

Published
4 years agoon
By
Betim GashiRobotët e aftësuar me inteligjencës artificiale (AI) mund të bëjnë punët e bujqësisë në mënyrë shumë më të qëndrueshme se fermerët tradicionalë, shprehet një nga kompanitë e Luginës së Silikonit.
Drejtuesit e firmës së teknologjisë bujqësore Iron Ox, shprehen se misioni i tyre është ta bëjnë sektorin global të bujqësisë tërësisht të gjelbër, dhe për ta bërë këtë ata kanë siguruar deri tani rreth $53 milionë dollarë, nga investitorë të ndryshëm. Ndër ta, edhe Bill Gates.
CEO i kësaj kompanie, Brandon Alexander, nuk mund të akuzohet për mungesë eksperience kur vjen puna tek prodhimi i ushqimit. Ai ka shpenzuar çdo verë në fermën e gjyshit, duke mbledhur pambuk, patate apo kikirikë, nën diellin e nxehtë të Teksasit.
Sidoqoftë, me një diplomë për shkenca robotike, ‘pikërisht që të arratisej nga puna në fermë’, Alexander thotë se kur mësoi se 40% e ushqimit në botë hidhet në plehra, para se të arrij në shportat e blerësve, duhej të bënte diçka.
Në të ardhmen, ushqimin tonë mund ta prodhojnë robotët dhe inteligjenca artificiale
Në vitin 2015, Aleksander udhëtoi nga njëri skaj i Kalifornisë në tjetrin për 6 muaj, në mënyrë që të kuptonte problemet e vërteta të fermerëve amerikanë si dhe të kuptonte ku mund të nevojitej ndihma e robotëve.
Gjatë rrugës, ai mësoi rreth mungesave ekstreme të ujit, vështirësive në gjetjen e punës si dhe një seri të tërë problematikash. Në 2018-ën, Aleksander nisi kompaninë e tij.
Sot, në serën e kompanisë në Gilroy të Kalifornisë, dy robotë me emrat Grover dhe Ada, rrisin borzilok, luleshtrydhe dhe të tjera bimë me anë të një sistemi hidroponik – që nuk ka nevojë për dhe ose pleh. Bimët rriten në një solucion me ujë dhe lëndë të tjera ushqyese.
Por si funksionon ky sistem?
Iron Ox përdor inteligjencën artificiale për t’u siguruar që bimët e tyre të marrin nivelin optimal të rrezeve të diellit, ujit dhe lëndëve ushqyese. Njëri nga robotët merret me transportin e bimëve në stacionin e dozimit, ku ja dorëzon prodhimet Adës, e cila është një krah robotik.
Kjo ndalesë është e ngjashme me një vizitë tek doktori. Sensorët e ndryshëm ndihmojnë robotin të kontrollojë ujin për nivelin e lëndëve ushqyese apo mineraleve të tjera për të cilat mund të ketë nevojë. Pas ekzaminimit, doza të personalizuara të mineraleve mund të çlirohen në mënyrë automatike në secilën bimë, me anë të sistemit të njohur si hydroponics.
Në këtë mënyrë, femra prodhon më pak, që do të thotë se edhe shpërdoron më pak, ndërkohë që prodhon vetëm sasinë e ujit që nevojitet, jo më tepër.
Sistemi i inteligjencës artificiale mbledh dhe regjistron vazhdimisht të dhëna nga bimët e mbjella, duke e ndihmuar kështu sistemin qendror të kuptojë ekzaktësisht çfarë i duhet bimëve – duke i përmirësuar të korrat dhe ulur ndikimin e keq në ambient.
Anët pozitive të këtij sistemi janë të shumta, por të tilla janë edhe shqetësimet se automatizimi dhe zëvendësimi i njerëzve me robotë dhe inteligjencë artificiale, sidomos në sektorët e bujqësisë dhe të prodhimit, do të kenë një ndikim të patjetërsueshëm për njerëzimin dhe tregun e punës në tërësi.
You may like
Teknologji
Bill Gates do të dhurojë 99% të pasurisë së tij për Afrikën
Published
13 hours agoon
June 5, 2025
Bill Gates është zotuar se pjesa më e madhe e pasurisë së tij, që tani vlen 200 miliardë dollarë, do të shpenzohet gjatë 20 vjetëve të ardhshëm për përmirësimin e shëndetit dhe arsimit në Afrikë.
Themeluesi i Microsoft tha se “duke çliruar potencialin njerëzor përmes shëndetit dhe arsimit, çdo vend në Afrikë duhet të jetë në rrugën e prosperitetit”.
Duke folur nga kryeqyteti etiopian, Addis Ababa, u bëri thirrje inovatorëve të rinj afrikanë të mendojnë se si mund ta shfrytëzojnë inteligjencën artificiale për të përmirësuar kujdesin shëndetësor në kontinent.
Në fillim të majit, Gates njoftoi se do të dhuronte 99 për qind të pasurisë së tij të madhe deri në vitin 2045, kur fondacioni i tij do të ndërpresë veprimtarinë.
“Njerëzit do të thonë shumë gjëra për mua kur të vdes, por jam i bindur që “vdiq i pasur” nuk do të jetë një prej tyre“, shkroi ai në blogun e tij.
Edhe nëse dhuron 99 për qind të pasurisë së tij, ai do të jetë ende miliarder.
“Afrika është lënë prapa në sistemin tradicional bankar dhe keni një mundësi, ndërsa ndërtoni gjeneratën e ardhshme të sistemeve të kujdesit shëndetësor, të mendoni se si inteligjenca artificiale integrohet në to”, tha ai.
Gates përmendi Ruandën si shembull, duke thënë se ajo tashmë po përmirëson shërbimet e saj.
Fondacioni Gates, tha se ka tre përparësi: t’i japë fund vdekjeve të parandalueshme të nënave dhe foshnjave, të sigurojë që brezi i ardhshëm të rritet i lirë nga sëmundjet infektive vdekjeprurëse dhe të nxjerrë miliona njerëz nga varfëria.
Teknologji
YouTube prezanton renditjen: më aktivët në ‘chat’ marrin logo speciale
Published
14 hours agoon
June 5, 2025
YouTube po teston një mënyrë të re për të përmirësuar transmetimet e drejtpërdrejta me një renditje që njeh shikuesit më aktivë.
Për adhuruesit e transmetimeve të drejtpërdrejta, renditja e re e YouTube është mënyrë e shkëlqyer për të fituar pikë vetëm duke qëndruar aktivë në bisedë.
Ajo do të nxjerrë në pah 50 shikuesit më të angazhuar në një kanal, duke u dhënë shikuesve të rregullt vëmendjen që meritojnë.
Shikuesit mund të fitojnë pikë duke biseduar, dërguar super chat dhe më shumë. Tre individët kryesorë do të marrin edhe logo speciale pranë emrit të tyre, duke i bërë ata të dallohen nga turma dhe duke rritur shanset e tyre për të tërhequr vëmendjen e transmetuesve.
Mund ta shikoni renditjen duke prekur ikonën e vogël të kurorës në krye të bisedës së drejtpërdrejtë. Ajo që është një mister është saktësisht se si YouTube numëron pikët “prapa skenave”. Vetëm pse jeni aktiv në një transmetim të drejtpërdrejtë, nuk do të thotë që dëshironi që emri të jetë në renditjen publike.
YouTube nuk ka thënë nëse kjo veçori është aktive si parazgjedhje, por mund ta çaktivizoni në çdo kohë duke shkuar te cilësimet, si celular dhe në desktop.
Automobilizëm elektrikë
McLareni paralajmëron “bishën”, arrin 100 km/h për 2.8 sekonda
Published
2 days agoon
June 4, 2025
Gara e famshme “Le Mans 24 Hour” po afrohet dhe, për të festuar 30-vjetorin e fitores së fundit (1995) në këtë garë, McLareni ka prezantuar version të ri special: 750S Le Mans.
Në vitin 2020, McLaren e shënoi përvjetorin e 25-të të kësaj fitoreje me prezantimin e 720S Le Mans, një tjetër model i kufizuar.
Përveç përmirësimeve të performancës që solli modeli 750S i prezantuar në vitin 2023, versioni i ri vjen edhe me një paketë të re të quajtur “High Downforce Kit” nga divizioni McLaren Special Operations (MSO), që ofron performancë shtesë në pistë.
Modeli standard pati sukses kur u lansua tri vite më parë, me listat e porosive të mbushura 18 muaj para. 750S Le Mans pritet të jetë edhe më i kërkuar, sidomos kur dihet se do të prodhohen vetëm 50 njësi – njëjtë sikurse me 720S Le Mans.
750S Le Mans vjen në ngjyrat ikonike të veturës fituese të Le Mans 1995, McLaren F1 GTR me numrin 59, me ngjyrë gri si standard – por është e mundur edhe ngjyra karakteristike portokalli e McLaren.
Sa i përket motorit, 750S Le Mans mbetet i pandryshuar – vjen me motor V8 4.0 litra twin-turbo, që prodhon 740 kuajfuqi, duke arritur nga 0 në 100 km/h për vetëm 2.8 sekonda. Fuqia transmetohet në rrotat e pasme përmes një transmisioni automatik 7-shpejtësi, i përmirësuar krahasuar me atë të 720S.
McLaren do të marrë pjesë në Le Mans në klasën LMGT3 me 750S GT3 EVO, ndërsa më 2027 planifikon të hyjë në klasën Hypercar, për të luftuar për titullin më të lartë të garës. Data dhe çmimi i saktë ende nuk dihet. Por çmimi pritet të jetë mbi 300 mijë euro.
Automobilizëm elektrikë
Ford Motor po tërheq gati 1.1 milionë automjete, shkak problemi me kamerën e pasme
Published
2 days agoon
June 3, 2025
Ford Motor po tërheq gati 1.1 milionë automjete në Shtetet e Bashkuara sepse kamerat e pasme mund të mos shfaqin imazhe për shkak të një problemi me softuerin, duke rritur rrezikun për aksident.
Siç ka bërë të ditur prodhuesi amerikan, tërheqja mbulon disa automjete të modeleve Bronco, F-150, Edge të viteve 2021 deri në 2024 dhe Escape, Corsair, F-250, F-350, F-450, F-550 dhe F-600 të viteve 2023-2024.
Problemi i softuerit mund të shkaktojë vonesë, ngrirje ose mosshfaqje të imazhit të kamerës së pasme.
Në prill, Ford lëshoi dy tërheqje të tjera në Shtetet e Bashkuara për probleme me kamerat e pasme, duke përfshirë rreth 289,000 automjete në total. Për të dyja tërheqjet, prodhuesi i automjeteve do të zëvendësojë kamerat e pasme.
Në nëntor, Fordi pati rënë dakord për një gjobë prej 165 milionë dollarësh pasi një hetim zbuloi se prodhuesi i automjeteve nuk arriti të tërheqë automjetet me kamera të pasme me defekt në kohën e duhur.

Metabolizëm i ngadaltë, si t’i dalloni simptomat

Profesorët e UBT-së kontribuojnë në ndërtimin e paqës së qëndrueshme

Zyrtare: Ferizaj përforcohet në qendër të mbrojtjes, prezantojnë Ardit Iljazin

Mbyllet me sukses Java e Dizajnit në UBT – prezantohen koleksione me vlera artistike dhe kulturore

Aktori Christian Bale duket thuajse i panjohur rrugëve të Atlantas, teksa po xhiron filmin e ri

Jackie Chan: Mësova anglisht përmes muzikës ‘country’ pasi u zhvendos në SHBA!

Bill Gates do të dhurojë 99% të pasurisë së tij për Afrikën

FSHF: Vijon procesi i shpërndarjes së biletave përmes shortit elektronik për ndeshjen Shqipëri – Serbi

Ardian Ismajli mund t’i bashkohet Rashicës te Besiktasi?
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT1 day ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati