Sport

Xhaka: Njerëzit duan ta shkatërrojnë Zvicrën por kot e kanë, jemi të fortë

Published

4 years ago

on

Granit Xhaka iu ka reaguar kritikëve dhe mediave zvicerane pas fitores shpresëdhënëse të Zvicrës 3:1 kundër Turqisë në ndeshjen e fundit grupore në Euro 2020, duke thënë se ata po përpiqen ta rrënojnë ekipin zviceran me, siç i quajti ai, gjëra të vogla dhe të parëndësishme.

Xhaka, i cili është duke e udhëhequr Zvicrën si kapiten në këtë turne, ishte në qendër të kritikave bashkë me Xherdan Shaqirin dhe bashkëlojtarët e tjetër nga tifozët dhe mediat zvicerane pas barazimit me Uellsin në ndeshjen hapëse dhe humbjes ndaj Italisë në ndeshjen e dytë, raporton Gazeta Express.

Mesfushori i Arsenalit u kritikua në veçanti për lyerjen e flokëve menjëherë pas barazimit zhgënjyes 1:1 me Uellsin.

Pas humbjes kundër Italisë në ndeshjen pasuese, Xhaka kishte thënë se askush nga bashkëlojtarët e tij nuk e dëshironte topin gjatë ndeshjes dhe kjo bëri që mediat zvicerane të shpërthejnë në kritika ndaj ekipit dhe ndaj tij si kapiten në veçanti.

Por ai iu përgjigj kritikave me një paraqitje të mrekullueshme në fitoren ndaj Turqisë, e cila ia mban gjallë shpresat Zvicrës për t’u kualifikuar në mesin e 16 më të mirëve si njëra nga katër skuadrat e renditura më së miri në vendin e tretë nga gjashtë grupe.

Duke folur pas ndeshjes, Xhaka tha: “Trysnia mbi ne ishte e jashtëzakonshme. E drejtë apo e padrejtë, tani nuk ka rëndësi. Por ne patëm një bisedë të mirë si ekip, veçanërisht dje (e shtune). Ne ishim të hapur ndaj njëri-tjetrit dhe folëm për atë që na bënë të fortë.”

Në lidhje me kritikat, mesfushori nga Podujeva theksoi: “Ne jemi kritikuar shumë për gjëra të vogla të cilat mendoj se nuk janë të rëndësishme. Ju siguroj për një gjë: ky ekip nuk mund të shkatërrohet me gjëra të tilla. Ne nuk mund të kemi ndikim mbi atë që ndodh jashtë (ekipit). Ajo të cilën ne mund ta ndikojmë është karakteri i këtij ekipi. Këtë e dëshmuam sot. Ne e dimë që jemi të fortë kur e kemi topin në këmbë. Të gjithë e kërkuan topin sot. Sot treguam se çfarë mund të bëjmë.”

“Njerëzit po përpiqen ta shkatërrojnë këtë ekip duke folur shumë dhe duke shkruar shumë. Por siç thashë: ky ekip nuk mund të rrënohet nga gjëra të tilla!” shtoi ai.

Shaqiri me dy supergola dhe Haris Seferovic me një, i ndihmuan kombëtares helvetike ta arrijë fitoren e parë në turneun e kësaj vere të dielën në Baku.

Zvicra e mbyll grupin në vendin e tretë me katër pikë dhe goldallim -1, dhe do të shpresojë se katër pikë do t’i mjaftojnë ta sigurojë kualifikimin si njëra prej katër skuadrave të renditura më së miri në pozitën e tretë.

Nga Grupi A, Italia kualifikohet si lidere me nëntë pikë nga tri ndeshje dhe Uellsi nga vendi i dytë. Uellsianët u kualifikuan tutje para zviceranëve falë goldallimit më të mirë.

Turqia largohet nga Euro 2020 qysh në fazën e grupeve pas tri humbjeve në tri ndeshje.

Related Topics:
Continue Reading

Aktualitet

Real Madridi ka njoftuar largimin e veteranit të klubit, Lucas Vazquez.

Published

11 hours ago

on

July 16, 2025

By

Real Madridi zyrtarisht ka njoftuar për largimin e veteranit të klubit, Lucas Vazquez.

Në një ceremoni lamtumire, që do të mbahet të enjten më 17 korrik në Ciudad Real Madrid, do të jetë i pranishëm edhe presidenti Florentino Perez, dhe klubi ka shprehur mirënjohjen dhe dashurinë e tij për Lucas Vazquez, duke e cilësuar si një nga legjendat e mëdha të historisë së tyre.

Lojtari Vazquez iu bashkua Real Madridit në vitin 2007, kur ishte vetëm 16 vjeç, dhe kaloi në të gjitha kategoritë e akademisë, nga Juvenil C te Castilla.

Pas një sezoni huazim te Espanyol, ai debutoi me ekipin e parë në shtator 2015.

Gjatë 10 viteve me Real Madridin, ai ka luajtur në 402 ndeshje në një nga periudhat më të suksesshme të klubit.

Në këtë kohë, Vazquez ka fituar 23 trofe, duke përfshirë 5 Liga të Kampionëve, 5 Kupa Bote për Klube, 4 Superkupa Evropiane, 4 La Liga, 1 Kupë të Mbretit dhe 4 Superkupa Spanjolle./Telegrafi

Continue Reading

Aktualitet

Dardanët U20 kualifikohen në çerekfinale të Evropianit në basketboll

Published

13 hours ago

on

July 16, 2025

By

Një kapitull të artë historik në skenën e basketbollit evropian, e kanë shënuar Dardanët U20 duke u kualifikuar për herë të parë në çerekfinale të FIBA EuroBasket Divizioni B.

Me një fitore dramatike dhe të merituar 78:73 ndaj Hungarisë, kjo gjeneratë premtuese tregoi karakter, talent dhe vendosmëri, duke sjellë krenari të jashtëzakonshme për vendin.

Me 21 pikë dhe 11 kërcime të Erolt Rrahmanit dhe mbështetjen e jashtëzakonshme të Ismajlit, Durgutit dhe Dahsylës, Kosova U20 vazhdon ëndrrën drejt elitës evropiane.

Federata e Basketbollit të Kosovës thotë se ky njëkohësisht është suksesi më i madh te gjeneratat e reja më tani./Kosovapress

Continue Reading

Sport

​FFK: Suksesi i Dritës dëshmon ngritjen e nivelit të futbollit kosovar

Published

15 hours ago

on

July 16, 2025

By

Kampionia e Kosovës, FC Drita, ka shënuar një sukses historik në arenën evropiane, duke u bërë klubi i parë nga vendi ynë që kalon raundin e parë kualifikues të Ligës së Kampionëve. Klubi gjilanas triumfoi edhe në ndeshjen e kthimit ndaj kampionit të Luksemburgut, Differdange 03, me rezultat 3:2, për të siguruar kualifikimin me rezultat të përgjithshëm 4:2.

Hero i kualifikimit ishte sulmuesi Arb Manaj, i cili realizoi dy gola në ndeshjen e zhvilluar të martën mbrëma në Luksemburg, teksa vulën e fitores në ndeshjen e kthimit e dha Veton Tusha, në minutat shtesë. Të pranishëm në stadium ishin edhe një numër i konsiderueshëm i bashkatdhetarëve. Manaj e zhbllokoi rezultatin në minutën e 4-të pas asistimit të Liridon Balajt, ndërsa në minutën e 17-të e dyfishoi epërsinë me një tjetër finalizim të saktë.

Differdange reagoi në minutën e 28-të me golin e Theo Bruscos, duke ngushtuar disavantazhin. Në pjesën e dytë, djelmoshat e trajnerit Zekirija Ramadani menaxhuan mirë lojën, por në minutat e fundit pësuan gol nga penalltia, të cilën e realizoi Hadji. Paraprakisht Veton Tusha në minutën e 84-t pati një rast të pastër për gol, por edhe pse i vetëm para portierit gjuajti mbi portë. Mirëpo, në minutat shtesë Tusha tregoi klasin e tij dhe realizoi në mundësinë e dhënë, për ta vulosur fitoren dhe çështjen e kualifikimit.

Në reagimin e tyre, Federata e Futbolit të Kosovës këtë hap të Dritës e ka cilësuar si “kualifikim me vlerë të shumëfishtë për futbollin e Kosovës, pasi për herë të parë një klub kosovar arrin të kalojë këtë fazë në garën më prestigjioze për klube në Evropë

“Ky kualifikim ka vlerë të shumëfishtë për futbollin e Kosovës, pasi për herë të parë një klub kosovar arrin të kalojë këtë fazë në garën më prestigjioze për klube në Evropë, një dëshmi e ngritjes së nivelit të futbollit tonë”, thuhet në reagimin e FFK-s.

Në raundin e dytë, FC Drita do të përballet me skuadrën e njohur daneze, FC Copenhagen.

Continue Reading

Sport

Rodrygo do të luajë rol kyç në përpjekjet e Barcelonës për transferimin e Luis Diaz

Published

2 days ago

on

July 15, 2025

By

Barcelona vijon përpjekjet për të transferuar Luis Diaz nga Liverpool, ndërsa marrëveshja varet nga Rodrygo 

Barcelona nuk e ka hequr dorë nga ideja për të forcuar sulmin e tyre dhe ka shprehur interes të vazhdueshëm për anësorin e Liverpoolit, Luis Diaz, ku sipas raportimeve të Mundo Deportivo, një element kyç për realizimin e këtij transferimi gjatë merkatos së verës do të jetë një lëvizje e mundshme nga ana e Liverpool për të transferuar Rodrygon e Real Madrid. 

Liverpool prej kohësh kanë shfaqur interes për sulmuesin brazilian të ‘Los Blancos’ dhe planifikojnë që ta nisin këtë lëvizje në verën e ardhshme.  

Në rast se klubi anglez arrin të transferojë Rodrygon, ata do të jenë të gatshëm të shesin Luis Diazin, çka do t’i hapte rrugë Barcelonës për të marrë lojtarin kolumbian. 

Luis Diaz është shprehur publikisht se dëshiron të bashkohet me Barcelonën, duke e parë klubin katalanas si vendin ideal për të zhvilluar më tej karrierën dhe për të pasuruar sulmin e tyre. 

 Gjatë sezonit 2024/2025, Diaz luajti në 50 ndeshje në të gjitha kompeticionet për Liverpoolin dhe shënoi 17 gola, duke treguar edhe një herë vlerën e tij si lojtar i rëndësishëm në skuadër./Telegrafi

Continue Reading

Të kërkuara