

Lifestyle
6 aftësitë udhëheqëse që i bëjnë punonjësit e thjeshtë më produktivë
Jini vazhdimisht mbështetës.
Published
4 years agoon
By
UBT newsShumë njerëz mendojnë që nuk kanë aspak fuqi në vendin e punës ku punojnë. Kjo është gabim, sepse pavarësisht se çfarë pozite keni aftësitë udhëheqëse janë ende të vlefshme.
Por kjo, sigurisht që nuk do të thotë të jepni urdhra, por të jeni në gjendje të udhëhiqni dhe të gjeni zgjidhje edhe në qoftëse nuk keni pozita udhëheqëse. Këto aftësi do t’ju ndihmojnë në karrierën tuaj të mëvonshme, kur të filloni të rriteni.
Rrisni një mendësi të mirë
Pasja e pamjes së mirë është një aftësi e shkëlqyeshme. Nëse shfaqni entuziazëm dhe pozitivitet, pavarësisht se çfarë pune bëni, njerëzit do ta vërejnë. Në shumë ditë, shumë gjëra mund të shkojnë tmerrësisht keq, por është personi i cili qëndron në këmbë e që është diçka që vlerësohet dhe respektohet.
Jini vazhdimisht mbështetës
Kur vjen koha që ta shfaqni udhëheqësin e brendshëm, ekipi është diçka themelore. Në qoftëse insistoni që t’i bëni gjërat në mënyrën tuaj apo të mundoheni që t’i impononi mendimet tuaja, duke i kontrolluar të tjerët, kjo do të krijojë mure dhe gjasat për të bashkëpunuar tani dhe më vonë janë shumë të vogla. Askush nuk e dëshironi një udhëheqës që bën gjëra kokë më vete. Njerëzit të cilët janë mbështetës, janë gjithmonë duke u munduar t’u shërbejnë të tjerëve. Gjithmonë mundoheni që të jepni ndjenjën “Çfarë mund të bëj për ju?” edhe në qoftëse nuk e thoni me zë.
Mësohuni të jini fleksibilë
Nëse dëshironi që të jepni përshtypje të mirë, punoni për t’u bërë dikush i cili është fleksibil dhe dikush i cili është në gjendje të lëvizë shpejt dhe lehtë. Janë personat e ngurtë ata të cilët nuk ia lejojnë vetes zhvillimin. Nëse dëshironi që të keni sukses, bëhuni ndikues, por gjithmonë duke mësuar se si të jeni fleksibilë!
Njerëzit mund të llogarisin në ju
Nëse njerëzit ju njohin si dikush në të cilin mund të llogarisin, kjo ju jep më shumë besueshmëri. Kur ju njohin që rrini përkrah të tjerëve dhe gjithmonë gati për të ndihmuar, ata do t’ju respektojnë. Sepse në shumicën e kohës është e vështirë të gjinden kolegë të tillë që janë gjithmonë aty. Pra, besimi që krijoni nga këto veprime përballë të tjerëve, bën që ata ta fitojnë besimin në ju edhe të krijoni reputacion shumë mbresëlënës.
Jini kreativë
Në pozitat aktuale, çfarë veprimet mund të ndërmerrni? Mendoni pra, se cilat praktika do të të ndihmonin në punë ty, por edhe të tjerëve dhe kompanisë! Nëse punoni me klientë dhe konsumatorë mendoni gjithmonë se çfarë veprimet mund t’u ndihmonin atyre, por edhe t’u pëlqenin! Andaj, përdorimi i kreativitetit në mënyrë të vazhdueshme do të nxisë procese dhe do t’ju bëj që të jeni gjithmonë më të dalluar.
Jepni merita aty ku duhet
Sa shpesh të ka ndodhur që t’i shihni kolegët, bashkëpunëtorët, madje edhe shefin duke i marrë meritat, kur ato nuk ishin të tyret? Të jesh udhëheqës edhe pa pasur pozitë të tillë, do të thotë që të jeni të gatshëm për t’i bërë të ditura kontributet e të tjerëve dhe t’i jepni meritat aty ku duhet.
Nëse filloni t’i rrisni aftësitë e udhëheqjes, suksesi do të jetë në punë do të jetë i pranishëm. E nëse mendoni që nuk keni aspak vlerë dhe fuqi në vendin tuaj të punës, atëherë edhe produktiviteti e me këtë edhe suksesi do të mungojë. /Akademi Pune
You may like
Lifestyle
Nuk është uji! Ja pija më e mirë për hidratim dhe lëkurë që shkëlqen
Published
1 week agoon
August 19, 2025By
UBT News
Të gjithë e dimë tashmë: pirja e mjaftueshme e ujit është një hap bazë (dhe i pazëvendësueshëm) për një lëkurë të hidratuar dhe të shëndetshme.
Por, sipas një studimi të publikuar në American Journal of Clinical Nutrition, ekziston një pije tjetër, që shumica e kemi në frigorifer dhe që hidraton edhe më mirë se uji: qumështi!
Dermatologia Dr. Hannah Kopelman, shpjegon se qumështi është efektiv si burim hidratimi falë përbërjes ushqyese. Ai përmban elektrolite si kaliumi dhe natriumi, karbohidrate dhe proteina, që ndihmojnë trupin të mbajë më gjatë lëngjet.
Kjo do të thotë se lëngjet nuk largohen menjëherë nga stomaku, duke i dhënë trupit kohë të gjatë për t’i përthithur, më mirë sesa me ujin e zakonshëm.
I pasur me vitamina si B12 dhe riboflavinë, dhe me aminoacide që ndihmojnë në riparimin e qelizave të lëkurës. Sipas Dr. Kopelman, është kaq efektiv, sa në disa raste mund të hidratojë më mirë edhe se pijet izotonike sportive. Legjendat për banjot e Kleopatrës me qumësht fillojnë të kenë më shumë kuptim tani.
A është pirja e qumështit sekreti për një lëkurë që shkëlqen?
Konsumimi i rregullt ndihmon në hidratimin e përmirësimin e shkëlqimit natyral të lëkurës, Dr. Kopelman thekson se nuk është zgjidhje magjike universale.
“Si dermatologe, ua kujtoj gjithmonë pacientëve se hidratimi i brendshëm ka ndikim te lëkura, por është vetëm një pjesë e mozaikut,” thotë ajo.
Nëse je mes atyre që kanë ndjeshmëri ndaj produkteve të bulmetit, vuajnë nga puçrrat hormonale a probleme tjera inflamatore të lëkurës, qumështi mund të jetë më shumë problem sesa zgjidhje. Por për pjesën tjetër, pirja e qumështit është bonus i mirë në rutinën e kujdesit për veten, jo zëvendësim për të.
Pra, rritja e konsumit të qumështit mund të të japë më shumë shkëlqim, por do të të duhet rutinë minimale me produkte për kujdesin e lëkurës për të parë ndryshimin e vërtetë. Nëse je vegane ose thjesht nuk pi produkte shtazore, mos u shqetëso, qumështi bimor si ai i tërshërës ose sojës, është i pasuruar me vitamina dhe minerale të ngjashme.
Lifestyle
Si të ruani fuqinë e trurit, dhe të mbeteni të fortë mendërisht?
Published
3 weeks agoon
August 6, 2025By
UBT News
6 këshilla për të mbrojtur trurin tuaj nga degradimi që i shkakton koha. Ashtu si çdo makinë të mirë, edhe truri ka nevojë për një farë kujdesi dhe vëmendje teksa koha kalon, për të garantuar që ai të vazhdojë të jetë në gjendje të mirë pune.
Sikur të kishte një manual të vetëm për mirëmbajtjen e tij, që të mund na tregonte sesi të kryhej rregullimi i imët i qarqeve të tij.
Fatkeqësisht, këshillat në dispozicion janë skontradiktore por “BBC Future” ka analizuar disa prej tyre nëpërmjet provave faktike.
Mos humbisni besimin tek aftësitë tuaja
A ju ndodh të ecni vërdallë në dhomë, vetëm për të zbuluar se keni harruar pse gjendeshit atje? Teksa njerëzit plaken, është e lehtë të kuptojnë përmes disa shenjave, se kujtesa e tyre tashmë po venitet. Në fakt, kjo ka po kaq gjasa të ndodhë si për të rinjtë, ashtu edhe për të moshuarit.
Dhe ne nuk duhet të jemi aq të shpejtë, sa të arrijmë në përfundimin më të keq, pasi dyshimet mund të bëhen një vetë-përmbushje e profecisë.
Gjatë 10 viteve të fundit, Daina Turon në Universitetin e Karolinës së Veriut, ka zbuluar se me kalimin e moshës, humbasin besimin në aftësitë tona mendore.
Ne mbështetemi në shumë paterica, si GPS i makinës apo blloku i shënimit në telefon. Duke dështuar të testojmë vetveten, përshpejtojmë rënien tonë.
Pra, nëse ju nguroni në hyrje të një dere, që në fakt nuk e dini se çfarë është, vetëm e shihni atë si një moment që ngacmon kujtesën tuaj.
Mbroni veshët tuaj
Mendja vuan, nëse ajo izolohet nga shqisat, ndoshta duke e tendosur me një vëmendje shtesë, e bllokuar nga stimulimi i dobishëm, humbja e dëgjimit duket se shkakton humbjen e materies gri të trurit. Sipas një studimi, kjo rrit rrezikun e dëmtimit njohës gjatë një periudhe 6-vjeçare me 24 përqind.
Cilado qoftë mosha tuaj, ia vlen që të marrësh parasysh situatat që mund të kontribuojnë në gjendjen e mirë të veshit tuaj. Dëgjimi i muzikës rok me zë të lartë për vetëm 15 sekonda në ditë, do të ishte i mjaftueshëm për të dëmtuar dëgjimin tuaj; madje edhe duke përdorur një tharëse flokësh për 15 minuta në ditë, mund të dëmtoni qelizat e vogla që perceptojnë tingujt.
Nëse mendoni se mezi dëgjoni, kërkoni ndihmë mjekësore duke prekur problemin në rrënjë, çka mund të frenojë dobësimin e mëtejshëm të dëgjimit.
Mësoni një gjuhë të huaj ose një instrument muzikor
Në vend të ndonjë trajnimi të pavlerë të trurit apo zgjidhjes së një fjalëkryqi, merrni në konsideratë një stërvitje më ambicioze mendore, si të mësuarit e pianos apo fillimi i përvetësimit të një gjuhë të re. Të dyja mbështeten tek një grup i gjerë aftësish, duke ushtruar kujtesën, vëmendjen, perceptimin tuaj ndijor dhe kontrollin motorik, teksa përpiqeni të përballoni shkallë të reja vështirësish ose tingujt e panjohur të fjalëve të reja.
Muzikantët kanë 60 përqind më pak gjasa për të vuajtur nga skleroza
Kjo praktikë duhet të t’iu ndihmojë për t’u bërë më të shkathët, me përfitime që zgjasin deri në moshën e thyer. Një studim vitin e kaluar, zbuloi se muzikantët kanë 60 përqind më pak gjasa për t’u prekur nga skleroza, sesa njerëzit që nuk luajnë asnjë instrument muzikor; një tjetër studim tregoi se mësimi i një gjuhë tjetër, mund të vonojë me 5 vjet fillimin e sëmundjes së Alzaimerit.
Duke e nxitur veten në këtë mënyrë ju ndihmon të vlerësoni aftësitë aktuale, nëse zbuloni se puna juaj është kërkuese, sa nuk ju lejon të përfitoni një aftësi të re, konsiderojeni veten me fat :profesionet më stimuluese, duket se i ndihmojnë njerëzit të ruajnë fuqitë mendore, edhe pse përfitimet nuk mund të zgjasin.
Shmangni ushqimet e rënda
Obeziteti mund të dëmtojë në shumë mënyra trurin. Rritja e nivelit të kolesterolit në arterie, mund të kufizojë rrjedhën e gjakut në tru, duke e privuar nga ushqimi dhe oksigjeni për të cilinka nevojë për të funksionuar. Për më tepër, neuronet janë të ndjeshme ndaj nivelit të hormonit insulinë.
Një dietë e rregullt me ëmbëlsira, ushqim kalorifik prishë sinjalizimin e insulinës, duke shkaktuar një reaksion zinxhir që shkakton krijimin në tru të pllakave vdekjeprurëse. Lajm i mirë është se disa ushqyes – si omega 3, acidet yndyrore dhe vitaminat D dhe B12, riparojnë dëmtimet në tru që lidhen me plakjen.
Kjo mund të shpjegojë arsyen, pse njerëzit e moshuar që hanë sipas një diete tipike mesdhetare, priren të shfaqin të njëjtat aftësi njohëse si njerëzit që janë 7 vite e gjysmë më të rinj.
Ndërtoni trupin tuaj
Bëjmë dallim ndërmjet trurit e muskulit. Fitimi i formave të mira, është një nga mënyrat më të sigurta për të ndërtuar mendjen. Aktiviteti jo vetëm që mundëson qarkullim të mirë të gjakut, shkakton rritje të nivelit të proteinave “faktori i rritjes nervore”, që stimulojë rritjen e mirëmbajtjen e lidhjeve nervore.
Përfitimet duken se shtrihen që nga djepi deri në varr: fëmijët që ecin në këmbë për të shkuar në shkollë, marrin nota më të mira, ndërsa shëtitja duket se rrit përqendrimin dhe kujtesën e pensionistit. Një shumëllojshmëri e gjerë ushtrimesh mund të ndihmojë, nga ushtrimet e lehta aerobike, te stërvitja përmes ngritjes së peshave dhe badibilldingut; thjesht zgjidhni një regjim trajnimi, që i përshtatet palestër tuaj aktuale.
Organizoni festa sikur të ishit 21-vjeç
E thënë thjesht, njerëzit janë qenie sociale, miqtë e të afërmit na stimulojnë sfidojnë të provojmë eksperienca të reja, na lehtësojnë stresin dhe pakënaqësitë.
Një studim mbi 70-vjeçarët zbuloi se individët më aktivë në aspektin shoqëror, kishin 70 përqind më pak gjasa të përjetonin rënien e aftësisë gjatë një periudhe prej 12 vjetësh, në krahasim me njerëzit me jetë më pak aktive sociale. Nga kujtesa te vëmendja në shpejtësinë e ërpunimit mendor, duket se përfiton nga kontaktet të rregullta me njerëzit e tjerë. Shkencëtarët dyshojnë se nuk ka asnjë plumb magjik për të trajnuar trurin tuaj.
Njerëzit që mplaken më mirë, kanë mënyrë jetese që përfshin pak nga të gjitha:një dietë të larmishme, aktivitete stimuluese, dhe një rreth miqsh të dashur.
Dhe, kjo nuk është një recetë për një tru të zgjuar, sesa për një jetë të shëndetshme dhe të lumtur.
Lifestyle
Parashikimi i motit për ditën e premte
Published
4 weeks agoon
August 1, 2025By
UBT News
Sot parashihet të mbajë mot me diell dhe vranësira të pakta.
Sipas Institutit Hidrometeorologjik të Kosovës, vranësirat parashihen te dendësohen dhe të sjellin riga shiu
Temperaturat minimale pritet të lëvizin nga 12 – 16°C, kurse ato maksimale: 23-28°C
Ndërkaq, era pritet të fryej nga verilindja, 1–5 m/s. /
Lifestyle
Katër fajtorët e padukshëm për rrudhat: Nga dielli tek ëmbëlsirat
Published
2 months agoon
July 11, 2025By
UBT News
Fajtorët që s’i shihni. Përderisa lëkura është duke u plakur vazhdimisht, sasitë e tepërta të sheqerit u’a shpejtojnë edhe më shumë këtë proces.
Ka disa gjëra në jetë që e shpejtojnë procesin e plakjes, shpesh nuk vërehen menjëherë. Ekspertët kanë treguar se cilët janë shkaktarët kryesorë të rrudhave.
Sheqeri
A ju pëlqejnë gjërat e ëmbla? E vërteta e hidhur është se kur konsumoni shumë sheqer, lëkura futet në një proces të quajtur glication, kjo e shkakton trupin të ndalojë të prodhojë proteina si kolagjeni dhe elastini, ku që të dyja e bëjnë lëkurën të duket e re dhe e bukur. Veç kësaj, sheqeri është agjent dehidratues, që nënkupton se vetëm e dobëson më shumë shëndetin e lëkurës.
Ndotja
Nëse jetoni në një zonë me ajër të ndotur apo jeni duhanpirëse, shanset janë se lëkura vuan nga stresi oksidativ që shkaktohet nga mos balancimi i rrezatimeve të lira – molekula që i dëmtojnë qelizat. Stresi oksidativ zvogëlon rreziqet e kolagjenit dhe elastinit në indet e lëkurës.
Rrezet ultravjollcë
Shpeshherë mendohet se gjendja e lëkurës ka të bëjë me gjenet, por gjenet e mira nuk nënkuptojnë se ju nuk mund ta dëmtoni ADN-në dhe ta shpejtoni procesin e plakjes. Dëmi gjenetik, apo mutacioni i ADN-së, kryesisht shkaktohet nga inflamacioni dhe dëmet e rrezeve ultravjollcë.
Përgjatë kohës, rrezet ultravjollcë të diellit i dëmtojnë fibrat e elastinit në lëkurë , e që pastaj e dëmtojnë shëndetin e lëkurës.
Kujdesi ndaj lëkurës
A jeni duke i përdorur produktet e gabuara?
Lëkura nga natyra është acidike, prandaj produktet e gabuara mund ta dëmtojnë atë më shumë.

Regjistrohu tani në Gjuha Angleze në UBT dhe përfito bursë 20%

Në zyrën e Ivica Daçiqit mbërrin një zarf me tre plumba

U përurua çerdhja e re për 60 fëmijë në Fushë Kosovë

Kurti për akuzat ndaj UÇK-së: Manipulohet një kapitull për të cilin Basha s’ka faj

Supremja hodhi poshtë ankesën e VV-së kundër vendimit të PZAP-së për Listën Serbe

Presidentja Osmani kërkon zgjidhje urgjente për konstituimin e Kuvendit

FSK-ja realizon ushtrimin fushor “Ujku shigjetë” pesë ditë

Hoti: Janë gjetur mbetjet mortore të nëntë personave të zhdukur, pesë lokacione pritën të hapen

Një vdekje e dyshimtë në Skenderaj
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA