Lajmet

Irak: Dënohet me vdekje bashkëshortja e ish-kreut të ISIS për rrëmbimin e grave Yazidi

Published

1 year ago

on

Një gjykatë irakiane ka dënuar me vdekje Asma Mohamde, bashkëshorten e ish-kreut të grupit terrorist ISIS, Ebu Bekr Al-Bagdadi. Ajo u akuzua për mbajtjen e grave të minoritetit Yazidi në kushte të rrëmbimit. Asma Mohamde u gjykua pasi u depërtua në Irak nga Turqia.

Gjykata penale e Kharkut në Irak ka vendosur dënimin me vdekje për Asma Mohamde për bashkëpunim me ISIS dhe për mbajtjen e grave Yazidi në shtëpinë e saj. Këtë lajm e bëri të ditur Këshilli Suprem Gjyqësor i Irakut në një deklaratë në faqen e tij të internetit.

Gratë Yazidi u morën peng nga militantët islamikë gjatë avancimit të tyre në veri të Irakut në vitin 2014, ku mijëra burra të atij minoriteti u vranë. Pas kësaj, gratë u bënë skllave seksuale të militantëve. ISIS u mposht në Irak nga forcat e mbështetura nga SHBA në vitin 2017 dhe më pas në Siri dy vite më vonë.

Ebu Bekr Al-Bagdadi, kreu i ISIS, u vranë në një operacion të kryer nga trupat amerikane në tetor të vitit 2019 në veriperëndim të Sirisë, pesë vite pasi ai shpalli kalifatin në pjesë të madha të Sirisë dhe Irakut.

Në muajin shkurt të vitit të tanishëm, Iraku njoftoi se familja e Bagdadit ishte riatdhesuar, dhe se bashkëshortja e tij, Asma Mohamde, që ishte ndaluar në Turqi, ishte kthyer në Irak së bashku me fëmijët e saj./UBTNews/

Related Topics:
Continue Reading

Lajmet

Deputetja britanike Kearns: Milan Radoiçiq dhe bashkëpunëtorët e tij duhet të përballen me drejtësinë

Published

13 minutes ago

on

December 18, 2025

By

Deputetja britanike Alicia Kearns ka reaguar lidhur me heqjen e pjesshme të masave të Bashkimit Evropian ndaj Kosovës, duke e mirëpritur vendimin.

Ajo theksoi se këto masa nuk duhej të ishin vendosur kurrë ndaj Kosovës, madje ajo kujtoi se Lista Serbe zgjodhi të bojkotojë zgjedhjet komunale, ndërsa paramilitarët e mbështetur nga Serbia kanë plagosur 30 ushtarë të KFOR-it gjatë vitit 2023.

Kearns përmendi gjithashtu sulmin në Banjska, ku një forcë paramilitare e udhëhequr nga ish-nënkryetari i Listës Serbe, Milan Radoiçiq – e cila është trajnuar në baza ushtarake serbe dhe ka përdorur armë të ushtrisë serbe, duke vrarë policin Afrim Bunjaku.

Deputetja britanike theksoi se sanksionet ndaj Kosovës kanë qenë të padrejta dhe çdo masë e mbetur duhet të hiqet.

Ajo shtoi se fokusi duhet të jetë sjellja para drejtësisë e Radoiçiq dhe bashkëpunëtorëve të tij, si dhe forcimi i sigurisë së përbashkët në rajon dhe orientimi i Kosovës drejt një të ardhmeje euro-atlantike./S.K/EO/

Continue Reading

Lajmet

LDK thërret konferencë për media

Published

18 minutes ago

on

December 18, 2025

By

Lidhje Demokratike e Kosovës ka njoftuar se sot ka thirrur një konferencë për media para gazetarëve.

Kjo konferencë do mbahet me fillim nga ora 10:00, në selinë qendrore të partisë në Prishtinë.

Në njoftim nuk u bënë të ditura detaje të tjera./S.K/EO/

Continue Reading

Lajmet

Albanese njofton masa të ashpra kundër gjuhës së urrejtjes pas të shtënave në Bondi

Published

21 minutes ago

on

December 18, 2025

By

Kryeministri australian, Anthony Albanese tha se qeveria e tij do të marrë masa të ashpra kundër gjuhës së urrejtjes pas të shtënave vdekjeprurëse të së dielës në plazhin Bondi që synonte një festival hebre.

15 persona u vranë kur dy persona të armatosur hapën zjarr në një aktivitet për të shënuar ditën e parë të Hanukkah, shkruan BBC.

Ligjet e reja do të synojnë ata që përhapin urrejtje, përçarje dhe radikalizim u tha Albanese gazetarëve në Canberra.

Ministri i Punëve të Brendshme do të ketë gjithashtu kompetenca të reja për të anuluar ose refuzuar vizat për ata që përhapin urrejtje dhe do të ngrihet një taskforcë e re për të siguruar që sistemi arsimor parandalon, trajton dhe përgjigjet siç duhet ndaj antisemitizmit./S.K/EO/

Continue Reading

Lajmet

Parashikimi i motit, temperaturat bien në -2°C

Published

22 minutes ago

on

December 18, 2025

By

Dita e enjte pritet të karakterizohet me mot të vranët, dhe me intervale me diell.

Mëngjeset parashihen mjegulla, të cilat do të zvogëlojnë dukshmërinë horizontale, sidomos në ultësira dhe pranë zonave ujore.

Sipas Institutit Hidrometeorologjik të Kosovës temperaturat minimale do të lëvizin nga -2 deri në 0 gradë Celsius, derisa ato maksimalet do të luhaten nga 7 deri në 10 gradë Celsius.

Era do të fryjë nga jugperëndimi me shpejtësi 1-5 m/s./S.K/EO/

Continue Reading

Të kërkuara