Lajmet

9 mënyra për të kursyer karburantin gjatë vozitjes së makinës

Published

3 years ago

on

Të gjithë duam të kursejmë karburantin i cili po bëhet çdo ditë e më i shtrenjtë.

Më poshtë gjeni disa prej mënyrave që mund t’ju vijnë në ndihmë gjatë ngasjes.

9. Shmangni qëndrimin në vend me makinë ndezur!

Kjo është një nga mënyrat më të zakonshme. Jeni duke pritur një pasagjer që të hypë në makinë? Në vend që të mbani makinën ndezur për të dëgjuar muzikë, kini parasysh që muzika mund të dëgjohet edhe me makinë fikur. Keni ngelur për minuta të tëra në trafik pa lëvizur? Fikeni makinen dhe do të kurseni ndjeshëm. Makinat me sistemin Start/Stop janë bërë pikërisht për këtë arsye dhe, për kundër asaj që mund të mendohet, kjo nuk e dëmton aspak makinën.

8. Përdorni karburant cilësor

Shpesh herë joshemi nga cmimi i lirë i karburantit në disa pika shitjeje. Kjo nuk do të thotë domosdoshmërisht që ky karburant është jo cilësor, por shancet për këtë janë të konsiderueshme. Gjithashtu cmimi i lartë nuk është tregues i cilësisë së mirë. Gjithsesi, testoni disa pika shitjeje dhe më pas furnizohuni te më e mira.
Makinat e reja janë shumë të ndjeshme ndaj cilësisë së karburantit dhe nese kjo e fundit lë për të dëshiruar, atëherë edhe makina do ju kundërpërgjigjet me të njëjten monedhë. Një karburant jo cilësor nuk digjet plotesisht. Kjo bën që makina juaj të jetë e pafuqishme. Në këto kushte ju jeni i “detyruar” të shtypni pedalin e gazit edhe me shumë. Rrjedhimisht karburanti do të shkojë “lum”.

7. Zbrazeni bagazhin nga gjërat e panevojshme

Pesha e tepërt nuk është problem vetëm për sistemin e amortizimit. Ajo ndikon drejtëpërdrejt në konsumin e karburantit.
Një nga mënyrat për të kursyer karburant është pikërsht heqja e sendeve të panevojshme nga makina.

6. Mbani të pastër filtrin e ajrit

Njësoj si të keni bllokuar me rubinetë, pluhuri bllokon filtrin e ajrit duke sjellë rënien e performancës dhe me shumë mundësi edhe te nivelit të karburantit në depozitë. Filtrat e ajrit janë shumë të lirë dhe nuk kërkojne mjete të vecanta për t’u ndërruar. Blijeni një, ndërrojeni sa hap e mbyll sytë dhe ja ku i keni kursyer disa herë paratë e filtrit.

5. Kujdes nivelin e fryrjes së gomave

Statistikisht, gomave i’u kushtohet më pak vëmendje në një makinë. Madje mund të themi që disa shoferë kalojnë vite pa kontrolluar gomat. Sigurisht që një situatë e tillë shton rrezikun në rruge. Presioni i duhur i gomave ka ndikim parësor në konsumin e karburantit. Kjo, sepse me goma të shfryra rritet rezitenca në rrugë e cila duhet mposhtur. Presionin ideal për makinen tuaj do e gjeni te kapaku i karburantit ose te dera e shoferit. Prodhuesit e makinave shpenzojnë kohë të konsiderueshme për të përcaktuar se sa duhet të jenë fryer gomat në mënyrë që makina të kete eficencë maksimale. Kjo vlen edhe per sigurinë tuaj në rrugë.

4. Ndërroni vajin

Gjendja e mirë e vajit është vitale për një funksionim eficent te motorrat me djegie të brendshme. Vaji i motorrit ka detyrën më të vështirë në një makinë. Detyra e tij është të reduktojë fërkimin ndërmjet pjesëve, t’i ftohë ato dhe të mbajë motorrin të pastër duke e mbrojtur nga gërryerja. Nëse përdorni të njëjtin vaj për një kohë të gjatë, ai do të trashet dhe lëvizja e tij ndërmjet pjesëve do të vështirësohet. Kjo do të sjellë më shumë fërkim të pjesëve me njëra tjetrën. Pasojat e kësaj janë shumë të kushtueshme. Shpesh herë, për këtë shkak, makinat janë bërë të papardorshme. Ndërrojeni vajin në kohë dhe sipas udhëzimeve të prodhuesit dhe kjo do ju shpërblehet me jetëgjatësi të makinës dhe me konsum minimal.

3. Ngadalëso!

Në momentin që shpejtësia kalon 80-90 km/h, edhe konsumi i karburantit i kalon limitet e kursimit. Duke ecur më ngadalë do të kurseni jo pak. Shpenzoni më shumë kohë duke ecur ngadalë, por kurseni shumë më shumë se kaq.

2. Përdorni Auto-Pilot-in

A ka mënyrë më të mirë për t’u përqendruar plotësisht mbi rrugën sa se kur perdorni Auto-Pilot-in? Aktivizoje në një shpejtësi normale, relaksohu dhe lëre makinën të bëjë pjesën tjetër të punës. Auto-Piloti ndihmon në uljen e konsumit të karburantit duke përdorur minimalisht gazin. Duke ecur me shpejtësi konstante, inertësia e makinës shfrytëzohet maksimalisht. Kjo e ul konsumin e karburantit në minimum.

1. Parashikoni trafikun perpara jush

Se fundmi, një tjetër menyrë për të kursyer karburant është të qëndroni të vëmendshëm dhe të parashikoni sjelljen e trafikut që keni përpara. Nëse shikoni semaforin të kuq apo makinat përpara që frenojnë, mjafton të hiqni këmben nga gazi dhe të lini makinën të ngadalësojë. Nëse autokolona rifillon lëvizjen, ju do të keni avantazh inertësinë e makinës tuaj për të përshpejtuar duke harxhuar më pak karburant se sa do të harxhonit nëse do të niseshit nga vendi. “Ngarja Parashikuese” ju ndihmon të reduktoni konsumin e karburantit me 20%.

Related Topics:
Continue Reading

Bota

Scholz mbron vendimin për telefonatën e tij me Putinin

Published

11 mins ago

on

November 18, 2024

By

Kancelari i Gjermanisë, Olaf Scholz, ka mbrojtur vendimin e tij për zhvillimin e një bisedë telefonike me presidentin rus, Vladimir Putin, më 15 nëntor, duke e cilësuar si të rëndësishëm për të hequr çdo iluzion në lidhje me qëndrimin e Perëndimit ndaj Luftës në Ukrainë. Biseda, që ishte e para mes Scholzit dhe Putinit pas një periudhe gati dyvjeçare, ka tërhequr kritika të shumta, përfshirë dhe nga presidenti ukrainas Volodymyr Zelensky, i cili e konsideroi këtë veprim si një mundësi për të lehtësuar izolimin e presidentit rus.

Duke folur përpara nisjes së tij për në Brazil, ku do të marrë pjesë në samitin e G20-së, Scholz tha se telefonata nuk tregoi asnjë ndryshim të qartë në pozitat e Putinit për luftën në Ukrainë. Megjithatë, ai mbrojti vendimin e tij, duke theksuar se ishte e rëndësishme për të eliminuar çdo iluzion të mundshëm të Kremlinit, se Perëndimi mund të ndryshonte qëndrimin dhe do të heqte dorë nga mbështetja për Ukrainën.

Biseda e parë pas dy vitesh dhe qëndrimi i Putinit

Scholz e përshkroi bisedën si një mundësi për të theksuar qëndrimin e qartë të Perëndimit, i cili vazhdon të mbështesë Ukrainën në luftën e saj kundër agresionit rus. Ai theksoi se mesazhi i tij ishte i thjeshtë: nuk do të ketë heqje dore nga mbështetja për Kievin, përfshirë ndihmën ushtarake dhe ndihmën ekonomike, derisa lufta të mbarojë.

Sipas Kancelarit Scholz, biseda ishte një mundësi për të komunikuar drejtpërdrejt me Putinin dhe për të siguruar që ai të kuptonte pa ekuivokë që Perëndimi ishte i vendosur në qëndrimin e tij dhe nuk do të ndërmerrte asnjë hap tërheqjeje. Megjithatë, Scholz pranoi se nuk ka pasur ndonjë indikacion se Putin ka ndryshuar mendim për luftën dhe nuk ka shfaqur asnjë sinjal për tërheqje ose ndryshim kursi.

Kritikat nga Ukraina dhe komuniteti ndërkombëtar

Biseda e 15 nëntorit ka ngjallur reagime të shumta, duke përfshirë kritika të forta nga presidenti ukrainas Volodymyr Zelensky. Ai ka shprehur shqetësimin se kjo telefonatë mund të ndihmojë Putinin që të “lehtësojë izolimin e tij” dhe “izolimin e Rusisë” në arenën ndërkombëtare. Zelensky ka theksuar se çdo bisedë me liderët rusë, përveç atyre që kërkojnë të ndalin menjëherë agresionin dhe të tërheqin trupat ruse nga territori ukrainas, mund të jetë një mundësi për Kremlinin që të përfitojë diplomatikisht dhe të rikthejë legjitimitetin në skenën ndërkombëtare.

Përveç kritikave nga Zelensky, disa zyrtarë të tjerë të lartë në Europë kanë ngritur pikëpyetje mbi efektivitetin e bisedave me Putinin, duke argumentuar se çdo formë e dialogut pa një ndryshim të qartë të qëndrimit të Rusisë mund të nxisë më shumë vonesa dhe të krijojë mundësi për manipulim nga ana e Kremlinit.

Scholz: Dialogu është i nevojshëm, por vetëm në kushte të caktuara

Në mbrojtje të veprimit të tij, Scholz ka theksuar se ndërsa bisedat janë të nevojshme për të shmangur eskalimin dhe për të mbajtur kanalet e komunikimit të hapura, çdo dialog duhet të jetë i shoqëruar me kushte të qarta dhe me mbështetje të fortë për Ukrainën. Ai ka theksuar se nuk mund të ketë kurrë një marrëveshje pa një ndalesë të qartë të agresionit dhe kthimin e paqes në Ukrainë.

“Unë besoj se është e rëndësishme të flasim me Putinin për të siguruar që ai e kupton se Perëndimi është i bashkuar dhe se nuk do të ketë kurrë një marrëveshje që dëmton Ukrainën,” tha Scholz.

Përplasja e perspektivave për diplomacinë

Biseda mes Scholzit dhe Putinit është vetëm një episod në një seri përpjekjesh diplomatike që po zhvillohen për të menaxhuar krizën në Ukrainë. Ndërkohë që shumica e shteteve të Bashkimit Europian dhe Shtetet e Bashkuara kanë mbështetur një qëndrim të fortë ndaj Rusisë dhe janë angazhuar për të izoluara ekonomikisht dhe politikisht Kremlinin, Scholz ka mbrojtur idenë se nuk duhet të mbyllen të gjitha mundësitë për diplomaci. Sidoqoftë, ai ka theksuar se çdo mundësi bisedimi duhet të ketë si qëllim të vetëm arritjen e paqes dhe jo lehtësimin e pozicionit të Putinit.

Ky zhvillim ka nxitur një debat të gjerë në komunitetin ndërkombëtar për mënyrën më të mirë për të përballuar agresionin rus dhe për të gjetur një zgjidhje të qëndrueshme për krizën në Ukrainë./Euronews/

Continue Reading

Lajmet

​Haradinaj thotë se Vuçiq është i interesuar për destabilizim në veri para fushatës zgjedhore

Published

13 mins ago

on

November 18, 2024

By

Ish-ministrja e Jashtme, Meliza Haradinaj ka thënë se Kosova duhet të jetë vigjilente ndaj përpjekjeve të mundshme për destabilizim në veri të vendit, nga ana e Serbisë.

Sipas saj, periudha e tranzicionit paszgjedhor në Shtetet e Bashkuara, mund të shfrytëzohet nga presidenti rus, Vladimir Putin, për të intensifikuar sulmet dhe të aneksojë territore të reja nga Ukraina.

Lidhur me këtë, Haradinaj ka thënë se presidenti serb, Aleksandar Vuçiq, “ndjek me fanatizëm librin e lojërave të Putinit”, andaj sipas saj Kosova duhet të tregohet e kujdesshme “ndaj përpjekjeve të ngjashme”.

“Vuçiqi padyshim se është dëshpërimisht në kërkim të një dritareje për të ndezur shkëndija destabilizimi në veri tani para fushatës zgjedhore në Kosovë, prandaj këtë herë ne nuk do të duhej të biem në provokimet e tij”, ka shkruar Haradinaj në Facebook.

Sipas saj ajo çka është më e rëndësishme, qeveria duhet të koordinohet ngushtë me institucionet e sigurisë së SHBA-ve dhe “të mbajë veriun të qetë me çdo kusht sidomos deri pas zgjedhjeve të 9 shkurtit”.

Continue Reading

Bota

Pas ‘traumës’ së humbjes përballë Trump demokratë fillojnë analizën: Duhet të jemi në harmoni me klasën punëtore

Published

18 mins ago

on

November 18, 2024

By

Demokratët po kalojnë në një fazë reflektimi pas humbjes së papritur të nënpresidentes Kamala Harris në zgjedhjet presidenciale të 5 nëntorit, duke shqyrtuar faktorët që mund të kenë ndikuar në këtë rezultat dhe duke u përpjekur të kuptojnë se çfarë mund të bëjnë për të rivendosur besimin e elektoratit. Ndërkohë që shumë analistë e shohin ekonominë si shkakun kryesor të humbjes, ka edhe faktorë të tjerë që janë identifikuar si elementë të ndikimit negativ në fushatën e Harris.

Një nga arsyet kryesore që po shqyrtohen nga analistët është se nënpresidentja Harris nuk arriti të distancohet nga politikat ekonomike të administratës Biden, të cilat u kritikuan për menaxhimin e keq të ekonomisë, veçanërisht për shkak të inflacionit të lartë që ka prekur shumë amerikanë në dy vitet e para të administratës. “Perceptimi popullor ishte se ai nuk e ka menaxhuar mirë ekonominë, dhe kjo është një pengesë shumë e madhe për t’u kapërcyer nga Harris,” tha David Greenberg, profesor i shkencave politike në Universitetin ‘Rutgers’.

Kjo ishte një nga sfidat kryesore të fushatës, pasi Harris, si pasuese e politikave të Biden, u ndje e lidhur ngushtë me një administratë që kishte përballë një numër kritikash për inflacionin dhe ngadalësimin e rritjes ekonomike.

Edukimi dhe të drejtat për abort: çështje kyçe, por pa mbështetje të mjaftueshme

Gjatë fushatës, demokratët vunë theksin tek mbrojtja e të drejtave për abort, një çështje e rëndësishme për elektoratin femër, sidomos pas vendimit të Gjykatës së Lartë që hodhi poshtë të drejtën e abortit federal. Megjithatë, mbështetja për Harris në këtë aspekt nuk ishte aq e madhe sa kishin shpresuar demokratët. “Në shumë shtete, votuesit mund të votonin për të ruajtur të drejtat për abort, por gjithashtu mund të votonin për Trump-in, që është një paradox i madh,” shpjegoi Julie Roginsky, një zyrtare demokrate.

Pavarësisht historisë së gjatë dhe të lavdërueshme të Partisë Demokrate, shumë analistë dhe zyrtarë të partisë pranojnë se ka një problem të thellë strukturor. “Ne nuk dimë si ta përçojmë mesazhin tonë dhe nuk po arrijmë të shfaqemi si autentikë për shumicën e amerikanëve,” tha Julie Roginsky. Kjo është një nga arsyet pse demokratët mund të mos kanë arritur të angazhojnë shumë votues të klasës punëtore, të cilët janë përqendruar në problemet e përditshme, siç janë punësimi dhe inflacioni.

John Lappie, profesor i asociuar i shkencave politike në Universitetin Shtetëror të Plymouth, theksoi se demokratët kanë nevojë për një gjeneratë të re udhëheqësish që të jenë më të afërt me realitetin ekonomik dhe të jenë më në harmoni me klasën punëtore. “Demokratët kanë nevojë për udhëheqje të re, e cila të jetë më e përshtatur me situatën aktuale,” tha ai, duke shtuar se ky ndryshim do të kërkonte një rikthim të fokusit te politikat sociale dhe ekonomike që shërbejnë interesat e shtresave më të ulëta të shoqërisë.

Në një moment kur Republikanët udhëhoqën Kongresin me një shumicë të ngushtë, Lappie pret që demokratët të kenë mundësinë të sfidojnë politikat që nuk janë në përputhje me vlerat e tyre dhe të përgatiten për një tjetër goditje në zgjedhjet afatmesme të vitit 2026. Kjo periudhë do të shërbejë si një mundësi për të ristrukturuar partinë dhe për të forcuar lidhjet me një elektorat më të gjerë.

Me reflektimin mbi humbjen, demokratët kanë nisur një proces të brendshëm analize për të rregulluar dështimet që kanë karakterizuar fushatën e Kamala Harris. Pjesa më e madhe e fokusit tani është në rindërtimin e një lidhjeje më të fortë me klasën punëtore dhe për të siguruar që mesazhi i Partisë Demokrate arrin të mbështesë realitetin ekonomik dhe shoqëror të votuesve amerikanë. Pas një fushate të dështuar, ky është një moment për të analizuar dhe ristrukturuar strategjitë e ardhshme për të rimarrë besimin e zgjedhësve në vitet e ardhshme./UBTNews/

Continue Reading

Bota

Shefi i OKB-së bën thirrje për armëpushim në Gaza dhe Liban: Të zbatojmë të drejtën ndërkombëtare humanitare

Published

31 mins ago

on

November 18, 2024

By

Shefi i Kombeve të Bashkuara, Antonio Guterres, ka bërë thirrje të fortë për një armëpushim të menjëhershëm në Gaza dhe Liban, duke kërkuar që të zbatohet e drejta ndërkombëtare humanitare për të mbrojtur jetët e civilëve dhe për të adresuar krizën e rëndë humanitare që po përjetojnë këto territore. Guterres bëri këto deklarata gjatë një fjalimi përpara samitit të G20, ku theksoi se për Lindjen e Mesme, nuk mund të ketë standarde të dyfishta kur vjen puna për respektimin e të drejtës ndërkombëtare dhe mbrojtjen e të drejtave të njeriut.

Në fjalën e tij, Guterres u shpreh se duhet të zbatohet kartën e Kombeve të Bashkuara dhe parimet e të drejtës ndërkombëtare, që kërkojnë që të gjitha shtetet dhe aktorët ndërkombëtarë të respektojnë rregullat e luftës dhe të mbrojnë të drejtat e civilëve. Ai theksoi se një paqe e qëndrueshme në Lindjen e Mesme mund të arrihet vetëm nëse e drejta e popullit palestinez për një shtet të pavarur dhe të drejtat e popullit izraelit për siguri janë të garantuara, duke shtuar se kjo paqe duhet të përfshijë dy shtetet që jetojnë në paqe dhe siguri.

“Ne kemi nevojë për paqe, por kemi nevojë për paqe në rrugën drejt një zgjidhjeje me dy shtete. Ne kemi nevojë për paqe që garanton të drejtën e popullit palestinez, si dhe të drejtën e popullit izraelit për të pasur një shtet dhe që të dy shtetet të jetojnë në paqe dhe siguri,” tha Guterres.

Përveç thirrjes për një paqe të qëndrueshme, ai theksoi nevojën urgjente për të adresuar krizat e menjëhershme dhe për të siguruar një armëpushim që do të lejonte ndërprerjen e dhunës dhe të mundësonte ndihmën humanitare për popullin palestinez në Gaza. Guterres u shpreh i shqetësuar për ndëshkimin kolektiv të popullit palestinez, duke theksuar se, ndërkohë që sulmet e Hamasit duhet të dënohen, ato nuk mund të shërbejnë si justifikim për goditjen e pafajshme të civilëve palestinezë.

“Na duhet menjëherë një armëpushim, lirimi i menjëhershëm i pengjeve dhe ndihma efektive humanitare për Gazën,” u shpreh ai, duke nënvizuar nevojën për të vepruar me urgjencë për të ndihmuar ata që janë prekur nga lufta.

Në një moment të kritikës, Guterres bëri apel që të gjitha palët e përfshira në konflikt të ndalin përdorimin e forcës ndaj civilëve dhe të ofrojnë mundësi për një dialog të drejtpërdrejtë dhe të ndershëm për arritjen e një paqeje afatgjatë dhe të qëndrueshme. Ai theksoi se ndihma humanitare duhet të mbërrijë pa pengesa, dhe se çdo formë e pasigurisë që e bën të pamundur ofrimin e kësaj ndihme është një shkelje e drejtësisë dhe e të drejtave të njeriut.

Guterres përfundoi duke bërë thirrje që komuniteti ndërkombëtar të qëndrojë i bashkuar në kërkesën për respektimin e të drejtës ndërkombëtare dhe për të siguruar që askush të mos mbetet i harruar në këtë krizë të thellë humanitare.

Continue Reading

Të kërkuara