Lajmet

Haxhiu: Gratë i vuajnë më shumë fenomenet negative në vend

Kryeziu u shpreh se gratë më pak kanë mundësi t’i qasen financimit privat, për shkak të paragjykimeve.

Published

3 years ago

March 22, 2023

UBT news

“Buxhetimi gjinor në kuadër të partive politike në Kosovë” është tema e sotme e diskutimit të organizuar nga Instituti Demokratik i Kosovës, ku u tha se ende gratë nuk janë të barabarta në ndarjet buxhetore.

Drejtori i Institutit Demokratik të Kosovës, Ismet Kryeziu u shpreh se gratë më pak kanë mundësi t’i qasen financimit privat, për shkak të paragjykimeve.

“Ne kemi një ligj, i cili 4 milionë euro financon për demokratizimin e subjekteve politike. Por, në kuadër të kësaj nuk kemi një ligj i cili percakton shpërndarjen e këtyre mjeteve në ndarje buxhetore gjinore… edhe pse kemi një kuotë nuk kemi një ndarje buxhetore që e bën aksesin më të veshtirë dhe kontribuon në diskriminim”, tha ai.

Në diskutimin “Roli i forumeve të grave në promovimin e buxhetimit gjinor”, kryetarja e organizatës “Gratë për Vetëvendosje”, Albulena Haxhiu tha se gratë i vuajnë më shumë fenomenet negative në vend.

“Buxhetimi i përgjegjshëm gjinor na ndihmon që shërbimet për gratë dhe burrat të jetë i barabartë dhe të mos ketë kurrfarë dallimi. Nisur nga fakti që shoqëria është e ndërtuar mbi pabarazi të shumta, secili veprim i yni duhet të jetë mbi korrektimin e këtyre pabarazive”, theksoi Haxhiu.

Ajo shtoi se në mbledhjet e Këshillit te Përgjithshëm të LVV-së, gratë mungonin për shkak të kujdesit për fëmijët. Ajo tha se kanë praktikuar çerdhe mobile, që të njëjtat mos të mungojnë në mbledhjet e këshillit.

Edhe deputetja e Partisë Demokratike të Kosovës, Eliza Hoxha foli për kuotën e garantuar për pjesëmarrjen e grave, për çka tha se është e pamjaftueshme.

“Ne kemi vendosur që të mos ketë një forum të veçantë për gratë, por të përbashkët. A mund të ndodhë kjo brenda një dite? Jo. Ne kemi lenë një afat deri në 2025 të synojmë që të kemi një përfaqësim të barabartë. Në zgjrdhjrt e fundit lokale,PDK ka pasur më së shumti gra kandidate për kryetare. Nuk ështe ajo që dëshirojmë”, u shpreh ajo.

Kryetarja e Forumit të Gruas në Aleancën për Ardhmërinë e Kosovës, Diellza Kukaj deklaroi se përfaqësimi i grave në instanca të ndryshme është parakusht i domosdoshëm.

“Mbështetemi nga Ligji per Financimin e Subjekteve Politike. Me aq kohë sa kam në AAK nuk kemi pasur mbështetje në aktivitetet që kemi zhvilluar. Unë mendoj që intervenimi duhet të jetë në mentalitetin e shoqërisë”, shtoi ajo.

Lajmet

Ekstradohen nga Gjermania dhe Franca dy persona të kërkuar nga Kosova

Published

28 minutes ago

December 24, 2025

UBTnews

Dy persona të kërkuar me urdhërarrest ndërkombëtar janë ekstraduar për në Kosovë, në kuadër të bashkëpunimit ndërkombëtar policor.

Policia e Kosovës, përkatësisht Drejtoria për Bashkëpunim Ndërkombëtar Policor, në koordinim me njësitet relevante të Policisë së Kosovës dhe institucionet e drejtësisë, më 23 dhjetor 2025 ka realizuar ekstradimin e dy shtetasve kosovarë, L.V. (1990) dhe A.M. (1991). Njëri prej tyre është ekstraduar nga Gjermania, ndërsa tjetri nga Franca.

Sipas njoftimit zyrtar, ekstradimi është bërë falë bashkëpunimit të ngushtë me autoritetet e këtyre dy shteteve. Të dyshuarit ishin arrestuar nga autoritetet gjermane dhe franceze, pasi kërkoheshin me urdhërarrest ndërkombëtar të lëshuar nga institucionet e drejtësisë së Republikës së Kosovës.
Të njëjtit dyshohen se kanë qenë të përfshirë në vepra penale të ndara dhe se i janë shmangur drejtësisë.

Pas ekstradimit, ata u janë dorëzuar njësive përkatëse të Policisë së Kosovës në rajonin e Prishtinës, përkatësisht atë të Gjilanit, për vazhdimin e procedurave të mëtejme ligjore.

Lajmet

Punëtorët e KEK-ut në protestë, kërkojnë rritje pagash

Published

38 minutes ago

December 24, 2025

UBTnews

Sindikatа e Re e Korporatës Energjetike të Kosovës (SRKEK) sot po organizon një protestë paqësore me punëtorët e KEK-ut, para zyrave qendrore të ndërmarrjes në sheshin “Nëna Terezë” në Prishtinë.

Kjo protestë po mbahet si reagim ndaj kërkesës për rritje pagash, ku punëtorët kërkojnë trajtim më të drejtë dhe përmirësim të kushteve ekonomike në përputhje me përgjegjësitë dhe rrezikun e punës së tyre. Protesta po vazhdon, e cila ka nis nga ora 11:00.

Lajmet

Energjia gjatë sezonit të dimrit, KOSTT mban konferencë për media

Published

1 hour ago

December 24, 2025

UBTnews

KOSTT do të mbaj konferencë për media, në të cilën thonë se do të prezantohet gjendja aktuale e sistemit elektro-energjetik të Kosovës dhe masat e nevojshme për ruajtjen e stabilitetit gjatë kësaj periudhe dimërore ku konsumi ka arritur pikën rekorde.

Konferenca do të mbahet sot në ora 15:00.

Si pika kryesore të trajtimit do të jenë;

-Rritja e konsumit krahasuar me vitin e kaluar

-Ngarkesa maksimale e arritur (dhe pritshmëria për rritje të mëtejshme në ditët më të ftohta)

-Rreziku i mundshëm i reduktimeve të kontrolluara në rast mbingarkese

-Thirrja për bashkëpunim nga qytetarët, institucionet dhe bizneset për ulje të konsumit dhe zhvendosje të përdorimit jashtë orëve të pikut.

Lajmet

Arb Manaj lojtari më i vlefshëm në Superligë, i afrohet vlerës së milionëshit

Published

2 hours ago

December 24, 2025

UBT News

Sulmuesi i Dritës, Arb Manaj të dielën e kaluar e fitoi “Topin e Artë” në futbollin e Kosovës, si futbollisti më i mirë i Superligës, i cili iu dha nga Federata e Futbollit e Kosovës.

Manaj tashmë është edhe futbollisti më i vlefshëm i Superligës së Kosovës, së bashku me futbollistin e Ballkanit, Giovannin.

Sipas “Transfermarkt”, dy lojtarët vlerësohen me 800 mijë euro, me Manajn që me përditësimin e fundit ka arritur këtë shifër dhe është vendosur si i pari në listë.

Manaj këtë sezon ka shënuar tre gola në Superligën e Kosovës, teksa dy të tillë i ka shënuar në Ligën e Konferencës, në fazën e ligës.

Top 5-shen e futbollistëve më të vlefshëm e mbyllin Muhamet Hyseni (650 mijë euro), Senad Jarovic (600 mijë euro) dhe Raddy Ovouka (600 mijë euro)./S.K/EO/