Lajmet
7-vjeçarja bie në koma pas djegieve të rënda, i shpërtheu lodra pasi ndoqi sfidën e TikTok-ut
Një vajzë 7-vjeçare nga Missouri, e quajtur Scarlett Selby, ra në koma pasi një lodër squishy shpërtheu ndërsa ajo po përpiqej të realizonte një sfidë virale në TikTok, raporton New York Post.
“Ndodhi aq shpejt,” tha babai i viktimës, Josh Selby, 44 vjeç, për Kennedy News, ndërsa rrëfente incidentin e tmerrshëm. “E dëgjova të bërtiste, dhe ishte një ulërimë që të ngrinte gjakun.”
Vogëlushja, që jeton në Festus, po kopjonte një sfidë që kishte parë në TikTok ku njerëzit vendosnin NeeDoh, një kub squishy kundër stresit të bërë prej gome me një mbushje xhelatinoze alkooli, në frigorifer dhe më pas e fusnin në mikrovalë për disa sekonda që të bëhej më i butë.
“Ajo e kishte ngrirë kubin NeeDoh një natë më parë dhe të nesërmen më tregoi se ishte bërë i fortë si gur dhe po luante me të,” tha Selby. “E futi në mikrovalë. Po e shihja dhe e pashë kur e preku për t’u siguruar që nuk ishte shumë i nxehtë kur e nxori jashtë.”
Ky eksperiment që dukej i padëmshëm u kthye në një katastrofë kur lodra xhelatinoze shpërtheu, duke i spërkatur fytyrën dhe gjoksin Scarlett-it me një substancë të nxehtë dhe ngjitëse. Selby raportoi se dëgjoi vajzën të bërtiste nga dhimbja e vrapoi për ta ndihmuar, duke u përpjekur të hiqte substancën djegëse nga trupi dhe rrobat e saj, por ishte e vështirë për shkak të trashësisë dhe ngjitshmërisë së saj.
“Sa herë që e prekja, dora ime ngjitej pas saj,” tha babai i shqetësuar, që tregoi se i shqeu bluzën vajzës se substanca ishte ngjitur edhe aty.
Babai dhe nëna e saj, Amanda Blankenship, 35 vjeç, e dërguan me urgjencë vajzën e tyre në Spitalin e Fëmijëve në St. Louis, një udhëtim që zgjati 30 minuta. Scarlett kishte aq shumë dhimbje sa vazhdonte të bërtiste edhe pasi kishte mbërritur në spital, sipas Blankenship.
“Ishte e tmerrshme ta shihje sa e frikësuar ishte dhe sa shumë po vuante,” tha e ëma e saj “me zemër të thyer.”
Pas mbërritjes në spital, mjekët vendosën ta fusnin Scarlett-in në koma të induktuar ku qëndroi për tre ditë nga frika se djegiet në gojën e saj mund të shkaktonin ënjtje të rrugëve të frymëmarrjes.
Buzët e saj u dogjën aq keq sa që u desh të përdorte një tub ushqimi gjatë gjithë kohës që qëndroi një javë në spital.
“Nuk mendoj se mund të flisja me askënd pa qarë gjatë gjithë kohës,” tha Selby.
Mjekët vendosën të mos bënin një transplant lëkure për momentin, por e ëma e saj është e shqetësuar se mund të nevojitet më vonë, pasi “shenjat janë shumë të rënda.”
“Pasi u këshilluam me mjekët, do t’i japim disa vite, ndoshta deri kur të jetë rreth 12 vjeçe, për të parë si rritet trupi i saj dhe nëse shenja do të përhapet” tha e ëma, e cila punon si parukiere. “Ende po i aplikojmë kremra dhe pomada silikoni çdo ditë shenjat janë aq të theksuara sa dalin jashtë lëkurës së saj.”
Por shenjat nuk janë vetëm fizike, sipas Blankenship, e cila thotë se ndonjëherë e sheh vajzën e saj duke qarë ndërsa shikon veten në pasqyrën e banjës.
