Lajmet

Përse u ndanë çiftet e krijuara gjatë xhirimeve të Spider-Man?

Çifti i parë ishte Tobey dhe Kirsten.

Published

4 years ago

on

Ishte fillimisht Tobey dhe Kirsten, pastaj Andrew dhe Emma, e së fundi është Tom dhe Zendaya.

Tobey Maguire dhe Kirsten Dunst 2002.

Të parët ishin tejet privat sa i përket ndarjes së tyre. Sa i përket Andrew dhe Emma, që nga ndarja e tyre fansat kanë pyetur për shkakun e ndarjes dhe ku qëndrojnë tani bashkë-yjet e “The Amazing Spider-Man”?!

Garfield dhe Stone filluan të takoheshin në vitin 2011 gjatë xhirimit të “The Amazing Spider-Man”, ku luanin çiftin e njohur si Peter Parker (Spider-Man) dhe Gwen Stacy. Në një intervistë në vitin 2012 Garfield ishte shprehur se ai e dinte se kishte diçka të veçantë tek Stone kur e takoi atë në audicionin e saj.

Andrew Garfield dhe Emma Stone, 2012.

Ndërsa Maguire dhe Dunst nuk e kanë konfirmuar kurrë arsyen e ndarjes së tyre, por Dunst la të kuptohej në një intervistë me The Independent në vitin 2021 se pabarazia mes saj dhe Maguire në filmat e Spider-Man e bëri atë të rimendonte rolin e saj. Megjithatë, ata kanë vazhduar të heshtin për lidhjen që kanë pasur dikur duke mos dhënë detaje për mediat.

Producentja Amy Pascal iu kishte thënë të dy palëve të mos fillonin ndonjë romancë jashtë setit në mënyrë që të mos i komplikonin gjërat.

Garfield dhe Stone kishin “thyer rregullin” e Pascal. Megjithatë, ata konfirmuan ndarjen e tyre në vitin 2015, një vit pas publikimit të filmit të tyre të fundit së bashku për Spider-Man, “The Amazing Spider-Man 2”.

Një burim i tha Us Weekly në tetor të vitit 2015 se “Ata kanë ende shumë dashuri për njëri-tjetrin dhe janë në marrëdhënie të mira me njëri-tjetrin dhe mbeten të afërt. Thjesht nuk funksionoi”.

Distanca e gjatë thuhet të ketë qenë arsyeja. Garfield në atë kohë po xhironte filmin e tij “Silence” në Tajvan, ndërsa Stone ishte në Los Angeles.

Një burim i tha gjithashtu Us Weekly në atë kohë se marrëdhënia e Stone dhe Garfield përfundoi për shkak se Garfield po kalonte një kohë të vështirë duke filmuar “Silence” gjatë të cilit film ai duhet të humbte 40 kilogramë. “Ai nuk ishte partneri më i mirë”, kishte thënë burimi.

Dy vjet pas ndarjes së saj nga Garfield, Stone filloi të takohej me drejtorin e Saturday Night Live, Dave McCary. Ata u martuan në 2020, dhe një vit më vonë mirëpritën fëmijën e tyre të parë, vajzën e quajtur Louise Jean McCary. Ndërkohë Garfield në nëntor të këtij viti u pa me modelen Alyssa Miller.

Çifti i parë
Zendaya dhe Tom Holland, 2021.

Ndërsa Tom Holland dhe Zendaya, çifti i fundit i Spider-Man, pasi kishin mbajtur private lidhjen e tyre për një kohë, tani kanë vendosur paraqiten bashkë në tapetin e kuq për premierën e filmit “Spider-Man: No Way Home”. Dyshja janë shprehur të lumtur bashkë, duke bërë fansat që të shpresojnë se ata nuk do t’a kenë fatin e dy çifteve të mëparshme që u bënë bashkë gjatë xhirimeve për Spider-Man./UBTNews/

Related Topics:
Continue Reading

Aktualitet

Lëndohen pesë persona në një aksident zinxhirorë

Published

49 minutes ago

on

July 18, 2025

By

Pesë persona kanë marrë lëndime trupore si pasojë e një aksidenti mes pesë veturash sot rreth orës 12:00 në magjistralen Prishtinë-Pejë, konkretisht në Sllatinë.

Lajmin e ka bërë të ditur Luljeta Mehmeti nga zyra për media e Policisë së Kosovës. Sipas saj, të lënduarit janë dërguar për tretman mjekësor, ndërsa njësitë policore janë duke e trajtuar rastin.

