Shëndeti

9 sëmundje të zakonshme të lëkurës

Shumë kushte mund të ndikojnë në pamjen, integritetin ose funksionalitetin e lëkurës.

Published

on

Lëkura është organi më i madh i trupit dhe një pjesë kyçe e cila vepron si një barrierë mbrojtëse midis mjedisit të jashtëm dhe brendësisë së trupit.

Lëkura jo vetëm që mbron organet e brendshme kundër nxehtësisë, dritës, dëmtimit dhe infeksionit, por gjithashtu ndihmon në rregullimin e temperaturës së trupit, parandalimin e humbjes së ujit dhe prodhimin e vitaminës D.

Shumë kushte mund të ndikojnë në pamjen, integritetin ose funksionalitetin e lëkurës. Ndërsa disa janë relativisht të padëmshme, disa sëmundje, si kanceri i lëkurës, mund të jenë kërcënuese për jetën.

Shenjat e lindjes- Shenjat e lindjes janë njolla në lëkurë që janë të pranishme menjëherë pas lindjes. Ato vijnë në shumë forma dhe madhësi dhe priren të jenë të padëmshme. Shumica e shenjave të lindjes zbehen në moshën 10 vjeç, por disa mund të jenë të përjetshme.

Djegie nga dielli- Djegia nga dielli është reagimi i trupit ndaj rrezeve UV që dëmtojnë shtresat e jashtme të lëkurës, Kur rrezatimi UV tejkalon aftësinë e melaninës për të siguruar mbrojtje, sipërfaqja e lëkurës mund të bëhet e kuqe, e fryrë dhe e dhimbshme.

Hiperpigmentim- Hiperpigmentimi është një gjendje në të cilën shfaqen njolla kafe ose gri në lëkurë. Simptomat priren të përkeqësohen me ekspozimin në diell, medikamentet dhe disa produkte kozmetike. Shumica e rasteve të hiperpigmentimit mund të menaxhohen në mënyrë efektive me kremra kundër diellit, kremra hidratues dhe zbardhues për kujdesin e lëkurës, si vitamina C etj.

Lythat dhe nishanet- Lythat janë rritje beninje (jo kanceroze) në lëkurë të shkaktuara nga papillomavirusi njerëzor (HPV). Ato shfaqen shpesh në duar dhe në shputat e këmbëve. Nishanet janë një lloj tjetër i rritjes së zakonshme në lëkurë. Më shpesh ato janë kafe ose të zeza, por disa mund të jenë të kuqe ose ngjyra të tjera dhe mund të duken të sheshta ose të ngritura.

Aknet- Aknet, një çrregullim i gjëndrave të yndyrës, është ndër sëmundjet më të zakonshme të lëkurës të trajtuara nga dermatologët. Trajtimet për aknet përfshijnë produkte të vitaminës A, të tilla si retinolet, të cilat parandalojnë mbylljen e gjëndrave të yndyrës dhe përmirësojnë strukturën e lëkurës, acid salicilik, për të mbyllur poret, peroksidet e benzoilit, për të vrarë bakteret që shkaktojnë akne dhe antibiotikët, për të vrarë bakteret dhe për të reduktuar inflamacionin.

Rosacea- Rosacea është një gjendje inflamatore kronike që shfaqet si njolla të kuqe ose zona skuqjeje në dhe rreth faqeve, mjekrës dhe ndonjëherë edhe ballit te njerëzit me tonalitete të lehta të lëkurës.

Psoriasis- Psoriaza është një gjendje autoimune e lëkurës në të cilën sistemi imunitar sulmon pa dashje qelizat e lëkurës. Shkaku i saktë i psoriasis nuk është kuptuar plotësisht, por simptomat priren të shpërthejnë dhe të luhaten me kalimin e kohës. Gjendja shpesh përkeqësohet për shkak të stresit, infeksioneve, dëmtimit të lëkurës, motit të ftohtë dhe të thatë.

Herpes- Herpes zoster , është një gjendje që mund të shkaktojë një skuqje të dhimbshme, me flluska, e cila zakonisht shfaqet në njërën anë të trupit. Shkaktohet nga virusi varicella zoster (VZV), i njëjti virus që shkakton linë e dhenve.

Kanceri i lëkurës- Kanceri i lëkurës është një rritje e pakontrolluar dhe jonormale e qelizave të lëkurës. Lloji më i zakonshëm i kancerit të lëkurës është karcinoma e qelizave bazale. Forma më serioze e kancerit të lëkurës është melanoma.

/rtsh.al/

Shëndeti

Si të largoni celulitin me disa hapa të lehtë?

Published

on

Format për të luftuar celulitin variojnë nga ato natyralet deri tek ato mjekësoret. Për të evituar efektin e këmbëve apo duarve që ngjajnë si lëkura e portokallit ndiqni mënyrat e duhura.

