Lajmet

A do të ngrijë Liz Truss faturat e energjisë për të luftuar krizën e kostos së jetesës?

Truss është vendosur të shpallë një pako mbështetëse për qytetarët britanikë të enjten.

Published

3 years ago

on

Në fjalimin e saj pas fitores, kryeministrja e re e Mbretërisë së Bashkuar, Liz Truss, premtoi se do të “përballonte krizën energjetike, duke u marrë me faturat e energjisë së njerëzve”, siç tha ajo, duke dhënë zgjidhje për një afat më të gjatë kohor.

Pak përpara ditës së shpalljes së rezultateve të zgjedhjeve, Truss pohoi se do të punonte për të luftuar rritjen e kostos së jetesës, por nuk e kishte përjashtuar plotësisht një ngrirje të propozuar nga Laburistët në faturat e energjisë, sipas një raporti nga The Guardian.

Megjithatë, që nga zgjedhja e saj, BBC ka raportuar se ekipi i Truss ka punuar në një paketë mbështetëse për faturat e energjisë gjatë javëve të fundit. Truss është vendosur të shpallë paketën të enjten.

Që nga mesi i vitit 2021, Mbretëria e Bashkuar është tronditur nga një rritje e papritur e çmimeve të mallrave dhe shërbimeve për shkak të inflacionit në rritje të shkaktuar nga Brexit në vitin 2020. Faktorët e jashtëm kanë kontribuar poashtu në koston e përgjithshme të krizës së jetesës në vend, si p.sh. pandemia COVID-19, mungesa e çipave dhe të tjera.

Udhëheqësit brenda Partisë Konservatore mbeten skeptikë për një paketë mbështetëse që po reklamohet nga kompanitë e energjisë. Truss është bërë e njohur për prirjen e saj për një ekonomi me taksa më të ulëta. Deputetët e lartë konservatorë kanë thënë se qëndrimi i saj mund të rrezikojë nxitjen e inflacionit dhe rritjen e normave të interesit, sipas një raporti të BBC.

Pas zgjedhjes së Truss, kreu i Partisë Laburiste, Sir Keir Starmer tha se nuk kishte “asnjë justifikim për mos ngrirjen e çmimeve të energjisë”, duke shtuar se, “Ka një konsensus politik që duhet të ndodhë. Ajo duhet të bëjë pyetjen se si do të paguajë për këtë. Puna e bëri të qartë se duhet të jetë një taksë e papritur për kompanitë e naftës dhe gazit”./UBTNews/

Related Topics:
Continue Reading

Lajmet

Dhuna në familje në Malishevë, një person goditet me brisk, i dyshuari dërgohet në mbajtje

Published

40 minutes ago

on

October 20, 2025

By

Një rast i dhunës në familje është raportuar mbrëmjen e së dielës në Malishevë, ku një mashkull kosovar dyshohet se ka sulmuar fizikisht një anëtar tjetër të familjes, mashkull kosovar, duke i shkaktuar lëndime në dorë me një mjet të mprehtë (brisk).

I dyshuari është arrestuar nga policia dhe pas intervistimit, me vendim të prokurorit të shtetit, ai është dërguar në mbajtje.

“Është arrestuar i dyshuari mashkull kosovar pasi që i njëjti dyshohet se ka sulmuar fizikisht viktimën mashkull kosovar dhe i ka shkaktuar lëndime në dorë me një mjet të mprehtë (brisk). Viktima ka pranuar tretman mjeksëor. I dyshuari është arrestuar dhe me vendim të prokurorit pas intervisitimit dërgohet në mbajtje.” thuhet në njoftim./UBTNews

Continue Reading

Lajmet

Prishtinë: Arrestohet i dyshuari për rast dhune në familje

Published

48 minutes ago

on

October 20, 2025

By

Policia e Kosovës ka ndërhyrë pas një raportimi për dhunë në familje në Prishtinë, ku një mashkull kosovar dyshohet se ka sulmuar fizikisht viktimën, një femër kosovare.

I dyshuari është arrestuar nga njësiti policor dhe pas intervistimit, me vendim të prokurorit, është liruar në procedurë të rregullt.

“Është raportuar se i dyshuari mashkull kosovar e ka sulmuar viktimën femër kosovare. I dyshuari është arrestuar dhe pas intervistimit me vendim të prokurorit lirohet në procedurë të rregullt.” thuhet në raport./UBTNews

Continue Reading

Lajmet

Arrestohet një person në Lipjan nën dyshimin për sulm seksual

Published

52 minutes ago

on

October 20, 2025

By

Policia e Kosovës ka arrestuar një person të dyshuar në Lipjan, pasi dyshohet se ka kryer veprën penale të sulmit seksual ndaj një viktime femër kosovare.

Sipas njoftimit zyrtar, me vendim të prokurorit, ai është dërguar në mbajtje për procedura të mëtejshme hetimore.

“Lidhur me rastin është arrestuar i dyshuari mashkull kosovar pasi i njëjti dyshohet se ka kryer veprën e lartcekur ndaj viktimës femër kosovare. Me vendim të prokurorit i dyshuari dërgohet në mbajtje.” thuhet në njoftim nga Policia e Kosovës.

Autoritetet nuk kanë dhënë më shumë detaje rreth rastit, për shkak të ndjeshmërisë së hetimeve dhe mbrojtjes së identitetit të viktimës./UBTNews

Continue Reading

Lajmet

Shqiptohen rreth 2 mijë gjoba trafiku brenda 24 orëve të fundit në Kosovë

Published

57 minutes ago

on

October 20, 2025

By

Policia e Kosovës ka shqiptuar 1896 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 36 aksidente trafiku me dëme materiale, 25 aksidente trafiku kanë përfunduar me të lënduar.

Policia e Kosovës ka arrestuar 14 persona, 12 janë dërguar në mbajtje, 1 person është në vuajtje të dënimit/S.K/KP/

Continue Reading

Të kërkuara