Lajmet

72-vjetori i mësimit në gjuhën turke, Kurti: Duhet t’i mësojmë gjuhët e njëri-tjetrit

Ai ka uruar në gjuhën shqipe dhe turke 72-vjetorin.

Published

3 years ago

on

Dy ditë pas takimit në Ohër me presidentin serb, kryeministri Albin Kurti është paraqitur në shkollën fillore “Elena Gjika” në kryeqytet në shënim të përvjetorit të mësimit në gjuhën turke, por që nuk është prononcuar para gazetarëve për aneksin e zbatimit të planit evropian.

Kryeministri Kurti në shkollën “Elena Gjika”, të hënën është shprehur krenar që në Kosovë është kjo traditë e shumëgjuhësisë, ku nxënësve ju lejohet të mësojnë gjuhën e tyre amtare.

Kurti ka uruar në gjuhën shqipe dhe turke 72-vjetorin prej kur qytetarët e Kosovës patën mundësinë të mësojnë edhe në gjuhen turke.

“Jemi krenar për këtë traditë kaq të gjatë të shumëgjuhësisë në vendin tonë dhe për mundësinë që fëmijët në Kosovë të mësojnë në gjuhën e tyre amtare… Ne planifikojmë të organizojmë aktivitete për mësimin për komunitetet e mbështetura në materiale mësimore dhe materiale tjera të cilat paraqesin domosdoshmëri për mbështetjen profesionale për shkollat ku ofrohen këto mundësi edhe në gjuhën shqipe, në gjuhën e popullsisë shumicë. Këto shpresojmë që do të ndihmojnë që i gjithë materiali edhe i shtypur dhe digjital nevojitet për arsimin sa më cilësor nëpër shkollë dhe të gjitha shkollat e tjera të Kosovës të ketë qasje të lehtë dhe të shpejtë për të gjithë nxënësit. Do të ofrojmë mundësi për studentët që mësojnë gjuhet siç mund të jetë edhe gjuha turke për shqiptarët këtu në Prishtinë, sepse duhet t’i mësojmë gjuhet e njëri tjetrit, të kuptojmë më mirë e të bashkëpunojmë më shumë”, u shpreh Kurti.

Mes tjerash, kryeministri i vendit tha se edhe individët dhe shteti përfitojnë nga avantazhet në tregun ndërkombëtar në të cilin njerëzit kanë mundësi të komunikojnë me njëri tjetrin.

Ndërkaq, Kurti tha se para se të mësojnë gjuhën e tjetrit, duhet të jenë të sigurt në gjuhën amtare.

“Edhe individët edhe shteti përfitojnë nga avantazhet në tregun ndërkombëtar, si dhe solidaritet në nivel të Republikës, kur njerëzit kanë mundësinë të komunikojnë me njëri tjetrin. Por, para se të mësojmë gjuhët e njëri tjetrit, të gjithë e dimë se duhet të jemi të sigurt në gjuhën tonë dhe se arsimimi më i mirë është ai në gjuhën amtare…Ju e keni këtë mundësi dhe ne do ta mbrojmë të drejtën tuaj. Besojmë që do të mësoni shumë për të kontribuar për vetën tuaj, familjen tuaj, komunitetin, Kosovën, por edhe përtej kufijve. Së bashku po e festojmë faktin që në Kosovë ekzistojnë këto mundësi për arsimim në gjuhën anëtare, që inspiron fëmijët sa më shumë”, shtoi mes tjerash Kurti.

Edhe zëvendës-drejtoresha në këtë shkollë Agnesa Globoder, është shprehur e lumtur për mundësinë që nxenësit mund të mësojnë edhe në gjuhën e tyre amtare.

“Ne 72 vjet pa ndërprerje, që nga viti 1951 vijohet mësimi në Kosovë në gjuhën turke me batica dhe zbatica sipas periudhave por sërish me mbështetje, me punë të përkushtueshme, jemi këtu me një sukses të mirë. Kemi 19 mësimdhënës të komunitetit turk dhe 198 nxënës nga klasa para fillore deri në klasën e nëntë. Po ashtu mësimi në gjimnazin “Sami Frashëri” po vijojnë mësimin komuniteti turk, pastaj për studime jashtë vendit ose në Kosovë, i kanë të drejtat sipas kuotës që është caktuar për komunitete dhe vazhdojnë mësimin në Kosovë”, tha Globoder.