Përtej trajtimeve estetike dhe ndërhyrjeve mjekësore e rëndësishme është mirëmbajtja e trupit në çdo kohë me metoda natyrale.

Celuliti formohet kur qelizat e trupit që magazinojnë dhjamin e mbledhin atë në mënyrë jo të rregullt duke formuar kështu toptha dhjami.

Konsumoni shumë ujë

Një ndër hapat e parë kundër luftës naj celulitit është pa dyshim uji. Aleati më i madh i juaj kundër celulitit është uji sepse ndihmon në tharjen e dhjamit, duke eleminuar edhe toksinat në trup. Mund të largoni celulitin duke konsumuar sa më shumë ujë, pini rreth 2 litra ujë në ditë.

Ujë me limon

Një mënyrë tjetër e thjeshtë e shkrurjes së dhjamit të celulitit është edhe ujë më limon. Kjo pije është mirë të konsumohet e ngrohtë herët apo në formën e çajit, gjithnjë duke zgjedhur përbërës natyral.

Çaji jeshil

Për të pasur një lëkurë perfektë dhe të lëmuarnë pak kohë provoni edhe çajrat. Në veçanti çaji jeshil ndihmon në tharjen e celulitit nga trupi.

Vitaminat

Çfarë të hani për të zhdukur celulitin?

Së pari konsumoni shumë fruta si boronica, limon, portokall apo kivi.

Agrumet dhe vitamina C ju ndihmon në tretjen e shpejtë e stimulon shkrirjen e dhjamit.

Konsumoni mollë bashkë me lëkurën, pasi ndihmon në elemenimin e masës dhjamore dhe nxit formimin e muskujve.

Ushqimet e pasura me Omega 3 janë një burim i mirë i eleminimit të ujit të tepërt që akumulohet nën lëkurë.

Ushqimet që duhet të evitoni nëse keni celulit janë ushqimet e pasura me karbohidrate apo ato shumë të proçesuara.

Kafe me limon

Ju ndihmon kundër simptomave të celulitit, merni llumin e kafesë e bashkoni me lëng limoni. Përzieni lëngun e kafesë me të limonit e lëreni të pushojë 10 minuta. Masazhoni lëkurën me lëvizje rrethore. Sasinë e kafes vendosni në bazë të pjesës së trupit që do të masazhoni.

Përdorni dy apo tre lugë gjelle llum kafeje dhe një lugë lëng limoni. Bëni këtë trajtim tre herë në javë gjatë dushit, shpërlani lëkurën me ujë. /UBT News/

Continue Reading

Shëndeti

Çka është “ecja japoneze” që po këshillojnë ekspertët e shëndetit?

Published

on

Nëse po kërkon mënyrë të thjeshtë, pa kosto dhe jashtë palestrës për të përmirësuar shëndetin dhe formën fizike, trendi më i fundit që po bën namin në TikTok mund të jetë zgjidhja ideale për ty.

Quhet “Japanese walking” ose ecja japoneze dhe ekspertët janë të njëzëri: është një nga format më efikase dhe të qëndrueshme të ushtrimit.

Çfarë është “Japanese walking”?

Pavarësisht emrit, kjo formë ecjeje nuk është e re. Ajo bazohet në stil të quajtur ecje me intervale, që është përdorur për vite me radhë në Japoni dhe më gjerë.

Metoda është shumë e thjeshtë:

– Ec me intensitet të lartë (shpejt) për 3 minuta,

– Pastaj ec me ritëm më të ngadaltë për 3 minuta,

-Përsërite këtë cikël për të paktën 30 minuta, 4 herë në javë.

-Ky kombinim i ritmeve e bën trupin të punojë më fort dhe sjell përfitime më të mëdha në më pak kohë.

Pse ekspertët e pëlqejnë kaq shumë?

Sipas specialistëve të fushës, “Japanese walking” është kaq popullore sepse është:

-E lehtë për t’u zbatuar, pa pajisje apo ambiente të veçanta,

-E përballueshme nga çdo moshë dhe gjendje fizike,

E shkurtër, por shumë efektive – vetëm 30 minuta disa herë në javë sjellin ndryshime të dukshme.

Laura Richardson, specialiste e fiziologjisë së ushtrimeve në Universitetin e Miçiganit, shprehet:

“Është e qëndrueshme dhe praktike. Nuk ke nevojë për palestër dhe përfitimet janë të shumta.”

Çfarë përfitimesh sjell?

Studimet tregojnë se ky stil ecjeje:

-Forcon muskujt e këmbëve dhe kofshëve,

-Përmirëson qarkullimin e gjakut dhe funksionin e zemrës,

-Ul tensionin e gjakut dhe yndyrnat e dëmshme në trup,

-Rrit kolesterolin e mirë (HDL) dhe ul nivelin e yndyrës në bark (viscerale),

Përmirëson cilësinë e gjumit, ndihmon në luftimin e depresionit dhe ruan shëndetin mendor – sidomos me kalimin e moshës.

Continue Reading

Shëndeti

Sheqeri në pije më i dëmshëm sesa në ëmbëlsira

Published

on

Një studim i publikuar në Advances in Nutrition ka zbuluar se mënyra se si e konsumojmë sheqerin ka rëndësi të madhe, dhe pirja e tij përmes pijeve është më e dëmshme sesa marrja e tij nga ushqimet, ka raportuar WomensHealthMag.

Studiuesit analizuan të dhënat e më shumë se gjysmë milioni njerëzve nga 29 studime të ndryshme, duke krahasuar zakonet e konsumimit të sheqerit me shëndetin e tyre.

Rezultatet ishin tronditëse: Për çdo 350 ml pije me sheqer të shtuar të konsumuar në ditë (si p.sh. cola ose lëngjet e paketuara), rreziku për diabet të tipit 2 rritej me 25 për qind. Për çdo 240 ml lëng frutash, rreziku rritej me 5 për qind.

Tek ata që e konsumonin sheqerin përmes ushqimeve, nuk u vu re i njëjti rrezik i lartë për diabet por pse është sheqeri i dëmshëm për trupin?

Sipas dietologes Dena Champion nga Ohio State University, problemi më i madh është sasia e tepërt.

“Sheqeri i tepërt çon në shtim peshe dhe lë më pak hapësirë për ushqime të shëndetshme”, ka theksuar ajo.

Tara Gidus Collingwood, konsulente për ushqim, shton se sheqeri i tepërt rrit edhe rrezikun për sëmundje të zemrës, probleme dentare, dhe sëmundjen e mëlçisë jo-alkool Megjithatë, sasia e vogël e sheqerit nuk është problematike.

“Përdorimi i sheqerit në sasi të vogla nuk përbën rrezik për person mesatarisht të shëndetshëm. Por sasitë e mëdha të sheqerit të shtuar dhe të rafinuar mund të shkaktojnë probleme me kalimin e kohës”, tha Lisa Moskovitz, themeluese e NY Nutrition Group.

Ajo ka shtuar se përveç diabetit e sëmundjeve të zemrës, sheqeri shkakton inflamacion në trup, që lidhet me sëmundje si kanceri, sëmundjet autoimune dhe ato kardiovaskulare.

Continue Reading

Shëndeti

Arsyet pse duhet ta filloni mëngjesin me një shëtitje

Published

on

Një shëtitje në mëngjes nuk është vetëm aktivitet fizik, por zakon i fuqishëm që hedh themelet për një ditë të shëndetshme dhe produktive.

Vetëm 20-30 minuta ajër të pastër menjëherë pas zgjimit e ndihmojnë trupin tonë të zgjohet, që trupi të fillojë metabolizmin e tij.

Ky zakon nuk kërkon pajisje, trajnim të shtrenjtë ose shumë kohë, efektet janë të dukshme nëpërmjet një përqendrimi më të mirë, një humori më të ndritshëm, gjumit cilësor dhe një trupi më elastik.

Gjashtë arsye pse një shëtitje në mëngjes është e rëndësishme:

Një shëtitje e shkurtër në mëngjes nxit qarkullimin e gjakut, ju hap për ditën e re dhe siguron një burim energjie afatgjatë – dhe pa kafeinë.

Dalja jashtë rrit rrjedhën e oksigjenit në tru, gjë që përmirëson përqendrimin, kreativitetin dhe kujtesën. Ecja zvogëlon tensionin e ofron ndjesi qetësie që zgjat gjatë ditës. Ekspozimi ndaj dritës së mëngjesit ndihmon trupin, e bën më të lehtë të bjerë në gjumë dhe sjell një gjumë më të thellë dhe më qetësues.

Ecja stimulon qarkullimin e gjakut dhe rrit rezistencën e trupit ndaj infeksioneve. Ecja zvogëlon ndjeshëm numrin e ditëve të sëmura, duke ju bërë më rezistentë ndaj sëmundjeve sezonale. Një shëtitje e lehtë në mëngjes aktivizon muskujt e këmbëve dhe të torsos dhe përmirëson lëvizshmërinë e kyçeve.

Kjo kontribuon në një qëndrim më të mirë dhe gjendje të përgjithshme fizike.

Ecja e rregullt ndihmon në djegien e kalorive, nxit një metabolizëm më aktiv dhe mund të ndihmojë në kontrollin e peshës trupore – të gjitha pa përpjekje dhe pa dieta të rrepta, shpesh joefektive.

 

Continue Reading

Të kërkuara