“Ajo bëhet e ndrojtur, dhe ndonjëherë e shoh duke u përpjekur ta mbulojë shenjën me bluzë kur jemi në publik, ose kthehet nga shkolla dhe më thotë se një fëmijë tjetër e ka pyetur për të,” tha e ëma. “I them se nuk ka pse të ndihet në siklet. Ajo ka kaluar shumë dhe ishte një aksident i tmerrshëm”.
Pavarësisht shenjave të rënda, Blankenship tha se “ajo është ende e bukur dhe ato shenja e bëjnë atë, atë që është.”
Babai i saj po paralajmëron prindërit e tjerë që t’i hedhin lodrat NeeDoh, duke marrë parasysh incidentin e tmerrshëm, të cilin e përshkroi si “gjënë më të vështirë” që ka kaluar ndonjëherë.
“U kam thënë absolutisht të gjithëve që t’i hedhin, nëse i kanë,” paralajmëroi ai. “Substanca brenda tyre është si ngjitës, kështu që në thelb ke një ngjitës të nxehtë që shpërthen mbi ty. Sapo të prek lëkurën, nuk ka asnjë mënyrë për ta hequr.”
Ai shtoi: “Nuk duhet të shitet në këtë formë dhe nuk duhet të reklamohet në këtë mënyrë.” Prodhuesi “Schylling Toys” ende s’ka reaguar, por në faqen e internetit kanë paralajmërim: “Mos e ngrohni, ngrini apo vendosni në mikrovalë, mund të shkaktojë lëndime personale.”
“TikTok” paralajmëron në faqen e tij se platforma nuk “lejon shfaqjen ose promovimin e aktiviteteve dhe sfidave të rrezikshme apo dhunës.”
“Kjo mund të përfshijë sfida, lojëra, truke, përdorim të papërshtatshëm të mjeteve të rrezikshme, konsumimin e substancave të dëmshme për shëndetin ose aktivitete të ngjashme që mund të çojnë në lëndime të rënda fizike,” thuhet në politikën e TikTok-ut.
Kjo si ka ndaluar njerëzit të provojnë sfida të rrezikshme që supozohet se janë përhapur përmes kësaj platforme. Në prill 2024, një djalë 12-vjeçar nga Arizona, pësoi djegie në të gjithë trupin pasi u përpoq të ndizte alkool izopropilik gjatë një sfide në TikTok që shkoi keq.
Lajmet
VV dorëzon në polici kërkesë për hetim të kontratës 950 mijë euro të Komunës së Prishtinës për mbeturinat
Gjykata Kushtetuese vendos për ankesën e Listës Serbe
Arrestohet një person, dyshohet se shtiu me kallashnikov në qendër të Podujevës
VV dorëzon në polici kërkesë për hetim të kontratës 950 mijë euro të Komunës së Prishtinës për mbeturinat
Rinumërohen mbi 80% apo 2,061 nga 2,557 vendvotime, 30 komuna përmbyllin procesin
Komuna e Prishtinës hap konkurs për projektimin e Memorialit Përkujtimor “Adem Jashari”
Aksioni për skandalin e votave, Kryeprokurori i Gjakovës mban konferencë për media në ora 15:00
UBT prezanton ekspozitë pop-up të studentëve të Artit dhe Medias Digjitale
MAShTI merr vendim për rishikim të kurrikulave lëndore dhe programeve mësimore për klasat nga 1 deri 9
“Dallaveret me vota”, Prokuroria e Gjakovës me aksion në Malishevë
-
Lajmet3 months agoU mbajt Mbledhje Komemorative në nder të Prof. Dr. Faton Kabashit në UBT Prizren
-
Rajoni2 months agoProfesorët e UBT-së publikojnë studim shkencor mbi cilësinë e ujërave nëntokësore në Komunën e Suharekës
-
Rajoni2 months agoMe shumicë votash, Vesa Shatri zgjidhet Kryetare e re e Këshillit Studentor të UBT-së
-
Rajoni3 months agoNjë kontribut shkencor për ruajtjen e trashëgimisë inxhinierike në Kosovë – Publikohet artikulli i profesorëve të UBT-së, Naser Morina dhe Hazir Çadraku