Lajmet

A do të duhet të heqë dorë mbreti Charles III nga aktivizmi i tij për klimën?

Disa besojnë se çështja e ndryshimeve klimatike është mbi politikat partiake.

Published

on

Gjatë gjithë jetës së tij, Mbreti Charles III ka qenë një kampion për çështjet mjedisore. Ai ka kaluar vite duke bërë fushatë për ruajtjen, bujqësinë organike dhe kauza të tjera eko.

Aq shumë saqë shumë kanë arritur ta shohin Madhërinë e Tij si një avokat kryesor për klimën, duke financuar bamirësi dhe fushata që kanë rëndësi globale.

Por, ndërsa ai tani është në fron, ekziston një pritje e neutralitetit politik që ka të ngjarë t’i japë fund deklaratave të tij madhështore për shëndetin e planetit.

Ishte në vitin 1970 – në moshën 21-vjeçare – kur tani Mbreti, foli për herë të parë me publikun për shqetësimet e tij klimatike.

Ai i tha Komitetit Drejtues të fshatit për Uellsin për “kërcënimin në rritje nga ndotja e naftës në det”, u ankua për shkarkimin e kimikateve në lumenj dhe tërhoqi vëmendjen për gazrat që “pompohen nga makina dhe aeroplanë të pafund”.

Vitet e fundit, Charles III është bërë një figurë kryesore në lëvizjen ndërkombëtare mjedisore. Ai ka mbështetur bamirësi, ka përkrahur grupe fushatash dhe është përfshirë personalisht në biseda me liderët botërorë rreth krizës klimatike.

Në vitet 1980, Charles III filloi gjithashtu të transformonte pronën e tij në Gloucestershire, MB, në një parajsë për bujqësinë organike. Kopshtet në House Highgrove tani janë të njohura në botë për përparimet e tyre në qëndrueshmëri dhe biodiversitet.

Nga takimi me Greta Thunberg, pjesëmarrja në COP26 në Glasgow vitin e kaluar deri te mbështetja e hapur e grupit protestues Extinction Rebellion, ai është i njohur në mbarë botën për angazhimin e tij ndaj kauzave mjedisore.

Si kanë reaguar ambientalistët që Charles III u bë Mbret?

Për shumë të përfshirë në luftën kundër ndryshimeve klimatike, ka shpresë se një pjesë e veprimit të Charles III do të vazhdojë.

“Madhështia e tij Mbreti ka luajtur një rol jashtëzakonisht të rëndësishëm gjatë dekadave të fundit në çështjet kritike globale si ndryshimi i klimës, mbrojtja e natyrës dhe biodiversiteti”, thotë Tim Wainwright, shefi ekzekutiv i WaterAid – një shoqatë bamirësie ku Mbreti është president.

“Me krizën klimatike që ndihet në disa nga komunitetet më të cenueshme anembanë globit, dhe në shumë vende të Commonwealth nga Pakistani në Mozambik, ne shpresojmë se ai do të vazhdojë të jetë forca lëvizëse për mirë”.

Ambientalisti dhe politikani amerikan Al Gore falënderoi mbretin Charles III në Twitter për “dekadat e tij të lidershipit dhe angazhimin e thellë ndaj mjedisit dhe mbrojtjes së të ardhmes së planetit tonë”.

Megjithatë, ai pranoi gjithashtu se ngjitja e tij në fron ishte një “moment i hidhur”.

Tony Juniper, ish-drejtor i “Friends of the Earth”, e quajti Mbretin “figurën më të rëndësishme mjedisore në histori”.

Në një intervistë për BBC, ai tha se Charles III ishte përfshirë në diskutime rreth pyjeve, bujqësisë, sigurisë ushqimore dhe ndryshimeve klimatike për 50 vjet, duke grumbulluar një sasi të madhe njohurish.

A do të vazhdojë të jetë Charles III një kampion mjedisor?
Disa besojnë se çështja e ndryshimeve klimatike është mbi politikat partiake. Kryeministri australian Anthony Albanese ka inkurajuar Madhërinë e Tij që të vazhdojë punën e tij mjedisore duke thënë se kjo nuk ka thyer neutralitetin politik.

“Unë mendoj se ballafaqimi me sfidën e ndryshimeve klimatike nuk duhet parë si një çështje politike, ajo duhet parë si një çështje që ka të bëjë me njerëzimin dhe me cilësinë tonë të jetës dhe mbijetesën si botë” tha ai për ABC.

“Mendoj se angazhimi në çështje është shumë i ndryshëm nga angazhimi në çështje politike partiake. Kjo do të ishte krejtësisht e papërshtatshme”.

Përgjatë 70 viteve të saj në fron, Mbretëresha Elizabeth II ishte shumë e paqartë për besimet e saj [sa i përket politikës]. Ish-kryeministri i Britanisë së Madhe, Tony Blair, ka thënë se pavarësisht se ishte në detyrë për 10 vjet, ai nuk e kishte idenë se cila ishte politika e saj aktuale.

Në fjalimin e tij të parë si Mbret, Charles III tregoi se ai do të ndiqte shembullin, duke thënë se do të mbante detyrimin e tij kushtetues për të qëndruar neutral politikisht.

“Nuk do të jetë më e mundur të jap kaq shumë nga koha dhe energjitë e mia për bamirësitë dhe çështjet për të cilat u kujdesa aq shumë, por e di që kjo punë e rëndësishme do të vazhdojë në duart e besuara të të tjerëve”, tha ai.

Fushata e tij, shtoi ai, nuk do të vazhdojë pasi të bëhet Mbret./UBTNews/

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Të kërkuara