Google prezantoi 6 veçori të reja të cilat po vinë këtë verë përpara debutimit të Android 12. Këto veçori do të rrisin përdorshmërinë, të keni mundësi të shpreheni më mirë, e madje edhe tu shpëtojnë jetën nëse një tërmet godet pranë jush.
Shumica e veçorive do të jenë të disponueshme vetëm për pajisjet Android 6.0+ dhe disa prej tyre do të ofrohen në variantet beta, me një version publik drejt Verës.
Mesazhet Yll dhe Sugjerim kontektuale të emoji-ve
Për ta bërë më të lehtë gjetjen e mesazheve të rëndësishme, Google do të shtojë opsionin për të vendosur një yll për një mesazh në aplikacionin Messages. Kështu do të mund të rivizitoni një mesazhe pa pasur nevojë të shfletoni gjithë bisedën.
Për të vendosur një yll në një mesazh duhet mbajtur shtypur mbi mesazhin e më pas opsionin e yllit.
Google gjithashtu do të përmirësojë më tutje veçorinë Emoji Kitchen në Gboard duke shtuar sugjerime në bazë të kontekstit. Me Emoji Kitchen mund të shkrini bashkë dy emoji për tu shprehur më mirë. Tani bazuar në mesazhin që keni shkruar do të merrni sugjerime për shkrirjen e emojive.
Veçori e paralajmërimit në rast tërmeti do të zgjerohet në disa vende të botës si Tuqia, Filipinet, Kazakistani, Kirgistani, Taxhikistani, Turkmenistani dhe Uzbekistani. Kompania fillimisht po e lançon këtë funksion në zona me rrezik të lartë tërmeti.
Në Prill filloi ta ofronte për Zelandën e Re dhe Greqinë. Me këtë opsion, telefoni Android përdor akselerometrin për tu shndërruar në një sizmometër. Më pas grumbullon informacion nga telefonët e tjerë Android në atë zonë për të mësuar nëse ka një anomali ose jo.
Android Auto bëhet më inteligjent
Google do të shtojë më shumë opsione përshtatjeje në Android Auto. Kështu mund të përshtatni ndërfaqen nga telefoni juaj ose të aktivizoni dark mode manualisht.
Aplikacionet media marrin tabe të reja për ta bërë të lehtë shfletimin. Gjithashtu edhe një buton A në Z në shiritin e shfletimit së bashku me opsionin “back to top.”
Së fundi kategori të reja aplikacionesh do të ofrohen në Android Auto si Ev Charging, Parking apo aplikacione navigimi.
Kërceni brenda aplikacioneve duke përdorur zërin
Përdoruesit mund të shfrytëzojnë komandën “Hey Google” në Android për të shkuar në hapësira specifike të aplikacionit. Ka shumë aplikacione Android që ofrojnë mbështetje për këto komanda zanore.
Disa prej tyre mund ti shikoni duke thënë komandën “Hey Google, shortcuts.”
Ndërsa Apple i ka marrë gjërat me ngadalë dhe është përshtatur me idenë e lansimit të një iPhone të palosshëm shtatë vjet me vonesë, Trump po lëviz me shpejtësi marramendëse në sektorin e teknologjisë, edhe pse kjo nuk është fusha e tij.
Trump njoftoi së fundmi një telefon dhe madje edhe një rrjet pa tel. Iphone Fold, ose sido që të quhet, nuk pritet të ketë ndonjë veçori inovative.
E vetmja gjë emocionuese në lidhje me iPhone-in e palosshëm do të ishte se ai paloset, shkruajnë mediat e huaja.
Dhe ndërsa kjo mund të jetë e mjaftueshme për përdoruesit e iOS, disa prej të cilëve janë aq të thellë në ekosistemin e Apple saqë ideja e daljes jashtë është e paimagjinueshme, nuk do të jetë e mjaftueshme për përdoruesit neutralë.
Besnikëritë mund të ndryshojnë brenda sekondave, siç duket se ka ndodhur me një kompani të caktuar veturash në SHBA.
Trump nuk ka frikë të japë gjithçka, edhe nëse rezultati i mundshëm është dështimi. Telefoni T1 nuk ka asnjë shans kundër telefonave më të mirë të sotëm, por ai ende ekziston. Nga ana tjetër, Cook ka adoptuar një qasje të qetë kohët e fundit.
Rrjeti i njohur social ka shtuar një mjet që do t’u mundësojë përdoruesve të mbrojnë llogarinë e tyre.
Edhe pse e ardhmja e TikTok-ut është ende e pasigurt, aplikacioni vazhdon të marrë funksione dhe përmirësime të reja. Funksioni më i ri quhet Security Checkup dhe ka rol në mbrojtjen e llogarisë së përdoruesit.
Mjeti mund të gjendet duke shkuar në Settings and privacy > Security & permissions në aplikacionin TikTok.
Ideja pas funksionit Security Checkup është që përdoruesve t’u lehtësohen veprimet si lidhja e numrit të telefonit dhe adresës së emailit për të siguruar metodë shtesë të kyçjes, aktivizimi i verifikimit me dy faktorë, konfigurimi i çelësit të aksesit dhe i mundësive biometrike për identifikimin, si njohja e fytyrës.
Përveç kësaj, përdoruesit tani mund të shohin cilët pajisje janë kyçur në llogarinë e tyre, dhe është e mundur të ndaloni qasjen për çdo pajisje që nuk e njihni ose që nuk e përdorni më.
Për më tepër, TikTok do të shënojë dhe raportojë çdo sjellje të pazakontë që detekton në llogarinë e përdoruesit.
Elon Musk, CEO i SpaceX dhe Tesla, ka njoftuar lansimin e Baby Grok, një version i Grok për fëmijët.
Ish-kreu i DOGE bëri deklaratën nëpërmjet X, duke shkruar: “Do të krijojmë Baby Grok, një aplikacion i dedikuar për fëmijë.”
Baby Grok thuhet se është version më miqësor për fëmijët i chatbotit të njohur me Al, Grok, të cilin Musk e zhvilloi më parë nëpërmjet kompanisë së tij xAI.
Ai pritet të jetë i përshtatur për ndërveprime të sigurta dhe edukative me fëmijët.
Njoftimi vjen menjëherë pas lansimit të Grok4 nga xAI, i cili krenohet me karakteristika të tilla si aftësi të avancuara trajnimi. /Telegrafi/
Starlink thuhet se po përgatitet të lansojë gjeneratën e ardhshme të satelitëve vitin e ardhshëm.
Sipas kompanisë, e cila është në pronësi të Elon Musk, secili prej satelitëve të rinj është projektuar për të ofruar më shumë se një terabit kapacitet shkarkimi të të dhënave (> 1,000 Gbps), si dhe mbi 200 Gbps kapacitet ngarkimi të dhënash për përdoruesit në Tokë.
“Kjo është më shumë se 10 herë kapaciteti i shkarkimit dhe 24 herë kapaciteti i ngarkimit krahasuar me satelitët e gjeneratës së dytë”, thotë Starlink.
Starlink gjithashtu vëren se shpejtësia dhe vonesa e transferimit të të dhënave janë “përmirësuar rrënjësisht”.
