Lajmet

Përparim Rama prezanton projektin për ndërlidhjen e lagjeve me qendrën e qytetit

Edhe kjo është pjesë e projektit “Prishtina 7 minuta qytet”.

Published

4 years ago

November 2, 2021

Betim Gashi

Kandidati i Lidhjes Demokratike të Kosovës, Përparim Rama, ka paraqitur projektin e ndërlidhjes së lagjeve me qendrën e qytetit, pjesë e projektit “Prishtina 7 minuta qytet”.

Rama tha se lagjet përreth qendrës si Arbëria, Kodra e Trimave, Kalabria, Bregu i Diellit dhe Velania do të ndërlidhen nëpërmjet platformave të gjelbra për këmbësorë dhe nënkalimeve për vetura. Ai tha se të gjitha pikat ndërlidhëse do të shfrytëzohen për parkingje nëntokësore, ndërkaq mbi platforma do të ndërtohet salla koncertale dhe muzeu i arteve.

“Me projektin tonë rrethi i brendshëm që definon qendrën e re të Prishtinës do të ndërlidhet me lagjet përreth si Arbëria, Kodra e Trimave, Prishtina e vjetër, Bregu i Diellit, Lagjja e Spitalit, Kalabria e stacioni i autobusëve nëpërmjet platformave të gjelbra për këmbësorë dhe nënkalimeve për vetura. Të gjitha këto pika ndërlidhëse do të shfrytëzohen për parkingje nëntokësore, e po ashtu prej ku do të mundësohet lëvizja me transport publik që do të qarkullojë brenda shtatë minutave. Njëkohësisht mbi këto platforma të gjelbëruara do të mundësojmë edhe ndërtimin e sallës koncertale edhe të muzeut të arteve, hapësirave të gjelbëruara urbane ne funksion të qytetarëve për aktivitete e festivale të ndryshme”, tha ai.

Pretendenti për të udhëhequr me kryeqytetin, tha se platforma e Pallatit të Rinisë do të ndërtohet përmbi rrethin e brendshëm e që do të ndërlidhë lagjen Arbëria me qendrën.

“Platforma e Pallatit të Rinisë do të ndërtohet përmbi rrethin e brendshëm e do të ndërlidhë lagjen Arbëria me qendrën, poshtë saj do të ndërtohen parkingjet nëntokësore që do të jenë në shfrytëzim të sallës koncertale, të stadiumit të qytetit e po ashtu edhe të Pallatit të Rinisë. Platforma nga ana tjetër do të ndërlidhet me hotel Grandin duke krijuar një dimension të ri për lëvizjen e këmbësorëve, personave me nevoja të veçanta, për transport alternativ si për shembull biçikletat e trotinetet”, tha ai.

Kandidati i Lidhjes Demokratike të Kosovës për kryetar të Prishtinës, Përparim Rama, gjatë ditës së djeshme prezantoi projektin “Prishtina 7 minuta qytet”, që parasheh ridefindimin e qendrës së qytetit.

Up Next

Mehaj: Shërbimi i detyrueshëm ushtarak vetëm në koordinim me SHBA-në

Don't Miss

Guardian: Bosnja në rrezik të ndarjes dhe konfliktit

Lajmet

Ekstradohen nga Gjermania dhe Franca dy persona të kërkuar nga Kosova

Published

23 minutes ago

December 24, 2025

UBTnews

Dy persona të kërkuar me urdhërarrest ndërkombëtar janë ekstraduar për në Kosovë, në kuadër të bashkëpunimit ndërkombëtar policor.

Policia e Kosovës, përkatësisht Drejtoria për Bashkëpunim Ndërkombëtar Policor, në koordinim me njësitet relevante të Policisë së Kosovës dhe institucionet e drejtësisë, më 23 dhjetor 2025 ka realizuar ekstradimin e dy shtetasve kosovarë, L.V. (1990) dhe A.M. (1991). Njëri prej tyre është ekstraduar nga Gjermania, ndërsa tjetri nga Franca.

Sipas njoftimit zyrtar, ekstradimi është bërë falë bashkëpunimit të ngushtë me autoritetet e këtyre dy shteteve. Të dyshuarit ishin arrestuar nga autoritetet gjermane dhe franceze, pasi kërkoheshin me urdhërarrest ndërkombëtar të lëshuar nga institucionet e drejtësisë së Republikës së Kosovës.
Të njëjtit dyshohen se kanë qenë të përfshirë në vepra penale të ndara dhe se i janë shmangur drejtësisë.

Pas ekstradimit, ata u janë dorëzuar njësive përkatëse të Policisë së Kosovës në rajonin e Prishtinës, përkatësisht atë të Gjilanit, për vazhdimin e procedurave të mëtejme ligjore.

Lajmet

Punëtorët e KEK-ut në protestë, kërkojnë rritje pagash

Published

33 minutes ago

December 24, 2025

UBTnews

Sindikatа e Re e Korporatës Energjetike të Kosovës (SRKEK) sot po organizon një protestë paqësore me punëtorët e KEK-ut, para zyrave qendrore të ndërmarrjes në sheshin “Nëna Terezë” në Prishtinë.

Kjo protestë po mbahet si reagim ndaj kërkesës për rritje pagash, ku punëtorët kërkojnë trajtim më të drejtë dhe përmirësim të kushteve ekonomike në përputhje me përgjegjësitë dhe rrezikun e punës së tyre. Protesta po vazhdon, e cila ka nis nga ora 11:00.

Lajmet

Energjia gjatë sezonit të dimrit, KOSTT mban konferencë për media

Published

1 hour ago

December 24, 2025

UBTnews

KOSTT do të mbaj konferencë për media, në të cilën thonë se do të prezantohet gjendja aktuale e sistemit elektro-energjetik të Kosovës dhe masat e nevojshme për ruajtjen e stabilitetit gjatë kësaj periudhe dimërore ku konsumi ka arritur pikën rekorde.

Konferenca do të mbahet sot në ora 15:00.

Si pika kryesore të trajtimit do të jenë;

-Rritja e konsumit krahasuar me vitin e kaluar

-Ngarkesa maksimale e arritur (dhe pritshmëria për rritje të mëtejshme në ditët më të ftohta)

-Rreziku i mundshëm i reduktimeve të kontrolluara në rast mbingarkese

-Thirrja për bashkëpunim nga qytetarët, institucionet dhe bizneset për ulje të konsumit dhe zhvendosje të përdorimit jashtë orëve të pikut.

Lajmet

Arb Manaj lojtari më i vlefshëm në Superligë, i afrohet vlerës së milionëshit

Published

2 hours ago

December 24, 2025

UBT News

Sulmuesi i Dritës, Arb Manaj të dielën e kaluar e fitoi “Topin e Artë” në futbollin e Kosovës, si futbollisti më i mirë i Superligës, i cili iu dha nga Federata e Futbollit e Kosovës.

Manaj tashmë është edhe futbollisti më i vlefshëm i Superligës së Kosovës, së bashku me futbollistin e Ballkanit, Giovannin.

Sipas “Transfermarkt”, dy lojtarët vlerësohen me 800 mijë euro, me Manajn që me përditësimin e fundit ka arritur këtë shifër dhe është vendosur si i pari në listë.

Manaj këtë sezon ka shënuar tre gola në Superligën e Kosovës, teksa dy të tillë i ka shënuar në Ligën e Konferencës, në fazën e ligës.

Top 5-shen e futbollistëve më të vlefshëm e mbyllin Muhamet Hyseni (650 mijë euro), Senad Jarovic (600 mijë euro) dhe Raddy Ovouka (600 mijë euro)./S.K/EO/