Lajmet

Epilogu i papritur: Blerina Rogova-Gaxha e vetmja e suksesshme në konkursin e drejtorit të Bibliotekës Kombëtare të Kosovës

Published

on

Procesi pesëmujor për zgjedhjen e drejtorit të Bibliotekës Kombëtare të Kosovës po përfundon me një epilog të papritur. Fillimisht, konkursi nisi me 13 kandidatë të cilët aplikuan për pozitën e drejtorit, por vetëm shtatë prej tyre arritën të kalonin fazën e parë të testit me shkrim. Për shkak të kritereve të larta, asnjëri prej këtyre shtatë kandidatëve nuk arriti të arrinte pikën minimale për të kaluar në fazën e dytë të seleksionimit.

Në fazën e dytë, dhjetë kandidatë u konsideruan të kualifikuar për të vazhduar më tej, pasi plotësuan kriteret e konkursit sipas njoftimit të verifikimit paraprak të datës 21 mars. Konkursi u mbajt nga 9 shkurti deri më 9 mars, ndërsa disa nga kandidatët si Defrim Gashi, Murteza Osdautaj dhe Samir Sallahu nuk arritën të shkojnë në test. Disa kandidatë të tjerë si Akif Shkreta, Flamur Maloku dhe Ismail Gagica ishin refuzuar që në fazën fillestare të seleksionimit.

Në konkursin e dytë, Blerina Rogova – Gaxha ishte e vetmja kandidate që arriti të kalonte testin me shkrim, duke arritur të kalonte pragun që ishte mbi 50 pikë, që ishte pragu minimal për këtë fazë. Kjo e bëri të përshtatshme për vlerësimin dhe shqyrtimin më të thelluar për pozitën e drejtorit të Bibliotekës Kombëtare të Kosovës.

Procesi i intervistimit të saj u mbajt të enjten para Këshillit Drejtues të Bibliotekës Kombëtare të Kosovës, ndërsa pritet që Ministria e Kulturës të bëjë një njoftim zyrtar për zyrtarizimin e saj si drejtoreshë e re e Bibliotekës.

Në biografinë e saj, Rogova-Gaxha renditet si fituese e disa çmimeve ndërkombëtare për letërsinë, duke përfshirë “Crystal Vilenica Award” në Slloveni në vitin 2015 dhe Çmimin Kombëtar për veprën më të mirë në poezi në Kosovë në vitin 2020. Ajo gjithashtu ka prezantuar punën e saj në festivale të letërsisë dhe ka qenë e ftuar në rezidencat e shkrimtarëve ndërkombëtarë në Vjenë, Split dhe Novo Mesto.

Fazli Gajraku, drejtori i mëparshëm i Bibliotekës Kombëtare të Kosovës, qëndroi në detyrë për dy mandate të mëparshme, por nuk arriti të kalonte testin për të qenë kandidat për një mandat të tretë. Ky ndryshim në drejtimin e bibliotekës vjen në një moment të rëndësishëm për zhvillimin kulturor dhe akademik në Kosovë.

Theksohet nga Koha Ditore, se procedurat e konkursit janë bërë në përputhje me Ligjin për Bibliotekat, ku kandidatët duhet të plotësojnë kritere të rëndësishme akademike dhe profesionale për të qenë të përshtatshëm për pozitën e drejtorit të këtij institucioni kulturor të rëndësishëm në Kosovë. Kriteret për pozitën e drejtorit të Bibliotekës Kombëtare të Kosovës përfshijnë diplomë universitare në disa fusha specifike si Fakulteti i Arteve, Filologjik dhe Filozofik, së paku gjashtë vjet përvojë pune profesionale, duke përfshirë së paku tre vjet në pozita drejtuese. Mandati është katërvjeçar me mundësi të rinominimit.

Detyrat dhe përgjegjësitë e drejtorit përfshijnë udhëheqjen, organizimin dhe mbikëqyrjen e veprimtarisë dhe funksionimit të bibliotekës, propozimin e planeve vjetore dhe financiare për Këshillin Drejtues, raportimin dhe përgjigjen ndaj Këshillit Drejtues, pjesëmarrjen në mbledhjet e Këshillit Drejtues pa të drejtë vote, përfaqësimin e bibliotekës brenda dhe jashtë vendit, si dhe ushtrimin e detyrave dhe autorizimeve të tjera në përputhje me ligjin në fuqi.

Kurse sipas burimeve të siguruara nga Koha Ditore mësohet se testi përfshinte pyetje nga fusha e letërsisë, juridikut dhe drejtshkrimit. Testi kishte detyra për korrigjim të gabimeve drejtshkrimore dhe për përdorimin e fjalëve në fjali./UBTNews/

 

 

 

 

Lajmet

Helmohen disa nxënës të një shkolle në Vitomiricë të Pejës, gjashtë prej tyre morën trajtim mjekësor

Published

on

By

Disa nxënës të shkollës së mesme të ulët “7 Shtatori” në fshatin Vitomiricë të Pejës, dyshohet se janë helmuar gjatë ditës së hënë në një lokal në afërsi të shkollës.

Gjashtë prej tyre kanë marrë trajtim mjekësor në Qendrën e Mjekësisë Familjare në Pejë dhe pastaj janë liruar për në shtëpi.

Rastin e ka konfirmuar zëdhënësi i Policisë në rajonin e Pejës, Fadil Gashi, i cili tha se Policia e Rajonit të Pejës menjëherë ka marrë veprimet e duhura dhe ka intervistuar drejtorin e shkollës.

Gashi ka bërë të ditur se është njoftuar edhe Prokurori i Shtetit lidhur me rastin, i cili ka udhëzuar hetuesit që të vazhdojnë hetimin e rastit.

Gjatë ditës së djeshme, policia është njoftuar rreth orës 10 të mëngjesit se disa nxënës të Shkollës së Mesme të Ulët “7 Shtatori” në Vitomiricë, dyshohet se janë helmuar nga ushqimi që kanë konsumuar në një lokal në afërsi të shkollës. Policia menjëherë ka marrë veprimet dhe është intervistuar drejtori i shkollës i cili deklaron se diku në orët e paradites disa nxënës dyshohet se janë helmuar, gjashtë prej tyre janë dërguar në Qendër të Mjekësisë Familjare për tretman mjekësor dhe pastaj janë liruar për në shtëpi. Lidhur me rastin është njoftuar Prokurori i Shtetit i cili ka udhëzuar hetuesit që të vazhdojnë me hetimin e rastit, ende nuk është cilësuar vepra si helmim’’, tha Gashi.

Kjo ngjarje sipas hulumtimeve të prokurorisë dhe policisë së vendit ende nuk është cilësuar si helmim./KP

Continue Reading

Lajmet

Dogana e Kosovës shënon rritje të sekuestrimit gjatë muajit tetor

Published

on

By

Dogana e Kosovës ka realizuar një performancë gjatë muajit tetor, duke shënuar një rritje të konsiderueshme të aktiviteteve operacionale.

Në njoftim theksohet se vetëm gjatë gjysmës së parë të tetorit, janë sekuestruar mallra me vlerë mbi 250,000 euro, përfshirë substanca narkotike, municion, monedha dhe dekorata koleksionuese prej bakri, pajisje elektronike, produkte farmaceutike, suplemente, kozmetikë, instrumente mjekësore, tekstil, pije, duhan dhe municion.

Këto veprime, sipas njoftimit, dëshmojnë angazhimin e Doganës për zbatimin e ligjit dhe mbrojtjen e interesit publik, duke parandaluar rrezikimin e ekonomisë dhe shëndetit të qytetarëve nga mallrat e paligjshme.

Po ashtu, Dogana e Kosovës ka arritur të mbledhë 1.5 miliardë euro deri në mesin e muajit tetor 2025, duke regjistruar një rritje prej 8.8% krahasuar me të njëjtën periudhë të vitit të kaluar, që përbën 122 milionë euro më shumë të hyra të inkasuara./EO

Continue Reading

Rajoni

Begaj i kërkon Vietnamit ta njoh pavarësinë e Kosovës

Published

on

By

Presidenti i Republikës së Shqipërisë, Bajram Begaj pranoi sot Letrat Kredenciale nga Ambasadorja e Republikës Socialiste të Vietnamit në Republikën e Shqipërisë, Pham Thi Thu Huong.

Kreu i Shtetit vlerësoi marrëdhëniet e mira dhe tradicionale që ekzistojnë midis dy vendeve tona prej 75 vitesh, duke nënvizuar nevojën për intensifikimin e kontakteve politike, ekonomike dhe kulturore.

Presidenti Begaj theksoi se Shqipëria do ta mirëpriste një rishikim të qëndrimit të Vietnamit lidhur me njohjen e Republikës së Kosovës dhe mbështetjen e anëtarësimit të saj në organizata ndërkombëtare, duke nënvizuar se Kosova është një realitet i pakthyeshëm në Ballkanin Perëndimor./EO

Continue Reading

Lajmet

Rektori Hajrizi, pritet zyrtarisht nga Kryetari i Komunës së Braga-s në Portugali

Published

on

Profesor Edmond Hajrizi, në Portugali, u prit zyrtarisht nga Kryetari i Komunës së Braga, zt. Ricardo Rio. Kjo vizitë shënon një hap të rëndësishëm në përpjekjet e UBT-së për ndërkombëtarizim dhe inkurajimin e bashkëpunimeve në nivele evropiane.

Braga, si një nga qytetet më të rëndësishme dhe më të vjetra në Portugali, ofron një potencial të madh për zhvillim, ku UBT mund të angazhohet drejtpërdrejt në projekte inovative për mobilitetin e së ardhmes.

Gjatë qëndrimit në Braga, Rektori Hajrizi pritet të nënshkruajë një marrëveshje bashkëpunimi me Universitetin Rajonal Minho, me theks të veçantë në akreditimet e përbashkëta në fushën e mjeksisë. Gjithashtu, programi i vizitës do të përfshijë takime në Politeknikun Braga, InvestBraga, si dhe me drejtuesit e Asociacionit të Ndërmarrësisë Minho, duke forcuar kështu lidhjet dhe mundësitë e bashkëpunimit në të gjitha nivelet.

Continue Reading

Të kërkuara