

Lajmet
6 këshilla për kërkimin e punës që janë aq të thjeshta sa të gjithë i harrojnë
Published
4 years agoon
By
UBT newsZakonisht punë-kërkuesit kur janë duke kërkuar punë fillojnë nga gjërat e mëdha, duke i lënë pas dore disa nga këshillat, të cilat megjithëse themelore nuk merren parasysh, mbase pikërisht për shkak të kësaj. Kështu që, le t’i zbërthejmë gjërat në një listë të shkurtër këshillash, të cilat ju ndihmojnë në krijimin e një strategjie të mirë, në mënyrë që të gjeni një punë, ose të paktën ta shkurtoni kohën e panevojshme dhe zhgënjimin.
Mos dilni jashtë punës
Kur aplikoni për një punë përmes një procesi të aplikimit të internet, patjetër që CV-ja juaj do të kontrollohet nga një sistem filtrues i aplikantëve dhe pastaj edhe nëpër sytë e rekruterëtve. Kështu që, ju takon që ta thjeshtësoni këtë proces. Kjo bëhet duke lexuar më vëmendje përshkrimin e punës. A po i përmendni aftësitë tuaja që përkojnë më atë që ajo kompani dhe pozitë është duke kërkuar?
Mos u kufizoni në aplikacionet online gjatë kërkimit të punës
Mos u ndalni në momentin kur aplikoni për atë pozitë, shkoni më tutje! Vazhdoni të kërkoni për njerëzit që punojnë në atë kompani dhe rekruterët!
Mos harroni se CV -ja juaj dhe profili i LinkedIn nuk duhet të jenë të palëvizshme
Trajtoni dokumentet e aplikimit si diçka të gjallë që ndryshon dhe rritet vazhdimisht, po ashtu edhe profilin tuaj në LinkedIn! Ato mund të duken pa frymë, mirëpo nëse nuk përshtaten, mos kini frikë t’i modifikoni dhe t’i ndryshoni termat kryesorë!
Nëse jeni një punëkërkues i fshehtë, mos harroni të çaktivizoni transmetimet e aktivitetit tuaj, kur bëni redaktime në profilin tuaj LinkedIn. Nëse shefi ose kolegët tuaj aktualë janë të lidhur me ju në LinkedIn, ata mund të dyshojnë për të gjitha ndryshimet e shpeshta.
Pranoni që kurrë nuk do të mërzitni askënd që t’ju punësojë
Fjalinë “bëhu këmbëngulës në gjetjen e punës!”, shumëkush e nënkupton si “bëhu i bezdisshëm!”. Kjo është e gabuar. Mund t’i keni mësuar të gjitha frazat e zakonshme përmendësh, por ato nuk do t’ju dallojnë nga turma e aplikuesve. Në vend të kësaj, jepini vetes lirinë të jeni i dashur dhe më ndryshe, gjithmonë brenda kornizave të profesionalitetit.
Nëse nuk jeni në LinkedIn, pothuajse nuk ekzistoni
Duke e marrë parasysh se pothuajse të gjithë rekruterët e përdorin LinkedIn si mjetin kryesor të kërkimit, kjo mundësi nuk duhet nënvlerësuar. Nëse jen profesionistë nuk duhet vetëm të jeni aty, por edhe ta përdorni në avantazhin tuaj të plotë. Po sikur një ditë një rekrutues të hyjë në LinkedIn duke kërkuar në gjeografinë tuaj, dikë më përvojën që keni ju dhe ju nuk jeni aty, do ta humbisni një rast të shkëlqyeshëm ndoshta.
Falënderimi juaj ka rëndësi
Merrni parasysh që të dërgoni letër falënderimi menjëherë pas intervistës. Kjo ju bën që të shiheni më në sy të mirë nga kandidatët dhe të dukeni më profesionalë./Akademi Pune
Bota
Scholz: Nuk mund ta imagjinojë Netanyahun të arrestohet në Gjermani
Published
15 hours agoon
April 3, 2025By
UBT NEWS
Kancelari gjerman, Olaf Scholz, ka shprehur se nuk mund ta imagjinonte ekzekutimin e një urdhërarresti kundër kryeministrit izraelit, Benjamin Netanyahu, gjatë një vizite të tij në Gjermani. Kjo deklaratë erdhi pas lëshimit të një urdhërarresti nga Gjykata Ndërkombëtare Penale (ICC) në nëntor, lidhur me veprimet e qeverisë izraelite në Gazë, dhe pas mbërritjes së Netanyahut në Budapest, udhëtimi i tij i parë në Evropë që nga lëshimi i këtij urdhri.
Scholz, gjatë një konference për shtyp në Berlin së bashku me mbretin e Jordanisë, Abdullah II, tha se qeveria gjermane kishte bërë të qartë qëndrimin e saj lidhur me arrestimin e Netanyahut, duke deklaruar: “Nuk mund ta imagjinoj se do të ketë një arrestim në Gjermani.”
Në një ditë kur Hungaria njoftoi planet për t’u tërhequr nga vendimi i ICC-së, ministrja e Jashtme gjermane, Annalena Baerbock, e kritikoi ashpër këtë vendim, duke theksuar se ishte një ditë e keqe për të drejtën penale ndërkombëtare dhe duke kujtuar se në Evropë, askush nuk është mbi ligjin.
Traktati i Romës, që është dokumenti themelues i ICC-së, kërkon që shtetet anëtare të zbatojnë urdhrat e gjykatës. Si anëtare të ICC-së, edhe Hungaria dhe Gjermania janë të detyruara ligjërisht të arrestojnë Netanyahu nëse ai hyn në territorin e tyre. Megjithatë, vendimi i Hungarisë ka ngritur shqetësime dhe diskutime për zbatimin e ligjit ndërkombëtar dhe përgjegjësitë e shteteve anëtare të ICC-së.

Çmimet e naftës regjistruan një rënie të ndjeshme më 3 prill 2025, pas masave të reja tregtare të presidentit amerikan, Donald Trump. Rënia e çmimeve është lidhur me shqetësimet e tregjeve financiare për ndikimin që mund të ketë këto tarifa mbi rritjen ekonomike globale dhe kërkesën për naftë.
Çmimi i një fuçie nafte “West Texas Intermediate” (WTI), standardi amerikan, për dërgesë në maj, ra me 5,15%, duke arritur në 68,02 dollarë. Ndërkaq, çmimi i një fuçie nafte “Brent” të Detit të Veriut për dorëzimin e qershorit ra me 4,78%, duke u ulur në 71,37 dollarë.
Përveç pasigurisë nga tarifat e reja të Trump, OPEC-u njoftoi një rritje më të mprehtë të prodhimit të naftës se sa ishte pritur, që gjithashtu ka kontribuar në uljen e çmimeve të naftës.
Lajmet
Policia gjobit shoferin që drejtoi veturën në anën e kundërt në autostradë
Published
15 hours agoon
April 3, 2025By
UBT NEWS
Policia e Kosovës ka gjobitur një shofer me 500 euro pasi ai drejtoi veturën e tij në anën e kundërt të autostradës. Incidenti ka ndodhur në Autostradën “Dr. Ibrahim Rugova” dhe është bërë publik më 3 prill 2025 përmes një video-incizimi që u shpërnda në rrjetet sociale.
Shoferi ka marrë gjithashtu pesë pikë negative dhe i është ndaluar drejtimi i automjetit për një periudhë prej dymbëdhjetë muajsh. Mjeti është larguar nga trafiku përmes një kompanie të autorizuar për tërheqje. Policia, përmes një njoftimi, ka bërë të ditur se njësia për Kontroll të Autostradave në bashkëpunim me njësinë kufitare ka identifikuar dhe ndaluar shoferin që kryente shkeljen e rrezikshme në autostradë.
Lajmet
Zëdhënësit e Speciales: Gjykata e Hagës mban përgjegjës individët, jo grupet etnike, organizatat apo komunitetet
Published
15 hours agoon
April 3, 2025By
UBT NEWS
Zëdhënësit e Gjykatës Speciale, Michael Doyle dhe Angela Griep, kanë zhvilluar një konferencë për media, ku kanë sqaruar disa çështje lidhur me procesin gjyqësor që po zhvillohet në Hagë ndaj ish-krerëve të Ushtrisë Çlirimtare të Kosovës (UÇK). Gjatë konferencës, ata theksuan se Gjykata është e themeluar në përputhje me Kushtetutën e Kosovës dhe se përgjigjet për legjitimitetin e saj mund të gjenden aty. Ata nënvizuan se qëllimi i Gjykatës është të sigurojë gjykime të drejta, të pavarura dhe të paanshme për individët që ndiqen penalisht nga Prokuroria Speciale, si dhe për të mbrojtur dëshmitarët dhe për të siguruar dinjitetin e viktimave.
Zëdhënësit theksuan se Gjykata Speciale merret vetëm me përgjegjësi penale individuale dhe mbajnë përgjegjësi vetëm individët për krimet që u janë ngarkuar në aktakuzë. Ata gjithashtu sqaruan se Gjykata nuk merret me grupe etnike, organizata apo komunitete, por fokusohet tek përgjegjësia individuale.
Gjatë konferencës, ata përmendën edhe ankesën e mbrojtjes së Hashim Thaçit për pyetjet e bëra nga gjyqtarët ndaj dëshmitarëve, duke sqaruar se gjyqtarët kanë të drejtën dhe detyrën të bëjnë pyetje për të përcaktuar të vërtetën. Ata theksuan se kufizimi i mundësisë së gjyqtarëve për të bërë pyetje mund të cenonte rolin e tyre si gjetës të fakteve.

Rikthehet reshjet, parashikimi i motit për sot

Scholz: Nuk mund ta imagjinojë Netanyahun të arrestohet në Gjermani

Çmimi i naftës bie pas tarifave të Trump

Policia gjobit shoferin që drejtoi veturën në anën e kundërt në autostradë

Zëdhënësit e Speciales: Gjykata e Hagës mban përgjegjës individët, jo grupet etnike, organizatat apo komunitetet

Rubio: SHBA do të vijojë të qëndrojë në NATO, e rëndësishme forcimi i aleancës

Pse nuk duhet t’i mbyllni perdet gjatë ditës?

Kurti pret në takim ambasadorin suedez, flasin për aktualitetin politik në vend

Po bëni gabim, ja sa shpesh duhen pastruar furçat e grimit
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë