Lajmet

A do të funksionojë plani i ri i Japonisë për të rritur shkallën e lindshmërisë?

Si e shohin kritikët planin e Japonisë?

Published

4 years ago

on

Qeveria japoneze po planifikon të ofrojë një shtesë prej 80 mijë jenësh (556 €, 592 dollarë) për çiftet që kanë një fëmijë, ndërsa Tokio kërkon mënyra për të ndaluar rënien alarmante të lindshmërisë në vend.

Por sipas kritikëve, kjo s’është e mjaftueshme për t’i bindur njerëzit që po përballen me rritje çmimesh dhe të ardhura të ulëta për të pasur fëmijë.

Sipas disa kritikëve tjerë, edhe më herët u dëshmua se shpenzimi i parave lidhur me këtë problem nuk doli të jetë zgjidhja e duhur.

Aktualisht, prindërit e rinj në Japoni marrin një pagesë prej 420 mijë jen kur lind një fëmijë. Ministria e Shëndetësisë, Punës dhe Mirëqenies ka propozuar që kjo shifër të rritet në 500 mijë jen dhe u bë e ditur se shtesa do të hyjë në fuqi në vitin e ardhshëm fiskal, respektivisht më 1 prill të vitit 2023.

Përkeqësimi i kushteve

Nisma vjen pas statistikave më të fundit shqetësuese të popullsisë japoneze. Në vitin 2021 kishte 125.7 milionë japonezë, nga kulmi prej 128 milionë në vitin 2017, ndërsa një studim në revistën mjekësore The Lancet para pandemisë së koronavirusit parashikonte që popullsia totale e Japonisë do të tkurret në 53 milionë deri në fund të shekullit.

Në dekadat e fundit, japonezët kanë zgjedhur martesat e vonshme dhe të kenë më pak fëmijë, një vendim që erdhi kryesisht për shkak të shqetësimeve financiare.

Kjo shifër tani duket mjaft optimiste duke pasur parasysh problemet që i janë sjellë kombit nga pandemia dhe, së fundmi, ndikimi i konfliktit në Ukrainë në ekonominë globale./UBTNews/

Related Topics:
Continue Reading

lajme

Protestat vazhdojnë në Prishtinë: Kërkohet që vrasja e grave të trajtohet si urgjencë kombëtare

Published

11 hours ago

on

October 30, 2026

By

Protesta kundër vrasjes së Arlinda Zekajt ka vazhduar edhe sot në Prishtinë, ku qytetarët janë mbledhur për të tretën ditë radhazi në sheshin e kryeqytetit për të kërkuar drejtësi dhe përgjegjësi institucionale.

Gjatë ditës së sotme, protestuesit janë ndalur edhe para objektit të Qeverisë së Kosovës, duke shprehur pakënaqësi të thellë ndaj mënyrës se si po menaxhohen e trajtohen rastet e dhunës ndaj grave nga organet kompetente.

Këto aksione po organizohen nga Kolektivi për Mendim dhe Veprim Feminist, nën moton kryesore “Vrasja e grave të trajtohet si urgjencë kombëtare”.

Continue Reading

Lajmet

Akil Gjakova mbyll garën pa medalje në Abu Dhabi

Published

12 hours ago

on

October 30, 2026

By

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Continue Reading

lajme

Nën hetim për projektin e kryeqytetit: Përparim Rama paraqitet në Prokurorinë Speciale

Published

12 hours ago

on

October 30, 2026

By

Kryetari i Komunës së Prishtinës, Përparim Rama, është paraqitur sot në Prokurorinë Speciale ku po intervistohet në cilësinë e të dyshuarit lidhur me projektin “Arkitekti i Kryeqytetit”.

Rama arriti në prokurori i shoqëruar nga avokati Artan Çerkini, teksa para hyrjes deklaroi shkurtimisht se detyra e tij është ndërtimi i kryeqytetit, ndërsa e organit të ndjekjes është të sigurohet që gjithçka bëhet në përputhje me ligjin. Hetimet për këtë projekt ndërlidhen me procedurat e prokurimit publik, vlerën prej 12 milionë eurosh, si dhe me dyshimet për manipulim të stafit e konflikt interesi.

Intervistimi i kryetarit të Prishtinës vjen pas tensioneve publike dhe paralajmërimeve nga zyrtarë të Lëvizjes Vetëvendosje për arrestimin e tij të mundshëm, reagime këto që pasuan ndryshimet e fundit në udhëheqjen e Prokurorisë Speciale, ku pas shkarkimit të Blerim Isufajt, detyra i është besuar prokurorit Dren Paca.

Ndaj deklaratave të përfaqësuesve të pushtetit, Rama u ka bërë thirrje publike organeve të drejtësisë që të merren me ato që i ka cilësuar si kërcënime direkte ndaj tij. /E.A/

Continue Reading

Lajmet

Laura Fazliu fiton të bronztën në Grand Slam

Published

13 hours ago

on

October 30, 2026

By

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Continue Reading

Të kërkuara