, viktima – babai i tij – ka refuzuar që të marrë trajtim mjekësor.

Me vendim të prokurorit, i dyshuari është dërguar në mbajtje në stacionin policor deri në këndellje.

“Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet“, thuhet në raportin e Policisë së Kosovës./KP

Lajmet

Dhjetë raste të dhunës në familje raportohen brenda një dite, viktimë gratë

Published

3 hours ago

November 25, 2025

UBTnews

Gratë vazhdojnë të përjetojnë dhunën nga bashkëshortët e tyre. Një rast i rëndë u raportua të hënën ku në fshatin Gadime të Lipjanit një grua u sulmua me sëpatë nga ish-bashkëshorti, për çka policia ka njoftuar si rasti “vrasje në tentativë”.

Mirëpo në raportin 24 orësh, policia ka njoftuar edhe për dhjetë (10) raste të dhunës në familje e ku në shumë prej nëntë prej tyre viktimë janë gratë, në një rast tjetër që raportohet në Leposaviq viktimë ishte babai.

Në tri prej rasteve, të dyshuarit janë liruar në procedurë të rregullt

Rastet e dhunës në familje të raportuara vetëm brenda një dite

· Prishtinë 24.11.2025-02:00. Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

· Prishtinë 24.11.2025-05:00. Raportohet se viktima femër kosovare, ka pësuar dhunë nga bashkëshorti i saj. Me vendim të prokurorit, pas intervistimit palët janë liruar dhe rasti shkon në procedurë të rregullt.

· Fushë Kosovë 24.11.2025-16:00. Është arrestuar i dyshuari mashkull kosovar, pasi që i njëjti ka ushtruar dhunë fizike ndaj bashkëshortes se tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit lirohet në procedurë të rregullt.

· Prishtinë 23.09.2025-NN. Me 24.11.2025 ankuesi mashkull kosovar, ka raportuar se ka dhunë psikike të vazhdueshme nga ish bashkëshortja e tij edhe pse ka urdhër mbrojtës. E dyshuara është arrestuar dhe pas intervistimit me vendim të prokurorit është liruar në procedurë të rregullt.

· Podujevë 24.11.2025-20:00 . Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

DHUNË NË FAMILJE

· Gjilan 24.11.2025-09:15. Është arrestuar i dyshuari mashkull kosovar, pasi që kishte ushtruar dhunë fizike ndaj bashkëshortes së tij. Nuk raportohet për të lënduar, ndërsa me vendim të prokurorit, i dyshuari është dërguar në mbajtje.

· Gjilan 24.11.2025-14:30. Është arrestuar i dyshuari mashkull kosovar, pasi që kishte ushtruar dhunë ndaj bashkëshortes së tij. Viktima ka pranuar tretman mjekësor, ndërsa me vendim të prokurorit, i dyshuari është dërguar në mbajtje.

DHUNË NË FAMILJE

· Pejë 24.11.2025 – 07:30. Ankuesja femër kosovare, ka informuar se djali i saj i dyshuari mashkull kosovar, ka ushtruar dhunë psikike ndaj saj. Pas intervistimit me vendim të prokurorit palët janë liruar dhe rasti shkon në procedurë të rregullt.

· Pejë 24.11.2025-22:00. Është arrestuar i dyshuari mashkull kosovar, pasi që i njëjti nën ndikim të alkoolit ka kanosur bashkëshorten e tij, duke shkelur edhe urdhrin mbrojtës. Me vendim të prokurorit, i dyshuari është dërguar në mbajtje.

DHUNË NË FAMILJE

Leposaviq 23.11.2025-23:00. Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet.