Shëndet

4 arsye përse të flini gjumë pa ngrënë është një ide e keqe

Ka shumë arsye pse kjo nuk është e shëndetshme.

Published

4 years ago

on

Të qenit i uritur ka një efekt negativ në të mësuar dhe punuar dhe madje mund të shkaktojë depresion, thonë studiuesit. Shumë persona akoma mendojnë se të shkosh i uritur në shtrat është një ide e mirë sepse kjo mund t’ju ndihmojë të humbni peshë.

Por në fakt rezulton e kundërta!

4 arsyet e mëposhtme me gjasa do t’ju bindin përse duhet të hiqni dorë njëherë e mirë nga ky zakon i gabuar: 

Mund të humbisni masë muskulare 

Për ata që po përpiqen të fitojnë masë muskulore, të uriturit është një zgjedhje e keqe, sipas specialistëve. Ju mund ta kaloni darkën tuaj, por keni nevojë për lëndë ushqyese për të shndërruar proteinat në muskuj.

Mund të fitoni peshë

Po, mund të ketë efektin e kundërt! Studimet që promovojnë humbjen e peshës duke mos ngrënë para shtratit janë të diskutueshme. Pra, ana negative mund të jetë sepse anashkaloni vaktin tuaj dhe më pas hani shumë në mëngjes ose drekë, pasi jeni të uritur. Me fjalë të tjera, ushqimi bëhet dy herë më tërheqës dhe papritmas rrezikoni të hani më shumë. Në këtë rast, ka shumë të ngjarë të fitoni peshë.

Deklaratat e shpeshta se metabolizmi ynë është i ngadaltë gjatë natës është i diskutueshëm dhe nuk ka asnjë provë për ta mbështetur atë. Sidoqoftë, kjo nuk do të thotë që ju duhet të hani një pjesë të madhe pak para shtratit. Ngrënia e 2-3 orëve para se të flini është mirë, për sa kohë që është një vakt i shëndetshëm.

Mund të flini më keq 

Nëse doni të flini mirë, thjesht mos vdisni nga uria, sipas specialistëve. Kjo e fundit gjatë natës do t’ju stresojë edhe më shumë!

Mund të humbisni energji 

Nëse nuk hani, nuk keni “karburant” për t’ju mbajtur aktiv gjatë ditës. Ky është një rregull i vjetër. Eshtë shumë e rëndësishme të ndihemi mirë në mëngjes sepse duhet të shkojmë në punë dhe truri ynë duhet të jetë aktiv. Studiuesit kanë vërejtur se shumë efekte anësore të urisë mund të jenë të dëmshme, si lodhja dhe depresioni. Nëse vendosim të qëndrojmë të uritur një natë më parë dhe të zgjohemi me një humbje energjie dhe me humor të keq, kjo do të jetë e dëmshme për ju në punë./neps.al 

Related Topics:
Continue Reading

Shëndet

Kur është koha më e mirë për të pirë qumësht?

Published

52 minutes ago

on

November 10, 2025

By

Qumështi është një nga produktet më të konsumuar të bulmetit dhe një burim i rëndësishëm proteinash, kalciumi dhe vitaminash.

Megjithatë, koha kur e pini luan një rol të madh në mënyrën se si trupi përthith ushqyesit dhe përfitimet që merr prej tij.

Për më shumë proteina – pini qumësht në mëngjes

Nëse doni të merrni më shumë proteina, mëngjesi është momenti ideal. Gjatë këtij vakti, trupi ka nevojë për energji dhe ushqyes për të nisur ditën. Përveç proteinave, qumështi ofron edhe magnez, fosfor dhe vitamina që ndihmojnë metabolizmin dhe forcimin e kockave.

Para ose pas aktivitetit fizik

Nëse ushtroheni në mëngjes, pini qumësht për të furnizuar organizmin me proteina dhe kalcium. Këto elemente ndihmojnë në zhvillimin e muskujve dhe forcimin e kockave, duke përmirësuar rikuperimin pas stërvitjes.

Për ndjenjë ngopjeje më të gjatë

Nëse doni të ndiheni të ngopur më gjatë, pini qumësht në mëngjes. Ai ngadalëson urinë e ndihmon në mbajtjen e nivelit të qëndrueshëm të energjisë gjatë ditës. Nëse megjithatë qumështi ju shkakton fryrje ose parehati, pini në mbrëmje, kur sistemi tretës është më i qetë.

Për pagjumësinë dhe çlodhjen

Nëse keni vështirësi me gjumin, një gotë në mbrëmje është një zgjidhje natyrale. Ai përmban aminoacide që nxisin prodhimin e serotoninës, hormonit të qetësisë, duke ju ndihmuar të flini lehtë. Nëse ndiheni të lodhur, qumështi në mbrëmje ndihmon trupin dhe trurin të çlodhen.

Për tretje më të mirë

Për një tretje të shëndetshme, pini qumësht të ngrohtë, jo të ftohtë. Nxehtësia e lehtë ndihmon stomakun të përthithë ushqyesit. Megjithatë, mos e teproni me sasinë, 150 deri në 200 ml në ditë janë të mjaftueshme për të përfituar nga vlerat e tij pa e ngarkuar sistemin tretës.

Këshilla të vlefshme për përdorimin e qumështit

Mos e zieni apo ngrohni qumështin shpesh, sepse temperaturat e larta shkatërrojnë vlerat ushqyese.

Gjatë zierjes, përziejeni me lugë druri për të shmangur ngjitjen.

Përdorni temperaturë të ulët kur e ngrohni.

Pas ftohjes, ruajeni në frigorifer deri në përdorimin e radhës.

Ngrohja e qumështit duhet bërë në sobë, jo në mikrovalë, për të ruajtur cilësinë dhe shijen e tij.

Qumështi është aleat i rëndësishëm për shëndetin, por mënyra e koha e konsumimit ndikojnë në përfitimet që merrni. Duke e pirë në momentin e duhur, mund të përfitoni maksimalisht nga ky ushqim i vlefshëm për trupin dhe mendjen. /A.Z/UBT News/

Continue Reading

Shëndet

Dëgjimi me vetëm një kufje, një zakon i rrezikshëm për shëndetin e veshëve

Published

2 hours ago

on

November 10, 2025

By

Shumë njerëz zgjedhin të vendosin vetëm një kufje për të dëgjuar muzikë apo biseda, në mënyrë që me veshin tjetër të ndjekin çfarë ndodh përreth.

Por sipas ekspertëve, ky zakon mund të ketë pasoja serioze për dëgjimin dhe shëndetin e trurit.

Dëgjimi njëanësor prish ekuilibrin natyral të trurit

Studime të kryera në Universitetin e Harvardit dhe në Institutin Kombëtar të Shëndetit të SHBA tregojnë se veshët funksionojnë në sinkron.

Kur dëgjojmë vetëm me një vesh, ky balanc pritet, e truri duhet të punojë më shumë për të përpunuar tingujt. Si pasojë, shfaqen lodhje mendore, ulje e ndjeshmërisë dëgjimore dhe vështirësi në përcaktimin e drejtimit të zërit.

Grupet më të rrezikuara

Më të ekspozuar ndaj këtij problemi janë ata që përdorin kufje çdo ditë, si operatorët e qendrave të thirrjeve apo personat që dëgjojnë gjatë në një anë për shkak të vozitjes ose zakoneve të punës. Përdorimi i vetëm një kufjeje, e detyron trurin të kompensojë mungesën e informacionit auditiv nga ana tjetër – gjë që me kalimin e kohës mund të dëmtojë sistemin dëgjimor.

Truri është projektuar për dëgjim “stereofonik”

Sipas Organizatës Botërore të Shëndetësisë, truri ynë është ndërtuar për të perceptuar tingujt me të dy veshët njëkohësisht. Ky perceptim ndihmon në vlerësimin e distancës, drejtimit dhe intensitetit të zërit. Kur një vesh mbingarkohet, krijohet gjendje jo natyrale për sistemin nervor, e cila çon në simptoma si zhurmë konstante në vesh. ndjesi presioni, mjegullim dëgjimi apo edhe shurdhim të pjesshëm.

Veshët nuk funksionojnë si dy njësi të ndara, nëse njëri dëmtohet, edhe tjetri ndikohet automatikisht. Një raport i National Institute on Deafness and Other Communication Disorders tregon se dëgjimi i njëanshëm për 9-12 muaj mund të çojë në asimetri dëgjimore.

Efekte edhe mbi lëkurën e kokës

Dermatologët paralajmërojnë se kufjet e mëdha me jastëkë të ngushtë ose plastike mund të shkaktojnë irritim të lëkurës dhe rrallim lokal të flokëve për shkak të presionit dhe mungesës së ajrosjes. Rekomandohet ndryshimi periodik i pozicionit të kufjeve dhe kontrolli i lëkurës për shenja skuqjeje apo djegieje.

Të rinjtë – më të ndjeshëm ndaj dëmtimit

Fëmijët janë më të rrezikuar nga dëmtimi i dëgjimit për shkak të përdorimit të tepërt të kufjeve. OBSH vlerëson se mbi 1 miliard të rinj në botë rrezikojnë humbje të dëgjimit. Sipas CDC, 1 në 8 fëmijë të moshës 6–19 vjeç ka dëmtime të lehta nga ekspozimi i tepërt ndaj zërit.

Sa është niveli i sigurt i zërit?

OBSH dhe Agjencia Evropiane për Sigurinë e Punës rekomandojnë që volumi të mos kalojë 80 decibel (dB) për dëgjim afatgjatë. Tingujt mbi 100 dB mund të dëmtojnë qelizat e veshit të brendshëm brenda pak minutash.

Si të mbroni dëgjimin tuaj?

Përdorni gjithmonë të dy kufjet, për të ruajtur balancën natyrale të dëgjimit.

Mbajeni volumin nën 60% të kapacitetit të pajisjes.

Bëni pushime çdo 60 minuta dëgjimi.

Zgjidhni kufje që izolojnë zhurmën e jashtme, për të shmangur ngritjen e volumit.

Aktivizoni opsionin e kufizimit automatik të volumit, kur është i disponueshëm.

OBSH propozon rregullin “60/60” – maksimum 60 minuta dëgjim në ditë me 60% të volumit.

Dëgjimi është dhuratë e çmuar, por edhe delikate. Dëmtimet e tij janë shpesh të pakthyeshme. Kujdesi i përditshëm e shmangia e dëgjimit me vetëm një kufje janë hapa të thjeshtë, për të ruajtur shëndetin e veshëve dhe ekuilibrin e trurit për një kohë të gjatë. /A.Z/UBT News/

Continue Reading

Shëndet

5 gabime që bëjmë pas ngrënies së drekës

Published

2 days ago

on

November 8, 2025

By

Shumë prej nesh kanë zakone të zakonshme pas vakteve, por disa prej tyre nuk janë të shëndetshme për tretjen.

1. Konsumimi i frutave menjëherë pas buke

Të hash fruta direkt pas një vakti mund të shkaktojë fryrje barku, diarre ose kapsllëk. Frutat tretën më mirë kur stomaku është bosh, ndaj rekomandohet t’i konsumoni mes vakteve.

2. Pirja e ujit menjëherë pas ushqimit

Uji mund të hollojë lëngjet tretëse e pengojë tretjen e ushqimit. Më mirë pini ujë një orë para vakti ose një gotë në mëngjes me stomak bosh.

3. Shëtitja menjëherë pas vaktit

Pas ushqimit, stomaku ka nevojë për qetësi për të tretur ushqimin. Pritni 10-20 minuta, pastaj mund të bëni një shëtitje të lehtë për 30 minuta, veçanërisht e dobishme për personat obezë.

4. Banjë direkt pas ushqimit

Dushi pas vakti mund të reduktojë qarkullimin e gjakut në sistemin tretës dhe të dobësojë tretjen. Koha më e mirë për dush është një orë pas ngrënies ose para gjumit.

5. Gjumi menjëherë pas ushqimit

Fjetja direkt pas darkës mund të ngarkojë stomakun dhe të favorizojë depozitimin e yndyrës. Prisni të paktën 20 minuta pas vakti para se të shkoni në shtrat.

Lejoni kohë për tretje, pini ujë, lëvizni pas vakteve për të mbajtur sistemin tretës në gjendje të shëndetshme. /A.Z/UBT News/

 

 

Continue Reading

Shëndet

5 ushqime që njerëzit konsumojnë që nga kohët e lashta

Published

2 days ago

on

November 8, 2025

By

Në lashtësi, burimet ushqimore ishin të kufizuara, por njerëzit ishin të shkathët dhe gjenin mënyra për të ruajtur dhe përpunuar ushqimin.

Metoda si tharja, fermentimi dhe konservimi ndihmuan në parandalimin e prishjes së ushqimeve. Disa prej ushqimeve që shijojmë sot kanë rrënjë mijëra vjeçare.

1. Tortë djathi (Cheesecake)

Në Greqinë e lashtë, cheesecake konsiderohej delikatesë e shërbehej vetëm në festa. Atletët e Olimpiadës së parë (776 p.e.s.) besohet se e konsumonin për energji. Receta e parë e shkruar daton në vitin 230 të erës sonë nga autori grek Athenaeus. Më vonë, romakët ndryshuan recetat duke shtuar djathë të grimcuar dhe vezë, dhe në vitin 1000 torta u përhap në Evropën Perëndimore. Sot, cheesecake shijohet globalisht, me versionin më të famshëm në Nju Jork.

2. Çokollata

Kakaoja përdorej që nga 1500 p.e.s. nga civilizimi Olmec dhe më pas nga Majat, si pjesë e pijeve ceremoniale dhe madje si monedhë tregtie. Në vitin 1828, kimisti holandez Coenraad Johannes van Houten zhvilloi pluhurin e kakaos, duke mundësuar prodhim më të lirë dhe popullaritet të rritur. Sot, Zvicra kryeson konsumin e çokollatës, me mbi 8 kg për person në vit.

3. Mjalti

Mjalti është përdorur për mijëra vjet si ushqim e qëllime shëndetësore. Vizatim shkëmbor paleolitik tregon mbledhjen e mjaltit që nga 40,000 vjet më parë, ndërsa prova arkeologjike nga 3,500 vjet më parë tregon përdorimin e qeramikës për ruajtjen dhe përpunimin e dyllit të bletës. Ai është një ushqim jashtëzakonisht i qëndrueshëm falë përbërjes së tij natyrore.

4. Petulla

Kanë histori mijëra vjeçare. Analiza e mjeteve të bluarjes 30,000 vjeçare tregon se petullat gatuaheshin gjatë epokës së gurit. Romakët përdornin miell gruri e vaj, ndërsa analiza e stomakut të “Otzi Njeriut të Akullit” tregon se konsumonte version të hershëm të petullave.

5. Kokoshka

Kokoshkat erdhën nga misri i ngrohur deri në shpërthim, dhe kultivoheshin nga popujt indigjenë që rreth 5,000 p.e.s. Në fillim përdorej si ushqim i zakonshëm, veçanërisht për mëngjes. Sot, misri i kokoshkave përbën një pjesë të madhe të prodhimit global dhe është një nga ushqimet më të njohura të shijshme dhe të lehta për të konsumuar.

Këto ushqime tregojnë se kreativiteti i njerëzve për të përpunuar dhe ruajtur ushqimin ka ekzistuar që nga kohët e lashta dhe disa prej tyre vazhdojnë të jenë pjesë e përditshmërisë sonë. /A.Z/UBT News/

 

 

Continue Reading

Të kërkuara