Irlandezi Daniel Nelson është emëruar trajner i ri i klubit të basketbollit Peja, dhe do ta marrë drejtimin e ekipit nga sot, duke qenë kështu kryetrajner i skuadrës që nga ndeshja me Sigal Prishtinën që luhet nesër në orën 17:00.

Kështu ka bërë të ditur klubi verdh e zi përmes një komunikate të lëshuar për media.

40 vjeçari vjen në Pejë, pas eksperiencave të ndryshme në Gjermani, Rusi, Angli, Irlandë, Zelandë të Re, Qipro, Rumani, shkurt në Kosovë dhe së fundmi edhe në Holandë.

UEFA i beson sërish gjyqtarëve shqiptarë një ndeshje të rëndësishme në arenën ndërkombëtare. Një treshe arbitrash shqiptarë do të vendosë drejtësi në sfidën mes Estonisë dhe Suedisë, e vlefshme për Ligën C (Grupi 1) të Nations League.

Juxhin Xhaja do të jetë gjyqtari kryesor i ndeshjes Estoni-Suedi, që do të luhet më 14 tetor në orën 20:45 në Talin. Arbër Pema dhe Rejdi Avdo do të jenë asistentët e arbitrit kryesor, ndërsa Albert Doda do të jetë gjyqtar i katërt.

Ky është një tjetër vlerësim për arbitrat shqiptarë, të cilët gjatë këtij sezoni kanë drejtuar disa ndeshje në Kupat e Europës, duke treguar profesionalizmin dhe aftësitë e tyre në menaxhimin e takimeve të rëndësishme. Për Xhajën dhe ekipin e tij, kjo është një mundësi për të demonstruar përsëri kompetencën e tyre në një skenë ndërkombëtare, dhe për të kontribuar në rritjen e imazhit të arbitrave shqiptarë në futbollin global.

Të gjithë sytë do të jenë në këtë ndeshje, dhe pritshmëritë janë të larta për një performancë të shkëlqyer nga ana e gjyqtarëve shqiptarë./UBTNews/

Një marrëveshje e rëndësishme me vlerë gati 300 milionë euro është arritur së fundmi midis drejtuesve të Atletico Madrid dhe investitorëve arabë për të ndryshuar emërtimin e stadiumit ku luan klubi “colchoneros”. Sipas marrëveshjes, stadiumi do të quhet “Riyadh Air Metropolitano” duke filluar nga data 20 tetor, duke i thënë lamtumirë emrit të mëparshëm “Wanda Metropolitano”.

Ky ndryshim emri do të bëjë debutimin e tij në ndeshjen e ardhshme të Atletico Madrid kundër Leganés, një ngjarje që pritet me padurim nga tifozët. Klubi madrilen ka konfirmuar se kjo është një sponsorizim nëntëvjeçar me linjën ajrore saudite, e cila do të zgjasë deri në vitin 2033, duke e bërë atë “sponsorin më të rëndësishëm në historinë e klubit”.

Në një deklaratë të lëshuar nga të dy palët, thuhet: “Është nder të bëhemi partner dhe të zgjasim bashkëpunimin tonë me Atlético de Madrid deri në vitin 2033. Të dyja kompanitë janë të motivuara për të arritur nivelet më të larta të suksesit dhe për të pasur emrin tonë në një stadium aq emblematik.”

Ky investim masiv pritet të ketë një ndikim të rëndësishëm edhe në merkaton e skuadrës “colchoneros”, e cila synon të jetë një protagonist i rëndësishëm jo vetëm këtë sezon, por edhe në të ardhmen. Klubi ka bërë disa blerje “big” gjatë verës, por duket se kjo nuk do të ndalet këtu, pasi planet për të forcuar skuadrën do të vazhdojnë edhe në muajt e ardhshëm.

Me këtë marrëveshje, Atletico Madrid synon të rrisë më tej profilin e tij në arenën ndërkombëtare dhe të tërheqë më shumë investime dhe sponsorizime, duke forcuar kështu pozitat e tij në futbollin europian. Emri i ri i stadiumit “Riyadh Air Metropolitano” do të simbolizojë këtë partneritet të ri dhe ambicien për të arritur suksesin e mëtejshëm./UBTNews/

Kombëtarja e Kosovës U21 do ta zhvilloj sot ndeshjen rëndësishme kundër Polonisë, e cila do të zhvillohet në orën 19:00 në stadiumin “Fadil Vokrri”.

Trajneri i Kosovës U21, Afrim Tovërlani, në deklaratën e tij lidhur me kundërshtarin u shpreh: “Performanca e djemve është e mirë. Sa i përket kundërshtarit ata kanë qenë favoritë të grupit së bashku me Gjermaninë, por e jona ështè japim maksimumin për të arritur një rezultat pozitiv. Natyrisht, do të jemi të matur, pasi kemi të bëjmë me një skuadër shumë të mirë, por do të insistojmë të marrim maksimumin e asaj që na jepet mundësia. Edhe pse kemi disa mungesa në formacion, besoj se lojtarët që i kemi do ta arsyetojnë pse janë të ftuar dhe pse e fillojnë ndeshjen”, tha Tovërlani.

Lojtarët gjithashtu kanë shprehur entuziazmin e tyre përpara kësaj ndeshje. Ata janë të vendosur të tregojnë vlerat e tyre në fushë dhe të japin më të mirën në fanellën dardane. “Stërvitjet kanë shkuar mjaft mirë. Jemi bazuar në lojërat e kaluara të Polonisë, i kemi analizuar ato dhe i kemi bërë detyrat tona siç është më së miri dhe besoj se kemi punuar mjaft mirë taktikisht që të dalim me rezultat pozitiv”, tha Milot Avdyli. Në të njëjtën linjë u shpreh edhe Veton Tusha, duke theksuar se skuadra është e bashkuar dhe e gatshme për këtë sfidë. “Do të luajmë në vendin tonë dhe është një emocion i mirë, pasi presim që të ketë shumë tifozë që do të na përkrahin dhe të arrijmë rezultat pozitiv. Gjithçka në stërvitje ka shkuar perfekt”, tha Tusha.