Të pranishëm në këtë aktivitet ishin edhe ministrja e Arsimit, Arbërie Nagavci dhe ministri Ministri i Zhvillimit Rajonal, Fikrim Damka.

Related Topics:
Continue Reading

Lajmet

​Rooney: Xhaka është transferimi i sezonit në Angli

Published

32 minutes ago

on

November 11, 2025

By

Wayne Rooney ka vlerësuar Granit Xhakën si nënshkrimin e sezonit pas paraqitjeve të tij mbresëlënëse me Sunderlandin në Premier League.

33-vjeçari u rikthye në Angli pas dy sezonesh të suksesshme te Bayer Leverkusen, ku ndihmoi klubin gjerman të fitonte titullin e parë në Bundesligë. Që nga ardhja e tij, Xhaka është bërë një nga lojtarët kryesorë të Sunderlandit, që aktualisht renditet në vendin e katërt në kampionat.

“Kur kthehet në Premier League, pyet veten nëse mund ta bëjë përsëri. Por ai ndoshta ka qenë transferimi i sezonit. Ka qenë i shkëlqyer.”, tha Rooney.

Ish-ylli i Manchester United shtoi se përvoja e Xhakës po ndihmon shumë edhe jashtë fushës.

“Sunderland ka një skuadër të re, dhe Xhaka është si një figurë atërore. Ai ndihmon trajnerin dhe lojtarët e rinj me përvojën e tij.”, shtoi ai./S.K/KP/

Continue Reading

Lajmet

Shtatë raste të dhunës në familje brenda 24 orëve

Published

1 hour ago

on

November 11, 2025

By

Vetëm në 24 orëshin e fundit, janë raportuar shtatë raste të dhunës në familje si dhe një lëndim i lehtë trupor, ka njoftuar Policia e Kosovës. Në raport bëhet e ditur se rastet kanë ndodhur në Obiliq, Fushë Kosovë, Lipjan, Prishtinë, Ferizaj dhe Gjakovë.

Lëndim i lehtë trupor

Mitrovicë Veri 10.11.2025 – 02:00. Është raportuar se viktima femër kosovare është sulmuar fizikisht nga bashkëshorti i saj. Viktima ka pësuar lëndime të lehta trupore dhe ka pranuar tretman mjekësor. I dyshuari është arrestuar dhe me vendim të prokurorit është dërguar në mbajtje.

Dhunë në familje

·         Obiliq 10.11.2025 – 04:30. Ka ndodhur rasti ‘dhunë në familje’, ku të përfshirë kanë qenë bashkëshortët,  lëndime ka pësuar bashkëshorti dhe të njëjtit i është ofruar tretman mjekësor. Palët janë intervistuar dhe në konsultim me prokurorin janë liruar në procedurë të rregullt.

Fushë Kosovë 10.11.2025 – 10:00. Është arrestuar i dyshuari mashkull kosovar, nën dyshimin se ka sulmuar fizikisht tre anëtarë të familjes. Me urdhër të prokurorit i dyshuari është liruar në procedurë të rregullt.

Lipjan 10.11.2025 – 11:00. Është raportuar se viktima femër kosovare ka pësuar dhunë nga i dyshuari mashkull kosovar, me të cilin bashkëjeton. Viktima është strehuar në strehimore, ndërsa i dyshuari është liruar në procedurë të rregullt.

Prishtinë  09.11.2025 – 15:00 – 18:00. Me 10.11.2025 viktima e mitur femër kosovare, ka raportuar se një ditë më parë babai i saj, i dyshuari mashkull kosovar kishte ushtruar dhunë fizike. Si pasojë e dhunës viktima ka pranuar tretman mjekësor. Lidhur me rastin është intervistuar i dyshuari i cili më pas me urdhër të prokurorit është liruar në procedurë të rregullt.

Prishtinë  10.11.2025-13:00. Janë shoqëruar dy meshkuj (vëllezër) njëri si i dyshuar dhe tjetri viktimë, në stacion policor për intervistim, pasi të njëjtit për shkak të një mosmarrëveshje janë rrahur në mes vete. Rasti duke u hetuar.

Ferizaj 10.11.2025 – 15:00. Është arrestuar i dyshuari mashkull kosovar, për shkak se në gjendje të dehur në shtëpi kishte ushtruar dhunë fizike ndaj bashkëshortes së tij, viktimës femër kosovare. Si pasojë e dhunës viktima ka pranuar tretman mjekësor. I dyshuari pas intervistimit me vendim të prokurorit është dërguar në mbajtje.

Gjakovë  10.11.2025 – 14:30. Është arrestuar i dyshuari mashkull kosovar, nën dyshimin se i njëjti në gjendje të dehur ka sulmuar fizikisht viktimën-bashkëshorten e tij. Viktima ka refuzuar tretmanin mjekësor, ndërsa me vullnetin e saj është kthyer tek familja e vet. Me vendim të prokurorit, i dyshuari është dërguar në mbajtje./S.K/PK/

Continue Reading

Lajmet

Osmani merr pjesë në Forumin “25 vjet kur gratë transformojnë paqen dhe sigurinë në Kosovë”

Published

2 hours ago

on

November 11, 2025

By

Misioni i Bashkimit Evropian për Sundimin e Ligjit në Kosovë (EULEX), në bashkëpunim me Shoqatën e Grave në Policinë e Kosovës, do organizoj një forum diskutimi me temën “Nga Rezoluta në veprim: 25 vjet nga kur gratë transformojnë paqen dhe sigurinë në Kosovë”.

Ky aktivitet shënon 25-vjetorin e miratimit të Rezolutës 1325 të Këshillit të Sigurimit të OKB-së, dokument i cili njohu rolin e grave në parandalimin e konflikteve, ndërtimin e paqes dhe vendimmarrjen në sektorin e sigurisë.

Në forum do të marrin pjesë Presidentja e Kosovës, Vjosa Osmani-Sadriu, Shefi i Misionit EULEX, Giovanni Pietro Barbano, Drejtori i Përgjithshëm i Policisë së Kosovës, Gazmend Hoxha, si dhe Drejtori i Përgjithshëm i Shërbimit Korrektues të Kosovës, Ismail Dibrani./S.K/EO/

Continue Reading

Lajmet

Pas takimit Trump-Al-Sharaa, Siria do t’i bashkohet koalicionit kundër ISIS-it

Published

2 hours ago

on

November 11, 2025

By

Siria do t’i bashkohet koalicionit ndërkombëtar për ta luftuar grupin ISIS, duke shënuar një ndryshim në politikën e jashtme të Shteteve të Bashkuara në Lindjen e Mesme, ka konfirmuar një zyrtar i lartë i administratës së presidentit amerikan, Donald Trump.

Njoftimi erdhi kur presidenti Trump e priti në Shtëpinë e Bardhë homologun e tij sirian, Ahmed al-Sharaa – vizita e parë e tillë nga një udhëheqës sirian në historinë e vendit.

Në një intervistë në televizionin “Fox News”, presidenti sirian tha se vizita e tij është pjesë e një epoke të re në të cilën Siria do të bashkëpunojë me Shtetet e Bashkuara.

Siria tani do të jetë shteti i 90-të që bëhet pjesë e koalicionit global që i ka për qëllim eliminimin e elementeve të mbetura të ISIS-it dhe pengimin e shkuarjes së militantëve të huaj në Lindjen e Mesme.

Pas takimit mes dy presidentëve, një zyrtar i lartë i administratës amerikane gjithashtu konfirmoi se Departamenti i Thesarit i ShBA-së, bashkë me Departamentin e Shtetit dhe Departamentin e Tregtisë, do të njoftojnë masa të reja për heqjen e kufizimeve ekonomike ndaj Sirisë dhe për ofrimin e qartësimit të pëlqimeve për investitorët.

Si pjesë e masave, administrata amerikane gjithashtu do të lëshojë një pezullim 180-ditor të Aktit të Cezarit, me të cilin që nga viti 2019 është sanksionuar ish-qeveria siriane.

Duke folur para gazetarëve në Zyrën Ovale disa orë pas takimit me homologun sirian, Trumpi tha:

“Ne duam që ta shohim Sirinë duke u bërë një shtet që është shumë i suksesshëm dhe mendoj se ky udhëheqës [Al-Sharaa] mund ta bëjë këtë. Vërtet mendoj ashtu.”

Ky ishte takimi i tretë mes dy presidentëve, pasi fillimisht ishin takuar në maj, në margjinat e Këshillit të Gjirit Persik për Bashkëpunim dhe më pas në një darkë gjatë Asamblesë së Përgjithshme të OKB-së në shtator.

Vetëm javën e kaluar, Departamenti i Thesarit i ShBA-së e largoi presidentin sirian nga lista e terroristëve globalë të përzgjedhur në mënyrë speciale./S.K/BBC/

Continue Reading

Të kërkuara