Kronika e zezë

44-vjeçari nga Kosova dënohet në Zvicër pasi ngacmoi seksualisht kolegen e tij

Publikuar

3 vjet më parë

më

Gjykatësi i Gjykatës Penale të Zugut e ka dënuar 44-vjeçarin kosovar për ekzibicionizëm dhe ngacmim të shumëfishtë seksual.

Ai është 44 vjeç, i martuar, baba i tre fëmijëve dhe donte të bindte një kolege të re për cilësitë e tij “si burrë” por me metoda nganjëherë brutale.

Gjykatësi i Gjykatës Penale të Zugut e ka dënuar 44-vjeçarin kosovar për ekzibicionizëm dhe ngacmim të shumëfishtë seksual, shkruan gazeta Luzerner Zeitung.

Dënimi që i është shqiptuar për këto vepra penale është 60 njësi ditore prej 100 frangash (periudha e provës: dy vjet) dhe një gjobë prej 2,000 frangash. Zyra e prokurorit publik ka apeluar kundër vendimit. Për këtë arsye departamenti penal i Gjykatës së Lartë Zug po merret me lëndën.

Prokurori publik ka kërkuar që i dënuari të shpallet fajtor edhe për tentativë shtrëngimi seksual dhe abuzim të një sistemi të telekomunikacionit, përveç ngacmimeve të shumta seksuale.

Për këto, sipas prokurorisë duhet të shqiptohet dënimi me kusht prej dhjetë muajsh dhe një gjobë.

Departamenti penal i Gjykatës së Lartë ka mbështetur vendimin e gjykatës më të ulët, por ka dyfishuar gjobën në 120 njësi ditore prej 100 frangash me një periudhë prove prej dy vjetësh.

Por, ajo nuk e ka shpallur atë fajtor për tentim sulmi seksual ose keqpërdorim të sistemit të telekomunikacionit.

Babai i martuar i tre fëmijëve punonte si përgjegjës në një kantier ndërtimi në kantonin Zug. Ai i kishte vënë syrin koleges së tij 22-vjeçe e cila ishte punësuar përkohësisht në atë kantier.

Sipas fakteve të përshkruara në aktgjykimin e gjykatës së lartë, burri i ishte afruar punëtores së re që në fillim dhe i kishte kërkuar numrin e telefonit.

Ajo ja kishte dhënë numrin sepse kishte supozuar se ishte e detyruar ta bënte këtë, pasi, duke qenë përgjegjës pune, ai ishte supozuar të jetë eprori i saj.

Që nga ai moment ishte përshkallëzuar situata. Pasi ai i kishte kërkuar asaj që ta linte ta puthte – gjë që ajo e kishte refuzuar “qartë” sipas gjykimit – ai i ka shkruar dhe dërguar asaj mbi 30 mesazhe në një ditë, disa prej tyre banale, përfshirë kërcënimet për përdhunim.

Një herë, shkruan prokurori publik në apelin e tij, 44-vjeçari i qe afruar gruas së re pa u vënë re, e kishte kapur, ngritur dhe shtyrë përpara në një dhomë. Aty ai ishte ekspozuar para saj, dhe i kishte kërkuar të prekte organet gjenitale të tij . Por, ajo e kishte larguar atë.

Sipas zyrës së prokurorit publik, kosovari e kishte krijuar me qëllim këtë situatë dhe kishte pritur derisa e kishte gjetur viktimën vetëm.

Sipas gjykatës së lartë, nga deklaratat e gruas nuk është e qartë se i akuzuari ka rezistuar kur ajo e ka larguar atë ndërsa ai e kishte ngacmuar, përcjell albinfo.ch. Një rezistencë e tillë nga ana e të akuzuarit do të ishte e nevojshme për përmbushjen e veprës së shtrëngimit seksual.

Edhe nëse gruaja tani thotë, “është e mundur që i akuzuari të jetë mbrojtur pak kundër shtyrjes së saj, por nuk ka pasur grindje”, kjo deklaratë bie në kundërshtim me atë të mëparshmen. Prandaj, në këtë rast duhet të vendoset sipas parimit “indubio pro reo – në rast dyshimi për të akuzuarin”.

Ngacmimi seksual me fjalë

Ngacmimi seksual mund të ndodhë si përmes fjalëve të shkruara ashtu edhe të folura. Gjykata e lartë e sheh këtë njësoj si gjykata e ulët. Po kështu, fakti i ekzibicionizmit, del i përmbushurpasi i akuzuari kishte ekspozuar organin seksual.

Gjykata e lartë ka dyfishuar gjobën për të akuzuarin i cili nuk kishte precedentë penalë. Dënimi i është dhënë sepse ai e dinte që gruaja i urrente veprimet e tij dhe nuk donte të kishte asnjë kontakt me të. Por ai nuk ishte zmbrapsur, gjë që dëshmon për një “qasje perfide dhe energji të konsiderueshme kriminale”.

Kështu, tashmë i dënuari duhet të paguajë kostot procedurale të gjykatës së ulët, rreth 6000 franga, dhe gjysmën e atyre të procesit të apelimit, rreth 1600 franga.

Ai duhet t`i kompensojë shtetit për kostot e mbrojtjes zyrtare sapo ta lejojnë rrethanat ekonomike.

Etiketa
Vazhdo të lexosh

Kronika e zezë

​Hyn ilegalisht nga Serbia, ndalohen dy serbë

Publikuar

2 ditë më parë

më

2 Maj, 2024

nga

Një automjet me targa të huaja është ndaluar afër vijës kufitare të Republikës së Kosovës nga Serbia, në të cilën gjendeshin dy shtetas të Serbisë, të cilët dyshohet të kenë kryer veprën e lartëcekur.

Ata janë ndaluar mbrëmë në Berberishtë të Leposaviqit, lidhur me rastin është njoftuar prokurori dhe rasti shkon në procedurë të rregullt.

Vazhdo të lexosh

Kronika e zezë

​Qëndrim Januzi dënohet me 17 vjet burgim për vrasje në Ferizaj

Publikuar

4 ditë më parë

më

30 Prill, 2024

nga

Gjykata Themelore në Ferizaj ka shpallur aktgjykim dënues ndaj të pandehurit Q.J., për shkak të veprave penale vrasja nga neni 172; mbajtja në pronësi, kontroll ose posedim të paautorizuar të armëve nga neni 366 paragrafi 1 të Kodit Penal të Republikës së Kosovës (KPRK).

Gjykata Themelore në Ferizaj nëpërmjet një komunikate, thekson se përkatësisht trupi gjykues, pas mbajtjes së shqyrtimit gjyqësor dhe administrimit e të gjitha provave personale dhe materiale, të pandehurin Q.J., e shpalli fajtor dhe të njëjtin e gjykoi për veprën penale vrasja nga neni 172 të Kodit Penal të Republikës së Kosovës (KPRK) me dënim burgimi në kohëzgjatje prej gjashtëmbëdhjetë vjet, si dhe për veprën penale mbajtja në pronësi, kontroll ose posedim të paautorizuar të armëve të Kodit Penal të Republikës së Kosovës (KPRK) i shqiptoi dënim burgimi në kohëzgjatje prej një vit e gjashtë muaj.

“Konform nenin 76 të KPRK-së, trupi gjykues të pandehurit i shqiptoi dënim unik burgimi në kohëzgjatje prej shtatëmbëdhjetë vjet, në të cilin dënim do ti llogaritet koha e kaluar në paraburgim, i cili dënim do të ekzekutohen pas plotfuqishmërisë së këtij aktgjykimi. Konform nenin 366 paragrafi 1 nën paragrafi 1 të KPP-së, të pandehurit i vazhdohet masa e paraburgimit deri kur aktgjykimi të merre formën e prerë, por jo më shumë se koha e dënimit të shqiptuar në aktgjykim. Kundër këtij aktgjykimi, palët kanë të drejtë ankese në afat prej tridhjetë ditëve nga dita e pranimit të aktgjykimit në formë të shkruar. Ankesa i drejtohet Gjykatës së Apelit në Prishtinë, përmes Gjykatës Themelore të Ferizajt”, thuhet në komunikatë.

Sipas aktakuzës, më 28 maj 2022, rreth orës 00:53, në Ferizaj, në rrugën “Rexhep Bislimi”, përkatësisht para hyrjes së marketit “Euro Market”, i pandehuri Qëndrim Januzi, me dashje dhe përgatitje paraprake kishte privuar nga jeta tani të ndjerin G.H dhe me atë rast kishte vënë në rrezik edhe jetën e Maliq Latifit, i cili kishte qenë para hyrjes së marketit si dhe të personave tjerë brenda në market.

Vazhdo të lexosh

Kronika e zezë

Raportohen shtatë raste të dhunës brenda një dite

Rastet kanë ndodhur në Prishtinë, Pejë, Fushë Kosovë, Lipjan, Viti.

Publikuar

1 javë më parë

më

26 Prill, 2024

nga

Shtatë raste të dhunës në familje janë raportuar brenda 24 orëve në Kosovë. Viktimat të gjitha ishin femra, të cilat i kanë raportuar burrat për dhunë. Rastet kanë ndodhur në Prishtinë, Pejë, Fushë Kosovë, Lipjan e Viti.

Raportet e plota të Policisë:

Lipjan/25.04.2024 – 07:36. Viktima femër shtetase e huaj ka raportuar se ka pasur dhunë nga i dyshuari mashkull kosovar. Palët janë intervistuar dhe me urdhër të prokurorit rasti vazhdon në procedurë të rregullt hetimore.

Fushë Kosovë/25.04.2024 – 10:00. Është arrestuar i dyshuari mashkull kosovar pasi që pas një mosmarrëveshje dyshohet se kishte ushtruar dhunë ndaj viktimës femër kosovare. Pas intervistimit me urdhër të prokurorit kujdestar, i dyshuari është liruar në procedurë të rregullt.

Prishtinë/25.04.2024 – 13:00. Ankuesja femër kosovare ka raportuar se më datë 03.04.2024 i dyshuari mashkull e kishte dëbuar nga shtëpia e tyre. I dyshuari nuk është hasur ne lokacion, përderisa rasti është duke u hetuar.

Prishtinë/25.04.2024 – 12:30. Është arrestuar i dyshuari mashkull kosovar pasi që dyshohet se i njëjti kishte ushtruar dhunë ndaj viktimës femër kosovare. Pas intervistimit të palëve me urdhër të prokurorit kujdestar, i dyshuari është liruar në procedurë të rregullt.

Prishtinë/ 25.04.2024 – 1 2:30. Viktima femër kosovare ka raportuar se pas një mosmarrëveshje është sulmuar fizikisht nga i dyshuari mashkull kosovar. Viktima ka pranuar tretman mjekësor, ndërsa i dyshuari është intervistuar dhe me vendim të prokurorit është liruar.

Viti/ 25.04.2024 – 19:00. Viktima femër kosovare ka pranuar tretman mjekësor pasi që e njëjta pas një mosmarrëveshje dyshohet se është sulmuar fizikisht nga i dyshuari mashkull kosovar. Palët janë intervistuar dhe me vendim të prokurorit i dyshuari është arrestuar dhe dërguar në mbajtje .

Pejë/25.04.2024 – 13:12. Është arrestuar i dyshuari mashkull kosovar pasi që pas një mosmarrëveshje verbale dyshohet se kishte ushtruar dhunë fizike ndaj viktimës femër kosovare. Viktima nuk ka dëshiruar të marrë tretman mjekësor dhe pas intervistimit është kthyer në shtëpinë e saj. Me vendim të prokurorit kujdestar, i dyshuari është dërguar ne mbajtje./UBTNews/

Vazhdo të lexosh

Kronika e zezë

Në Viti u sekuestruan 300 kg duhan dhe 500 pako cigare

I dyshuari, një 47-vjeçar nga komuna e Vitisë, është dërguar në mbajtje për 48 orë.

Publikuar

1 javë më parë

më

25 Prill, 2024

nga

Në komunën e Vitisë, Policia e Kosovës ka ndaluar një automjet me targa vendore, në të cilin ka gjetur dhe sekuestruar 500 pako cigare të gatshme dhe 300 kg duhan të grirë refuz, të cilat dyshohet se i kishte kontrabanduar nga Maqedonia Veriore përmes rrugëve malore në fshatin Lubishtë të Vitisë.

Gjithsej janë sekuestruar 500 kg duhan me vlerë mbi 6.000 € ndërsa shmangiet doganore janë mbi 20.000€.

I dyshuari, një 47-vjeçar nga komuna e Vitisë, është dërguar në mbajtje për 48 orë./UBTNews/

Vazhdo të lexosh

Të kërkuara