Kapiteni i përfaqësueses së Kosovës, Amir Rrahmani, ka dhënë një intervistë për “Sky Sport” nga kampi stërvitor i Napolit.

Ai foli për stërvitjet me Antonio Conten si dhe për partnerin e ri në mbrojtje, Beukema: “Viti i kaluar ishte grumbullimi më i vështirë, por ndoshta këtë vit do ta kapërcejmë! Stërvitja është e vështirë, seancat e dyfishta çdo ditë nuk janë aspak të lehta. Gjithmonë përpiqem të flas me çdo mbrojtës të ri që vjen. Mes nesh, mbrojtësve qendrorë, duhet të kuptojmë lëvizjet dhe automatizmat e tij: është e rëndësishme, të di se çfarë lloj lëvizjesh do të bëjë ai e bën më të lehtë për mua”.

Rrahmani foli edhe për një tjetër fytyrë të re të Napolit, më të përfolurin nga të gjithë, Kevin De Bruyne. Lidhur me belgun, mbrojtësi deklaroi: “Mendoj se ai dinte shumë për Napolin. Para se të vinte, ai pyeti disa nga shokët e tij të ekipit kombëtar. Ai ka shumë cilësi. Zakonisht, kur mbërrin në një ekip tjetër, duhet të mësosh të bësh atë që kërkon dhe dëshiron trajneri”.

Markus Rashford do të jetë lojtari më i ri i Barcelonës, katalanasit kanë arritur marrëveshje me Manchester United, për transferimin e sulmuesit anësor.

Do të jetë huazim për një sezon, me detyrim blerjen e kartonit nëse plotësohen disa kushte gjatë sezonit. Rashford do fitojë 12 milionë euro në sezon te Barca.

Ky transferim vjen për ta pasi dështuan me Niko Uilliams. Rashford do e ketë eksperiencën e parë jashtë Anglisë.

Ylli 27-vjeçar ka luajtur 297 ndeshje në Premier Ligë dhe gjatë kësaj kohe ka shënuar 89 gola dhe ka asistuar 52 të tjerë në kampionat.

Talenti i Club Brugge,  Ardon Jashari, thuhet se po shtyn përpara për një transferim te Milani këtë verë dhe nuk mori pjesë në foton zyrtare të ekipit  sipas “La Gazzetta dello Sport”.

Gazeta këmbëngul se mesfushori zviceran dëshiron të transferohet në San Siro vetëm në merkaton e verës 2025, por klubi i tij ende nuk e ka pranuar propozimin e fundit të Milanit me vlerë 32.5 milionë euro plus 2 milionë euro bonuse.

Jashari rifilloi stërvitjen me pjesën tjetër të ekipit në fillim të kësaj jave, por po bëhet gjithnjë e më i pakënaqur në Brugge, duke pasur parasysh se dëshiron të transferohet në Milano sa më shpejt të jetë e mundur.

22-vjeçari është i vetëdijshëm se nuk do të marrë pjesë në ndeshjet miqësore para-sezonale të Milanit në turneun e tyre në Azi, por shpreson të bashkohet me Rossonerët në fillim të gushtit.

Negociatat midis Milanit dhe Club Brugge janë zvarritur për javë të tëra, kështu që Rossonerët kanë rinisur bisedimet edhe për mesfushorin e Valencias, Javi Guerra , i cili shihet si alternativa kryesore ndaj Jasharit.

Kombëtarja e Suedisë në kategorinë e femrave është eliminuar në çerekfinale nga Anglia në penallti, pasi koha e rregullt u mbyll me rezultat 2:2.

Ishte shqiptarja me shtetësi suedeze, Kosovare Asllani, ajo që ia dha epërsinë e parë Suedisë që në minutën e 2-të të takimit, kurse në minutën e 25-të, Blackstenuis e dyfishoi epërsinë për ta çuar Suedinë në pushim me dy gola më tepër.

Kur ndeshja po shkonte drejt fundit, Anglia e ngushtoi rezultatin në minutën e 79-të me Bronze, ndërsa vetëm dy minuta më vonë, Agyemang barazoi shifrat.

Vazhdimet nuk sollën fitues, ndërsa nga 14 penallti të ekzekutuara, vetëm shtatë u realizuan nga të dyja kombëtaret, ku tri ishin të sakta për Anglinë e vetëm dy për Suedinë.