Lajmet

Abbott i shqetësuar me mospjesëmarrjen e grave në politikë, thotë se barrierë janë paratë

Published

4 years ago

September 7, 2021

UBT news

Demokracia për Zhvillim (D4D) ka lansuar punimin “Kostoja e pabarazisë: Financimi i fushatës zgjedhore së grave kandidate”.

Aty u tha se në këtë raport kanë marrë pjesë vetëm tetë gra kandidate, e që sipas tyre vërehet trysnia dhe ambientin nga partitë politike.

Në këtë raport tregohet se 50 për qind e të anketuarve të cilët ishin kandidate për deputete, thonë se kostoja e fushatës zgjedhore kap shifrën prej 2,000 deri në 5,000 euro.

Ambasadori britanik në Kosovë, Nicholas Abbott, tha se për fat të keq shumë gra hezitojnë të hyjnë në politikë, duke shtuar se një nga barrierat ka të bëjë me çështje financiare.

“Ambasada është krenare për nxjerrjen e këtij raporti. Kjo temë është e rëndësishme dhe kemi parë një progres për uljen e numrit. Ku kemi parë thyerjen e një rekordit të zgjedhjeve nga një grua. Siç e dini një nga barrierat kanë të bëjnë me çështjet financiare”.

“Për fat të keq është se shumë gra për të bërë ndryshimin hezitojnë të hyjnë në politikë. Shpresoj që kjo të shërbej sesi financohen fushat për gratë kandidate. Njëkohësisht të përmirësohet dhe të sigurohet një transparencë të resurseve politike”.

Majlinda Sinani-Lulaj, zëvendësavokate në institucionin e Avokatit të Popullit, tha se gratë janë të nënvlerësuara, prandaj duhet marrë masa të menjëhershme.

“Institucioni i Avokati i popullit ka marrë rolin si mekanizëm i ngritjes së zërit të ngritjes së përfaqësimit të grave në vendimmarrje. Gratë janë të nënvlerësuara, ky është fakt që e shohim çdo ditë, e atëherë kjo bëhet shumë vonë nëse ne s’kemi marrë masa për trasimin e rrugës në shoqëri”.

“Partitë politikë mbesin dhe janë qeliza brenda të cilave trasojnë rrugë në institucione. Në këtë studim përkufizohemi vetëm në fushata politike, por partitë politikë, fillojnë shumë më herët fushatën dhe përfaqësimi i tyre është i mangët. Fushata nuk fillon e mbaron më një palë zgjedhje, por që vazhdon më gjatë”, tha ajo.

Yll Buleshkaj nga KQZ-ja, tha se është evidente se fushata nuk mund të bëhet pa mjete.

“Tashmë është fakt se fushatë pa para nuk mund të bëhet dhe mungesa e tyre të jep mangësi dhe zvogëlim të zgjedhjes në nivelin qendror. Legjislacioni aktual ka kufizime dhe e hedh një ide për ndryshime në reformë”.

Drejtori ekzekutiv i KDI-së, Ismet Kryeziu, ka përmendur disa shkaktarë të mungesës së përfshirjes së grave në politikë.

“Barazia në zgjedhjeve është element i rëndësishëm. Elementet financiare është e rëndësishme sepse paraja rikthen fuqinë politike dhe me përzgjedhjen e tyre në pushtet. Çështja e grave, kemi një numër të vogël të kandidateve në këtë proces, ku derivon me mungesë të të ardhurave, dhe mungesave e rrjedhjeve të fondeve nga rrjetet e bizneseve. Mbështetja e tyre është në kuadër te simbolikës, si formalitete të kartëvizitave etj”.

“Burrat kanë shtabe zgjedhore, krahasim me gratë që pak prej tyre kanë shtabe zgjedhore. Gratë në mendësinë që jetojmë, shumë më vështire e kanë bindjen te votuesit, ku shumë fushata bëhen nëpër oda, e ku kemi parë mbi 90 burra, dhe krahasuar me këtë, sa vështirë do të jetë për një kandidate të jetë në një prezencë me 100 burra në Odë”.

Valëza Zogjani autore e këtij raporti, tha se viteve të fundit është vërejtur një trend pozivit i pjesëmarrjese së grave në politikë, por që ende ka sfida.

Sipas saj, 50 për qind e të anketuarve të cilët ishin kandidate për deputete, thonë se kostoja e fushatës zgjedhore kap shifrën prej 2000-5000 euro.

Lajmet

Markus Rashford kalon në Barcelonë

Published

10 minutes ago

July 21, 2025

UBT News

Markus Rashford do të jetë lojtari më i ri i Barcelonës, katalanasit kanë arritur marrëveshje me Manchester United, për transferimin e sulmuesit anësor.

Do të jetë huazim për një sezon, me detyrim blerjen e kartonit nëse plotësohen disa kushte gjatë sezonit. Rashford do fitojë 12 milionë euro në sezon te Barca.

Ky transferim vjen për ta pasi dështuan me Niko Uilliams. Rashford do e ketë eksperiencën e parë jashtë Anglisë.

Ylli 27-vjeçar ka luajtur 297 ndeshje në Premier Ligë dhe gjatë kësaj kohe ka shënuar 89 gola dhe ka asistuar 52 të tjerë në kampionat.

