36 fjalë të urta të popullit polak

Published

4 years ago

August 27, 2021

Betim Gashi

Në këtë tekst mund t’i lexoni 36 fjalë të urta të popullit polak.

Pasanikët ngushëllohen me pasuri, ndërsa të varfërit me fëmijë.

Aty ku mbaron ligji, fillon tirania.

Bota është e madhe por gjendet shumë pak vend në të.

Çdo çek është një muzikant, çdo italian një doktor, çdo gjerman një tregtar, çdo polak një fisnik.

Dashuria më e madhe është dashuria e nënës, pastaj vjen dashuria e një qeni dhe së treti, dashuria e një dashnori.

Diplomati i shërben jo këtij dhe atij shërbimi, por atdheut të vet.

Doktori kërkon taksën e tij, pavarësisht se ai ka vrarë sëmundjen apo të sëmurin.

E para gjë që gratë dinë, është që janë të bukura,

– e para gjë që mësojnë është se janë shumë të forta,

– e para gjë që kuptojnë kur vihen në provë, është se janë të brishta,

– e para gjë që harrojnë është se do plaken dhe

– e para gjë për të cilën kujtohen, është se e kishin harruar këtë gjë.

E puthura e ëmbël, e puthuar e artë, e puthur e nxehtë, zemër e djegur.

Gruaja qan para dasmës, kurse burri pas saj.

I varfri është kuruar nga puna, kurse burri pas saj.

Kundështari forcohet shumë nga ofendimi që i bëhet.

Kush blen kafazin, dëshiron zogun.

Literatura lind nga thellësia e shpirtit të popullit.

Me njerzillëk arrin më shumë se me forcë.

Më mirë është të mos kesh asnjë doktor sesa tre.

Miku sheh në një orë më shumë se i zoti i shtëpisë në një vit.

Nëse nuk mund të themi të drejtën, s’do të thotë se duhet të gënjejmë.

Në të vërtetë fuqia e sunduesit është forca e atyre që ia lejojnë sundimin.

Nëse në art nuk ka atdhe, tek artisti ai duhet të jetë.

Nuk mundet të bëhet bota një barrë-trastë dhe ta vësh në kokë.

Një lypës nuk e urren lypësin tjetër aq shumë sa një doktor e urren një doktor tjetër.

Njohuritë më të larta të filozofisë mund të shprehen mirë në gjuhë të popullit.

Ofendohet lehtë ai që është shumë i kënaqur me veten.

Peshku duhet të notojë në ujë, kur është gjallë, në gjalpë kur tiganoset.

Peshku për të shijuar mirë, duhet të notojë tri herë: në ujë, në gjalpë dhe në verë.

Për të besuar saktë, duhet filluar nga dyshimi.

Politika, feja dhe nacionalizmi ngadalësojnë ecjen përpara, të keqdrejtuara.

Politika nuk mund të mos ketë sadopak dhe një bazë morale.

Që të jetojë një komb, duhet të jetojë drejtësia dhe e drejta.

Sa më tepër flasim për dinjitetin tonë, më pak na besojnë.

S’është budalla ai që mendon budallallëqe, por ai që flet e bën gjëra të tilla.

S’mund të blohet asgjë me një faleminderit.

Sharja dhe zhargoni, armë e të ultëve.

Vitet dinë më shumë se librat.

Zoti paguan, por jo me rrogë javore.

Armend Rexhepagiqi nderohet me “Hyjneshën në Fron” dhe mirënjohje të veçantë

Published

10 hours ago

July 18, 2025

UBT News

Artistit të njohur, Armend Rexhepagiqi, i është dorëzuar sot çmimi “Hyjnesha në Fron” nga Komuna e Prishtinës, si shenjë vlerësimi për kontributin e tij të çmuar në kulturën muzikore dhe artistike të vendit.

Ceremonia është mbajtur në kryeqytet, ku kryetari Përparim Rama ia ka ndarë gjithashtu një mirënjohje të veçantë.

Në mirënjohje thuhet: “I pakompromis që nga tingulli i parë – një zë që i flet kohës. Me stilin dhe shpirtin tënd, frymëzove breza. Fjalët e tua s’ishin thjesht – ishin zemër. Kultura shqiptare mban gjurmën tënde të pashlyeshme. Prishtina të njeh, Kosova të këndon”.

Koncerti zhvillohet në Pallatin e Rinisë më 19 korrik dhe përveç krijimtarisë tashmë të njohur, Rexhepagiqi do të interpretojë këngët e reja si: “Kutia e zezë”, “Boll m’ke dalë”, “Dyfish ma pak”, “S’o dashni”, “Ma ke n’alë” dhe “Krejt Prishtinën për ditëlindje”.

Armend Rexhepagiqi është autor i shumë hiteve të pavdekshme të muzikës shqipe dhe një nga emrat që ka lënë gjurmë të pashlyeshme në tekstet dhe këngët e qindra artistëve ndër vite. /Telegrafi

Kulturë

Jessie J drejt rikthimit televiziv pas mastektomisë së suksesshme

Published

13 hours ago

July 18, 2025

UBT News

Jessie J po përgatitet për një rikthim emocional në televizion, vetëm pak javë pas një mastektomie të suksesshme pas diagnostikimit me kancer të gjirit.

Këngëtarja britanike 37-vjeçare pritet të shfaqet në një episod të veçantë të “Strictly Come Dancing” në muajin shtator, duke shënuar daljen e saj të parë publike pas ndërhyrjes kirurgjikale.

Burime pranë produksionit të BBC-së kanë bërë të ditur se drejtuesit janë të entuziazmuar për pjesëmarrjen e saj, ndërsa Jessie është e përqendruar te shëndeti dhe rikuperimi i saj, por ndihet e emocionuar për t’u rikthyer në skenë, shkruan DailyMail.

Paralelisht, ajo është konfirmuar edhe për një performancë në festivalin “Radio 2 In The Park” në Chelmsford po në shtator.

Rikthimi i Jessie J pritet të jetë një moment i fuqishëm dhe frymëzues për publikun, pasi ajo jo vetëm që po sfidon kancerin me guxim, por edhe po kthehet në skenë me një mesazh të fortë për shpresën, forcën dhe qëndrueshmërinë

Kulturë

Dita Ndërkombëtare e Nelson Mandelas

Published

15 hours ago

July 18, 2025

UBT News

Nelson Mandela ishte president i Afrikës Jugore dhe luftëtar i lirisë, i cili luftonte kundër shtypjes racore që u bëhej të zinjve në Afrikë, posaçërisht në Afrikën Jugore dhe shumë vite të jetës së tij ai i kaloi nëpër burgje.

Mandela u lind më 18 korrik 1918 i cili gjatë jetës studioi juridikun dhe pikërisht për nder të datës së lindjes së tij Asambleja e Përgjithshme e OKB-së në vitin 2009 ka vendosur që 18 korriku të jetë Dita Ndërkombëtare e Nelson Mandelës.

Datëlindja e Mandelës është edhe Ditë Ndërkombëtare e Nelson Mandelës, e shpallur nga OKB-ja si shenjë mirënjohjeje për kontributin e fituesit të çmimit Nobel për Paqe e pajtimin e arritur në këtë vend. Në këtë ditë jug-afrikanët zakonisht shënojnë ditëlindjen e liderit të tyre kundër aparteidit, i cili ishte 67 vjet në shërbim publik, kurse qytetarët bëjnë 67 minuta punë për komunitet,

Fillimisht Mandela zgjodhi rrugën paqësore për qëllimet e tij dhe të shokëve të tij.

Në vitin 1956 ai u akuzua për “tradhti të lartë” nga regjimi i atëhershëm, bashkë me 155 shokë të tjerë. Procesi zgjati deri me 1961 dhe të gjithë u liruan. Mbas lirimit ai u bë lideri i grupit të armatosur së ANC-së, Umkohnto We Sizwe.

Në vitin 1962 u burgos dhe u dënua me pesë vjet burg. Në vitin 1964 u dënua me burg të përjetshëm, sepse kishte planifikuar luftë të armatosur. Në vitin 1985 atij iu afrua mundësia e lirimit, në qoftë se do të pranonte ndalimin e aktivitetit të armatosur, por ai refuzoi. Në vitin 1990 mbas një kampanje të ANC dhe presionit ndërkombëtar ai u lirua pa kushte.

Në vitin 1993 fitoi çmimin Nobel, ndërsa në vitin 1994 u zgjodh në zgjedhje demokratike president i Afrikës Jugore dhe më 9 maj u zgjodh si presidenti i parë i zi në këtë vend.

Në vitin 1999 ai dha dorëheqje dhe ishte aktiv për organizata të ndryshme për të drejtat e njeriut. Në vitin 2003 kritikoi shumë Tony Blair dhe George W. Bush për intervenimin në Irak.

Mandela vdiq pas një sëmundjeje të gjatë më 5 dhjetor 2013, në shtëpinë e tij në Johanesburg.

Lifestyle

Pesë ushqime të shëndetshme që duhet t’i shtoni në dietën tuaj

Published

2 days ago

July 17, 2025

UBT News

Ushqimi është burimi ynë kryesor i energjisë dhe vitalitetit dhe duke ke shtuar këto 5 ushqime super të shëndetshme në dietën tuaj, do të ndiheni më energjikë dhe më të freskët gjatë gjithë ditës:

Avokado: Të pasura me acide yndyrore të shëndetshme dhe fibra, avokado është një ushqim i shkëlqyeshëm për të mbajtur nivelet e energjisë stabile gjatë gjithë ditës.

Perimet e gjelbra të freskëta: Perimet e gjelbra të freskëta janë të pasura me vitamina, minerale dhe antioksidantë që ndihmojnë në rritjen e energjisë dhe mbajtjen e trupit të shëndetshëm.

Arrat: Me përmbajtje të lartë të proteinave dhe yndyrës së shëndetshme, arrat janë një ushqim ideal për të rritur nivelin e energjisë dhe për të mbajtur stomakun e ngopur për një kohë më të gjatë.

Mjalti: Mjalti është një burim i shkëlqyeshëm i energjisë së shpejtë dhe të qëndrueshme, i cili gjithashtu ofron përfitime të mëdha për shëndetin e zemrës dhe sistemin imunitar.

Ushqimet e pasura me Omega-3: Siç janë salmoni dhe farat e linit, këto ushqime të pasura me acide yndyrore ndihmojnë në mbrojtjen e shëndetit të zemrës dhe në përmirësimin e funksionimit të trurit, duke ndihmuar në ruajtjen e energjisë dhe vitalitetit të trupit.

Nëse integroni këto ushqime të shëndetshme në dietën tuaj të përditshme, do të ndjeni një ndryshim pozitiv të niveleve të energjisë dhe shëndetit tuaj./Ekonomia Online