

Lifestyle
5 pije të shijshme për një lëkurë perfekte
Published
4 years agoon
By
UBT newsNëse duam lëkurë dhe flokë të shëndetshëm, nuk duhet të mbështetemi vetëm tek kremrat dhe produktet që aplikojmë në to: një pjesë e madhe varet edhe nga ushqimet që hamë.
Përveçse duke ngrënë shëndetshëm, mund t’i jepni një dorë epidermës suaj me pije që ju ndihmojnë të keni një lëkurë të butë dhe të shndritshme.
Sigurisht uji është baza themelore për t’ia nisur: Të qenit të hidratuar jo vetëm na bën mirë për shëndetin, por edhe për bukurinë. S’ka rëndësi se sa produkte të shtrenjta përdorni, nëse nuk pini mjaftueshëm ujë, lëkura juaj nuk do ta arrijë kurrë potencialin e saj sepse veshkat nuk funksionojnë në regjim të plotë, duke kompromentuar shëndetin tuaj. Për t’ju ndihmuar të pini më shumë ujë dhe të keni një lëkurë perfekte, ja pijet që duhet të provoni:
Antioksidante
Një miks frutash që siguron një sasi të lartë vitaminash, ideale për të ruajtur shkëlqimin e lëkurës. Pijeni këtë pije në mëngjes për t’i thënë lamtumirë fryrjes. Për ta përgatitur, mjafton të merrni një grusht mjedrash dhe 3 lugë gjelle kokrrash shege.
Detox
Prisni dy limona dhe shtrydheni lëngun në një gotë. Prisni në feta një kastravec dhe bashkojeni me limonta. Merrni disa gjethe menteje, shtrydhini në pëllëmbë dhe shtojani mix-it. Shtoni një litër ujë natyral dhe lëreni një orë në frigorifer në mënyrë që përbërësit të lëshojnë shijen.
Rigjeneruese
Një miks luleshtrydhesh, limoni dhe borziloku do t’i japë shumë benefite lëkruës suaj duke e bërë të duket më e re pas largimit të toksinave. Prisni 5 luleshtrydhe në copa, merrni një fetë limoni dhe një disa gjethe borziloku dhe hidhini në një shishe ose gotë të madhe. Shtoni ujë dhe lërini 20 minuta para se ta pini.
2 në 1
Kjo përzierje funksionon shumë mirë jo vetëm si pije, por edhe si tonik për fytyrën. Një dozë freskie që do të hidratojë menjëherë lëkurën dhe do t’ju japë vitaminat e duhura për të shkëlqyer. Prisni kastravecin në feta të holla dhe shtojeni në një shishe ku keni hedhur ujë kokosi. Përziejini dhe lërini në frigorifer për 20 minuta.
Çaji jeshil
Për dembelët që nuk kanë kohë ose dëshirë të blejnë fruta të freskëta dhe të presin kohën e duhur që ato të lëshojnë shijen në infuzion, u vjen në ndihmë çaji jeshil, një pije me antioksidantë që mbrojnë lëkurën nga rrezet UV dhe minimizojnë mundësitë për t’u djegur nga dielli.
You may like
Lifestyle
Meditimi e largon stresin dhe ju furnizon me energji
Published
3 days agoon
April 26, 2025
Në një botë plot zhurmë e stres, ndalo për një moment… mbyll sytë dhe merr frymë thellë.
Nëse jeni person i mbushur me stres nga jeta personale apo profesionale dhe çdo ditë keni nevojë për më shumë energji, atëherë duhet ta keni në konsideratë meditimin.
Meditimi është një mënyrë e mahnitshme për ta zvogëluar stresin. Kur meditoni, ju keni kohë të reflektoni dhe ta relaksoni mendjen dhe trupin.
Ka plot mënyra se si mund të meditoni. Mund edhe të luteni nëse keni dëshirë. Mund të relaksoheni herët në mëngjes në park dhe të thithni ajër të freskët nën ambientin e zërave të zogjve dhe njerëzve që flasin në distancë.
Meditimi ju ndihmon ta rritni kapacitetin për relaksim dhe ta përmirësoni shëndetin kardiovaskular sepse përqendroheni në frymëmarrje.
Gjatë meditimit, trupi kalon në gjendje relaksimi të thellë, ndihmon në uljen e nivelit të kortizolit hormonit të stresit e përmirëson përqendrimin e vetëdijen.
Kjo qetësi mendore ndihmon jo vetëm në largimin e tensioneve emocionale, por dhe në rritjen e energjisë dhe përmirësimin e mirëqenies së përgjithshme
Nëse Buda ka praktikuar meditimin dhe është lidhur me anën e tij shpirtërore, atëherë edhe ju mund ta bëni këtë!
Çdo minutë që i kushton vetes përmes meditimit, është një hap drejt një versioni më të qetë, më të fokusuar dhe më të lumtur të vetes.

Nëse po të bien flokët, duken të holluar, pa jetë apo thjesht kërkon më shumë volum dhe shkëlqim – zgjidhja ndoshta nuk është vetëm në shampo apo trajtime të jashtme.
Ajo që ha ndikon direkt në shëndetin e flokëve. Rrënjët e flokëve janë të gjalla dhe si çdo pjesë tjetër e trupit, kanë nevojë për ushqyes të mirë për të prodhuar flokë të fortë dhe të shëndetshëm.
Më poshtë janë disa nga ushqimet më të fuqishme për të nxitur rritjen e flokëve dhe për të rritur volumin në mënyrë natyrale.
Salmoni për shkëlqim natyral
Peshqit si salmoni, sardelet dhe skumbria janë të pasur me yndyrna të shëndetshme omega-3. Trupi nuk i prodhon vetë këto yndyrna, duhet t’i marrësh nga ushqimi. Omega-3 ndihmojnë në mbrojtjen e trupit nga sëmundjet, por janë të rëndësishme për rritjen e flokëve e për t’i mbajtur të shëndetshëm.
Kosi grek për rritjen e flokëve
I pasur me proteinë, që është baza kryesore për ndërtimin e flokëve. Ai përmban një vitaminë të quajtur vitamina B5 (acid pantotenik), e cila ndihmon në përmirësimin e qarkullimit të gjakut në kokë dhe nxit rritjen e flokëve. Kjo vitaminë mund të ndihmojë gjithashtu kundër rënies apo hollimit të flokëve. Nëse ke parë etiketa në produkte për flokët apo lëkurën, mund të kesh parë këtë përbërës.
Spinaqi për flokë të fortë, jo të brishtë
Ashtu si shumë perime të gjelbra me gjethe, spinaqi është i mbushur me lëndë ushqyese të mrekullueshme. Ai përmban vitaminë A, hekur, beta-karoten, acid folik dhe vitaminë C. Këto përbërës punojnë për të mbajtur skalpin të shëndetshëm dhe për të parandaluar thyerjen dhe thatësinë e flokëve. Nëse do një ndryshim, edhe lakra jeshile (kale) është një alternativë shumë e mirë.
Drithëra të pasuruara me hekur për të parandaluar rënien e flokëve
Mungesa e hekurit mund të shkaktojë rënien e flokëve. Fatmirësisht, hekuri mund të gjendet në drithëra, makarona apo bukë të pasuruara me këtë mineral, por edhe te soja, thjerrëzat dhe mishi i kuq, sidomos te mëlçia. Gjithashtu, shumë perime me gjethe të errëta dhe fruta deti janë burime të mira hekuri.
Patatet e ëmbla kundër flokëve të thatë dhe pa shkëlqim
Nëse flokët janë të thatë e pa jetë, patatet e ëmbla janë zgjidhje e shkëlqyer, përmbajnë antioksidues beta-karoten, që trupi e kthen në vitaminë A. Kjo vitaminë ndihmon skalpin të prodhojë yndyrën natyrale që mbron flokët nga tharja. Beta-karoteni gjendet edhe në karrotë, kungull, pjepër dhe mango.
Vezët për rritje dhe forcim
Vezët janë burim i mirë proteine dhe hekuri, dy përbërës që ndihmojnë shumë në rritjen e flokëve. Ato përmbajnë gjithashtu biotin, një lloj i vitaminës B që ndihmon në rritjen dhe forcimin e flokëve. Mungesa e biotinës mund të shkaktojë rënie të flokëve. Ajo ndihmon edhe në forcimin e thonjve të brishtë.

Provojeni në mënyrën e vjetër, më të mirë kurrë nuk keni pasur rastin të pini! Ka diçka të veçantë në kafen turke.
E para dhe themelorja, për kafe të mirë turke është e nevojshme përzierja cilësore e mos kurseni në të, pini për t’u kënaqur, jo vetëm sa për ta pirë.
E dyta, pakkush e di që për kafen turke për fillim uji nuk duhet të vlojë!
Në xhezve uji nxehet deri mu para vlimit, pastaj hiqet nga zjarri. Një pjesë e ujit qitet në filxhan, ndërkaq në pjesën tjetër shtohet kafja (nga një lugë të vogël të plotë për çdo filxhan apo më shumë nëse filxhanët janë të mëdhenj apo nëse dëshironi kafe shumë të fortë).
Përzieni të mos mbeten droçka, ktheni në zjarr, kur të bymehet deri në skajin e xhezves hiqeni nga zjarri e shtoni ujin të cilin e keni qitur në filxhan.
Sërish ktheni në zjarr e lëreni të vlojë. Hiqeni nga zjarri, prisni pak e shtoni një lugë ujë të ftohtë, kafja do të jetë e gatshme për t’u pirë.
Gabimet themelore te përgatitja e kafes:
– Përzierja e tepërt e shkatërron shijen;
– Lënia që disa herë të ngrihet deri në skajin e sipërm të xhezves shkatërron shkumën dhe ndryshon shijen e kafes;
– Përzierja pasi që kafja të jetë e vluar, shumë e nxehtë dhe e hequr nga zjarri gjithashtu do të ndryshojë shijen e pijes së parapëlqyer të mëngjesit;
– Nëse kafja ëmbëlsohet, sheqerin më së miri është t’ia shtoni derisa është uji i ftohtë në xhezve, para zierjes së kafes.
Provoni, edhe vetë do të bindeni që shija është ndryshe – më e mirë. /UBT News/
Lifestyle
Si të shpëtojmë nga thembrat e çara? Këshilla për këmbë të lëmuara dhe të kuruara
Published
2 weeks agoon
April 16, 2025
Thembrat e çara janë një problem i zakonshëm, veçanërisht pas verës kur këmbët janë të ekspozuara ndaj diellit dhe këpucët e hapura. Përveç pamjes së shëmtuar, lëkura e plasaritur mund të bëhet një vend ideal për zhvillimin e infeksioneve kërpudhore dhe baktereve, kështu që kujdesi i rregullt i këmbëve është i rëndësishëm.
Një nga trajtimet natyrale dhe të thjeshta që mund të mos e keni provuar më parë përfshin vetëm një ushqim – limonin. Kjo metodë është e thjeshtë dhe me aplikim të rregullt mund të japë rezultate çuditërisht të mira.
Gjithçka që duhet të bëni është të merrni një limon të madh, ta prisni në gjysmë, ta vendosni në thembra, të vendosni çorape sipër dhe ta lini aty për rreth 30 minuta. Acidi citrik ndihmon në heqjen e qelizave të vdekura të lëkurës dhe zbutjen e zonave të vrazhda, duke e lënë lëkurën më të butë dhe më të lëmuar.
Përveç limonit, kujdesin e këmbëve mund ta kompletoni duke përdorur vajra natyralë, ulliri apo kokosi. Aplikuar drejtpërdrejt në këmbë ose duar, ndihmojnë në rivendosjen e lagështirës e parandalimin e tharjes. Vishni çorape gjatë natës pasi të keni aplikuar një hidratues të pasur.
Dermatologët këshillojnë që ky trajtim të përsëritet disa herë në javë për të arritur rezultatet më të mira të mundshme, sidomos për thembra të thata dhe të çara. Gjithashtu, mos harroni rutinën e përditshme të kujdesit, veçanërisht pas dushit. Rekomandohet të aplikoni një shtresë vazelinë ose krem ushqyes menjëherë pas dushit. Kujdesi i rregullt, përbërësit natyralë dhe pak vëmendje mund të bëjnë një ndryshim të madh.

Kremlini refuzon ofertën e Zelenskyt për armëpushim 30-ditor

Emërohet ambasadori i ri i Italisë në Kosovë

Von der Leyen: BE po punon për të rindërtuar rrjetin në Gadishullin Iberik

Republika Çeke kërkon rifillimin intensiv të procesit të zgjerimit të BE-së

Murati: Bllokada e Kuvendit po pengon dorëzimin e Kornizës Afatmesme të Shpenzimeve dhe ndarjen e granteve komunale

Dita Ndërkombëtare e Kërcimit, Baryshnikov personazhi i vitit 2025

Protesta në Shkup: Prindërit e viktimave në Koçan kërkojnë përgjigje

Ambasada e Japonisë i dhuron grant QKMF-së në Deçan

Von der Leyen: Pres me padurim të punoj me Carneyn për tregti të lirë dhe të ndershme
Të kërkuara
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet3 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Kulturë1 month ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur