Lajmet

​U përurua reparti i pediatrisë në Mitrovicë me vlerë prej 1 milion euro

Investimi në këtë repart kap shumën prej rreth 1 milion eurosh, prej të cilave gjysma janë nga shoqata “Nëna Terezë”, nga Gjermania dhe gjysma tjetër nga shoqata “Jetimat e Ballkanit”.

Published

2 years ago

on

Në spitalin e përgjithshëm “Sami Haxhibeqiri” në Mitrovicë, sot është përuruar reparti i pediatrisë, ku morën pjesë kryeministri i vendit, Albin Kurti dhe ministri i Shëndetësisë, Arben Vitia.

Kryeministri Kurti u shpreh i lumtur që së bashku me bashkëpunëtorët e tij ndodhet sot në Mitrovicë në përurimin e këtij reparti. Ai tha se investimi në këtë repart kap shumën prej rreth 1 milion eurosh, prej të cilave gjysma janë nga shoqata “Nëna Terezë”, nga Gjermania dhe gjysma tjetër nga shoqata “Jetimat e Ballkanit”.

Sipas tij, për dallim nga e kaluara ku ka pasur vetëm një dhomë me shtatë shtretër, tash do të jenë 11 dhoma me 25 shtretër dhe me pajisje modern të teknologjisë së fundit.

“Është kënaqësi dhe nder për mua si kryeministër i Republikës së Kosovës, së bashku me ministrin e Shëndetësisë Arben Vitia dhe drejtorin e SSHKUK-së Elvir Azizi, që të jemi sot këtu në Mitrovicë me rastin e inaugurimit të repartit të pediatrisë…Investimi është rreth një milion euro, prej të cilave gjysma vijnë nga shoqata ‘Nëna Terezë’ nga Gjermania… dhe ‘Jetimat e Ballkanit’. Më herët në këtë repart ka pasur vetëm një dhomë me shtatë shtretër, janë kryer mbi 1 mijë hospitalizime brenda vitit dhe rreth 37 mijë vizita ambulantore, ndërsa tash do të jenë gjithsej 11 dhoma me 25 shtretër, ku njëra prej dhomave do të jetë edhe intensive. Do të ketë pajisje moderne mjekësore të teknologjisë së fundit të cilat natyrisht garantojnë kujdesin maksimal dhe mundësi më të mira për shërim të plotë dhe të shpejtë të të gjithë pacientëve, të cilët do t’ia kenë nevojën këtij reparti të ri”, ka thënë Kurti.

Në anën tjetër, drejtoresha e spitalit në Mitrovicë, Laura Nushi, duke falënderuar kryeministrin Kurti dhe Ministrinë e Shëndetësisë, të cilët mundësuar funksionalizimin e repartit të pediatrisë, ka thënë se sot është një ditë e madhe për qytetin e Mitrovicës dhe fëmijët e këtij qyteti. Ajo premtoi se personeli i këtushëm do të angazhohet më shumë në ofrimin e ndihmës për pacientët që do të trajtohen në këtë repart.

“Falënderoj kryeministrin Albin Kurti, si dhe ministrinë e Shëndetësisë, Arben Vitia, të cilët bënë të mundur revitalizimin dhe funksionalizimin e repartit të pediatrisë, zgjidhjen e një nyjeje tetë vjeçare. Do iu premtojmë se shërbimet për fëmijët e qytetit të Mitrovicës, do të jenë shumë më cilësore dhe do të jemi më të angazhuar dhe të përkushtuar që t’iu ofrojmë ndihmën tonë. Sot pra është një ditë e madhe për qytetin e Mitrovicës dhe për fëmijët e këtij qyteti… E gëzofshim të gjithë dhe urime të gjithëve”, theksoi Nushi.

Ky objekt i pediatrisë ishte ndërtuar në vitin 2016 me ndihmën e një organizate humanitare, por që për shkak të disa parregullsive në punime, nuk ka arritur të funksionalizohet deri më sot.

Related Topics:
Continue Reading

Lajmet

​“Bllokadat janë inekzistente”, Kurti thotë se shumë shpejt do ta takojë presidenten Osmani

Published

38 minutes ago

on

December 31, 2025

By

Kryeministri në detyrë, Albin Kurti ka deklaruar se shumë shpejt do ta takojë presidenten e Kosovës, Vjosa Osmani.

Osmani ka deklaruar se do të kandidojë edhe për një mandat si presidente e vendit, e për këtë Kurti tha se së pari do të presin konstituimin e Kuvendit dhe më pas do të ecin tutje.

“Ne së pari do të presim që të certifikohen rezultatet duhet te konstituohet Kuvendi të shohim përbërjen e legjislaturës së re dhe me pastaj të ecim tutje. Por, ashtu siç kam thënë sot është dita e fundit e vitit 2025, shpejt do ta takoj presidenten Osmani dhe duhet të bisedojmë bashkë për rrugën përpara. Keni parasysh njëherë është konstituimi i Kuvendit, formimi i qeverisë dhe vetëm më pas është zgjedhja e presidentes”, tha ai me rastin e vizitës në Telekomin e Kosovës.

I pyetur për mundësi bashkëpunimi me ndonjë parti politike, kreu i Lëvizjes Vetëvendosje tha se rezultati i zgjedhjeve të parakohshme të 28 dhjetorit është i qartë, dhe se tashmë pengesat për formimin e Kuvendit të Kosovës dhe qeverisë janë inekzistente.

“Nuk kam ndonjë gjë të re për të thënë rezultati është më i qartë se asnjëherë më parë. Ne kemi pritur se do ta tejkalojmë rezultatin e 9 shkurtit por duket se po e tejkalojmë edhe rezultatin e 14 shkurtit 2021. Bllokimi në formimin e Kuvendit dhe pengesat për formim të qeverisë së re tashmë janë inekzistente”, deklaroi Kurti.

Më 28 dhjetor në Kosovë u mbajtën zgjedhjet e parakohshme parlamentare ku e para u rendit Lëvizja Vetëvendosje me 48.41%.

Continue Reading

Lajmet

Afër 70% të votave të numëruara, pesë kandidatët më të votuar te partitë më të mëdha

Published

40 minutes ago

on

December 31, 2025

By

Afër 70% e votave për kandidatët e partive për deputetë janë numëruar, sipas përditësimit të fundit të Komisionit Qendror të Zgjedhjeve.

Lëvizja Vetëvendosje doli e para në këto zgjedhje të parakohshme, e cila u pasua nga PDK-ja, LDK-ja dhe AAK-ja.

Në zgjedhje morën pjesë rreth 45 për qind të gati 2 milionë qytetarëve me të drejtë vote.

Më poshtë pesë kandidatët më të votuar të partive më të mëdha shqiptare:

Lëvizja Vetëvendosje

Albin Kurti – 241,920 Vota

Glauk Konjufca – 188,513 Vota

Albulena Haxhiu – 98,786 Vota

Hekuran Murati – 97,790 Vota

Donika Gërvalla – 87,956 Vota

Partia Demokratike e Kosovës

Bedri Hamza – 110,875 Vota

Arian Tahiri – 51,283 Vota

Përparim Gruda – 47,739 Vota

Uran Ismaili – 37,640 Vota

Sala Jashari – 34,838 Vota

Lidhja Demokratike e Kosovës

Lumir Abdixhiku – 53,682 Vota

Hykmete Bajrami – 33,730 Vota

Ukë Rugova – 29,649 Vota

Avdullah Hoti – 26,409 Vota

Doarca Kica-Xhelili – 26,119 Vota

Continue Reading

Lajmet

Viti 2025: Mbi 26 mijë raste penale, 18 vrasje dhe konfiskime mbi 112 milionë euro në Kosovë

Published

1 hour ago

on

December 31, 2025

By

Policia e Kosovës ka bërë të ditur se gjatë periudhës janar–20 dhjetor janë iniciuar mbi 26 mijë raste për vepra penale, që përbën një rënie prej 3.54 për qind krahasuar me periudhën e njëjtë të vitit 2024.

Sipas të dhënave zyrtare të policisë, gjatë këtij viti janë regjistruar gjithsej 18 raste të vrasjeve, një më shumë se vitin e kaluar.

Policia ka publikuar gjithashtu informacione lidhur me luftën kundër narkotikëve, duke dhënë detaje për llojet e substancave narkotike që janë konfiskuar gjatë vitit.

Po ashtu, sipas statistikave policore, në periudhën janar–nëntor të këtij viti janë ngrirë dhe sekuestruar asete në vlerë mbi 112 milionë euro, në kuadër të hetimeve për vepra të ndryshme penale.

Policia e Kosovës ka vlerësuar se këto të dhëna dëshmojnë për angazhimin e vazhdueshëm në parandalimin dhe luftimin e kriminalitetit në vend.

Continue Reading

Lajmet

Kush janë më të votuarit për deputetë në zgjedhjet e 28 dhjetorit?

Published

2 hours ago

on

December 31, 2025

By

Tri ditë pas zgjedhjeve të parakohshme parlamentare të së dielës në Kosovë, po bëhet gjithnjë e më e qartë se kush do të jenë 120 anëtarët e rinj të Kuvendit të Kosovës.

Komisioni Qendror i Zgjedhjeve (KQZ) është duke i numëruar votat për kandidatët për deputetë qysh nga e hëna dhe deri më tani janë numëruar mbi 68 për qind të tyre.

Në zgjedhje morën pjesë rreth 45 për qind të gati 2 milionë qytetarëve me të drejtë vote.

Zgjedhjet i fitoi bindshëm Lëvizja Vetëvendosje e kryeministrit në detyrë, Albin Kurti.

Më mposhtë mund të shihni se kush janë pesë kandidatët më të votuar në secilën parti kur janë numëruar më shumë se dy e treta e votave.

Lëvizja Vetëvendosje:

  • Albin Kurti 240.263 vota
  • Glauk Konjufca 187.285 vota
  • Albulena Haxhiu 98.092 vota
  • Hekuran Murati 97.208 vota
  • Donika Gërvalla 87.303 vota

Partia Demokratike e Kosovës

  • Bedri Hamza 109.795 vota
  • Arian Tahiri 50.873 vota
  • Përparim Gruda 47.331 vota
  • Uran Ismaili 37.295 vota
  • Sala Jashari 34.428 vota

Lidhja Demokratike e Kosovës

  • Lumir Abdixhiku 53.314 vota
  • Hykmete Bajrami 33.484 vota
  • Ukë Rugova 29.489 vota
  • Avdullah Hoti 26.200 vota
  • Doarsa Kica Xhelili 25.958 vota

Lista Serbe

  • Sllavko Simiq 20.392 vota
  • Igor Simiq 119.623 vota
  • Liljana Stefanoviq 19.042 vota
  • Millan Kostiq 16.170 vota
  • Nemanja Bishevac 15.805 vota

Aleanca për Ardhmërinë e Kosovës

  • Ramush Haradinaj 27.779 vota
  • Daut Haradinaj 17.151 vota
  • Besnik Tahiri 16.465 vota
  • Bekë Berisha 12.110 vota
  • Agim Çeku 11.242 vota

Sipas të dhënave paraprake, LVV-ja do t’i ketë 56 ulëse në Kuvend, pasuar nga PDK-ja me 23, LDK-ja me 15, Lista Serbe 9 dhe AAK-ja 6.

Personi më i votuar në Kosovë është Albin Kurti, i cili në zgjedhjet e rregullta të 9 shkurtit i fitoi 337.791 vota, duke thyer rekordin e deriatëhershëm të presidentes Vjosa Osmani (300.756 vota).

Mbetet të shihet nëse Kurti do ta forcojë këtë rekord apo jo.

Continue Reading

Të kërkuara