Lajmet

8 këshilla për t’u ushqyer shëndetshëm

Published

3 years ago

on

Këto 8 këshilla praktike mund t’ju ndihmojnë të bëni zgjedhjet e duhura për të përmirësuar shëndetin tuaj.

Nëse hani ose pini më shumë nga se sa trupi juaj ka nevojë, do të shtoni peshë, sepse energjia që nuk përdorni është e ruajtur si yndyrë. Nëse hani dhe pini shumë pak, do të humbni peshë.

Ju gjithashtu duhet të hani një gamë të gjerë të ushqimeve për t’u siguruar që po merrni një dietë të ekuilibruar dhe trupi juaj po merr të gjitha lëndët ushqyese që i duhen. Rekomandohet që burrat të marrin rreth 2500 kalori në ditë, ndërsa gratë rreth 2000 kalori në ditë.

1. Hani shumë fruta dhe perime

Rekomandohet që të hani të paktën 5 porcione, ku përfishen një larmi frutash dhe perimesh çdo ditë. Mund të jenë të freskëta, të ngrira, të konservuara, të thara ose të lëngshme. Pse të mos konsumosh një banane në vend të drithërave në mëngjes, ose të këmbesh racionin e zakonshëm të mëngjesit me fruta të freskëta. Një porcion i frutave dhe perimeve të freskëta, të konservuara ose të ngrira, duhet të jetë 80 gramë. Ndërsa një porcion i frutave të thata që mund të konsumoni duhet të jetë 30 gramë. Një gotë 150 ml lëng frutash ose lëngje perimesh gjithashtu, llogaritet si një porcion, por kufizoni sasinë që keni në jo më shumë se 1 gotë në ditë, pasi këto pije janë me sheqer dhe mund të dëmtojnë dhëmbët tuaj.

2. Hani më shumë peshk

Peshku është një burim i mirë i proteinave dhe përmban shumë vitamina e minerale. Synoni të hani të paktën 2 porcione peshku në javë. Ju mund të zgjidhni peshk të freskët, të ngrirë dhe të konservuar, por mbani mend se peshku i konservuar dhe i tymosur mund të ketë sasi të lartë kripe. Këshillohet që shumica e njerëzve të hanë më shumë peshk, por ka kufij të rekomanduar për disa lloje peshku.

3. Ndërprisni yndyrën

Ju keni nevojë për pak yndyrë në dietën tuaj, por është e rëndësishme t’i kushtoni vëmendje sasisë dhe llojit të yndyrës që po hani. Ekzistojnë 2 lloje kryesore të yndyrës: e ngopur dhe e pangopur. Konsumimi në masë i yndyrës së ngopur mund të rrisë sasinë e kolesterolit në gjak, gjë që rrit rrezikun tuaj për të zhvilluar sëmundje të zemrës. Mesatarisht, burrat duhet të konsumojnë jo më shumë se 30 gramë yndyrë të ngopur në ditë. Mesatarisht, gratë jo më shumë se 20 gramë yndyrë të ngopur në ditë. Fëmijët nën moshën 11 vjeç duhet të kenë më pak yndyrë të ngopur se të rriturit, por një dietë me pak yndyrë nuk është e përshtatshme për fëmijët nën 5 vjeç. Yndyra e ngopur gjendet në shumë ushqime, si:

-Mishi

-Salsiçet

-Gjalpi

-Djathi i fortë

-Kremi

-Ëmbëlsirat

-Biskotat

Mundohuni të zvogëloni konsumimin e yndyrnave të ngopura dhe zgjidhni ushqime që përmbajnë yndyrna të pangopura, siç është vaji i ullirit, peshku dhe avokadoja. Për një zgjedhje më të shëndetshme, përdorni një sasi të vogël të vajit të ullirit në vend të gjalpit. Të gjitha llojet e yndyrës këshillohet të konsumohen në sasi të vogla.

4. Kujdes me përdorimin e sheqerit

Konsumimi i rregullt i ushqimeve dhe pijeve me përqindje të lartë sheqeri rrit rrezikun e mbipeshës dhe prishjes së dhëmbëve, veçanërisht nëse hahen midis vakteve. Përbërje më të lartë sheqeri përmbajnë produkte si mjalti, shurupi dhe lëngjet e frutave. Përqindje të lartë sheqeri gjenden në shumë ushqime, siç janë:

-Pije me sheqer të lëngshëm

-Drithërat me sheqer

-Ëmbëlsirat

-Biskotat

-Pastat dhe pudingu

-Çokollatat

-Pije alkoolike

Etiketat e ushqimit mund të ndihmojnë. Përdorini ato për të kontrolluar se ç’përqindje sheqeri përmbajnë ushqimet që konsumoni.

5. Konsumoni më pak kripë: jo më shumë se 6 gramë në ditë për të rriturit

Përdorimi i lartë i kripës mund të rrisë presionin e gjakut. Njerëzit me presion të lartë të gjakut kanë më shumë të ngjarë të zhvillojnë sëmundje të zemrës. Edhe nëse nuk shtoni kripë në ushqimin tuaj, mund të jeni akoma duke ngrënë shumë. Rreth tri të katërtat e kripës që hani tashmë është në ushqim kur e blini, si supërat, buka dhe salsat. Përdorini etiketat e ushqimeve për t’ju ndihmuar të reduktoni përdorimin e kripës. Të rriturit dhe fëmijët e moshës 11 vjeç e lart duhet të hanë jo më shumë se 6 gramë kripë (rreth një lugë çaji) në ditë. Fëmijët e vegjël duhet të konsumojnë më pak.

6. Qëndroni aktiv dhe mbani një peshë të shëndetshme

Po aq rëndësi sa të ushqyerit në mënyrë të shëndetshme, kanë edhe ushtrimet e rregullta fizike. Ushtrimet janë shumë të rëndësishme për shëndetin dhe mirëqenien tuaj të përgjithshme. Lexoni më shumë rreth përfitimeve që mund të merrni prej ushtrimeve dhe udhëzimet lidhur me aktivitetin fizik për të rriturit. Të qenët mbipeshë mund të shkaktojë probleme shëndetësore, si diabeti apo sëmundje të zemrës. Të qenët nënpeshë gjithashtu mund të ndikojë në shëndetin tuaj. Shumica e të rriturve duhet të humbin peshë, duke konsumuar më pak kalori. Nëse po përpiqeni të humbni peshë, synoni të hani më pak dhe të jeni më aktivë. Ushqimi i një diete të shëndetshme, të ekuilibruar mund t’ju ndihmojë të mbani një peshë të shëndetshme. Nëse jeni të shqetësuar për peshën tuaj, pyesni mjekun tuaj ose një dietolog për këshilla.

7. Konsumoni ujë vazhdimisht

Ju duhet të pini shumë lëngje për të ndaluar dehidratimin. Rekomandohet pirja e 6 deri në 8 gota çdo ditë. Kjo përveç lëngut që merrni nga ushqimi që hani. Të gjitha pijet joalkoolike llogariten, por uji, qumështi me pak yndyrë dhe pije me sheqer më të ulët, përfshirë çajin dhe kafen, janë zgjedhje më të shëndetshme. Gjithsej pijet tuaja të kombinuara nga lëngu i frutave, lëngu i perimeve dhe smoothies nuk duhet të jenë më shumë se 150 ml në ditë, që është një gotë e vogël. Mos harroni të pini më shumë lëngje gjatë motit të nxehtë ose gjatë ushtrimeve fizike.

8. Mos e anashkaloni mëngjesin

Disa njerëz nuk konsumojnë mëngjes, sepse mendojnë se do t’i ndihmojë të humbin peshë. Por një mëngjes i shëndetshëm, i pasur me fibra dhe me pak yndyrë, sheqer dhe kripë, mund të jetë pjesë e një diete të ekuilibruar dhe mund t’ju ndihmojë të merrni ushqyesit që ju nevojiten për një shëndet të mirë. Drithëra me pak sheqer, me qumësht gjysmë të skremuar dhe fruta të prera sipër, është një mëngjes i shijshëm dhe i shëndetshëm.

Ushqimet me përqindje të lartë sheqeri

-Pijet me sheqer të lëngshëm

-Drithërat me sheqer

-Ëmbëlsirat

-Biskotat

-Pastat dhe pudingu

-Çokollatat

-Pijet alkoolike./fjala.al

Related Topics:
Continue Reading

Bota

Kryeministri britanik: Do të shkatërrojmë bandat e kontrabandës së njerëzve

Published

14 hours ago

on

November 4, 2024

By

Kryeministri britanik, Keir Starmer, deklaroi se qeveria e tij do t’i trajtojë trafikantët e njerëzve si terroristë, duke njoftuar një shtesë prej 75 milionë paund (përkatësisht 97 milionë dollarë) për komandën e sigurisë kufitare. Kjo nismë është pjesë e një strategjie më të gjerë për të luftuar kontrabandën e qenieve njerëzore dhe për të forcuar masat e sigurisë kufitare.

Duke folur në Asamblenë e Përgjithshme të Interpolit në Glasgou, Starmer theksoi rëndësinë e trajtimit të kontrabandës së njerëzve si një kërcënim të sigurisë globale, të ngjashëm me terrorizmin. Ai nënvizoi se kontrabanda e njerëzve është një problem që kërkon një qasje të koordinuar ndërkombëtare dhe bashkëpunim mes vendeve për të ndarë burime dhe taktika.

Kryeministri e lidh këtë nismë me punën e tij të mëparshme në luftën kundër terrorizmit, duke shprehur përkushtimin e tij për të shkatërruar bandat e kontrabandës së njerëzve. Ai shprehu bindjen se është e nevojshme të ndihmohet forcat e sigurisë kufitare me kompetenca të zgjeruara dhe burime të reja, për të mundësuar një luftë më efikase kundër këtij fenomeni.

Shtesa prej 75 milionë paund do të dyfishojë fondin total për komandën kufitare në 150 milionë paund gjatë dy viteve të ardhshme. Këto mjete do të përdoren për të financuar pajisjet e mbikëqyrjes me teknologji të avancuar dhe për të angazhuar 100 hetues specialistë, të cilët do të fokusohen në goditjen e kriminelëve të përfshirë në këtë lloj aktiviteti.

Ndërkohë, sekretarja e Brendshme, Yvette Cooper, e cila ishte e pranishme në ngjarje, theksoi se qeveria do të përpiqet të bëjë përparim sa më shpejt të jetë e mundur në uljen e kalimeve të paligjshme me varka të vogla, por nuk ofroi objektiva specifike ose një kornizë kohore për këtë qëllim.

Starmer përfundoi duke theksuar se misioni i tij si kryeministër është “të shkatërrojë bandat e kontrabandës së njerëzve”, duke shprehur përkushtimin e tij për të mbrojtur qytetarët britanikë dhe për të siguruar që ata të jetojnë në një ambient të sigurt. Me këtë qasje, qeveria britanike synon të forcojë masat për parandalimin e kontrabandës dhe mbrojtjen e jetëve njerëzore./UBTNews/

 

Continue Reading

Bota

Lavrov: Të hapur për dialog me Perëndimin

Published

14 hours ago

on

November 4, 2024

By

Rusia shpreh gatishmërinë për të dialoguar me Perëndimin dhe do të shqyrtojë çdo propozim në këtë drejtim, deklaroi sot ministri i Jashtëm rus, Sergei Lavrov.

“Ne nuk po mbyllemi nga një dialog me Perëndimin,” tha ai gjatë një simpoziumi ndërkombëtar në Moskë, i cituar nga agjencia Interfax.

Lavrov theksoi se, pavarësisht faktit që Rusia ka nxjerrë përfundime të rëndësishme nga tradhtitë e fqinjëve perëndimorë ndaj premtimeve dhe angazhimeve të tyre, ajo mbetet e hapur për rinovimin e kontakteve.

“Por nëse këto vende janë të gatshëm të rifillojnë bisedimet dhe të ndërtojnë marrëdhënie mbi parimin e një ekuilibri të ndërsjellë interesash, Rusia do të vendosë se si t’i trajtojë oferta të tilla,” shtoi ai.

Continue Reading

Lajmet

Ish-kryeinspektori i AKI-së, Burim Ramadani, zhvilloi në UBT një ligjëratë tematike me studentët për Sigurinë Nacionale

Published

14 hours ago

on

November 4, 2024

By

UBT mirëpriti ish-kryeinspektorin e Agjencisë Kosovare të Inteligjencës, Burim Ramadanin, që zhvilloi një ligjëratë tematike me studentët e Departamentit të Studimeve të Sigurisë. I shoqëruar nga Prof. Gjon Culaj, Ramadani theksoi rëndësinë e analizës së kërcënimeve dhe sfidave që përballen me sigurinë nacionale të Kosovës.

Gjatë ligjëratës, ata diskutuan për faktorët e brendshëm dhe ata të jashtëm që ndikonin në stabilitetin e vendit, duke nxjerrë në pah situatat e fundit dhe mënyrat se si Kosova mund të përforcojë kapacitetet e saj në fushën e sigurisë. Studentët patën mundësinë të angazhoheshin në një dialog aktiv, duke bërë pyetje dhe duke shprehur mendimet e tyre mbi çështje të ndryshme që lidhen me sigurinë, duke përfshirë ndikimet e geopolitikës dhe rolin e institucioneve të sigurisë.

Ramadani theksoi se, përballë sfidave të shumta, është e domosdoshme që brezi i ri të jetë i informuar dhe i përgatitur për të kontribuar në ruajtjen e sigurisë kombëtare. Kjo ligjëratë ofroi një platformë për diskutime të thelluara mbi rëndësinë e njohurive në fushën e sigurisë, si dhe për nevojën e angazhimit të vazhdueshëm për të përballuar kërcënimet që rrezikojnë paqen dhe stabilitetin e Kosovës.

Ky aktivitet u prit me interes të madh nga studentët, të cilët shprehën vlerësimin e tyre për mundësinë e diskutimit direkt me ekspertë të njohur në fushën e sigurisë. Ligjërata përfundoi me një sesion pyetje-përgjigje, ku studentët shprehën shqetësimet e tyre dhe diskutuan ide për të ardhmen e sigurisë në vend./UBTNews/

 

Continue Reading

Lajmet

Gërvalla për zgjedhjet në SHBA: Nuk shoh sinjal për ndryshim të mbështetjes për Kosovën

Published

14 hours ago

on

November 4, 2024

By

Ministrja e Punëve të Jashtme dhe Diasporës, Donika Gërvalla ka thënë se nuk sheh asnjë sinjal që mund të ketë ndonjë ndryshim të mbështetjes së Shteteve të Bashkuara të Amerikës për Kosovën edhe pas procesit zgjedhor që do të zhvillohet nesër atje.

Kryediplomatja kosovare tha se Kosova e ka mbështetjen nga të dy kampet.

Këto komente, Gërvalla i bëri në një konferencë për medie pas takimit që zhvilloi me zëvendëskryeministrin dhe ministrin e Punëve të Jashtme dhe të Tregtisë, Xavier Bettel.

“Si Republikë e Kosovës e cila përbënë popullin më pro amerikan në botë, dhe një vend për të cilin SHBA-të gjithnjë kanë qenë të rëndësishme pa luftës, gjatë luftës dhe sidomos pas luftës në çështjet e zhvillimit, pavarësisë dhe forcimit të rolit të Kosovës në skenën ndërkombëtare jemi me fat që në Shtetet e Bashkuara kemi pas vazhdimisht mbështetjen e të dy kampeve edhe të kampit republikan edhe të kampit demokrat dhe nuk shoh asnjë sinjal që një gjë e tillë të ketë ndryshuar gjatë rrugës. Prandaj, duke kryer detyra e shtëpisë në Kosovë, duke i quar përpara reformat, agjendën e reformave duke e vendosur sundimin e ligjit në çdo cep të Kosovës, duke luftuar krimin e organizuar atëherë miqësia dhe partneriteti me Amerikën kështu forcohet, nuk forcohet me fjalë , nuk forcohet me deklarata, por forcohet me punë konkrete”, theksoi Gërvalla.

Sa i takon procesit të dialogut, ministrja Gërvalla beson që me përbërjen e re të Komisionit Evropian do të ketë zhvillime në këtë drejtim.

“Shpesh kemi paralajmëruar që dialogu i udhëhequr nga Miroslav Lajçak nuk ka sjell rezultate e dëshiruara apo të premtuara, dhe prandaj shpresojmë shumë që Komisioni i ardhshëm do të kemi së shpejti intervistimet e tyre nga Parlamenti Evropian dhe shpresojmë shumë të filloj punën sa më shpejtë me qëllim që së bashku me Komisionin e ri të shohim se cilat janë mundësitë që do të ofroj procesi i dialogut”, theksoi ajo.

Sa i takon takimeve të shpeshta që kryeministri, Albin Kurti dhe vetë Donika Gërvalla po i zhvillojnë në diasporë, ajo tha se nuk janë pjesë e fushatës, por formë e bashkëbisedimeve me mërgatës.

“Takimet e formës së bashkëbisedimit mes kryeministrit dhe pjesëtarëve të mërgatës, apo ministres së Jashtme dhe Diasporës dhe pjesëtarëve të mërgatës, apo presidentes dhe mërgatës janë një format i cili ka qenë shumë aktiv edhe në vitet 90’të edhe është në një traditë të mirë të bisedave. Ka raste kur takimet zhvillohet nga shoqatat, ka raste si në rastin e djeshëm, kur organizohet nga misionet tonat diplomatike, prandaj është një përzierje varësisht se nga kush vjen iniciativa si vjen dhe është një lidhje e cila është kaq e fort sa që Kosovën e bënë unike në rajonin tonë…varësisht se kush e organizon ai edhe e e financon. Prandaj, nuk kemi hyrë në fazën e fushatës, kur të hyjmë në fazën e fushatës elektorale do ta shihni se shtohet ritmi do të shtohen takimet dhe do të ndryshoj natyrisht edhe gjuha e takimeve dhe e përmbajtjeve të cilat do t’i shërbejnë më shumë një fushate elektorale sesa një bashkëbisedimi me qytetarët”, theksoi Gërvalla.

Lidhur me mënyrën e votimit për diasporën në zgjedhjet e 9 shkurtit, ministrja e Punëve të Jashtme dhe të Diasporës, Donika Gërvalla tha se do të ofrojnë të gjitha mundësitë me qëllim që asnjë qytetarë i Kosovës të mos i imponohet mënyra e votimit.

Continue Reading

Të kërkuara