Kulturë

5 teknika të agjentëve të CIA-s për të ndërtuar një raport të mirë me kolegët e punës

Gjeni mënyra për t’u bërë individë të plotësuar.

Published

5 years ago

on

Të pasurit e kolegëve që besojnë tek ju është themeli i suksesit në vendin e punës. Pa të, kolegët tuaj mund të hezitojnë t’ju mbështesin ju apo idetë tuaja. Besimi – ose mungesa e tij – mund të bëjë diferencën mes përmbushjes së qëllimeve tuaja dhe dështimit të tyre.

Në një raport të publikuar së fundmi në Harvard Business Review, një ish- analiste e Agjencisë Qendrore të Inteligjencës Amerikane (CIA), tregon disa nga rregullat kryesore të ndjekura nga agjentët e CIA-s për të pasur një marrëdhënie kuptimplotë dhe produktive me kolegët e tyre.

Gjeni mënyra për t’u bërë individë të plotësuar.

Në mënyrë që të keni mundësi të flisni për tema të ndryshme me të tjerët, fillimisht ju duhet të vendosni për interesat dhe cilësitë tuaja si individë. A ka diçka që keni dashur gjithnjë ta mësoni? Në botë, ka mënyra të pafundme për të mësuar një aftësi të re duke ndjekur klasa nga njerëz në të gjithë botën, pa qenë nevoja të dilni nga dera e shtëpisë. Nga një MasterClass për ekonominë, tek kurset e qepjes apo gatimit e deri tek klubet e librave virtual, lista vazhdon.

Fokusimi tek gjetja e kohës pas pune për t’iu dedikuar një interesi që e keni lënë pas dore, ju ndihmon të ndërtoni personalitetin tuaj. Edhe pse mund të jetë e vështirë të gjesh kohë kur mendon të gjithë streset e punës dhe preokupimet në shtëpi, vendosja e një rutine dhe mbajtja e një agjende, janë hapat e parë drejtë realizimit të çdo lloj projekti.

Mos u shtirni.

Ndërtimi i besimit është tejet i vështirë nëse nuk jeni autentik. Kur jeni në hapat e para të ndërtimit të një marrëdhënieje në punë, mundohuni të gjeni tema të përbashkëta për të cilat jeni vërtetë të interesuar, jo të shtireni. Nëse nuk gjeni dot mënyrën se si të kuptoheni me dikë – provoni të mësoni diçka rreth interesave të tyre. Vendosja e vetes në pozicionin e studentit, dhe e personit tjetër në rolin e mësuesit mund të jetë një taktikë mjaft e mirë për të ndërtuar besim në një mënyrë shumë më të vërtetë.

Dëgjoni.

Kur po ndërtoni një raport me dikë, kujtohuni se në përgjithësi, njerëzve u pëlqen të flasin për veten dhe interesat e tyre. Është OK të flasësh edhe për veten – dhe do t’ju duhet ta bëni këtë në mënyrë që të ndërtoni raporte, por bëjeni në një mënyrë që i jep edhe bashkëbiseduesit hapësirë për të ndarë mendime me ju.

Jep që të marrësh.

Në mënyrë që të fillojmë një bisedë, shpesh na duhet të ndajmë ndonjë informacion personal që t’ia bëjmë edhe të tjerëve më të lehtë të flasin për veten. Kjo është një teknikë që CIA i mëson agjentëve gjatë fazës së trajnimit, rreth ndërtimit të raporteve me objektivët e inteligjencës. Por kjo taktikë është po aq e rëndësishme në marrëdhëniet e biznesit. Nëse po shpresoni që një koleg t’ju hapet për diçka, ndërtojeni bisedën në një mënyrë që edhe ju ndani me ata një situatë të ngjashme. ‘Jep që të marrësh’ është një teori po aq e rëndësishme në aspektin e arritjes së kompromiseve gjatë negociatave siç është edhe një mënyrë e mirë për të thyer akullin me një koleg.

Mbani shënime.

Njësoj si agjentët e CIA-s mbajnë një ditar kur shkruajnë raportet pas takimeve të tyre, konsideroni edhe ju të mbani shënime rreth gjërave që mësoni rreth njerëzve apo që ju bëjnë përshtypje në përgjithësi. Të shkruarit, dhe mbajtja e një ditari apo blloku ku planet dhe dëshirat bëhen realitet me anë të një plani të detajuar pune, ka qenë gjithnjë, një prej karakteristikave të njerëzve më të suksesshëm në botë.

Bazuar në një artikull nga ish-analistja e inteligjencës në CIA dhe autorja, Kristina Hillsberg.

Related Topics:
Continue Reading

Lajmet

Ndahet nga jeta në moshën 86-vjeçare aktori i njohur britanik Sir Patrick Stewart

Published

2 days ago

on

October 30, 2026

By

Aktori i njohur britanik Sir Patrick Stewart, i shquar për rolet e tij ikonike si Kapiten Jean-Luc Picard në “Star Trek” dhe Profesor Charles Xavier në sagën “X-Men”, ka ndërruar jetë në moshën 86-vjeçare në shtëpinë e tij në Los Angeles. Njoftimi u bë i ditur përmes llogarisë së tij zyrtare në Instagram, ku u konfirmua se ai u ndaj nga jeta të mërkurën, më 28 tetor, pas një beteje të shkurtër me sëmundjen e Alzheimerit dhe demencën me trupat Lewy.

Në deklaratën zyrtare thuhet se Stewart u ndaj nga jeta i rrethuar nga bashkëshortja e tij, Sunny, si dhe familjarët e miqtë e ngushtë. Përveç karrierës së tij të bujshme në kinematografi dhe televizion, ai u vlerësua lart si një nga aktorët më të mëdhenj të skenës teatrale, fitues i dy çmimeve “Laurence Olivier” dhe një çmimi “Grammy”, ndërsa në vitin 2010 u dekorua me titullin “Kalorës” nga Mbretëresha Elizabeth II.

Karriera e tij e pasur përfshin dekada pune në teatër dhe film, ndërsa roli i tij i fundit i xhiruar do të shfaqet në filmin “Avengers: Doomsday”. Ndarja e tij nga jeta ka nxitur reagime të shumta dhe ngushëllime nga koleget, industria e artit dhe adhuruesit e tij në mbarë botën. /The Guardian/

 

Continue Reading

Lajmet

“SARA” e Burim Halitit garon në festivalin ndërkombëtar në Milano

Published

3 days ago

on

October 29, 2026

By

Filmi dokumentar “SARA”, me regji nga Burim Haliti, është përzgjedhur në konkurrencën zyrtare të edicionit të 44-t të Festivalit Ndërkombëtar “SPORT MOVIES & TV 2026”, i cili po mbahet nga 30 tetori deri më 2 nëntor në Milano të Italisë.

Ky festival, i organizuar nga Federata Ndërkombëtare e Kinemasë dhe Televizionit Sportiv (FICTS), është i vetmi në këtë kategori i njohur zyrtarisht nga Komiteti Olimpik Ndërkombëtar (KOK). Ngjarja shërben si grand-finalja e rrjetit global “World FICTS Challenge”, që përfshin 27 festivale në pesë kontinente.

Shfaqja e dokumentarit të Halitit do të bëhet më 30 tetor, në orën 12:30, në “Cinema Centrale – Sala 2” në Milano. Përzgjedhja e filmit u realizua me mbështetjen e Komitetit Olimpik të Kosovës, i cili mundësoi dërgimin e tij për shqyrtim para jurisë prestigjioze ndërkombëtare. /A.K/

Continue Reading

Lajmet

Bogujevci viziton përgatitjet për festivalin “Akordet e Kosovës”

Published

3 days ago

on

October 29, 2026

By

Ministrja e Kulturës, Saranda Bogujevci, ka vizituar sallën “1 Tetori” në Prishtinë, ku po zhvillohen përgatitjet për edicionin e katërt të Festivalit të Këngës “Akordet e Kosovës”, që organizohet nga Radio Televizioni i Kosovës (RTK).

Gjatë vizitës, ajo ka parë nga afër skenografinë e realizuar nga Vesë Kraja dhe punën e ekipit organizues, vetëm dy ditë para nisjes së festivalit.

“Me një pjesë të ekipit të festivalit ‘Akordet e Kosovës’, duke parë nga afër përgatitjet dhe punën e mrekullueshme që po bëhet për festivalin, i cili nis këtë të premte në sallën ‘1 Tetori’”, ka shkruar Bogujevci në Facebook.

Ajo është pritur nga drejtoresha e përgjithshme e RTK-së, Zana Spahiu, drejtoresha e festivalit, Arta Avdiu, u.d. kryeredaktorja e RTK-së, Venera Xhoxhaj, si dhe punonjës të tjerë të transmetuesit publik.

Festivali i këtij viti do të zgjasë tri net, duke sjellë interpretime muzikore dhe artistë mysafirë. Një hapësirë e veçantë do t’u kushtohet edhe talenteve të reja përmes Festivalit të Fëmijëve, që do të mbahet më 1 nëntor.

Rikthimi i emrit historik “Akordet e Kosovës” synon të nderojë artistët që ndër dekada kanë kontribuar në zhvillimin e muzikës shqipe.

Organizatorët kanë paralajmëruar tri mbrëmje muzikore në Prishtinë, me synimin që festivali të sjellë para publikut artistë të njohur dhe zëra të rinj.

/A.K/

Continue Reading

Lajmet

IKTK raporton rritje të të ardhurave dhe investimeve në trashëgiminë kulturore

Published

5 days ago

on

October 27, 2026

By

Instituti Kombëtar i Trashëgimisë Kulturore (IKTK) ka publikuar të dhënat për nëntëmujorët e parë të viteve 2024, 2025 dhe 2026, duke evidentuar rritje të të ardhurave, investimeve dhe projekteve të konservimit e kërkimit arkeologjik.

Sipas të dhënave të institutit, të ardhurat janë rritur me 93 për qind krahasuar me vitin 2025, ndërsa investimet në pasurinë kulturore kanë shënuar rritje prej 400 për qind.

Edhe projektet e konservimit, restaurimit dhe kërkimit arkeologjik kanë shënuar rritje të ndjeshme. Numri i tyre është rritur me 282 për qind krahasuar me vitin 2024 dhe me 133 për qind në raport me vitin 2025.

Gjatë nëntë muajve të parë të vitit 2026, janë identifikuar 21 site të reja arkeologjike në disa zona të Shqipërisë, përfshirë Shkodrën, Lezhën, Lushnjën, Fierin, Korçën, Ersekën, Pogradecin, Divjakën dhe Sarandën.

Të dhënat tregojnë gjithashtu rritje prej 279 për qind të monitorimeve arkeologjike krahasuar me vitin 2025.

Në kuadër të forcimit të kuadrit rregullator, numri i akteve nënligjore të miratuara ka arritur në tetë gjatë vitit 2026. Ndërkohë, aktmarrëveshjet për monitorimin arkeologjik janë rritur me 32 për qind krahasuar me vitin 2025 dhe me 164 për qind në raport me vitin 2024.

Sipas IKTK-së, këto të dhëna pasqyrojnë zgjerimin e veprimtarisë në fushën e mbrojtjes, konservimit dhe studimit të trashëgimisë kulturore./atsh/A.K/

Continue Reading

Të kërkuara