Lajmet
Kurti: Ne në Kosovë jemi të bekuar me shumë mendje të reja dhe të ndritura
Kryeministri Albin Kurti, mori pjesë në hapjen virtuale të kampit veror “Edu Camp“ 2021
Kryeministri i Republikës së Kosovës, Albin Kurti, mori pjesë në hapjen virtuale të kampit ndërkombëtar veror “Edu Camp“ 2021, ku po marrin pjesë mbi 100 nxënëse dhe nxënës nga Gjermania, Kosova, Shqipëria, Maqedonia e Veriut dhe Serbia.
“Progresi që po përjetojmë sot është bërë i mundur vetëm falë dijes. E shkollat dhe universitetet janë vendi ku prodhohet dija. Pikërisht për shkak se progresi është i lidhur ngushtë me dijen, ne besojmë se e drejta për t’u shkolluar është universale dhe si e tillë duhet t’u garantohet të gjithëve pa dallim. Prandaj edhe kemi marrë vendimin që edukimi publik në Kosovë në të gjitha nivelet të jetë falas,” tha në hapje kryeministri Kurti.
Duke falënderuar organizatorët, mësuesit dhe ligjëruesit nga Kosova dhe Gjermania, kryeministri vlerësoi programet si ky kamp, pasi ndihmojnë të rinjtë të zhvillohen jo vetëm si individë, por edhe ta kuptojmë rolin në shoqëri.
“Është misioni ynë që së bashku të përmirësojmë vazhdimisht sistemin tonë arsimor, të ofrojmë mbështetje aktive dhe të krijojmë të gjitha kushtet në mënyrë që fëmijët dhe të rinjtë tanë të arrijnë potencialin e tyre të plotë, “ tha kryeministri Kurti.
Fjalimi i Kryeministrit Albin Kurti në hapjen e kampit veror “Edu Camp“ 2021
E nderuara znj. Zielosko,
I nderuar drejtues i programit z. Krasniqi,
I nderuari kryetar i Komunës së Drenasit, z. Lladrovci,
Të nderuar drejtorë z. Sahiti dhe z. Mujaj
Të nderuar mësues të shkollave nga Kosova dhe Gjermania,
Të nderuar folës e ligjërues,
Dhe në fund ata më të rëndësishmit: Të dashur nxënëse dhe nxënës,
Më lejoni të filloj këtë fjalim me një citim nga laureati i Çmimit Nobel në Fizikë, Serge Horoche: “Pasuria e një vendi vjen nga mendjet e njerëzve të tij”.
Rëndësia e arsimit nuk guxon të nënvlerësohet. Andaj jam i kënaqur, të dashur pjesëmarrës, që sot të hap kampin e parë ndërkombëtar veror me mbi 100 nxënëse dhe nxënës nga Gjermania, Kosova, Shqipëria, Maqedonia e Veriut dhe Serbia.
Në periudhën pas pavarësisë së Kosovës, nuk ka pasur kurrë një shkëmbim të tillë rinor në të cilin të rinjtë nga vendet fqinje të Kosovës kanë punuar së bashku me të rinjtë nga Gjermania në punëtori të tilla. Një veçanti tjetër është bashkëpunimi në gjuhën gjermane, që cilësohet si gjuha e poetëve dhe mendimtarëve.
Unë e shikova programin e punëtorive dhe mendoj se përzgjedhja e temave të leksioneve është e shkëlqyeshme, për çka falënderoj organizatën Education Unlimited dhe të gjithë mbështetësit e saj. E di se drejtorët e shkollave pjesëmarrëse kanë pasur shumë pengesa për shkak të pandemisë për ta zhvilluar ketë program, por në mënyrë që nxënëset të marrin pjesë në këtë kamp veror ata punuan për orë të tëra për t’ia siguruar nxënësve të tyre këtë eksperiencë.
Si progresist, unë besoj në zhvillimin njerëzor dhe besoj gjithashtu se zhvillimi teknologjik gjithmonë duhet të ecë në hapa sikurse ai njerëzor. Programet si ky na ndihmojnë të zhvillohemi jo vetëm si individë por ta kuptojmë edhe rolin tonë në shoqëri. Pengesat dhe konfliktet e përditshme mund të lehtësohen e tejkalohen më lehtë kur mësojmë më shumë për njëri-tjetrin por edhe kur kalojmë kohë së bashku.
Temat e këtij kampi veror premtojnë të nxisin pjesëmarrësit të mendojnë dhe të diskutojnë për vlerat e përbashkëta në mënyrë që së bashku të kërkojmë përgjigje mbi pyetjet thelbësore.
Kështu që mezi pres t’i dëgjoj rezultatet nga ligjëratat mbi rolin e vajzave dhe grave në shoqërinë tonë: mendoj se sistemi ynë, nëse do të ishte formuar nga gratë, do të ishte më i drejtë.
Ne në Kosovë jemi të bekuar me shumë mendje të reja dhe të ndritura të cilat, nëse inkurajohen dhe sfidohen siç duhet, mund të arrijnë gjëra të mëdha jo vetëm për veten e tyre, por për të gjithë shoqërinë.
Progresi që po përjetojmë sot është bërë i mundur vetëm falë dijes. E shkollat dhe universitetet janë vendi ku prodhohet dija. Pikërisht për shkak se progresi është i lidhur ngushtë me dijen, ne besojmë se e drejta për t’u shkolluar është universale dhe si e tillë duhet t’u garantohet të gjithëve pa dallim. Prandaj edhe kemi marrë vendimin që edukimi publik në Kosovë në të gjitha nivelet të jetë falas.
Shteti është krijuar pikërisht për këtë arsye. Që të bëjë të mundur atë që ne individualisht nuk mund të bëjmë. Të garantojë që secili, pavarësisht se ku ka lindur dhe sa fiton, merr edukimin kualitativ që i duhet për të realizuar potencialin e tij.
Pra, edukimi do jetë falas, por jemi gjithashtu të angazhuar të reformojmë shkollimin dhe trajnimin dual për gjithë ata të rinj që duan të mësojnë një zanat, jo vetëm në teori por edhe në praktikë.
Është misioni ynë që së bashku të përmirësojmë vazhdimisht sistemin tonë arsimor, të ofrojmë mbështetje aktive dhe të krijojmë të gjitha kushtet në mënyrë që fëmijët dhe të rinjtë tanë të arrijnë potencialin e tyre të plotë.
Falënderoj të gjithë ata që janë të angazhuar për mirëvajtjen e këtij kampi veror: Dashuria juaj për dijen dhe shkencën do të thotë dashuri për njerëzimin dhe zhvillimin.
Ju faleminderit.
Lajmet
Akademia Verore e Shkencave Kompjuterike në UBT – Qendër e ekselencës për inovacion, teknologji dhe bashkëpunim ndërkombëtar për një të ardhme të gjelbër digjitale
UBT u shndërrua në një pikëtakim strategjik të dijes dhe teknologjisë, përmes edicionit më madhështor të Akademisë Verore 2025, organizuar nga Fakulteti i Shkencave Kompjuterike dhe Inxhinierisë, në bashkëpunim të ngushtë me menaxhmentin dhe partnerët ndërkombëtarë. Kjo ngjarje e rangut ndërkombëtar u realizua me mbështetjen e projektit IoT-ECO dhe mblodhi në një platformë unike ekspertizën shkencore, energjinë rinore dhe bashkëpunimin ndëruniversitar, për të ndërtuar një ekosistem të qëndrueshëm të teknologjive të gjelbra dhe digjitalizimit.
Gjatë shtatë ditëve intensive në Qendrën Dukagjini – Prishtinë, programi përfshiu ligjërata të thelluara, punëtori praktike, tryeza strategjike dhe sesione demonstrative që sollën në fokus avancimet më të fundit në Internet of Things (IoT), sistemet kibernetike-fizike, infrastrukturat inteligjente, robotikën, sigurinë kibernetike dhe prototipimin virtual.
Programi i Akademisë Verore 2025 përfshiu një varg sesionesh të avancuara, ku kontribuuan profesorët e UBT-së, si dhe ekspertë e akademikë ndërkombëtarë nga universitete prestigjioze të Evropës. Këta profesionistë ofruan njohuri të thella dhe përvoja praktike rreth trendeve më të fundit në teknologji, digjitalizim dhe zhvillim të qëndrueshëm.
- Dr. Edmond Hajrizi – Opening Session: Welcome Speech and Digital Twin – UBT Smart City IoT-Eco
- Dr. Galia Marinova – IoT-ECO Project Achievement and Implementation
- Dr. Zhilbert Tafa (UBT) – Towards Smart Environmental Monitoring: Artificial Intelligence of Things (AIoT) for Air Quality Surveillance
- Kostas Berberidis, Christos Mavrokefalidis (University of Patras) – Distributed Machine Learning for IoT Applications: Challenges and Perspectives (IoT-ECO)
- Andreas Hoermer, Pasha Bekhrad (TU Graz) – Satellite IoT: Connecting the Unconnected Planet dhe Advancing Green Technology in Optical and Hybrid Networks
- Elita Hajrizi (UBT) – Hands-on Workshop: Robotics Programming Innovations at UBT Smart City
- Startup Innovation from UBT – UBT Student Startups: From Idea to Prototype – Virtual model of the UBT university campus
- Lecture from Polytechnic University of Tirana – IoT-Eco: Green Cloud IoT
- Galia Marinova, Vasil Guliashki (Technical University of Sofia) – IoT in Smart Microgrids – Monography presentation
- Dr. Pasquale Daponte, Francesco Pepe (University of Sannio, Italy) – Presentation of International activities of University of Sannio
- Manjola Zeneli, Frida Gjermeni (University “Alexander Moisiu”, Durrës) – Virtual Prototype of Port of Durrës dhe IoT in industry, academy and more
- Saranda Dreshaj (UBT) – AR/VR Integration in IoT-Enabled Urban Environments – Virtual model of UBT Smart City
- Lecture from Mediterranean University of Podgorica – PV Plants, Smart Inverters, and Electric Vehicles as IoT Cyber-Physical Entities in Modern Power Systems and Smart Grids
- Zana Limani Fazliu, Jeta Dobruna (University of Prishtina) – Green Wireless Communications
- Abian Morina, Dion Mulaj (UBT) – Cyber-Physical Systems & IoT Security
- Lecture from University of Montenegro – Virtual Prototyping for Sustainable Infrastructure – Virtual model of UoM campus
- Round Table with Partners – New courses and trainings for green transformation in the WB
- Blockchain Day with Binance Representative – Decentralized Technologies for Future Cities
- Startup Innovation – Fuqizimi i Rinisë për të Ardhmen Digjitale
Në kuadër të sesionit “Startup Innovation from UBT”, studentët e UBT u shndërruan në protagonistë të inovacionit, duke prezantuar idetë e tyre para profesorëve dhe partnerëve ndërkombëtarë. Këto prezantime ishin dëshmi konkrete e kapacitetit krijues dhe të ardhmes premtuese që po ndërtohet në UBT.
Përveç komponentëve shkencorë, akademia ofroi hapësira për diplomaci akademike, përmes round table me partnerët e projektit IoT-ECO, si dhe aktivitete kulturore e shoqërore në UBT Innovation Campus në Lipjan dhe qytete të ndryshme të Kosovës. Po ashtu, u nënshkruan memorandume mirëkuptimi me kompani dhe institucione akademike, duke zgjatur bashkëpunimin për projekte të përbashkëta të së ardhmes.
Ky edicion i Akademisë Verore dëshmoi edhe njëherë fuqinë organizative të UBT-së, nën udhëheqjen vizionare të stafit të Fakultetit të Shkencave Kompjuterike dhe Inxhinierisë dhe përkrahjen e pakursyer të menaxhmentit. UBT konfirmoi statusin e saj si një qendër lider e ekselencës akademike dhe inovacionit teknologjik në rajon dhe më gjerë.
Akademia Verore e Shkencave Kompjuterike në UBT – Qendër e ekselencës për inovacion, teknologji dhe bashkëpunim ndërkombëtar për një të ardhme të gjelbër digjitale
NASA e teston aeroplanin supersonik X-59
Drita përballet sot me Copenhagen në Ligën e Kampionëve
KFOR vendos tabela të reja paralajmëruese përgjatë kufirit Kosovë–Serbi
Ky është seriali më i shikuar në Netflix gjatë vitit 2025
Pesëmbëdhjetë vjet nga vendimi i Gjykatës Ndërkombëtare për pavarësinë e Kosovës
Policia gjen armë zjarri në një veturë në Shtime, ndalon një të dyshuar
Ballkani nis aventurën evropiane në “Fadil Vokrri”
Vajza katërvjeçare vdes nga uria në Gaza
-
Lajmet nga UBT1 month agoUBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months agoProfesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months agoUBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months agoUBT rilicencohet nga MAShTI për ofrimin e arsimit profesional në katër drejtime të rëndësishme shëndetësore