Sindikata e lartë industriale gjermane, IG Metall do të kërkojë një rritje pagash prej 7% gjatë një periudhe 12-mujore nga Volkswagen. Negociatat për paga do të fillojnë në muajin tetor.

Bisedimet kanë të bëjnë me një marrëveshje kolektive për rreth 120 mijë punonjës në gjashtë vende të kompanive në shtetet e Saksonisë së Poshtme dhe Saksonisë Anhalt, përfshirë Wolfsburgun, ku ka selinë e Volkswagenit, shtoi IG Metall.

IG Metall në fillim të kësaj jave këshilloi anëtarët e saj të kërkojnë gjithashtu një rritje prej 7% në një raund më të gjerë të negociatave kolektive për sektorin e inxhinierisë mekanike që nuk përfshin VW, shumë mbi normën aktuale të inflacionit./UBTNews/

Japonia ka vendosur kufizime tregtare kundër firmave në Kinë, Indi, Kazakistan dhe Uzbekistan për mbështetjen e tyre të supozuar për luftën e Rusisë kundër Ukrainës.

Këto janë saksionet e para të cilat u vendosën nga Ministria e Punëve të Jashtme të Japonisë për kompanitë kineze, të cilat dyshohet se kanë lidhje me luftën.

Sipas këtyre sanksioneve, kompanive japoneze u ndalohet të eksportojnë mallra nga firmat e sanksionuara, sikurse Asia Pacific Links Ltd me bazë në Hong Kong dhe Yilufa Electronics Limited, me bazë në Shenzhen.

Sanksionet erdhën në periudhën kur Japonia dhe Koreja e Jugut sanksionuan muajin e kaluar kompani dhe individë të akuzuar për furnizimin e Rusisë me armë për përdorim në Ukrainë./UBTNews/

Administrata e presidentit amerikan, Joe Biden, ia ka ndaluar kompanisë ruse, Kasperky, ofrimin e produkteve të famshme antivirus, për shkak të shqetësimeve të sigurisë.

“Kasperskyt në përgjithësi nuk do t’i lejohet që mes aktiviteteve të tjera, të shesë softuerin e tij brenda Shteteve të Bashkuara ose të sigurojë përditësime të softuerit tashmë në përdorim”, thuhet në një deklaratë të departamentit të tregtisë.

Njoftimi erdhi pas një hetimi i cili zbuloi se “operacionet e vazhdueshme të Kasperskyt në Shtetet e Bashkuara paraqesin rrezik të sigurisë kombëtare për shkak të aftësive kibernetike sulmuese të qeverisë ruse dhe kapacitetit për të ndikuar ose drejtuar operacionet e Kasperskyt”./UBTNews/

Nvidia u bë kompania më e vlefshme në botë pasi çmimi i aksioneve të saj u rrit në nivelin më të lartë të të gjitha kohërave të martën.

Aksioni e mbylli ditën e tregtimit me afro 136 dollarë, duke u rritur 3.5%, duke e bërë atë më të vlefshëm se Microsoft. Kompania e kaloi Apple në fillim të këtij muaji.

Kompania amerikane Nvidia prodhon çipa kompjuterikë të nevojshëm për softuerin e inteligjencës artificiale (AI) dhe kërkesa për produktet e saj ka rritur shitjet dhe fitimet e saj gjatë viteve të fundit.

Shumë investitorë besojnë se fitimet e saj mund të rriten edhe më shumë, gjë që ka bërë që çmimi i aksionit të saj të rritet, megjithëse disa e kanë vënë në pikëpyetje vlerësimin e saj të lartë.

Kjo konkurrencë përfiton nga Nvidia, e cila dominon shumicën dërrmuese të tregut të çipave AI./UBTNews/