“Duke u bazuar në të dhënat fillestare nga tereni, ju informojmë se me datën 18.07.2025 rreth orës 12:00 në drejtimin Prishtinë- Pejë, respektivisht në fshatin Sllatinë, është raportuar për një aksident trafiku zinxhiror ku të përfshira kanë qenë pesë (5) vetura. Lidhur me rastin të gjitha njësitë relevante duke përfshirë edhe ato mjekësore, kanë dal në vendin e ngjarjes. Si pasojë e këtij aksidenti, deri me tani raportohet për pesë (5) persona të lënduar të cilët kanë pranuar trajtim mjekësor. Njësitë kompetente policore janë duke e trajtuar rastin për procedurat e mëtejme”, ka thënë Mehmeti. /Telegrafi

Continue Reading

Aktualitet

Greva e punëtorëve të sigurimit fizik në QKUK po vazhdon

Published

54 minutes ago

on

July 18, 2025

By

Greva e punëtorëve të sigurimit fizik në QKUK po vazhdon që nga data 11 korrik, për shkak të moszgjidhjes së çështjes së punësimit të tyre në QKUK. Kryetari i Sindikatës së sektorit privat, Jusuf Azemi bëri të ditur se të hënën do të hapen ofertat e reja, në kuadër të procesit të tenderimit.

“Përfundimisht kryetari i Shoqatës (së Sigurimit Fizik të QKUK-së) me drejtorin e SHSKUK-së dhe me drejtorin e QKUK-së kanë ardhur në përfundim që të të hënë hapen ofertat e reja. Shumë normale se ne si Sindikatë e kemi vetëm një mundësi: nëse kompanitë nuk merren vesh mes vete, nuk pajtohen , do t’i tregojmë edhe ne dhëmbët tanë se këto kompani që të gjitha nuk e kanë respektuar ligjin”, tha ai.

Azemi shtoi se do të kërkojnë nga kompanitë që së paku të u falin dy muaj, derisa të përfundojë tenderimi i këtij procesi të rregullt dhe se do të kërkojnë në njëfarë forme do t’u bien në gjunjë për hir të këtë punëtorëve.

Përndryshe, ai theksoi se greva po shkon shumë mirë deri më tani.

Continue Reading

Aktualitet

Inspektorati Policor i Kosovës hap zyrat e reja në Mitrovicën e Veriut

Published

1 hour ago

on

July 18, 2025

By

Përmes një njoftimi për media të IPK-së, është bërë e ditur se janë hapur zyrat e reja të IPK-së ku ndër të tjera thuhet se në ceremoninë e organizuar me këtë rast morën pjesë  Ministri i Brendshëm, Xhelal Sveçla, Kryeshefi i IPK-së, Kushtrim Hodaj, kryetari i Komunës së Mitrovicës , Erden Atiq si dhe zyrtarë e eprorë nga ARC, IPK dhe Policia e Kosovës.

Tutje në njoftim thuhet se zyrat e reja të IPK-së tani janë në lagjen e Boshnjakëve, në rrugën “Çlirimi” në objektin e Ministrisë së Punëve të Brendshme.

“Në fjalimet e rastit, hapja e zyrave të reja u konsiderua si një hap i rëndësishëm drejt fuqizimit të kapaciteteve të Inspektoratit Policor të Kosovës. Sveçla dhe Hodaj theksuan rëndësinë e zyrave të reja të IPK-së për përmirësimin e shërbimeve dhe forcimin e besimit të qytetarëve në sundimin e ligjit  në Kosovë. Kryeshefi i IPK-së, gjatë fjalës së tij, falënderoi Ministrinë e Brendshme dhe Agjencinë për Regjistrim Civil (ARC) për mbështetje të vazhdueshme në realizimin e këtij projekti të rëndësishëm”, thuhet në njoftim.

Po ashtu ministri i Brendshëm gjatë ceremonisë, theksoi rëndësinë e hapjes së zyrave të reja të IPK-së, duke e vlerësuar këtë si një hap të rëndësishëm për forcimin e rendit dhe ligjit në këtë pjesë të Kosovës./Telegrafi

Continue Reading

Lajmet

​Ekstradohet nga Austria në Kosovë një person i kërkuar për vjedhje të rëndë

Published

2 hours ago

on

July 18, 2025

By

Sot, në Aeroportin Ndërkombëtar të Prishtinës, Njësiti për Menaxhimin e Urdhëresave të stacionit të Podujevës, ka realizuar pranimin e një personi të kërkuar me dy urdhëresa aktive të gjykatës, për veprën penale “Vjedhje e rëndë”.

Sipas Policisë së Kosovës, i kërkuari është ekstraduar në Kosovë, sot rreth orës 01:00, në bashkëpunim me autoritetet austriake dhe ato vendore.

“Menjëherë pas pranimit, ai është dërguar për vuajtje të dënimit (1 vit e 6 muaj)”, thuhet në njoftim.

Më tej thuhet se Policia e Kosovës vazhdon angazhimin për zbatimin e ligjit dhe sjelljen para drejtësisë të personave të shpallur në kërkim.

Continue Reading

Të kërkuara