Lajmet

Plagosen dy persona në Ferizaj, njëri zyrtar policor

Published

1 hour ago

July 21, 2025

UBTnews

Dy persona janë plagosur pasi janë përfshirë në një konflikt në fshatin Doganaj të Ferizajt. Incidenti ka ndodhur në orët e para të së hënës. Njëri nga të plagosurit është një zyrtar policor i cili kur ndodhi rasti nuk ishte në detyrë.

Të plagosurit fillimisht kanë marrë ndihmën e parë në Qendrën Emergjente në Ferizaj dhe më pas janë dërguar në QKUK për trajtim të mëtejmë. Ata ndodhen jashtë rrezikut për jetë, sipas personelit shëndetësor.

Lidhur me këtë rast është njoftuar edhe Inspektorati Policor i Kosovës.

Pas pranimit të informatës Policia Rajonale e Ferizajt ka dalur në vendin e ngjarjes për të hetuar rastin, ku janë sekuestruar dy vetura, dy armë zjarri, 16 gëzhoja dhe një predhë.

Lajmin për KosovaPress konfirmoi zëdhënësi i Drejtorisë Rajonale në Ferizaj, Kanun Veseli. Ai bëri të ditur se janë intervistuar dy dëshmitarë që gjendeshin në njërën nga veturat.

Rasti është cilësuar si “vrasje e mbetur në tentativë dhe shkaktimi i rrezikut të përgjithshëm”.

“Sot, më 21.07.2025, rreth orës 00:50 policia rajonale e Ferizajt ka pranuar një informatë, për një rast të gjuajtjes me armë zjarri në fshatin Doganaj të Ferizajt, ku dy persona janë plagosur. Në vendin e ngjarjes kanë dalë fillimisht policët e rendit, e më pas edhe Njësia e Hetimeve Rajonale dhe Forenzika. Nga hetimet fillestare mësohet se në incident ishin të përfshirë dy persona: një qytetar me veturën “Golf 7” dhe një zyrtar policor jashtë detyrës zyrtare, me veturën “BMW“, tha Veseli.

“Për shkak të përfshirjes së zyrtarit policor, është njoftuar edhe Inspektorati Policor i Kosovës (IPK). Nga vendi i ngjarjes janë sekuestruar dy vetura, dy armë zjarri (pistoleta), 16 gëzhoja dhe një predhë. Të plagosurit pasi kanë marrë ndihmën e parë në Qendrën Emergjente ne Ferizaj janë dërguar në QKUK për trajtim të mëtutjeshëm mjekësor dhe sipas informatave nga personeli mjekësor ndodhen jashtë rrezikut për jetë. Ndërsa janë intervistuar dy dëshmitarë që gjendeshin në njërën nga veturat. Rasti është cilësuar ” Vrasje e mbetur në tentativë dhe shkaktimi i rrezikut të përgjithshëm“, shtoi ai.

Hetimet lidhur me këtë rast po vazhdojnë në bashkëpunim me IPK-në dhe nën autorizimin të prokurorit kujdestar të krimeve të rënda.

Lajmet

Dy punëtorë ndërtimi humbin jetën në Gjakovë

Published

2 hours ago

July 21, 2025

UBTnews

Dy punëtorë të ndërtimtarisë kanë humbur jetën në Gjakovë, pasi dyshohet se kanë rënë nga një objekt në ndërtim e sipër. Lajmin e ka konfirmuar Policia e Kosovës për rajonin e Gjakovës.

Sipas informacioneve fillestare, incidenti ka ndodhur gjatë punës në një ndërtesë që është në fazën e ndërtimit. Autoritetet kanë dalë menjëherë në vendin e ngjarjes dhe kanë nisur hetimet për të sqaruar rrethanat e aksidentit tragjik.

Ende nuk janë dhënë detaje shtesë lidhur me identitetin e viktimave apo nivelin e lartësisë nga ku kanë rënë. Policia, në bashkëpunim me institucionet përkatëse, po vazhdon hetimet.

Lajmet

MPJD – bashkatdhetarëve: Udhëtoni vetëm me dokumente valide

Published

2 hours ago

July 21, 2025

UBTnews

Ministria e Punëve të Jashtme dhe Diasporës apelon të gjithë bashkatdhetarët që udhëtojnë në Kosovë që gjatë udhëtimit të kenë dokumente të vlefshme, përmes transportit rrugor.

Përmes një njoftimi zyrtar, MPJD thekson se udhëtimi me dokumente të skaduara nuk lejohet nëpër territoret e disa shteteve, pavarësisht nga praktikat e vendit ku nis udhëtimi.

“Duke iu referuar rasteve të fundit të paraqitura gjatë kalimeve tranzit, veçanërisht nëpër territorin e Italisë, theksojmë nevojën që qytetarët të verifikojnë paraprakisht kërkesat për dokumentacion për secilin vend që kalojnë gjatë udhëtimit të tyre.

Lusim qytetarët që të planifikojnë udhëtimet e tyre me kujdes dhe të informohen për kushtet e kalimit nëpër secilin shtet përmes të cilit udhëtojnë. Në raste pasigurie, ju ftojmë të kontaktoni misionet tona diplomatike dhe konsullore për udhëzime shtesë”, thuhet në njoftim.